2026-yil 17-avgust kuni O‘zbekiston Milliy kutubxonasida O‘zbekiston Yozuvchilar uyushmasi a’zosi, jurnalist Muhabbatoy Rahmonberdi qizining “Baxt beshigi” nomli kitobining taqdimoti bo‘lib o‘tdi.

Tadbirda shoir va yozuvchilar, tarjimon va jurnalistlar, yosh qalamkashlar va adabiyot ixlosmandlari ishtirok etdilar.

Tadbirda so‘zga chiqqanlar ijod olamida o‘zining ovozi, o‘z dastxati bilan kirib kelayotgan ijodkor Muhabbatoy Rahmonberdi qizining el nazariga tushib kelayotgan hikoyalari va ocherklari haqida fikr bildirdilar.

“Baxt beshigi” nomli to‘plamidan joy olgan ocherklar qahramonlarining sehrli olami o‘quvchini befarq qoldirmaydi. Bu ocherklarda muallif o‘z atrofidagi ko‘rgan-kechirganlarini qog‘ozga tushirib, kitobxonlarga havola etgan. To‘rt bo‘limdan iborat bo‘lgan ushbu turkum orqali u yurt xizmatiga mehnati singgan insonlar haqida mehr bilan hikoya qiladi.

📱Rasmiy sahifalarimizga obuna bo‘ling

Telegram l Instagram  YouTube l Facebook l Twitter l Website

O‘zbekiston Milliy kutubxonasida “Kitobxon onalar” loyihasi doirasida "Mustaqillikning 35 yillik shukuhi" hamda “Ayol qadri ulug‘langan yurt” mavzularida ijodkor ayollar bayram kechasi bo‘lib o‘tdi

Tadbirda adiba, faol va ziyoli ayollar, O‘zbekiston Respublikasi Mudofaa vazirligi harbiylari va ularning oila a’zolari ishtrirok etdilar.

Tadbirda Qoraqalpog‘iston Respublikasi, viloyat, tuman axborot kutubxona markazi mutaxassislari ZOOM platformasi orqali ishtirok etdi.
Tadbirda so‘zga chiqqanlar turli davrlarda xotin-qizlarga munosabat hukmron siyosat ta’sirida o‘zgarib borgani, butun dunyo taraqqiyotiga ulkan hissa qo‘shgan allomalarni, buyuk shaxslarni tarbiyalab voyaga yetkazgan fozila momolar, o‘z davrida davlat boshqaruvi, harb ishi, yurt himoyasi, mulkchilik, qurilish, ishbilarmonlik, ta’lim-tarbiya, adabiyot sohalarida tanilgan vatanparvar ayollar haqida mulohaza yuritdilar. Shuningdek, millat taraqqiyoti, ozodligi yo‘lida fidoyilik qilgan, o‘z hayotini xatarga qo‘yib kurashgan matonatli ma’rifatparvar o‘zbek xotin-qizlarining ibratli faoliyati haqida ham so‘z bordi.

So‘nggi yillarda mamlakatimizda ayollarning qonuniy huquq va manfaatlarini ta’minlash, oilalarni mustahkamlash, xotin-qizlarning jamiyatdagi o‘rni va nufuzini oshirish, iste’dodi hamda qobiliyatini yuzaga chiqarishga erishish milliy siyosatimizda ustuvor vazifa sifatida amalga oshirib kelinayotganini e’tirof etgan yozuvchi shoira ayollar mazkur holatdan ilhomlanib yozgan she’rlarini armug‘on etdilar.

Harbiy soha vakillari ham mamlakatimizda xotin-qizlarni qo‘llab-quvvatlash bo‘yicha davlat siyosatining o‘ziga xosligi, bu borada amalga oshirilayotgan vazifalar keng qamrovda samarali yo‘lga qo‘yilganini ta’kidladilar. Mazkur masalaga doir qabul qilingan dasturlar, loyihalar va belgilangan chora-tadbirlar natijalari tez orada xotin-qizlarimizning bevosita hayotida aks etib, ularning turmushi farovonligini ta’minlashga, qadrini oshirishga xizmat qilayotganini aytdilar.
Tadbirga taniqli xonandalarning Mustaqillik, Vatan, tinchlik, muhabbat va oilani tarannum etgan qo‘shiqlari bayramona kayfiyat bag‘ishladi.

📱Rasmiy sahifalarimizga obuna bo‘ling

Telegram l Instagram  YouTube l Facebook l Twitter l Website

📌 Alisher Navoiy nomidagi O‘zbekiston Milliy kutubxonasi — zamonaviy xalqaro ilmiy ma’lumotlar bazalaridan foydalanish imkoniyatini taqdim etadi!

Bugungi kunda Xitoy ilm-fan, texnologiya va innovatsiyalar sohasida jadal rivojlanayotgan davlatlardan biri sifatida dunyo ilmiy hamjamiyatida tobora muhim o‘rin egallab bormoqda. Sun’iy intellekt, axborot texnologiyalari, muhandislik, tibbiyot, energetika, qishloq xo‘jaligi, iqtisodiyot va boshqa ko‘plab yo‘nalishlarda Xitoyda olib borilayotgan ilmiy tadqiqotlar va yangi ishlanmalar xalqaro miqyosda katta qiziqish uyg‘otmoqda.
📚 Xitoyning ushbu ilmiy-texnikaviy rivojlanishi, yangi tadqiqotlari va ilmiy yutuqlaridan xabardor bo‘lishning muhim manbalaridan biri — CNKI (China National Knowledge Infrastructure) platformasidir.

🔎 China National Knowledge Infrastructure (CNKI) — Xitoyning eng yirik va nufuzli ilmiy-axborot platformalaridan biri bo‘lib, Xitoyda yaratilgan ilmiy maqolalar, akademik jurnallar, dissertatsiyalar, ilmiy tadqiqotlar va boshqa ilmiy resurslarni izlash va ulardan foydalanish imkonini beradi.
Endilikda siz CNKI xalqaro ma’lumotlar bazasidan Milliy kutubxonada foydalanish imkoniyatiga egasiz!

CNKI ilmiy bazasi nima va u qanday ishlaydi?
CNKI ilmiy bazasi Xitoyda nashr etilgan va himoya qilingan ilmiy ishlarning ulkan elektron majmuasini bir platformada jamlaydi. Ilmiy bazada quyidagi yo'nalishlar bo'yicha kerakli axborotlarni topishingiz mumkin:👇
🎓 Dissertatsiyalar va ilmiy tadqiqotlar — Xitoy oliy ta’lim va ilmiy muassasalarida tayyorlangan akademik tadqiqotlarni izlash imkoniyati.
📰 Ilmiy jurnallar va maqolalar — turli fan yo‘nalishlaridagi ilmiy nashrlar va tadqiqot natijalari.
🌏 Xitoy ilm-fani bilan tanishish — Xitoyning ilmiy, texnologik, iqtisodiy va ijtimoiy rivojlanishiga oid tadqiqotlardan foydalanish imkoniyati.
🤖 AI asosidagi ilmiy tahlil vositalari — ilmiy axborotni izlash, tahlil qilish va tadqiqot jarayonida foydalanishga yordam beruvchi zamonaviy imkoniyatlar.
📚 CNKI 10 ta asosiy fan yo‘nalishini qamrab oladi:
🔹 Fundamental fanlar
🔹 Muhandislik va texnologiyalar
🔹 Axborot texnologiyalari va sun’iy intellekt
🔹 Qishloq xo‘jaligi
🔹 Tibbiyot va sog‘liqni saqlash
🔹 Falsafa va gumanitar fanlar
🔹 Ijtimoiy fanlar
🔹 Iqtisodiyot va menejment
🔹 Siyosat va huquq
🔹 Ta’lim va ilmiy metodologiya

📍 CNKI bazasidan Milliy kutubxonada foydalaning va Xitoy ilm-fanining ulkan elektron resurslar olamiga yo‘l oching!

🔗 CNKI asosiy qidiruv tizimi:
https://oversea.cnki.net/kns?dbcode=CFLQ
🤖 AI asosidagi ilmiy tahlil platformasi:
https://ai.oversea.cnki.net/inds/aigc?sysid=4&lang=en

📱Rasmiy sahifalarimizga obuna bo‘ling
Telegram l Instagram  YouTube l Facebook l Twitter l Website