2026-yil 4-avgust kuni O‘zbekiston Milliy kutubxonasida O‘zbekiston Respublikasi Milliy gvardiyasi tashkil topgan kun munosabati bilan tadbir o‘tkazildi
Tadbirda so‘zga chiqqanlar O‘zbekiston Respublikasi Milliy gvardiyasi safida hizmat qilayotgan barcha xodimlar o‘z vazifalarini sidqidildan bajarayotgani, Mustaqil O‘zbekistonimiz tinchligi, osoishtaligi yo‘lida vijdonan xizmat qilayotganini alohida ta'kidladi.

Shuningdek ular O‘zbekiston Respublikasi hududida xalq manfaatlarini himoya qilish, terrorizmga qarshi kurashda favqulodda vaziyatlar oqibatlarini bartaraf etish, davlat ob'ektlarini, jismoniy va yuridik shaxslarning mol-mulkini qo‘riqlash, jamoat tartibini saqlash, oliy darajadagi xorijiy delegasiyalarni kutib olish va kuzatib qo‘yish, huquqbuzarliklarning oldini olish, ularni aniqlash va ularga chek qo‘yish maqsadida aholi punktlaridagi jamoat joylarida patrullik qilish kabi vazifalarni bajarib kelayotgan Milliy gvardiyamiz sha'niga ko‘plab iliq so‘zlar aytdilar va kelgusida soha xodimlari ishlariga muvaffaqiyat, yurt tinchligi va oilaviy farovonlik tiladilar.

Tadbir davomida O‘zbekiston Respublikasi Milliy gvardiyasisi qaoliyatini boshlagan kun munosabati bilan O‘zbekiston Respublikasi xalqiga sadoqat bilan xizmat qilib, o‘z burchiga jasorat bilan yondashib jamoat tartibini saqlashga va fuqarolar havfsizligini ta'minlashga o‘z xissasini qo‘shib kelayotgan bir qator xodimlar alohida e'tirof etilib maqtov yorliqlari hamda Davlat mukofotlari bilan taqdirlandilar.

📱Rasmiy sahifalarimizga obuna bo‘ling
Telegram l Instagram  YouTube l Facebook l Twitter l Website

2026-yil 5-avgust  kuni O‘zbekiston Milliy kutubxonasi “O‘zbekiston” zalida O‘zbekiston xalq yozuvchisi va jamoat arbobi O‘tkir Hoshimov tavalludining 85 yilligiga bag‘ishlangan “Ko‘ngillarda ma’rifat chirog‘i yonsa” deb nomlangan kitob-rasmli ko‘rgazma ochildi. Ko‘rgazmada adib hayoti va ijodiy faoliyatiga, milliy g‘oya tamoyillarini keng targ‘ib etib, yoshlarni yurtga muhabbat va sadoqat ruhida tarbiyalashga bag‘ishlangan asarlari namoyish etildi

O‘zbekiston xalq yozuvchisi O‘tkir Hoshimov o‘zining ilk “Po‘lat chavandoz” ocherklar to‘plami, “Cho‘l havosi”, “Odamlar nima derkin”, “Shamol esaveradi”, “Qalbingga quloq sol”, “Bahor qaytmaydi” , “Dunyoning ishlari” qissalari hamda “Nur borki, soya bor”, “Ikki eshik orasi”, “Tushda kechgan umrlar” romanlari orqali o‘zbek kitobxonlari qalbiga kirib borgan. Uning “Daftar hoshiyasidagi bitiklar” kitobi xalqimiz ijtimoiy-ma’naviy hayotida muayyan iz qoldirib, ko‘plab kitobxonlar uchun hikmatlar sandig‘i va ibrat maktabiga aylangan.

O‘tkir Hoshimovning “Muhabbat”, “Dehqonning bir kuni”, “Urushning so‘nggi qurboni”, “O‘zbek ishi” kabi asarlari o‘zbek hikoyachiligi rivojiga salmoqli hissa qo‘shgan bo‘lsa, “Qalbning oppoq daftari”, “Muqaddas qasamni buzganlar”, “Avlodlarga nima deymiz”, “Mantiq qani?”, “Davlat siri” kabi maqolalari so‘nggi yillar o‘zbek publisistikasini yangi pog‘onaga olib chiqdi.

O‘tkir Hoshimov “Xazon bo‘lgan bahor”, “Inson sadoqati”, “Vijdon dorisi”, “To‘ylar muborak”, “Qatag‘on” kabi drama, komediya va kinossenariylar muallifidir.

O‘tkir Hoshimov tarjimon sifatida Ernest Hemenguey, Konstantin Simonov, Olga Berggols, Stefan Sveyg, Mustay Karim, Vasiliy Shukshin asarlarini o‘zbek tiliga tarjima qilgan. Uning ham eng sara asarlari rus va boshqa tillarga tarjima etilgan.

📱Rasmiy sahifalarimizga obuna bo‘ling
Telegram l Instagram  YouTube l Facebook l Twitter l Website