📚 Qashqadaryo viloyatida xizmat safari boshlandi

Oʻzbekiston Milliy kutubxonasi direktori Umida Teshabayeva, direktor o‘rinbosari Alimardon Raxmonov hamda bir qator xizmat rahbarlari ishtirokida Qashqadaryo viloyatiga xizmat safari amalga oshirildi.

Safar davomida Yakkabog‘ tuman axborot-kutubxona markazi, Qamashi tuman axborot-kutubxona markazi hamda ko‘zi ojizlar uchun ixtisoslashtirilgan kutubxonada o‘rganish ishlari olib borildi.

O‘rganish jarayonida quyidagi yo‘nalishlarga alohida e’tibor qaratildi:
Axborot-kutubxona fondlariga ishlov berish tartibi va holati, foydalanuvchilar qatnovi va ularga xizmat ko‘rsatish sifati, foydalanuvchilarni ro‘yxatga olish hamda abonement xizmati faoliyati
fondlarni inventarizatsiyadan o‘tkazish jarayoni, axborot-kutubxona markazlari faoliyatining tahliliy darajasi va uning tartibga solinganligi, Axborot-kommunikatsiya texnologiyalari xizmatining bugungi holati, Kompyuter texnikalari bilan ta’minlanganlik va ularga xizmat ko‘rsatish sifati


O‘rganish natijasida mavjud yutuqlar bilan bir qatorda ayrim kamchiliklar ham aniqlandi hamda ularni bartaraf etish bo‘yicha tegishli tavsiyalar berildi.

📈 Axborot-kutubxona markazlari faoliyatini yanada rivojlantirish, xizmatlar sifatini oshirish hamda zamonaviy axborot texnologiyalarini keng joriy etish masalalari ustuvor vazifa sifatida belgilandi.

#Kitobsevar_millat

✅2026-yil 15-aprel kuni O‘zbekiston Milliy kutubxonasida “Kitobsevar millat” shiori ostida o‘tkazilayotgan VI Respublika “Kitobxonlik haftaligi” doirasida Mirzo Ulug‘bek tumani 35-umumta’lim maktabining o‘quvchilari ishtirokida “Ona tabiatni asraylik!” mavzusiga bag‘ishlangan mahorat darsi bo‘lib o‘tdi.

🪴 Kutubxona mutaxassislari o‘quvchilarga atrof-muhitni muhofaza qilishning ahamiyati, tabiiy xilma-xillik, o'simlik va hayvonot dunyosining muhofaza qilinadigan turlari va ularni qanday asrash haqida ma'lumot berishdi.

🪴 Ushbu tadbirning maqsadi yosh avlodni tabiatni muhofaza qilishga, unga nisbatan mehr-shafqatli bo'lishga, ona Yerimiz va tabiatni sevishga va himoya qilishga, shuningdek, uning resurslaridan oqilona foydalanishga o'rgatishdir.

🪴 Kutubxona mutaxassislari o‘quvchilarga ularning fikrlash va izlanishlarini rag'batlantirish, tabiat haqidagi bilimlarini va atrofdagi dunyoga bo'lgan munosabatini tekshirish maqsadida turli savollar berishdi. O'z navbatida, o‘quvchilar savollarga faol javob berishdi va ona tabiatga nisbatan munosabatlarini izhor etishdi.

🪴 Mahorat darsi so‘ngida o‘quvchilar barchani tabiatni muhofaza qilishga, ona tabiatni asrashga chaqiradigan rasmlar chizishdi.

📱Rasmiy sahifalarimizga obuna bo‘ling!
Telegram l Instagram l YouTube l Facebook l Twitter l Website

#Kitobsevar_millat

✅ 2026-yil 15-aprel kuni O‘zbekiston Milliy kutubxonasida “Kitobsevar millat” shiori ostida o‘tkazilayotgan VI Respublika “Kitobxonlik haftaligi” doirasida Mirzo Ulug‘bek tumani 35-umumta’lim maktabining o‘quvchilari ishtirokida “Zakovatli yoshlar — yurt tayanchi” shiori ostida “Zakovat” intellektual oʻyini o‘tkazildi.

🏵 Tashkil etilgan o‘yinda iqtidorli o‘quvchilardan tuzilgan jamoalar o‘z bilimlarini sinovdan o‘tkazdilar. Eng muhimi, ushbu intellektual o‘yin qatnashchilarga nafaqat bilim va tafakkurni sinovdan o‘tkazish, balki tez va to‘g‘ri xulosa chiqarish, jamoa bo‘lib ishlash va bir-birini fikrini hurmat qilish tajribasini orttirish imkonini yaratdi.

🏆 Do‘stona raqobat ruhida o‘tgan musobaqa yakunida g‘olib va sovrindorlar aniqlandi. Mazkur jamoalar O‘zbekiston Milliy kutubxonasi tomonidan esdalik sovg‘alari bilan taqdirlandi.

❗️ Bunday tadbirlar yoshlar ko‘proq bilim olishda, barcha sohalarga oid kitoblarga qiziqishda, badiiy adabiyot bo‘yicha o‘z bilimlarini mustahkamlashda muhim ahamiyat kasb etadi.

📱Rasmiy sahifalarimizga obuna bo‘ling!
Telegram l Instagram l YouTube l Facebook l Twitter l Website