Qashqadaryo viloyati axborot-kutubxona markazlariga boʻlgan xizmat safari davom etmoqda

Bugun ham O‘zbekiston Milliy kutubxonasining bir qator xizmat rahbarlari hamda direktor o‘rinbosari Alimardon Raxmonov ishtirokida Qashqadaryo viloyatida xizmat safari davom ettirildi

Mazkur safar doirasida Qarshi tumani va Koson tumani axborot-kutubxona markazlari faoliyati o‘rganildi.

Jarayonda fondlarga ishlov berish, foydalanuvchilarga xizmat ko‘rsatish, ro‘yxatga olish va abonement tizimi, shuningdek, axborot-kommunikatsiya texnologiyalari holati hamda kompyuter texnikalaridan foydalanish darajasi ko‘zdan kechirildi.

Aniqlangan holatlar yuzasidan tegishli tavsiyalar berilib, xizmat sifatini yanada oshirish bo‘yicha vazifalar belgilandi.

📱Rasmiy sahifalarimizga obuna bo‘ling!
Telegram l Instagram l YouTube l Facebook l Twitter l Website

#Kitobsevar_millat

✅2026-yil 16-aprel kuni O‘zbekiston Milliy kutubxonasida “Kitobsevar millat” shiori ostida o‘tkazilayotgan VI Respublika “Kitobxonlik haftaligi” doirasida "Adabiyot" nashriyotida "So‘zmunchoq" rukni ostida chop etilgan kitoblar taqdimoti bo‘lib o‘tdi

📚 Tadbir O‘zbekiston Yozuvchilar uyushmasi hamda “Asakabank” tashabbusi bilan tashkil etilgan bo‘lib, unda O‘zbekiston Yozuvchilar uyushmasi aʼzolari Sayfiddin Okanovning "Toshloq ko‘chalar", Bahodir Bahromning “Gulimoh”, Iroda Umarovaning "Garashalik ko‘ngil", Anvar Botirning "Uch", Navoiylik Alisherning "Burch", Yulduz O‘rmonovaning "Axtarim", Bobur Elmurodovning "Tajohul ul-Orif", Ravshan Haqmurodning "Hadik" va Nargiza Asadovaning "Qushlar salovati" kitoblari taqdimoti bo‘lidi.

📚 Taqdimot marosimida so‘zga chiqqanlar
"So‘zmunchoq"
loyihasining mohiyati, uning g‘oyasi va yosh ijodkorlarni rag‘batlantirishdagi ahamiyati haqida so‘zladilar. Bildirilgan samimiy istaklar, yuksak ishonch va ilhombaxsh muhit yosh shoirlarni yanada mehnat qilishga rag‘batlantirgani tabiiy.

📚"So‘zmunchoq" rukni ostida chop etilgan kitoblar bilan tanishar ekansiz, yosh shoirlar ijodining rangba-rangligi, she'rlar jamiyatimizning barcha sohalariga dahldorligi, dolzarb mavzularning poetik mahorat bilan e'tirof etilganligi, yurtimiz jamoli kuchli his-hayajon va katta mehr bilan tarannum etilganligini anglaysiz.

📚O‘zbekiston Milliy kutubxonasi ham “So‘zmunchoq” loyihasi sovrindorlariga kelajakda ijodiy parvozlar, ulkan zafarlar va keyingi loyihalar orqali keng kitobxonlar ommasiga tanilib borishni tiladi.

📱Rasmiy sahifalarimizga obuna bo‘ling!
Telegram l Instagram l YouTube l Facebook l Twitter l Website

#Kitobsevar_millat

2026-yil 16-aprel kuni O‘zbekiston Milliy kutubxonasida “Kitobsevar millat” shiori ostida o‘tkazilayotgan VI Respublika “Kitobxonlik haftaligi” doirasida “Kutubxonachilik sohasida mualliflik huquqini himoya qilish” mavzusida amaliy-seminar bo‘lib o‘tdi.

📝 Seminar dolzarb va nozik masala, ya'ni kutubxonachilikda mualliflik huquqidan foydalanish masalasiga bag‘ishlandi.

📝

Kutubxonalarda mualliflik huquqini himoya qilish O‘zbekiston Respublikasining "Mualliflik huquqi va turdosh huquqlar to‘g‘risida"gi Qonuni hamda "Axborot-kutubxona faoliyati to‘g‘risida"gi Qonun (O‘RQ-280) asosida tartibga solinadi. Asosiy choralar fondlarni qonuniy shakllantirish, raqamli resurslarni himoyalash va nusxalashda qonuniy chegaralarga rioya qilishni o‘z ichiga oladi.

📝 Adliya vazirligi Intellektual mulk departamenti mutaxassisi Sharofiddin Abdumalikov kitoblarning raqamli nusxalarini taqdim etishga qo‘yilgan qonuniy cheklovlar haqida, ya'ni raqamli nusxa vaqtincha bepul foydalanish uchun faqatgina kutubxona binosida taqdim etilishi, nusxa ko‘chirish imkoniyati istisno qilinishi kerakligi haqida ma'lumot berdi.

📝 Shuningdek, axborot-kutubxona mutaxassislariga elektron resurslarning haqiqiyligini tasdiqlash uchun raqamli texnologiyalardan foydalanish, "Mualliflik huquqini himoya qilish belgisi" bo‘yicha umumiy talablar va rasmiylashtirish qoidalariga rioya qilish, kitoblarni fondga kiritishda mualliflik huquqi buzilmasligini ta’minlash, kitoblarni raqamlashtirishda qonuniy belgilangan hajmlardan oshib ketmaslik, kitobxonlar orasida mualliflik huquqi bo‘yicha targ‘ibot ishlarini olib borish tavsiya etildi hamda bu sohada yo‘l qo‘yilgan qonunbuzarliklar maʼmuriy javobgarlik toʻgʻrisidagi kodeksning tegishli moddalari bilan tartibga solinishi aytildi.

📱Rasmiy sahifalarimizga obuna bo‘ling!
Telegram l Instagram l YouTube l Facebook l Twitter l Website