Toshkent davlat agrar universiteti Axborot-resurs markazida “Xalqaro kitob festivali” bo‘lib o‘tdi

Mazkur festival mamlakatimizda kitobxonlik madaniyatini rivojlantirish, nashriyot sohasi vakillari o‘rtasida hamkorlikni mustahkamlash hamda yoshlar orasida mutolaa madaniyatini keng targ‘ib etishga xizmat qildi.

Tadbirda mahalliy va xorijiy nashriyotlar, yozuvchi va shoirlar, rassomlar, san’at ixlosmandlari hamda ko‘plab kitobsevarlar ishtirok etdi. Festival doirasida yangi kitoblar taqdimoti, ijodiy uchrashuvlar, mualliflar bilan muloqotlar, seminar va mahorat darslari, ko‘rgazma-yarmarkalar tashkil etildi.

Shuningdek, ushbu nufuzli xalqaro festivalda Milliy kutubxona xodimlari ham faol ishtirok etib, o‘z tajribalari bilan o‘rtoqlashdilar hamda kitobxonlikni targ‘ib qilishga o‘z hissalarini qo‘shdilar.

📱Rasmiy sahifalarimizga obuna bo‘ling!
Telegram l Instagram l YouTube l Facebook l Twitter l Website

#Kitobsevar_millat
2026-yil 17-aprel kuni O‘zbekiston Milliy kutubxonasida “Kitobsevar millat” shiori ostida o‘tkazilayotgan VI Respublika “Kitobxonlik haftaligi” doirasida “Kitob – tafakkur manbai, gadjetlar – vosita: tanlov qay biri tarafda?” mavzusida interaktiv tadbir bo‘lib o‘tdi.

Tadbir Markaziy Osiyo atrof-muhit va iqlim o‘zgarishini o‘rganish universiteti Green University talabalari tomonidan tashkil etilib, kitobxonlarning an’anaviy va elektron kitoblarga munosabatini o‘rganish, ularni faol muloqotga jalb qilish hamda kreativ fikrlashni rivojlantirishga qaratildi.

Dastur ikki qismdan iborat bo‘ldi: birinchi qismda ishtirokchilar guruhlarga bo‘linib, mashhur asarlar uchun kreativ muqova yaratish bo‘yicha bellashdilar. Ikkinchi qismda esa “Kitob sudda” nomli bahs tashkil etilib, kitob va gadjetlar o‘rtasidagi o‘rin va ahamiyat qizg‘in muhokama qilindi.

📱Rasmiy sahifalarimizga obuna bo‘ling!
Telegram l Instagram l YouTube l Facebook l Twitter l Website