#YKF2026

✅ 2026-yil 29-iyul kuni “Yosh kutubxonachilar” Respublika ilmiy-amaliy forumining birinchi kunida, shuningdek, kutubxonachilik sohasining muhim masalalariga bagʻishlangan seminar-treninglar oʻtkazildi

📝 Jumladan, filologiya fanlari doktori, professor B. Alimov “Kutubxonachilikda media savodxonligi” mavzusida trening oʻtkazdi. Uning soʻzlariga koʻra, kutubxona sohasidagi mutaxassislar bugungi kunda, yaʼni raqamli texnologiyalar keng rivojlangan davrda, mavjud xavflar, soxta maʼlumotlar, ommaviy axborot vositalari, ijtimoiy tarmoqlar va chiqishlardagi maʼlumotlarning toʻgʻriligi va haqqoniyligini tekshirish jarayoni (fast-cheking), verifikasiya jarayoni, shuningdek, inson yuzi, ovozi yoki harakatlarini sunʼiy intellekt va neyron tarmoqlar yordamida juda real tarzda soxtalashtirish texnologiyasi (deepfake), OAVda manipulyatsiya, media monitoring kabi hodisalar haqida tushuncha olishlari kerak.

📝 Adliya vazirligi Intellektual mulk departamenti boʻlim boshligʻi Sh. Abdumalikov “Elektron kutubxonalar va mualliflik huquqi: zamonaviy yondashuv”, Biznes va tadbirkorlik oliy maktabi professori B. Alimov “Kutubxonachilikda menejment” hamda siyosatshunoslar K. Rabbimov va H. Sodiq “Jamiyatda kutubxonachining oʻrni”mavzularida seminar-treninglar oʻtkazdilar.

📱Rasmiy sahifalarimizga obuna bo‘ling
Telegram l Instagram  YouTube l Facebook l Twitter l Website

Alisher Navoiy nomidagi O'zbekiston Milliy kutubxonasi tomonidan o'tkazilayotgan “Yosh kutubxonachilar” Respublika ilmiy-amaliy forumida qatnashdik.

Tan olishim kerak rasmiy tashkil qilingan forumda bunday faol va jonli auditoriya bo‘lishini kutmagandim. Forumdan katta taassurotlar bilan ketdik.

@Hamid_Sodiq