“Sog‘lom ma’naviy muhit – jamoa boyligi” mavzusida amaliy mashg‘ulot va trening tashkil etildi. Trening Oʻzbekiston Milliy kutubxonasida Oʻquv zallari mutaxassislari tomonidan oʻtkazildi.

Trening davomida ishtirokchilarning ichki kechinmalari, hissiy holati hamda shaxsiy xususiyatlarini aniqlash va rivojlantirishga qaratilgan turli psixologik o‘yinlar, interaktiv mashqlar, jamoaviy muhokamalar hamda qiziqarli psixologik testlar tashkil etildi.

Mashg‘ulotlar jarayonida jamoada sog‘lom ma’naviy muhitni shakllantirish, o‘zaro hurmat va hamjihatlikni mustahkamlash, samarali muloqot ko‘nikmalarini rivojlantirish masalalariga alohida e’tibor qaratildi. Ishtirokchilar treningda faol qatnashib, o‘z fikr-mulohazalari va tajribalari bilan o‘rtoqlashdilar.

Mazkur tadbir jamoa a’zolarining ma’naviy-ruhiy salohiyatini oshirish, ijobiy psixologik muhitni qaror toptirish hamda kasbiy faoliyat samaradorligini yuksaltirishga xizmat qildi

📱Rasmiy sahifalarimiz
Telegram l Instagram  YouTube l Facebook l Twitter l Website

“Toshkent irrigatsiya va qishloq xo‘jaligini mexanizatsiyalash muhandislari instituti” Milliy tadqiqot universiteti Axborot-resurs markazi foydalanuvchilari uchun O‘zbekiston Milliy kutubxonasi Xalqaro aloqalarni tashkil etish xizmati bosh mutaxassisi Husniya Boysunova hamda Elektron buyurtmalarni masofadan yetkazib berish xizmati rahbari Behbudshoh Anvarov tomonidan "O‘zbekiston Milliy kutubxonasi tomonidan yaratilayotgan imkoniyatlar” mavzusida seminar-trening o‘tkazildi.

📌 Seminarda tadqiqotchilar uchun xorijiy ma’lumotlar bazalari, Web of Science (WoS) va Scopus bazalarida indekslangan jurnallar, MyLoft platformasi, dissertatsiyalar uchun bibliografik yozuvlar va adabiyotlar ro‘yxatini shakllantirish hamda UDKni onlayn olish tartibi haqida ma’lumot berildi.

Shuningdek,axborot resurslaridan foydalanish, ilmiy ma’lumotlarni samarali qidirish, tadqiqot faoliyatida elektron platformalar imkoniyatlaridan unumli foydalanish,ilmiy izlanishlar uchun zarur manbalarni topish bo‘yicha amaliy tavsiyalar berildi.

📚 O‘zbekiston Respublikasi Prezidenti Administratsiyasining tegishli topshirig‘iga asosan o‘tkazilayotgan o‘rganish ishlari Farg‘ona viloyatida davom etdi

O‘zbekiston Milliy kutubxonasi direktori o‘rinbosari Nasiba Xoldorova jarayonlarda ishtirok etib, hududdagi axborot-kutubxona muassasalari faoliyati bilan yaqindan tanishdi.

📖 Jumladan, Farg‘ona viloyati Ko‘zi ojizlar kutubxonasi, Farg‘ona viloyat axborot-kutubxona markazi, shuningdek Farg‘ona, Oltiariq va Buvayda tumanlari hamda Marg‘ilon shahar axborot-kutubxona markazlari, Oltiariq tuman Ko‘zi ojizlar kutubxonasi faoliyati o‘rganildi.

O‘rganishlar davomida kutubxonalarning moddiy-texnik bazasi, fondlar holati, kitobxonlarga ko‘rsatilayotgan xizmatlar sifati hamda imkoniyati cheklangan foydalanuvchilar uchun yaratilgan sharoitlarga alohida e’tibor qaratildi.

🏛 Shuningdek, kutubxona tizimi samaradorligini oshirish va zamonaviy kutubxona infratuzilmasini rivojlantirish masalalari yuzasidan tegishli takliflar ishlab chiqilmoqda.