📚 Andijon viloyatida madaniyat va kutubxona tizimi faoliyati o‘rganilmoqda
O‘zbekiston Respublikasi Prezidenti Administratsiyasining tegishli topshirig‘iga asosan, joriy yilning 1–3-iyun kunlari Andijon viloyatidagi madaniyat va axborot-kutubxona muassasalari faoliyatini o‘rganish ishlari olib borildi.

Jumladan, Andijon viloyati axborot-kutubxona markazi, Andijon viloyati Ko‘zi ojizlar kutubxonasi, Ulug‘nor tuman axborot-kutubxona markazi, Shahrixon tuman axborot-kutubxona markazi, Shahrixon Ko‘zi ojizlar kutubxonasi hamda Bo‘ston tumanidagi shaxsiy kutubxonalar faoliyati tahlil qilindi.

Mazkur o‘rganishlar madaniyat va san’at muassasalari, axborot-kutubxona markazlari hamda ko‘zi ojizlar uchun maxsus kutubxonalar faoliyatini baholash, mavjud muammolarni aniqlash va tizim faoliyatini yanada takomillashtirish maqsadida amalga oshirilmoqda.

O‘rganish jarayonlarida O‘zbekiston Milliy kutubxonasi direktori o‘rinbosari Nasiba Xoldorova bevosita ishtirok etib, muassasalar faoliyati bilan yaqindan tanishdi hamda tegishli tavsiya va takliflar berdi.

Mintaqaviy ishchi guruhlar tomonidan respublikaning barcha hududlarida o‘rganish ishlari davom ettirilmoqda. Mazkur monitoring natijalari asosida soha faoliyatini yanada rivojlantirish va xizmatlar sifatini oshirish bo‘yicha tegishli chora-tadbirlar ishlab chiqiladi.

📱Rasmiy sahifalarimizga obuna bo‘ling
Telegram l Instagram  YouTube l Facebook l Twitter l Website

Кўзи ожизлар жамияти учун замонавий мажмуа қурилиши режалаштирилмоқда

Наманган шаҳар Равнақ маҳалласида жойлашган вилоят “Кўзи ожизлар жамияти” учун замонавий маъмурий бино ҳамда махсус кутубхона қуриш бўйича таклиф этилаётган лойиҳалар билан шаҳар ҳокими Аюбхон Камалов бошчилигидаги ишчи гуруҳ яқиндан танишди.

Лойиҳалар тақдимоти давомида биноларнинг қулайлиги, замонавий талабларга жавоб бериши, айниқса, ногиронлиги бўлган шахслар учун яратиладиган шарт-шароитлар алоҳида муҳокама қилинди. Шунингдек, янги мажмуада барча зарур инфратузилма ва имкониятларни жорий этиш юзасидан масъулларга тегишли кўрсатмалар берилди.

Мавжуд эски маъмурий бинoни бузиш ва ҳудудни қурилиш ишларига тайёрлаш бўйича ҳам масъул ташкилотларга аниқ топшириқлар юклатилди.

Наманган шаҳар ҳокимлиги Матбуот хизмати
___________

Ko‘zi ojizlar jamiyati uchun zamonaviy majmua qurilishi rejalashtirilmoqda

Namangan shahar Ravnaq mahallasida joylashgan viloyat “Ko‘zi ojizlar jamiyati” uchun zamonaviy ma’muriy bino hamda maxsus kutubxona qurish bo‘yicha taklif etilayotgan loyihalar bilan shahar hokimi Ayubxon Kamalov boshchiligidagi ishchi guruh yaqindan tanishdi.

Loyihalar taqdimoti davomida binolarning qulayligi, zamonaviy talablarga javob berishi, ayniqsa, nogironligi bo‘lgan shaxslar uchun yaratiladigan shart-sharoitlar alohida muhokama qilindi. Shuningdek, yangi majmuada barcha zarur infratuzilma va imkoniyatlarni joriy etish yuzasidan mas’ullarga tegishli ko‘rsatmalar berildi.

Mavjud eski ma’muriy binoni buzish va hududni qurilish ishlariga tayyorlash bo‘yicha ham mas’ul tashkilotlarga aniq topshiriqlar yuklatildi.

Namangan shahar hokimligi Matbuot xizmati

Sayt | Telegram | Facebook | Instagram | X | YouTube

📚 “Yangi O‘zbekiston — ma’rifatli jamiyat” shiori ostida Kitobxonlik festivali bo‘lib o‘tdi

Ishtixon tuman markazidagi Ustozlar xiyobonida o‘tkazilgan Kitobxonlik festivali yuzlab kitobsevarlar, ijodkorlar va zakovat ixlosmandlarini bir maydonga jamladi.Festival davomida aholi, ayniqsa yoshlarning kitobga bo‘lgan qiziqishini oshirish, mutolaa madaniyatini targ‘ib etish hamda ma’naviy-ma’rifiy muhitni yanada mustahkamlashga qaratilgan qator loyihalar, tanlovlar, ijodiy uchrashuvlar va intellektual bellashuvlar tashkil etildi.

Festivalda O‘zbekiston Milliy kutubxonasi direktori Umida Teshabayeva ishtirok etib, kitobxonlikni rivojlantirish, yoshlar o‘rtasida mutolaa madaniyatini yuksaltirish va kutubxona xizmatlarini takomillashtirish borasidagi fikr-mulohazalari bilan o‘rtoqlashdi.

Festival doirasida kitob ko‘rgazmalari, yangi nashrlar taqdimotlari, adabiy-badiiy chiqishlar hamda faol kitobxonlarni taqdirlash marosimlari o‘tkazildi.