✅ O‘zbekiston Milliy kutubxonasi vakili Behbudshoh Anvarov ishtirok etayotgan UNESCOning “Jahon xotirasi” Xalqaro o‘quv seminarining ikkinchi kunida ishtirokchi mamlakatlarning hujjatli meros namunalarini xalqaro reyestrga kiritish uchun tayyorlangan nomzodnomalarini tahlil qilish bo‘yicha amaliy ishlar olib borildi.

📝 Seminar doirasida ishtirokchilar kichik guruhlarda ishladilar. Har bir guruhga ikkitadan xalqaro ekspert biriktirildi. Ekspertlar ishtirokchilar bilan bevosita hamkorlikda ishlab, har bir mamlakat tomonidan taqdim etilgan nomzodnomalarni batafsil ko‘rib chiqdilar.

🎤 "Xalqaro ekspertlar tomonidan mavjud kamchiliklarni aniqlash, yetishmayotgan ma’lumotlarni to‘ldirish, noaniq yoki noto‘g‘ri ifodalangan jumlalarni tuzatish hamda hujjatlarni belgilangan talablar asosida takomillashtirish yuzasidan tavsiyalar berildi. Ishtirokchilar ekspertlar bilan birgalikda nomzodnomalarga zarur tuzatish va qo‘shimchalar kiritib, ularning mazmunini yanada takomillashtirish ustida ishladik",- deya o‘z taassurotlari bilan bo‘lishdi B.Anvarov.

O‘zbekiston Milliy kutubxonasi rahbar va mutaxassislari yurtimizda davlat tilida savodli yozish ko‘nikmalarini sinovdan o‘tkazish, ona tiliga ehtirom ko‘rsatish, imlo qoidalarini targ‘ib etish maqsadida o‘tkazilayotgan "Umummilliy diktant" loyihasi doirasida "Vatan tuyg‘usi va ota yurtga muhabbat" mavzusida diktant yozdilar.

Rasmiy sahifalarimizga obuna bo‘ling
Telegram l Instagram  YouTube l Facebook l Twitter l Website

📚 #Turkiy_Adabiyot_Durdonalari
#Venger_adabiyoti_namunalari
 
2019-yil 15-oktabr kuni Ozarbayjonning Boku shahrida bo‘lib o‘tgan Turkiy davlatlar hamkorlik kengashi sammitida O‘zbekiston Respublikasi Prezidenti tashkilotga a’zo davlatlar adabiyotining eng sara namunalarini jamlagan "Turkiy adabiyot durdonalari" nomli 100 jildlik kitoblar to‘plamini har bir xalqning ona tilida nashr etish tashabbusini ilgari surgan edi.
 
Mazkur tashabbus asosida ushbu 100 jildlik to‘plam ilk bor O‘zbekistonda tayyorlanib, lotin yozuviga asoslangan o‘zbek alifbosida nashr etildi.
 
To‘plamga XI–XXI asrlarda yashab ijod qilgan 629 nafar atoqli shoir, adib va mutafakkirlarning eng sara asarlari kiritilgan. Unda umumturkiy adabiyot bilan bir qatorda o‘zbek, qoraqalpoq, turk, ozarbayjon, qozoq, qirg‘iz, turkman va venger adabiyoti durdonalari ham o‘rin olgan.
 
📖 100-jild va Majmua Haqida Umumiynoma
·        100-jild (yubiley va yakuniy jild)
·        Vengriya (venger) adabiyotining eng sara klassik va zamonaviy she’riyat, nasri hamda dramatik asarlarining oʻzbek tilidagi tarjimalari jamlangan.
·        Nega Aynan Venger Adabiyoti? Vengriya Turkiy Davlatlar Tashkilotida (TDT) kuzatuvchi maqomiga ega.
Vengriyaning ushbu majmuaga kiritilishi tasodifiy emas. Vengerlar (mojorlar) oʻz kelib chiqish tarixi va madaniy ildizlarini qadimgi turkiy qabilalar (xususan, gunnlar va xunlar) bilan bogʻlashadi.
Ushbu jild butun toʻplamni ramziy yakunlovchi qism boʻlib, u orqali venger xalqining musaffo orzu-intilishlari, boy tarixi va madaniy merosi oʻzbek kitobxonlariga taqdim etilgan. Oʻquvchilar "venger Shekspiri" deb nom olgan Yanosh Aron asarlaridan bahramand boʻladilar. Toʻplamdan adibning dunyoga mashhur "Ajoyib suygʻunning hikoyati" (Rege a csodaszarvasról) doston-afsonasi oʻrin olgan.
 

        
📖 "Turkiy Adabiyot Durdonalari" (100 Jildlik) Haqida
·        Toʻplamni tayyorlashga 200 dan ortiq tarjimon, 100 dan ziyod adabiyotshunos va matnshunos olimlar hamda muharrirlar jalb etilgan.
·        "Oʻzbekiston" nashriyot-matbaa ijodiy uyida yuqori sifatli qattiq muqovada chop etilgan.
·        Turk dunyosining qadimiy yozma yodgorliklaridan tortib (masalan, "O'rxun-Enasoy", "Qutadg'u bilig", "Dada Qorqut"), turli turkiy xalqlar (o'zbek, qozoq, qirg'iz, turk, turkman, ozarbayjon va b.) adabiyoti namoyandalarining asarlarini o'z ichiga oladi.
 
 
📚 Mazkur nashrlarni O‘zbekiston Milliy kutubxonasi fondidan mutolaa qilishingiz mumkin.

2026-yil 15-oktabr kuni O‘zbekiston Milliy kutubxonasi mutaxassisi Shahlo O‘ktamova Olmaota markazlashgan kutubxona tizimi tomonidan tashkil etilgan "Chegarasiz kutubxonalar: xalqaro tajriba, amaliyot va innovatsiyalar" Xalqaro seminarida onlayn ishtirok etdi.

Ko‘zi ojiz va zaif ko‘ruvchi shaxslar uchun maxsus kutubxonalar, milliy, jamoat va universitet kutubxonalari rahbarlari va xodimlari, kutubxonachilik fakultetlari o‘qituvchilari, doktorantlari va talabalari, hamkorlar hamda kitobxonlar ishtirok etgan Xalqaro seminar zamonaviy kutubxonachilik va raqamli texnologiyalar borasida xalqaro tajriba almashinuviga bag‘ishlandi.
Seminarning maqsadi-inklyuziv muhitda ishlaydigan, ko‘zi ojiz va zaif ko‘ruvchi foydalanuvchilarga xizmat ko‘rsatadigan kutubxonalar tajribasi, shuningdek, inklyuzivlik va qulay muhit tajribasi bilan bo‘lishish.
O‘zbekiston Milliy kutubxonasi o‘quv zallarining yetakchi mutaxassisi Shaxlo O‘ktamova seminarda "Qulay kutubxona - teng imkoniyatlar: ko‘zi ojiz va zaif ko‘ruvchi foydalanuvchilarga xizmat ko‘rsatishda O‘zbekiston Milliy kutubxonasi va ixtisoslashtirilgan kutubxonalarining tajribasi" mavzusidagi ma'ruzasi bilan ishtirok etdi. U o‘z ma'ruzasida O‘zbekiston Milliy kutubxonasida mavjud pandus, Brayl alifbosida (rus va o‘zbek tillarida) alifbosidagi kompyuterlar, kitoblar va audiokitoblar kabi qulayliklarni qayd etib, ko‘rish qobiliyati yoki harakati cheklangan kitobxonlar uchun yaratilgan imkoniyatlar haqida ma'lumot berdi.