2026-yil 10-sentabr kuni O‘zbekiston Milliy kutubxonasida “Kitob va mutolaa” haftaligi doirasida “Kutubxona xazinasiga sayohat” mavzusida viktorina tashkil etildi

Mazkur viktorinada Toshkent shahar Yashnobod tumanida joylashgan 153-maktabning 3-sinf o‘quvchilari ishtirok etdilar. Viktorina shartiga ko‘ra sinf o‘quvchilari 2 kichik guruhga bo‘linib, “Ertakli topishmoqlar”, “Mitti so‘zlar”, “Pantomimo” va “Qo‘l-oyoq o‘yini” shartlarini bajirishdi.

Bunda o‘quvchilar berilgan tasniflarga yordamida ertak qahramonlarini topish, uzun so‘zlardan ko‘plab kichik so‘zlar yasash, berilgan ertak nomini pantomimo yordamida ko‘rsatib berishda kuch sinashdilar hamda harakatli o‘yinda o‘z zukkoliklarini va jismoniy ko‘nikmalarini namoyish etdilar.
G‘olib jamoa va eng faol ishtirokchilar O‘zbekiston Milliy kutubxonasi tomonidan kitob va yorliqlar bilan mukofotlandi.

Rasmiy sahifalarimizga obuna bo‘ling
Telegram l Instagram  YouTube l Facebook l Twitter l Website

🚀 Kitob va ruhiyat: O‘smirlar uchun Milliy kutubxonaga sayohat

✅ 2026-yil 10-sentabr kuni O‘zbekiston Milliy kutubxonasiga Toshkent viloyati va Toshkent shahar IIBB Voyaga yetmaganlarga ijtimoiy-huquqiy yordam ko‘rsatish markazida vaqtincha saqlanayotgan 32 nafar voyaga etmagan yoshlar hamda markazning 9 nafar fidoyi xodimlari tashrif buyurishdi.
✨ Tashrif dasturi doirasida:
📖 Kutubxonaning noyob xazinalari va o‘quv zallari bo‘ylab qiziqarli tanishuv ekskursiyasi tashkil etildi;
🧠 Malakali psixolog  Nizomiy nomidagi O‘zbekiston milliy pedagogika universiteti"Psixologiya" kafedrasi dotsenti, psixologiya fanlari nomzodi Abdullaeva Ranajon Matyoqubovna bilan uchrashuv o‘tkazilib, unda yoshlarning maqsadlari, hayotda to‘g‘ri yo‘l topishlari va shaxsiy rivojlanishlari haqida motivatsiyaga boy suhbat qurildi.
Ijtimoiy tashabbusdan ko‘zlangan bosh maqsad — qiyin hayotiy vaziyatga tushib qolgan o‘smirlarni ma’naviy rag‘batlantirish, ularning dunyoqarashini kitob orqali boyitish.

Rasmiy sahifalarimizga obuna bo‘ling
Telegram l Instagram  YouTube l Facebook l Twitter l Website

📚 Ochiq eshiklar haftaligi doirasida navbatdagi ekskursiya

Bugun O‘zbekiston Milliy kutubxonasiga Vatan universiteti talabalari ekskursiyaga keldi.

Ekskursiya davomida talabalar kutubxonaning faoliyati, zamonaviy axborot-kutubxona xizmatlari, boy kitob fondi hamda kitobxonlar uchun yaratilgan imkoniyatlar bilan yaqindan tanishdilar.

Shuningdek, ularga kutubxonadan foydalanish tartibi, elektron resurslar va mutolaa uchun mavjud sharoitlar haqida ma’lumot berildi.

📖 Bunday tashriflar yoshlarning kitobga bo‘lgan qiziqishini oshirish, kutubxona imkoniyatlaridan samarali foydalanish va mutolaa madaniyatini rivojlantirishga xizmat qiladi.

Rasmiy sahifalarimizga obuna bo‘ling
Telegram l Instagram  YouTube l Facebook l Twitter l Website