2026-yil 22-sentabr kuni O‘zbekiston Milliy kutubxonasida Muhammadjon Aliyevning “Hojitol” kitobi taqdimoti bo‘lib o‘tdi

Hozirgi kunda pedagogika fanlari nomzodi, Profi universiteti dotsenti, ijodkor Muhammadjon Aliev o‘z badiiy asarlari orqali ilmiy-ijodiy jamoatchilik va keng kitobxonlar ommasiga yaxshi tanilib kelmoqda.

Tadbirda so‘zga chiqqanlar Muhammadjon Aliev ijodi, uning uzoq va boy tarixga ega o‘zbek va qoraqalpoq xalqlarining azaliy do‘stligini aks ettirgan “Hojitol” romaning tarixiy manbalarga asoslanganligi va tarixiy shaxslar obrazlarini haqqoniy ochib berganligini ta'kidladilar. Romanda asosan qoraqalpoq xalqi, ularning kelib chiqish tarixi va Farg‘ona vodiysi bo‘ylab tarqalish hamda ko‘chib o‘tish jarayonlari badiiy shaklda tahlil qilingan.

Tadbirda Toshkent davlat agrar universiteti talabalari “Hojitol” romanidan asar qahramonlari obrazlarini gavdalantirgan parchalar sahnalashtirib yig‘ilganlar hukmiga havola etdilar.

Asar muallifi Muhammadjon Aliev o‘z chiqishida “Hojitol” romanining yozilishi tarixi haqida gapirar ekan, uning Namangan viloyatidagi safari chog‘ida bir qishloqning mahalliy aholisi qoraqalpoqlar ekanidan taajjublanib, ularning bu yerlarga kelib qolish tarixi, ko‘chish voqealari va bu jarayonda jonini fido qilgan insonlar haqida eshitib, mazkur voqealar haqida kitob yozish ishtiyoqi paydo bo‘lganini aytdi. “Ajoyib qoraqalpoq xalqiga mehrim kuchli bo‘lgani uchunmi, men mazkur romanini yozishga qaror qildim. Yozar ekanman, xuddi boshimdan qandaydir ilohiy kuch meni boshqarib, qalamimni yurgizayotganday edi. Men batamom asarning ichida bo‘lib, go‘yoki qoraqalpoq xalqining 1758-yildagi Qo‘qon xonligiga ko‘chish voqealarining tirik guvohiga aylangandim”, - dedi M.Aliev.

“Hojitol” romanida o‘z xalqini saqlab qolish yo‘lida fidoyilik qilgan Kichikxo‘ja biy, Qulmambet biy kabi yetakchilarning nomi faxr va iftixor bilan tilga olingan. Asarda Kichikxo‘ja biy, uning halokatidan so‘ng yuqori qoraqalpoqlarni eson-omon Qo‘qon xonligi hududiga ko‘chirib keltirgan Kulmambet biy va uning sodik do‘sti Suyunboyning o‘z xalqiga sadoqati ishonchli tarzda tasvirlab berilgan, qoraqalpoqlarning jung‘orlar bilan jang sahnalari, mardlik, sadoqat, xonlar bilan nozik muzokaralar, sotqinlik, o‘g‘irlik, sevgi, judolik bilan bog‘liq voqealar qiziqarli aks ettirilgan.

Ushbu tarixiy roman daliliy ma'lumotlar, sarguzashtlarga boy bulganligi bois keng kitobxonlar ommasiga manzur bo‘ladi va shubhasiz ularning sevimli asarlariga aylanadi.

Rasmiy sahifalarimizga obuna bo‘ling
Telegram l Instagram  YouTube l Facebook l Twitter l Website

💻 ICTWEEK UZBEKISTAN – 2026: Milliy kutubxona xodimlari xalqaro AKT haftaligida

Bugun, 22-sentabr kuni Toshkent shahridagi “CAEx” (Central Asian Expo Uzbekistan) majmuasida “ICTWEEK UZBEKISTAN – 2026” axborot-kommunikatsiya texnologiyalari haftaligining ochilish marosimi bo‘lib o‘tdi.

Mazkur yirik xalqaro tadbirda Alisher Navoiy nomidagi O‘zbekiston Milliy kutubxonasi xodimlari ham ishtirok etdilar.

Tadbir doirasida tashkil etilgan “ICT EXPO” xalqaro ko‘rgazmasida axborot-kommunikatsiya texnologiyalari sohasidagi zamonaviy ishlanmalar, raqamli yechimlar va innovatsion loyihalar namoyish etilmoqda.

Ko‘rgazma davomida ishtirokchilar zamonaviy texnologiyalar, raqamli xizmatlar, sun’iy intellekt, IT sohasidagi yangi yechimlar hamda raqamli transformatsiya yo‘nalishlaridagi yangiliklar bilan yaqindan tanishish imkoniga ega bo‘lmoqda.

ICTWEEK UZBEKISTAN – 2026 doirasidagi tadbirlar davlat tashkilotlari, mahalliy va xorijiy kompaniyalar, IT mutaxassislari, investorlar hamda texnologiya sohasi vakillarini bir maydonda jamlab, tajriba almashish va yangi hamkorlik aloqalarini yo‘lga qo‘yish uchun imkoniyat yaratmoqda.

Rasmiy sahifalarimizga obuna bo‘ling
Telegram l Instagram  YouTube l Facebook l Twitter l Website

📚“YILNING ENG YAXSHI AXBOROT-KUTUBXONA MUTAXASSISI – 2026” KO‘RIK-TANLOVINING II-BOSQICHI BO‘LIB O‘TDI

Qoraqalpog‘iston Respublikasi, Navoiy, Andijon, Buxoro, Jizzax va Surxandaryo viloyatlarida ko‘rik-tanlovning 2-bosqichi yuqori saviyada tashkil etildi

Ishtirokchilar quyidagi shartlar bo‘yicha bellashishdi:

📖1-shart. Kitoblarni interaktiv usullarda targ‘ib qilish
(Booktrailer, Buk-slem, Infografika, Quiz, Viktorina) — ishtirokchilar o‘zlari tanlagan adabiyotlarni ijodiy va interaktiv usullarda targ‘ib qilishdi.
2-shart. Bahru bayt
3-shart. Kutubxonada amalga oshirgan loyihasi taqdimoti
Ishtirokchilar o‘z amaliy loyihalarini sodda, aniq va kreativ tarzda taqdim etishdi.
4-shart. Test sinovi
Kutubxonachilik sohasi, AKT, mantiqiy va huquqiy savodxonlik bo‘yicha 20 ta test savollariga javob berish orqali o‘z bilimlarini namoyon etishdi.

Ishtirokchilar o‘z tashabbuskorligi, kreativ yondashuvi va nutq madaniyati bilan kutubxonachilik sohasining yuksak namunasini ko‘rsatishdi.
Shaffoflikni ta’minlash maqsadida, tanlov jarayonlarini O‘zbekiston Milliy kutubxonasining mas’ul mutaxassislari Zoom platformasi orqali onlayn kuzatib borishdi va jarayonni nazorat qilishdi. Eng faol, izlanuvchan va ijodkor mutaxassislar keyingi bosqich yo‘llanmasini qo‘lga kiritishdi!

Quyida 2-bosqichda faol ishtirok etgan va g'olib mutaxassislar ro‘yxati bilan tanishing.
Ishtirokchilar ro‘yxati:
Qoraqalpog‘iston Respublikasi bosqichi g'oliblari:

1-o'rin Qo‘ng‘irot tumani axborot-kutubxona markaz mutaxassisi Toxtarova Jaynash Kayrat qizi, 2-o'rin Qoraqalpog'iston Respublikasi axborot-kutubxona markazi mutaxassisi Mamutova Aziza Jaksilik qizi, 3-o'rin Kegeyli tumani axborot-kutubxona markazi mutaxassisi Orazbaev Asqarbay Amanbay uli

Navoiy viloyati bosqichi g'oliblari:

1-o'rin Navoiy viloyat axborot-kutubxona markazi mutaxassisi Saydullayeva Mashhura Faxriddinovna, 2-o'rin Zarafshon shahar axborot-kutubxona markazi mutaxassisi Fayziyeva Nodira Adizovna, 3-o'rin Xatirchi tuman axborot-kutubxona markazi mutaxassisi Ro‘ziyeva Shodiya Toshnazarovna

Andijon viloyati bosqichi g'oliblari:

1-o'rin Baliqchi tuman axborot-kutubxona markazi mutaxassisi Mamajonova Mahliyo Shavkatbek, 2-o'rin Andijon viloyati axborot-kutubxona markazi mutaxassisi Abduraximova Sevara Rustamboyevna, 3-o'rin Shahrixon tuman axborot-kutubxona markazi mutaxassisi Djumayeva Madinaxon Oybek qizi

Buxoro viloyati bosqichi gʻoliblari:

1-o‘rin - Buxoro viloyati axborot-kutubxona markazi mutaxassisi Lukmanova Taxmina Subxonovna, 2-o‘rin – Shofirkon tumani axborot-kutubxona markazi mutaxassisi Muqimova Nargiza Olimjonovna, 3-o‘rin – Vobkent tumani axborot-kutubxona markazi mutaxassisi Nabiyeva Dildora Ilxomovna

Jizzax viloyati bosqichi gʻoliblari:

1-o‘rin Do’stlik tuman axborot-kutubxona markazi mutaxassisi Narbayev O’tkir Kuchkar o’g’li 2-o‘rin Mirzacho’l tuman axborot-kutubxona markazi mutaxassisi Shadmonova Xurshida Musulmanovna 3-o‘rin Zafarobod tuman axborot-kutubxona markazi mutaxassisi Begmatov Sardor Bahrom o’g’li

Surxandaryo viloyati bosqichi gʻoliblari:

1-o‘rin Oltinsoy tumani axborot-kutubxona markazi mutaxassisi Rajabova Xilola Nurmuhammad qizi.2-o‘rin Surxandaryo viloyati axborot-kutubxona markazi mutaxassisi Chorieva Farangiz Аnvarovna 3-o‘rin Jarqoʼrgʼon tumani axborot-kutubxona markazi mutaxassisi Haydarova Shaxnoza Аbdimuratovna

Rasmiy sahifalarimizga obuna bo‘ling
Telegram l Instagram  YouTube l Facebook l Twitter l Website

✅ O‘zbekiston Milliy kutubxonasi Axborot-kutubxona fondlarini jamlash xizmati bosh mutaxassisi M.Abdullayev Moskva shahrida M.I.Rudomino nomidagi xorijiy adabiyotlar Butunrossiya davlat kutubxonasi tomonidan o‘tkazilayotgan “Madaniyat elchilari xalqaro yoshlar maktabi” da ishtirok etmoqda.

📝 A.M.Gorchakov nomidagi Jamoat diplomatiyasini qo‘llab-quvvatlash jamg‘armasi ko‘magida tashkil etilgan dastur 35 yoshgacha bo‘lgan kutubxona va muzey mutaxassislari uchun mo‘ljallangan bo‘lib, uning asosiy maqsadi ishtirokchilarning madaniyatlararo muloqot sohasidagi bilim va ko‘nikmalarini rivojlantirish, milliy madaniy merosni asrash va targ‘ib etish, xalqaro tajriba almashish hamda professional aloqalarni mustahkamlashdan iborat.

📝 21-26-sentabr kunlari bo‘lib o‘tadigan mazkur maktab dasturi davomida ishtirokchilar o‘z mamlakatining milliy an'analari, urf-odatlari va diqqatga sazovor joylari bilan tanishtiruvchi taqdimotlar o‘tkazishlari ham rejalashtirilgan.

Rasmiy sahifalarimizga obuna bo‘ling
Telegram l Instagram  YouTube l Facebook l Twitter l Website

✅ 2026-yil 23-sentyabr kuni O‘zbekiston Milliy kutubxonasi va Guanchjou kutubxonasi o‘rtasida hamkorlik to‘g‘risida memorandum imzolandi.

📝 O‘zbekiston va Xitoy kutubxonalari o‘rtasidagi hamkorlikni mustahkamlashga xizmat qiladigan mazkur hujjatda birgalikda konferensiya, seminar, forum, kitob yarmarkalari hamda milliy merosga bag‘ishlangan ko‘rgazmalar tashkil etilishi, kitoblar almashinuvi yo‘lga qo‘yilishi ko‘zlangan. Shuningdek, kutubxona xodimlarining malakasini oshirishga alohida e'tibor qaratilib, mutaxassislar uchun treninglar, mahorat darslari, amaliyot va o‘zaro tashriflar nazarda tutilgan.

🤝 Mazkur kelishuv ikki davlat mutaxassislariga tajriba almashish, axborot resurslarini kengaytirish hamda ko‘plab qiziqarli madaniy-ta'limiy tadbirlarni o‘tkazish uchun yangi imkoniyatlar yaratadi.

Rasmiy sahifalarimizga obuna bo‘ling
Telegram l Instagram  YouTube l Facebook l Twitter l Website