📚 “Yangi O‘zbekiston — ma’rifatli jamiyat” shiori ostida Kitobxonlik festivali bo‘lib o‘tdi

Ishtixon tuman markazidagi Ustozlar xiyobonida o‘tkazilgan Kitobxonlik festivali yuzlab kitobsevarlar, ijodkorlar va zakovat ixlosmandlarini bir maydonga jamladi.Festival davomida aholi, ayniqsa yoshlarning kitobga bo‘lgan qiziqishini oshirish, mutolaa madaniyatini targ‘ib etish hamda ma’naviy-ma’rifiy muhitni yanada mustahkamlashga qaratilgan qator loyihalar, tanlovlar, ijodiy uchrashuvlar va intellektual bellashuvlar tashkil etildi.

Festivalda O‘zbekiston Milliy kutubxonasi direktori Umida Teshabayeva ishtirok etib, kitobxonlikni rivojlantirish, yoshlar o‘rtasida mutolaa madaniyatini yuksaltirish va kutubxona xizmatlarini takomillashtirish borasidagi fikr-mulohazalari bilan o‘rtoqlashdi.

Festival doirasida kitob ko‘rgazmalari, yangi nashrlar taqdimotlari, adabiy-badiiy chiqishlar hamda faol kitobxonlarni taqdirlash marosimlari o‘tkazildi.

📚 O‘zbekiston Respublikasi Prezidenti Administratsiyasining tegishli topshirig‘iga asosan, o'tkazilayotgan o‘rganish ishlari Namangan viloyatidagi madaniyat va axborot-kutubxona muassasalarida davom etyabdi

O‘zbekiston Milliy kutubxonasi direktori o‘rinbosari Nasiba Xoldorova hududlarda bo‘lib, axborot-kutubxona markazlari hamda ko‘zi ojiz kitobxonlarga xizmat ko‘rsatuvchi maxsus kutubxonalar faoliyatini o‘rgandi.

📖Chortoq tumanidagi maxsus ko‘zi ojizlar kutubxonasida kitobxonlar uchun bosma va Brayl yozuvidagi bo‘rtma nuqtali adabiyotlardan foydalanish imkoniyati yaratilgan. 📖 Yangiqo‘rg‘on tumanidagi maxsus ko‘zi ojizlar kutubxonasi faoliyati ham atroflicha o‘rganildi.O‘rganishlar davomida kutubxonalarda yaratilgan sharoitlar, fondlarning holati, kitobxonlarga ko‘rsatilayotgan xizmatlar sifati,inklyuziv kutubxona xizmatlarini yanada rivojlantirish masalalariga alohida e’tibor qaratildi.

📊 O'zbekiston Milliy kutubxonasining 2026-yil may oyi uchun foydalanuvchilarga xizmat ko'rsatish ko'rsatkichlari

📚 O'zbekiston Milliy kutubxonasiga 2026-yil may oyida kelib tushgan yangi nashrlar

🤝 Kitoblarni nashr etishdan oldin O‘zbekiston nashriyotlari bilan hamkorlik (2026-yil, may)

📱Rasmiy sahifalarimizga obuna bo‘ling!

Telegram l Instagram l YouTube l Facebook l Twitter l Website

📚 O‘zbekiston Milliy kutubxonasida “Yoshlar kuni” doirasida madaniy-ma’rifiy tadbir bo‘lib o‘tdi.

Davlatimiz rahbarining 2025-yil 24-fevral kuni yoshlar bilan o‘tkazgan muloqotida belgilangan ustuvor vazifalar va ilgari surilgan tashabbuslar ijrosini ta’minlash maqsadida mamlakatimiz bo‘ylab “Yoshlar kuni” tadbirlari muntazam tashkil etib kelinmoqda.

Bugungi uchrashuv “Raqamli savodxonlik va kiberxavfsizlik kuni” mavzusiga bag‘ishlandi. Tadbirda O‘zbekiston Milliy kutubxonasi direktori Umida Teshabayeva hamda direktor o‘rinbosari Alimardon Raxmonov yosh mutaxassislar bilan ochiq muloqot o‘tkazdilar.
Uchrashuv davomida yoshlarning zamonaviy bilim va ko‘nikmalarni egallashi, raqamli texnologiyalardan samarali foydalanishi, cyberxavfsizlik masalalari hamda axborot xavfsizligi madaniyatini shakllantirishi o‘z ustida muntazam ishlashi bugungi davrning eng muhim talablari ekani alohida ta’kidlandi.

Umida Teshabayeva o‘z so‘zida bugungi kunda yoshlar oldida mutlaqo yangi imkoniyatlar ochilayotganini, ayniqsa, sun’iy intellekt, raqamli texnologiyalar va zamonaviy kutubxonachilik yo‘nalishlari kelajak kasblarining muhim qismiga aylanayotganini qayd etdi. Shuningdek, kutubxona nafaqat bilim maskani, balki yoshlarning g‘oya va tashabbuslarini qo‘llab-quvvatlaydigan innovatsion maydon bo‘lishi zarurligini ta’kidladi.

Alimardon Raxmonov esa yoshlarni bugungi tez o‘zgarayotgan axborot makonida tanqidiy fikrlash, media va axborot savodxonligini rivojlantirishga chaqirdi. U zamonaviy kutubxonachilik sohasi raqamlashtirish, elektron resurslar, ma’lumotlar bazalari bilan ishlash kabi yangi kompetensiyalarni talab qilayotganini bildirib, yoshlarni doimiy o‘rganish va izlanishda bo‘lishga undadi.

Tadbirda O'zbekiston Milliy kutubxonasi Milliy umumta’lim elektron kutubxonasi xizmati rahbari Alisher Kattabekov tomonidan seminar-trening tashkil etilib, unda internet makonida xavfsiz harakatlanish, shaxsiy ma’lumotlarni himoya qilish, kuchli parollar yaratish, firibgarlik va soxta axborotlarni aniqlash hamda raqamli xizmatlardan samarali foydalanish bo‘yicha amaliy tavsiyalar berildi.

Shuningdek, ishtirokchilar bilan savol-javoblar o‘tkazilib, yoshlarni qiziqtirayotgan mavzular yuzasidan fikr almashildi.
“Mustaqillikning 35 yilligi — Yangi O‘zbekiston yoshlari nigohida” shiori ostida tashkil etilayotgan bunday tadbirlar yoshlarning bilim va salohiyatini oshirish, ularda vatanparvarlik, tashabbuskorlik va mas’uliyat hissini mustahkamlash, eng muhimi, kelajak kasblariga ongli tayyorgarlik ko‘rishiga xizmat qilmoqda.

📱Rasmiy sahifalarimizga obuna bo‘ling
Telegram l Instagram  YouTube l Facebook l Twitter l Website