📚 Ochiq eshiklar haftaligi doirasida amaliy seminar bo‘lib o‘tdi

O‘zbekiston Milliy kutubxonasida Kitob va mutolaa haftaligi doirasida tashkil etilgan “Ochiq eshiklar haftaligi” munosabati bilan xorijiy ilmiy-ta’limiy ma’lumotlar bazalaridan foydalanish imkoniyatlariga bag‘ishlangan amaliy seminar bo‘lib o‘tdi.

“Xorijiy ilmiy-ta’limiy ma’lumotlar bazalari: ilmiy axborotni samarali izlash imkoniyatlari” mavzusidagi seminarda ilmiy maqolalar, kitoblar, dissertatsiyalar va boshqa elektron resurslarni izlash, ma’lumotlar bazalaridan samarali foydalanish hamda ilmiy tadqiqot va ta’lim jarayonida xalqaro elektron resurslarning afzalliklari haqida ma’lumot berildi.

Shuningdek, ishtirokchilarga Scopus’da indekslangan jurnallar ro‘yxatini aniqlash, zarur ilmiy axborotni tez va samarali izlash usullari hamda Milliy kutubxonada mavjud xorijiy ilmiy-ta’limiy ma’lumotlar bazalaridan foydalanish tartibi tushuntirildi.

Seminarni xorijiy ilmiy-ta’limiy ma’lumotlar bazalari bo‘yicha mutaxassislar Husniya Boysunova va Behbudshoh Anvarov spiker sifatida olib bordilar.

Seminar ishtirokchilari o‘zlarini qiziqtirgan savollarga javob oldilar.

Rasmiy sahifalarimizga obuna bo‘ling
Telegram l Instagram  YouTube l Facebook l Twitter l Website

O‘zbekiston Milliy kutubxonasida Kitob va mutolaa haftaligi doirasida tashkil etilgan ochiq eshiklar haftaligida davom etadi

Haftalikning so‘nggi tashriflaridan biri Kamoliddin Behzod nomidagi Milliy rassomlik va dizayn instituti talabalari ishtirokida bo‘lib o‘tdi.

Ekskursiya davomida talabalar kutubxonaning faoliyati, kitob fondlari, o‘quv zallari va zamonaviy axborot-kutubxona xizmatlari bilan tanishdilar. Shuningdek, elektron katalogdan foydalanish, zarur adabiyotlarni izlash hamda kutubxona resurslaridan ta’lim va ijodiy izlanishlarda foydalanish imkoniyatlari haqida ma’lumot oldilar.

Rasmiy sahifalarimizga obuna bo‘ling
Telegram l Instagram  YouTube l Facebook l Twitter l Website

Kitob va mutolaa haftaligi doirasida tashkil etilgan ochiq eshiklar haftaligida kitobxonlar uchun yo‘lga qo‘yilgan “35-kitobxon” ning so‘nggi ishtirokchilari aniqlandi

Haftalik davomida O‘zbekiston Milliy kutubxonasiga yangi a’zo bo‘lgan har 35-kitobxonga kitob va kutubxona a’zolik guvohnomasi taqdim etildi. Ushbu tashabbus Mustaqillikning 35 yilligi munosabati bilan kitobxonlikni qo‘llab-quvvatlash va yangi kitobxonlarni rag‘batlantirish maqsadida tashkil etildi.

📖 Barchangizni kitoblari va kitobxonlari ko‘p bo‘lgan O‘zbekiston Milliy kutubxonasida yana kutib qolamiz!

Rasmiy sahifalarimizga obuna bo‘ling
Telegram l Instagram  YouTube l Facebook l Twitter l Website

✅ 2026-yil 11-sentabr kuni O‘zbekiston Milliy kutubxonasida “Kitob va mutolaa” haftaligi doirasida “Adabiyotlar bilimdoni” shiori ostida “Zehn charhi” oʻyini tashkil etildi.

📚 Unda talabalar badiiy asarlar nomini o‘qib eshittirilgan tavsiflar yordamida topish, asar nomlari va ularning muallifini jadvalini to‘g‘ri tuzish va adabiyot mavzusiga oid blis-savollarga javob berish shartlari bo‘yicha kuch sinashdilar.

🏆 Eng faol ishtirokchilar O‘zbekiston Milliy kutubxonasi tomonidan kitob va yorliqlar bilan mukofotlandi.

Rasmiy sahifalarimizga obuna bo‘ling
Telegram l Instagram  YouTube l Facebook l Twitter l Website