“Vatan madhi dillarda” mavzusida ijodiy uchrashuv bo‘lib o‘tdi

2026-yil 8-sentyabr kuni O‘zbekiston Milliy kutubxonasida O‘zbekiston Respublikasi Mustaqilligining 35 yilligi hamda “Kitob va mutolaa haftaligi” doirasida “Vatan madhi dillarda” mavzusida O‘zbekiston Yozuvchilar uyushmasi a’zolari, shoiralar Oygul Ubaydulla qizi va Shoira Davletova bilan ijodiy uchrashuv tashkil etildi.

Tadbirni O‘zbekiston Milliy kutubxonasi direktor o‘rinbosari Nasiba Xoldorova ochib berar ekan, bunday ijodiy uchrashuvlar yosh avlodda Vatanga muhabbat, kitobxonlik madaniyati va adabiyotga qiziqishni yanada mustahkamlashga xizmat qilishini ta’kidladi. Shuningdek, Mustaqillik yillarida milliy adabiyot taraqqiyoti yangi bosqichga ko‘tarilgani, ijodkorlar qalbida Vatan tuyg‘usi, ezgulik va insoniy qadriyatlar badiiy talqinda o‘ziga xos ifoda topayotganini qayd etdi.

Uchrashuv davomida Oygul Ubaydulla qizi va Shoira Davletovaning ijod yo‘li, she’riyatida yetakchi o‘rin tutgan Vatan, o‘zlikni anglash, samimiyat, lirik kechinmalar hamda ruhiy iztiroblar kabi mavzular haqida fikr almashildi. Shoiralar o‘z ijod namunalari bilan o‘rtoqlashib, she’riyat ixlosmandlarining savollariga javob berdilar.

Suhbat chog‘ida zamonaviy o‘zbek adabiyotining dolzarb masalalari, ijodkorning jamiyatdagi o‘rni, she’riyatda go‘zallik, nafosat va mehr-muhabbat g‘oyalarining badiiy talqini yuzasidan ham qizg‘in muloqot bo‘lib o‘tdi.

Tadbirda Toshkent noshirlik-matbaa texnikumi o‘qituvchilari va talabalari faol ishtirok etib, uchrashuvning mazmunli va samimiy ruhda o‘tishiga munosib hissa qo‘shdilar.

Rasmiy sahifalarimizga obuna bo‘ling
Telegram l Instagram  YouTube l Facebook l Twitter l Website

O‘zbekiston Milliy kutubxonasida "Zahmatkash matematik olim" nomli kitob ko‘rgazmasi qo‘yildi
Ko‘rgazma matematik olim, O‘zbekiston FA akademigi, fizika-matematika fanlari doktori, professor Vosil Qobulovich Qobulov tavalludining 105 yilligiga bag‘ishlangan bo‘lib,  unda olimning ilmiy asarlari, hisoblash matematikasi va seysmologik inshootlar muammolari, raqamli algoritmlarga doir adabiyotlari o‘rin olgan.

V.Qobulov: — O‘rta Osiyo davlat universitetini (hozirgi O‘zbekiston Milliy universiteti) va Toshkent temir yo‘l muhandislari institutlarini tamomlagan.
— 1941-1945-yillarda ikkinchi jahon urushida qatnashgan.
— 1950-yilda fanlar Akademiyasining inshootlar institutiga (hozirgi mexanika va inshootlar seysmik mustahkamligi instituti) aspiranturaga o‘qishga kiradi.
— 1953-yilda nomzodlik, 1964-yilda esa doktorlik dissertasiyasini yoqlaydi.
— U 1962-yilda Fanlar akademiyasining muhbir a'zosi,  1966-yilda esa haqiqiy a'zosi bo‘ldi.

Mazkur ko‘rgazmaga tashrif buyurgan foydalanuvchilar V. Qobulovning “Hujayra kibernetikasi. Nanotexnologiyalar”, “Bionika – kelajak fani”, “Raqamli avtomatlar algoritmlar”, “Fanda planlashtirish va boshqarish masalalari”, “Texnikada boshqarish muammolari”, “Aql mo‘jizasi”, “Kibernetika va biosfera” kabi kitoblari bilan yaqindan tanishishlari mumkin.
Rasmiy sahifalarimizga obuna bo‘ling
Telegram l Instagram  YouTube l Facebook l Twitter l Website

TMC (Technology, Management and Communication) in Tashkent Institutining axborot-resurs markazi xodimlari uchun O‘zbekiston Milliy kutubxonasi Elektron buyurtmalarni masofadan yetkazib berish xizmati rahbari B. Anvarov tomonidan xorijiy ilmiy-ta’limiy bazalar haqida seminar-trening o‘tkazildi.

📌Seminarda O‘zbekiston Milliy kutubxonasining EBSCO Information services, ProQuest Dissertations & Theses, PressReader, EastView, CNKI, Wiley, Emerald Publishing hamda EIFL xalqaro konsorsiumining elektron bazalari haqida ma’lumot berildi.

Shuningdek, mazkur bazalardan foydalanish, platforma bilan ishlashning samarali usullari, to‘liq matnli resurslarni yuklash, ilmiy ma’lumotlar qidirish, ta’lim va ilmiy-tadqiqot faoliyati uchun platforma imkoniyatlari bilan tanishtirish kabi mavzularda batafsil ma’lumot berildi.

Rasmiy sahifalarimizga obuna bo‘ling
Telegram l Instagram  YouTube l Facebook l Twitter l Website

Yangi Toshkent shahri hududidagi Milliy kutubxonaning yangi binosi fondini shakllantirish va boyitish doirasida oliy ta’lim tashkilotlari professor-o‘qituvchilari tomonidan tayyorlangan ilmiy, o‘quv va ilmiy-uslubiy nashrlar Oliy ta’lim, fan va innovatsiyalar vazirligi huzuridagi Oliy ta’limni rivojlantirish va global hamkorlik markazi tomonidan Milliy kutubxonaga beg‘araz taqdim etildi
Mazkur nashrlar kutubxona fondining mazmunan boyishiga, uning ilmiy-ta’limiy salohiyatini yuksaltirishga hamda kitobxonlarning ilmiy, o‘quv va ma’rifiy adabiyotlardan keng foydalanish imkoniyatlarini oshirishga munosib hissa qo‘shadi.

Mazkur tashabbus doirasidagi ishlar izchil davom ettiriladi. Kelgusida ham oliy ta’lim tashkilotlari professor-o‘qituvchilari tomonidan tayyorlangan ilmiy, o‘quv va ilmiy-uslubiy nashrlarning Milliy kutubxonaning yangi binosi fondiga kelib tushishi rejalashtirilgan.

Bugungi kunga qadar ushbu tashabbus doirasida 1 000 dan ortiq nomdagi nashrlar Milliy kutubxonaning yangi binosi fondiga qabul qilindi.

Rasmiy sahifalarimizga obuna bo‘ling
Telegram l Instagram  YouTube l Facebook l Twitter l Website

2026-yil 9-sentyabr kuni O‘zbekiston Milliy kutubxonasida “Kitob va mutolaa” haftaligi doirasida O‘zbekiston Yozuvchilar uyushmasi a'zosi, tarjimon va telejurnalist, “Shuhrat” medali sohibi, shoir Orif To‘xtash bilan “Kuzgi mutolaa” mavzusida ijodiy uchrashuv bo‘lib o‘tdi

Tadbirda O'zbekiston Milliy kutubxonasi direktor o'rinbosari Nasiba Xoldorova shoirning ijodiy faoliyatiga alohida to'xtalib o'tdi: “Hozirga qadar Orif To‘xtashning turkum she'rlari “Har doim bo‘lsin quyosh”, “Boychechak”, “Dovon oshgan avlodlar”, “Oltin belanchak”, “Zarband: kecha va bugun”, “Vatanim, deb seni, uyg‘ondim”, “Yoshlar kitobi”, “Bir qishloq bolalari”, “Miyonqol gurungi”, “Yurtni sevmoq saodati”, “Samarqand bayozi”, “G‘unchalar tabassumi”,”Quyosh yo‘li”, “Ko‘zmunchoq”, “Ko‘ngilga tashrif” va “Vatan atri” nomli kitoblari chop etilgan kabi she'riy to‘plamlarda chop etilgan. Orif To‘xtashning bolalarga bag‘ishlab yozgan bir turkum she'rlari “O‘zbek bolalar adabiyoti antologiyasi”ga kiritilgan” deya fikr bildirdi.

Uchrashuv davomida shoir o‘zining she'riyatga kirib kelishiga sabab bo‘lgan omillar, ustozlari, ilk asarlari haqida so‘zlab berdi va o‘zining Vatan, bugungi kunimiz, ona tabiatimiz go‘zalligi, kuz fasli manzaralarini tarannum etuvchi she'rlaridan o‘qib berdi. Shuningdek, tadbir ishtirokchilari ham o‘z o‘rnida Orif To‘xtash ijodiga mansub she'rlar o‘qidilar.
Tadbir davomida yosh kitobxonlar shoirga o‘zlarini qiziqtirgan ko‘plab savollar bilan murojaat etdilar va o‘z savollariga batafsil javoblar oldilar.

Rasmiy sahifalarimizga obuna bo‘ling
Telegram l Instagram  YouTube l Facebook l Twitter l Website