2026-yil 26-iyul kuni Oʻzbekiston Milliy kutubxonasining "Istiqlol" zalida irlandiyalik dramaturg va romанчи yozuvchi Jorj Bernard Shouning tugʻilgan kunining 170 yilligiga bagʻishlangan "Bernard Shou: soʻz va tafakkur dahosi" nomli kitob-tasvirli koʻrgazma tashkil etildi.

📝 Bernard Shou haqida:

📌 1856-yil 26-iyul kuni Dublinda tugʻilgan.

📌 1871-yilda diniy maktabni tamomlagan va ruhoniy sifatida ishlamoqda boʻlgan.

📌 1876-yilda Londonga koʻchib oʻtib, jurnalistika va badiiy ijod bilan shugʻullangan.

📚 Asarlari:
📖 "Misi chiqqan nikoh", "Artist sevgisi", "Keshel Bayronning kasbkori", "Havaskor socialist", "Pigmalion", "Yuraklar vayron boʻlayotgan xonadon", "Olma ortgan arava", "Mafusail sari orqaga", "Avliyo Ioanna", "Yomon boʻlsa ham, haqiqat", "Millioner ayol", "Jeneva", "Yaxshi qirol Karl".

📌 Asarlari turli mavzularga qaratilgan boʻlib, turli janrlarni qamrab oladi. Unda tarix va jamiyatda sodir boʻlgan voqealar yangicha talqin etilgan, jamiyatda roʻy berayotgan oʻzgarishlar turli nuqtai nazardan koʻrsatilgan.

📚 Shouning gumanizm gʻoyalari bilan sugʻorilgan dramaturgiyasi 20-asr adabiyotida muhim voqea boʻldi.

🏆 Nobel mukofoti sovrindori (1925).

📚 Asarlarining ayrim qismlari oʻzbek tiliga tarjima qilingan.

📱Rasmiy sahifalarimizga obuna bo‘ling
Telegram l Instagram  YouTube l Facebook l Twitter l Website

✅ O‘zbekiston Milliy kutubxonasi o‘quv zallari mutaxassisi N. Rasulova, Surxondaryo viloyati
axborot-kutubxona markazi bosh mutaxassisi D. Shonazarova  hamda Sirdaryo viloyati axborot-kutubxona markazi bosh mutaxassisi N.Rustamovalar "Saqlash davrida hujjatlarning holati, barqarorligi va biologik xavfsizligini tekshirish" bo‘yicha 2026-yil 27-31-iyul kunlari Moskva shahrida bo‘lib o‘tayotgan malaka oshirish kurslarida ishtirok etmoqda.

📝 Kurs hujjatlarni konservatsiyalash, hujjatlarni saqlash laboratoriyasi faoliyatining umumiy masalalari, hujjatlarni saqlash rejimining mikroiqlim parametrlarini monitoring qilish, hujjatni biologik ekspertizaga tayyorlash, hujjatning biologik zararini tekshirish va shu kabi sohalarda nazariy va amaliy mashg‘ulotlarni o‘z ichiga oladi.

📱Rasmiy sahifalarimizga obuna bo‘ling
Telegram l Instagram  YouTube l Facebook l Twitter l Website

#YKF2026

“Yosh kutubxonachilar” VI Respublika ilmiy-amaliy forumining tantanali ochilish marosimi boshlandi

Alisher Navoiy nomidagi O‘zbekiston Milliy kutubxonasida 29–31-iyul kunlari bo‘lib o‘tadigan “Yosh kutubxonachilar” Respublika ilmiy-amaliy forumi hamda forum doirasidagi “Innovatsion loyihalar” tanlovining tantanali ochilish marosimi boshlandi.

Mazkur forum kutubxona-axborot sohasida faoliyat yuritayotgan yosh mutaxassislarning kasbiy salohiyatini oshirish, ilg‘or tajribalarni ommalashtirish, zamonaviy axborot texnologiyalarini joriy etish hamda innovatsion g‘oya va tashabbuslarni qo‘llab-quvvatlashga qaratilgan.

Shuningdek, ochilish marosimi doirasida Alisher Navoiy nomidagi O‘zbekiston Milliy kutubxonasi hamda “Tillar App” mas’uliyati cheklangan jamiyati o‘rtasida o‘zaro hamkorlikni rivojlantirishga qaratilgan Hamkorlik memorandumini imzolash marosimi bo‘lib o‘tdi.

Mazkur memorandum kutubxona xizmatlarini raqamlashtirish, xorijiy tillarni o‘rganish imkoniyatlarini kengaytirish, zamonaviy ta’lim platformalaridan samarali foydalanish hamda kitobxonlar va yosh mutaxassislar uchun innovatsion loyihalarni birgalikda amalga oshirishga xizmat qiladi.

📱Rasmiy sahifalarimizga obuna bo‘ling
Telegram l Instagram  YouTube l Facebook l Twitter l Website