O‘zbekiston Milliy kutubxonasida Kitob va mutolaa haftaligi doirasida tashkil etilgan ochiq eshiklar haftaligida davom etadi

Haftalikning so‘nggi tashriflaridan biri Kamoliddin Behzod nomidagi Milliy rassomlik va dizayn instituti talabalari ishtirokida bo‘lib o‘tdi.

Ekskursiya davomida talabalar kutubxonaning faoliyati, kitob fondlari, o‘quv zallari va zamonaviy axborot-kutubxona xizmatlari bilan tanishdilar. Shuningdek, elektron katalogdan foydalanish, zarur adabiyotlarni izlash hamda kutubxona resurslaridan ta’lim va ijodiy izlanishlarda foydalanish imkoniyatlari haqida ma’lumot oldilar.

Rasmiy sahifalarimizga obuna bo‘ling
Telegram l Instagram  YouTube l Facebook l Twitter l Website

Kitob va mutolaa haftaligi doirasida tashkil etilgan ochiq eshiklar haftaligida kitobxonlar uchun yo‘lga qo‘yilgan “35-kitobxon” ning so‘nggi ishtirokchilari aniqlandi

Haftalik davomida O‘zbekiston Milliy kutubxonasiga yangi a’zo bo‘lgan har 35-kitobxonga kitob va kutubxona a’zolik guvohnomasi taqdim etildi. Ushbu tashabbus Mustaqillikning 35 yilligi munosabati bilan kitobxonlikni qo‘llab-quvvatlash va yangi kitobxonlarni rag‘batlantirish maqsadida tashkil etildi.

📖 Barchangizni kitoblari va kitobxonlari ko‘p bo‘lgan O‘zbekiston Milliy kutubxonasida yana kutib qolamiz!

Rasmiy sahifalarimizga obuna bo‘ling
Telegram l Instagram  YouTube l Facebook l Twitter l Website

✅ 2026-yil 11-sentabr kuni O‘zbekiston Milliy kutubxonasida “Kitob va mutolaa” haftaligi doirasida “Adabiyotlar bilimdoni” shiori ostida “Zehn charhi” oʻyini tashkil etildi.

📚 Unda talabalar badiiy asarlar nomini o‘qib eshittirilgan tavsiflar yordamida topish, asar nomlari va ularning muallifini jadvalini to‘g‘ri tuzish va adabiyot mavzusiga oid blis-savollarga javob berish shartlari bo‘yicha kuch sinashdilar.

🏆 Eng faol ishtirokchilar O‘zbekiston Milliy kutubxonasi tomonidan kitob va yorliqlar bilan mukofotlandi.

Rasmiy sahifalarimizga obuna bo‘ling
Telegram l Instagram  YouTube l Facebook l Twitter l Website

📚 Milliy kutubxonada “Millat gavhari” kitobi taqdimoti bo‘lib o‘tdi

Joriy yilning 14-sentyabr kuni O‘zbekiston Milliy kutubxonasida ijodkor Miraziz Mirzayevning “Millat gavhari” kitobi taqdimotiga bag‘ishlangan ma’naviy-adabiy tadbir bo‘lib o‘tdi.

Mazkur asar ona mehrining buyukligi, ayolning oiladagi o‘rni, fidoyilik, sabr-toqat, insoniylik va milliy qadriyatlarni yorituvchi samimiy va ta’sirchan asarlardan biridir. Kitobda muallifning onasi hayoti, uning bolalikdagi sinovlari, turmushdagi mashaqqatlari hamda farzandlari kelajagi yo‘lida qilgan fidokorona mehnati haqida hikoya qilinadi.

Muallif bir onaning taqdiri orqali oilasi va farzandlari uchun o‘z orzularini chetga surib, umrini farzandlari kamoliga baxshida etayotgan minglab fidoyi ayollar siymosini gavdalantiradi. Asarda inson boshidan kechirgan sinovlar uni sindirish bilan birga, sabrli, mehribon va matonatli inson sifatida shakllantirishi mumkinligi ham ta’sirchan ifodalangan.

“Millat gavhari” nomi ham asarning asosiy g‘oyasini o‘zida mujassam etadi. Millatning haqiqiy boyligi shon-shuhrat yoki mansabda emas, balki farzand qalbiga singdirilgan tarbiya, mehr, halollik va ezgulikda namoyon bo‘lishi ta’kidlanadi.

Tadbir davomida kitobning mazmun-mohiyati, yaratilish tarixi va unda ilgari surilgan g‘oyalar haqida fikrlar bildirildi. Ijodkor Miraziz Mirzayev asarning yozilishiga turtki bo‘lgan hayotiy kechinmalari hamda ona siymosining kitobdagi o‘rni haqida so‘z yuritdi.

Tadbirning badiiy qismida kuy-qo‘shiqlar ijro etilib, ishtirokchilarga ko‘tarinki kayfiyat ulashildi.

Shuningdek, ilm-fan, ma’naviyat va jamoatchilik faoliyatida alohida faollik ko‘rsatgan insonlarni Tashakkurnomalar hamda “Ilmiy yutuqlar e’tirofi” esdalik ko‘krak nishonlari bilan taqdirlash marosimi ham o‘tkazildi.

Rasmiy sahifalarimizga obuna bo‘ling
Telegram l Instagram  YouTube l Facebook l Twitter l Website