Alisher Navoiy nomidagi O‘zbekiston Milliy kutubxonasiga Toshkent irrigatsiya va qishloq xo‘jaligini mexanizatsiyalash muhandislari instituti hamda O‘zbekiston davlat jahon tillari universiteti fransuz va nemis tili fakulteti talabalari ekskursiya uchun keldilar

Ekskursiya davomida talabalar kutubxonaning boy fondi, o‘quv zallari va zamonaviy axborot-resurs xizmatlari bilan yaqindan tanishdilar. Shuningdek, kutubxonadan foydalanish tartibi va kitobxonlar uchun yaratilgan imkoniyatlar haqida ma’lumot oldilar.

📖 Mazmunli ekskursiya talabalar uchun kitob va mutolaa olami bilan yaqindan tanishish, Milliy kutubxona imkoniyatlaridan samarali foydalanish uchun yaxshi imkoniyat bo‘ldi.

Rasmiy sahifalarimizga obuna bo‘ling
Telegram l Instagram  YouTube l Facebook l Twitter l Website

Alisher Navoiy nomidagi O‘zbekiston Milliy kutubxonasiga Favqulodda vaziyatlar vazirligi Akademiyasi talabalari ekskursiyaga keldilar

Ekskursiya davomida talabalar kutubxonaning boy kitob fondi, o‘quv zallari va kitobxonlarga ko‘rsatiladigan xizmatlar bilan yaqindan tanishdilar. Shuningdek, zarur adabiyotlarni izlash, kutubxona resurslaridan foydalanish hamda elektron axborot bazalari imkoniyatlari hamda Nodir nashrlardagi noyob qo'lyozmalar haqida ma’lumot oldilar.

Ekskursiya davomida yoshlar kutubxona muhitida mutolaa qilish va mustaqil bilim olish uchun yaratilgan imkoniyatlar bilan tanishib, o‘zlarini qiziqtirgan savollarga javob oldilar.

Rasmiy sahifalarimizga obuna bo‘ling
Telegram l Instagram  YouTube l Facebook l Twitter l Website

2026-yil 22-sentabr kuni O‘zbekiston Milliy kutubxonasida Muhammadjon Aliyevning “Hojitol” kitobi taqdimoti bo‘lib o‘tdi

Hozirgi kunda pedagogika fanlari nomzodi, Profi universiteti dotsenti, ijodkor Muhammadjon Aliev o‘z badiiy asarlari orqali ilmiy-ijodiy jamoatchilik va keng kitobxonlar ommasiga yaxshi tanilib kelmoqda.

Tadbirda so‘zga chiqqanlar Muhammadjon Aliev ijodi, uning uzoq va boy tarixga ega o‘zbek va qoraqalpoq xalqlarining azaliy do‘stligini aks ettirgan “Hojitol” romaning tarixiy manbalarga asoslanganligi va tarixiy shaxslar obrazlarini haqqoniy ochib berganligini ta'kidladilar. Romanda asosan qoraqalpoq xalqi, ularning kelib chiqish tarixi va Farg‘ona vodiysi bo‘ylab tarqalish hamda ko‘chib o‘tish jarayonlari badiiy shaklda tahlil qilingan.

Tadbirda Toshkent davlat agrar universiteti talabalari “Hojitol” romanidan asar qahramonlari obrazlarini gavdalantirgan parchalar sahnalashtirib yig‘ilganlar hukmiga havola etdilar.

Asar muallifi Muhammadjon Aliev o‘z chiqishida “Hojitol” romanining yozilishi tarixi haqida gapirar ekan, uning Namangan viloyatidagi safari chog‘ida bir qishloqning mahalliy aholisi qoraqalpoqlar ekanidan taajjublanib, ularning bu yerlarga kelib qolish tarixi, ko‘chish voqealari va bu jarayonda jonini fido qilgan insonlar haqida eshitib, mazkur voqealar haqida kitob yozish ishtiyoqi paydo bo‘lganini aytdi. “Ajoyib qoraqalpoq xalqiga mehrim kuchli bo‘lgani uchunmi, men mazkur romanini yozishga qaror qildim. Yozar ekanman, xuddi boshimdan qandaydir ilohiy kuch meni boshqarib, qalamimni yurgizayotganday edi. Men batamom asarning ichida bo‘lib, go‘yoki qoraqalpoq xalqining 1758-yildagi Qo‘qon xonligiga ko‘chish voqealarining tirik guvohiga aylangandim”, - dedi M.Aliev.

“Hojitol” romanida o‘z xalqini saqlab qolish yo‘lida fidoyilik qilgan Kichikxo‘ja biy, Qulmambet biy kabi yetakchilarning nomi faxr va iftixor bilan tilga olingan. Asarda Kichikxo‘ja biy, uning halokatidan so‘ng yuqori qoraqalpoqlarni eson-omon Qo‘qon xonligi hududiga ko‘chirib keltirgan Kulmambet biy va uning sodik do‘sti Suyunboyning o‘z xalqiga sadoqati ishonchli tarzda tasvirlab berilgan, qoraqalpoqlarning jung‘orlar bilan jang sahnalari, mardlik, sadoqat, xonlar bilan nozik muzokaralar, sotqinlik, o‘g‘irlik, sevgi, judolik bilan bog‘liq voqealar qiziqarli aks ettirilgan.

Ushbu tarixiy roman daliliy ma'lumotlar, sarguzashtlarga boy bulganligi bois keng kitobxonlar ommasiga manzur bo‘ladi va shubhasiz ularning sevimli asarlariga aylanadi.

Rasmiy sahifalarimizga obuna bo‘ling
Telegram l Instagram  YouTube l Facebook l Twitter l Website