🇺🇿🇹🇷 Turkiya Milliy kutubxonasi rahbari O‘zbekiston Milliy kutubxonasida

Turkiya Milliy kutubxonasi rahbari Taner Beyo‘g‘lu hamda matbuot kotibi Mehmet Ayhan Hazirlar O‘zbekiston Milliy kutubxonasiga tashrif buyurdilar.
Mehmonlarni O‘zbekiston Milliy kutubxonasi direktori Umida Teshabayeva mexmonlarni kutubxona faoliyati bilan yaqindan tanishtirdilar.

Tashrif davomida mehmonlar kutubxonaning nodir va noyob qo‘lyozmalar fondi, zamonaviy o‘quv zallari, xususan, “Turkiyaga nigoh” o‘quv zali faoliyati bilan yaqindan tanishdilar. Shuningdek, kitoblarni raqamlashtirish jarayonlari, zamonaviy axborot texnologiyalari asosida olib borilayotgan ishlar hamda Multimedia studiyasi faoliyati haqida ma’lumot oldilar.

Uchrashuv davomida ikki mamlakat milliy kutubxonalari o‘rtasidagi hamkorlikni yanada rivojlantirish, tajriba almashish va qo‘shma loyihalarni amalga oshirish masalalariga alohida e’tibor qaratildi.

Rasmiy sahifalarimizga obuna bo‘ling
Telegram l Instagram  YouTube l Facebook l Twitter l Website

📚“YILNING ENG YAXSHI AXBOROT-KUTUBXONA MUTAXASSISI – 2026” KO‘RIK-TANLOVINING II-BOSQICHI BO‘LIB O‘TDI

Farg‘ona, Xorazm, Qashqadaryo va Sirdaryo viloyatlarida ko‘rik-tanlovning 2-bosqichi yuqori saviyada tashkil etildi.

Ishtirokchilar quyidagi shartlar bo‘yicha bellashishdi:

1-shart. Kitoblarni interaktiv usullarda targ‘ib qilish
(Booktrailer, Buk-slem, Infografika, Quiz, Viktorina) — ishtirokchilar o‘zlari tanlagan adabiyotlarni ijodiy va interaktiv usullarda targ‘ib qilishdi.
2-shart. Bahru bayt
3-shart. Kutubxonada amalga oshirgan loyihasi taqdimoti
Ishtirokchilar o‘z amaliy loyihalarini sodda, aniq va kreativ tarzda taqdim etishdi.
4-shart. Test sinovi
Kutubxonachilik sohasi, AKT, mantiqiy va huquqiy savodxonlik bo‘yicha 20 ta test savollariga javob berish orqali o‘z bilimlarini namoyon etishdi.
Ishtirokchilar o‘z tashabbuskorligi, kreativ yondashuvi va nutq madaniyati bilan kutubxonachilik sohasining yuksak namunasini ko‘rsatishdi.

Shaffoflikni ta’minlash maqsadida, tanlov jarayonlarini O‘zbekiston Milliy kutubxonasining mas’ul mutaxassislari Zoom platformasi orqali onlayn kuzatib borishdi va jarayonni nazorat qilishdi. Eng faol, izlanuvchan va ijodkor mutaxassislar keyingi bosqich yo‘llanmasini qo‘lga kiritishdi!

Quyida 2-bosqichda faol ishtirok etgan va g'olib mutaxassislar ro‘yxati bilan tanishing: Ishtirokchilar ro‘yxati:

Farg‘ona viloyati bosqichi g'oliblari:

1-o'rin Farg‘ona viloyati axborot-kutubxona markazi mutaxassisi Maxsudova Feruza Jahonali qizi 2-o'rin Beshariq tumani axborot-kutubxona markazi mutaxassisi G‘aniyev Jahongir G‘olibjon o‘g‘li 3-o'rin Quva tumani axborot-kutubxona markazi mutaxassisi Maxsitaliyeva Gulnoza Muxtorjon qizi

Xorazm viloyati bosqichi g'oliblari:

1-o'rin Bog‘ot tumani axborot-kutubxona markazi mutaxassisi Roxmonova Zulfizar
Shuxrat qizi 2-o'rin Xazorasp tuman axborot-kutubxona markazi mutaxassisi Baxavaddinova Mukaddas Xabibullayevna 3-o'rin Yangiarik tuman axborot-kutubxona markazi mutaxassisi Khaydarova Shakhnoza Davron qizi

Qashqadaryo viloyati bosqichi g'oliblari:

1-o'rin Qashqadaryo viloyat axborot-kutubxona markazi mutaxassisi Djabborova Dilfuza Shavkatovna 2-o'rin G‘uzor tumani axborot-kutubxona markazi mutaxassisi Ro‘ziyeva Zuhra Murotovna 3-o'rin Qashqadaryo viloyat axborot-kutubxona markazi mutaxassisi Tashturdiyeva Umida Baxodirovna

Sirdaryo viloyati bosqichi gʻoliblari:

1-o‘rin - Shirin shahri axborot-kutubxona markazi mutaxassisi Yaxyoyeva Shaxnoza Abdujalol qizi 2-o‘rin – Mirzaobod tumani axborot-kutubxona markazi mutaxassisi Turapova Mahbuba Jangiboy qizi 3-o‘rin – Oqoltin tumani axborot-kutubxona markazi mutaxassisi Musaboyeva Dildora Abdujalilovna

Rasmiy sahifalarimizga obuna bo‘ling
Telegram l Instagram  YouTube l Facebook l Twitter l Website

Xalqaro noshirlik sohasida muhim qadam

Xalqaro agentlikning rasmiy https://www.isbn-international.org/ saytida, ISBN dasturi va unga kiritilgan o‘zgarishlar doirasida barcha nashriyotlar uchun rasmiy tasdiqnoma xatlarini joriy etdi.

 Alisher Navoiy nomidagi O‘zbekiston Milliy kutubxonasi qoshidagi O‘zbekiston ISBN milliy markazi tizimida barcha noshirlik sub’yektlari uchun tartib bir xil etib belgilangan. ISBN (International Standard Book Number) — bu dunyoning istalgan nuqtasida kitob mahsulotini topish imkonini beruvchi yagona xalqaro koddir.

Har bir nashriyot faoliyatini boshlaganda unga O‘zbekiston ISBN milliy markazi tomonidan alohida prefiks (raqamlar bloki) ajratiladi. Har bir nashriyotning prefiksi takrorlanmas bo‘lib, u faqat bir nashriyotga tegishli bo‘ladi.
Mualliflik huquqi va xalqaro standartlar nuqtai nazaridan, ushbu hujjat (ISBN prefiksi ajratilganligi to‘g‘risidagi rasmiy bildirishnoma) nashriyotlarga qonuniy faoliyat yuritish maqomini va xalqaro miqyosdagi tan olinishni beradi.
Ushbu hujjat nashriyot uchun quyidagi muhim imkoniyatlar va huquqlarni taqdim etadi: prefiksning o‘zi ISBN raqami emas. Prefiks nashriyotga ajratilgan ISBN diapazonini belgilaydi, har bir aniq kitob yoki nashrga esa ushbu diapazondan alohida ISBN raqami biriktiriladi.

Ayrim kichik nashriyotlar yoki muallif-nashriyotlarga butun blok o‘rniga alohida ISBN raqamlari ham ajratilishi mumkin.

ISBN prefikslari bo‘yicha ma’lumotlar xalqaro ISBN agentligining Global Register of Publishersbazasida ISBN prefiksi bo‘yicha nashriyotlarni aniqlash imkonini beradi. Ushbu reyestr milliy ISBN agentliklari taqdim etgan ma’lumotlar asosida shakllantiriladi. ISBN prefiksi ISBN milliy markazi tomonidan rasmiy tartibdaajratiladi.
 

Rasmiy sahifalarimizga obuna bo‘ling
Telegram l Instagram  YouTube l Facebook l Twitter l Website

✅ O‘zbekiston Milliy kutubxonasi “Ijod” zalida rus kompozitori Dmitriy Dmitrievich Shostakovich tavalludining 120 yilligiga bag‘ishlangan “Дмитрий Шостакович: Музыка времени” deb nomlangan kitob-rasmli ko‘rgazma ochildi

🎼 Dmitriy Shostakovich bolaligining ilk kunlaridanoq musiqaga mehr qo‘ygan. Ilk musiqa saboqlarini u onasi Sofya Vasilevnadan olgan. Gimnaziyadan so‘ng u musiqa maktabida va Petrograddagi konservatoriyada tahsil olgan.

🎹 D. Shostakovich Berlindagi pianinochilar xalqaro musobaqasida qatnashayotganda hakamlik qilayotgan Valterni o‘zining Birinchi simfoniyasi bilan maftun qilgan va bu unga mashhurlikni keltirgan. So‘ng Ikkinchi, Uchinchi, To‘rtinchi, Beshinchi simfoniyalari yozildi. Leningrad qamalini boshidan o‘tkazgan Shostakovich o‘zining Yettinchi simfoniyasini, asosiy g‘oyasi vatanparvarlik, o‘z Vatani uchun kurash bo‘lgan simfoniyasini bastalaydi.

🎼 Shostakovich 15 ta simfoniya, 15 ta torli musiqa asboblari uchun kvartetlar, fortepiano triosi, sonatalar yaratgan. “Burun”, “Katerina Izmaylova”, “Oltin asr”, “Bolt”, “Tiniq buloq” baletlari, “Moskva – Cheremushki” operettasi, “Stepan Razinning qatl etilishi” vokal simfonik dostoni, rus shoirlarining she'rlariga 10 ta xor dostonlari, romanslar, spektakl va kinofilmlarga musiqalar uni keng omaga tanitdi.

📚 Ko‘rgazmada bastakorning hayoti, ijodiy faoliyati haqida hikoya qiluvchi kitoblar va davriy nashrlar rus va o‘zbek tillarida taqdim etilgan. Shuningdek mazkur ko‘rgazmadan kompozitorning nota va gramplastinkalari ham o‘rin olgan.

Rasmiy sahifalarimizga obuna bo‘ling
Telegram l Instagram  YouTube l Facebook l Twitter l Website