2026-yil 9-sentyabr kuni O‘zbekiston Milliy kutubxonasida “Kitob va mutolaa” haftaligi doirasida O‘zbekiston Yozuvchilar uyushmasi a'zosi, tarjimon va telejurnalist, “Shuhrat” medali sohibi, shoir Orif To‘xtash bilan “Kuzgi mutolaa” mavzusida ijodiy uchrashuv bo‘lib o‘tdi

Tadbirda O'zbekiston Milliy kutubxonasi direktor o'rinbosari Nasiba Xoldorova shoirning ijodiy faoliyatiga alohida to'xtalib o'tdi: “Hozirga qadar Orif To‘xtashning turkum she'rlari “Har doim bo‘lsin quyosh”, “Boychechak”, “Dovon oshgan avlodlar”, “Oltin belanchak”, “Zarband: kecha va bugun”, “Vatanim, deb seni, uyg‘ondim”, “Yoshlar kitobi”, “Bir qishloq bolalari”, “Miyonqol gurungi”, “Yurtni sevmoq saodati”, “Samarqand bayozi”, “G‘unchalar tabassumi”,”Quyosh yo‘li”, “Ko‘zmunchoq”, “Ko‘ngilga tashrif” va “Vatan atri” nomli kitoblari chop etilgan kabi she'riy to‘plamlarda chop etilgan. Orif To‘xtashning bolalarga bag‘ishlab yozgan bir turkum she'rlari “O‘zbek bolalar adabiyoti antologiyasi”ga kiritilgan” deya fikr bildirdi.

Uchrashuv davomida shoir o‘zining she'riyatga kirib kelishiga sabab bo‘lgan omillar, ustozlari, ilk asarlari haqida so‘zlab berdi va o‘zining Vatan, bugungi kunimiz, ona tabiatimiz go‘zalligi, kuz fasli manzaralarini tarannum etuvchi she'rlaridan o‘qib berdi. Shuningdek, tadbir ishtirokchilari ham o‘z o‘rnida Orif To‘xtash ijodiga mansub she'rlar o‘qidilar.
Tadbir davomida yosh kitobxonlar shoirga o‘zlarini qiziqtirgan ko‘plab savollar bilan murojaat etdilar va o‘z savollariga batafsil javoblar oldilar.

Rasmiy sahifalarimizga obuna bo‘ling
Telegram l Instagram  YouTube l Facebook l Twitter l Website

📚 Ochiq eshiklar haftaligi davom etadi bugun ham haftalik doirasida Mustaqilligimizning 35-yilligi bayram munosabati bilan o'tkazilgan aksiyada g'olib omadli kitobxonlarimiz aniqlandi

“Kitob va mutolaa haftaligi” doirasidagi aksiya davomida bugun 35-omadli kitobxonlar aniqlandi. Unga kitob hamda O‘zbekiston Milliy kutubxonasining ID-kartasi taqdim etildi. 📖

Rasmiy sahifalarimizga obuna bo‘ling
Telegram l Instagram  YouTube l Facebook l Twitter l Website

✅ Harbiy havo kuchlari qo‘mondonligida “Eng yaxshi kutubxonachi” tanlovi bo‘lib o‘tdi

📚 Joriy yilning 9-sentabr kuni “Eng yaxshi kutubxonachi” tanlovining O‘zbekiston Respublikasi Qurolli Kuchlari Harbiy havo kuchlari qo‘mondonligi bosqichi o‘tkazildi.

🤝 Bellashuvda qo‘mondonlik qoshidagi axborot-kutubxona tuzilmalarida faoliyat yuritayotgan, kasbiga sodiq, fidoyi va vatanparvar kutubxonachilar o‘zaro kuch sinashdilar.

❗️Harbiy kutubxonachilarning kasbiy mahoratini baholashga qaratilgan ushbu ko‘rik-tanlov qizg‘in va murosasiz bahslarga boy tarzda, jami 3 ta shart asosida tashkil etildi:

1️⃣ Kutubxona faoliyati bilan tanishtiruv (Taqdimot);
2️⃣ Turli mavzularga oid bibliografik ko‘rsatkich tayyorlash;
3️⃣ Sohaviy va siyosiy-ma’rifiy bilimlar bo‘yicha test sinovlari.

🏆 Yakuniy natijalarga ko‘ra yuksak bilim va mahorat ko‘rsatgan hamda faxrli o‘rinlarni qo‘lga kiritgan 3 nafar g‘olib kutubxonachiga qo‘mondonlik tomonidan esdalik sovg‘alari va pul mukofotlari tantanali ravishda topshirildi.