#YKF26

✅ 2026-yil 31-iyul kuni Toshkent viloyati Bo‘stonliq tumanidagi “Yoshlar” oromgohida o‘tkazilayotgan “Yosh kutubxonachilar” VI Respublika ilmiy-amaliy forumining uchinchi kuni qizg‘in va mazmunli tadbirlar bilan davom etdi.

Forum dasturi doirasida soha mutaxassislari uchun “Library Quiz” nomli intellektual jamoaviy bellashuv tashkil etildi. Unda ishtirokchilar kutubxonachilik, axborot-resurs faoliyati, adabiyot, zamonaviy texnologiyalar hamda umumiy bilimlar bo‘yicha o‘zaro kuch sinashdilar.

Bellashuv davomida jamoalar tezkor fikrlash, mantiqiy yondashuv, hamjihatlik va bilim salohiyatini namoyon etib, qiziqarli va murosasiz bahslarda ishtirok etdilar. Mazkur intellektual musobaqa yosh kutubxonachilar o‘rtasida hamkorlikni mustahkamlash, kasbiy bilim va ko‘nikmalarni oshirish hamda do‘stona muhitni yanada rivojlantirishga xizmat qildi.

📱Rasmiy sahifalarimizga obuna bo‘ling
Telegram l Instagram  YouTube l Facebook l Twitter l Website

2026-yil 31-iyul kuni hujjatlarni tiklash, konservasiya qilish va saqlash bilan shug‘ullanuvchi o‘zbek kutubxonachilarining malaka oshirish kurslarida ishtiroki nihoyasiga yetdi.

"Saqlash vaqtida hujjatlarning holati, barqarorligi va biologik xavfsizligini tekshirish" o‘quv kurslarini tugatgach, mutaxassislar dasturni muvaffaqiyatli bajarganligi to‘g‘risida sertifikatlar oldilar.

Kurs hamda asosiy kitob fondini va kitob bog‘lash ustaxonalariga tashrif buyurishdan tashqari, mutaxassislar kasbiy sohada bilim va ko‘nikmalarga ega bo‘ldilar.

📱Rasmiy sahifalarimizga obuna bo‘ling
Telegram l Instagram  YouTube l Facebook l Twitter l Website

#YKF26

Forum doirasida rahbar va yoshlar uchrashuvi bo‘lib o‘tdi

2026-yil 31-iyul kuni Toshkent viloyati Bo‘stonliq tumanidagi “Yoshlar” oromgohida o‘tkazilayotgan “Yosh kutubxonachilar” VI Respublika ilmiy-amaliy forumi doirasida rahbar va yoshlar uchrashuvi tashkil etildi.

Oʻzbekiston Milliy kutubxonasi direktori Umida Teshabayeva bilan oʻtgan mazkur uchrashuv davomida axborot-kutubxona sohasini rivojlantirish, yosh mutaxassislarning kasbiy salohiyatini yuksaltirish, zamonaviy kutubxonachilik va rahbarlik faoliyati haqida suhbat boʻlib oʻtdi.

Ochiq muloqot ruhida o‘tgan uchrashuvda forum ishtirokchilari o‘zlarini qiziqtirgan savollarga javob oldilar.

📱Rasmiy sahifalarimizga obuna bo‘ling
Telegram l Instagram  YouTube l Facebook l Twitter l Website

#YKF26

🏆 Forum g‘oliblari taqdirlandi

2026-yil 31-iyul kuni Toshkent viloyati Bo‘stonliq tumanidagi “Yoshlar” oromgohida o‘tkazilgan “Yosh kutubxonachilar” VI Respublika ilmiy-amaliy forumi doirasida tashkil etilgan Rahbar va yoshlar uchrashuvidan soʻng sport musobaqalari hamda “Library Quiz” intellektual jamoaviy bellashuvi g‘oliblarini tantanali taqdirlash marosimi bo‘lib o‘tdi

Rahbar va yoshlar uchrashuvidan soʻng shaxmat, shashka, stol tennisi, futbol va voleybol bo‘yicha o‘tkazilgan sport musobaqalari, shuningdek, “Library Quiz” intellektual bellashuvida yuqori natijalarni qayd etgan ishtirokchilar diplom va esdalik sovg‘alari bilan taqdirlandilar.

Taqdirlash marosimi forumning eng esda qolarli daqiqalaridan biriga aylandi. G‘oliblarning muvaffaqiyatlari e’tirof etilib, barcha ishtirokchilarning faolligi, jamoaviy hamkorligi va bilimga intilishi alohida e’tibor bilan qayd etildi.

Yosh kutubxonachilar forumi oʻz nihoyasiga yetdi ishtirok etgan barcha ishtirokchilariga omad tilaymiz!

📱Rasmiy sahifalarimizga obuna bo‘ling
Telegram l Instagram  YouTube l Facebook l Twitter l Website