✅ 2026-yil 19-oktabr kuni O‘zbekiston Milliy kutubxonasi “O‘zbekiston” zalida O‘zbekiston xalq yozuvchisi Odil Yoqubov tavalludining 100 yilligiga bag‘ishlangan “Benazir s‘oz ustasi” deb nomlangan kitob-rasmli ko‘rgazma ochildi

📚 1926-yil 20-oktabr kuni Qozog‘istonda xizmatchi oilasida tug‘ilgan Odil Yoqubovning ijodi 50-yillardan boshlangan. Uning birinchi yirik asari – “Tengdoshlar” qissasi bo‘lib, u 1951-yilda chop etilgan. Adibning yirik asari – “Ko‘xna dunyo” romani O‘rta Osiyoning ikki buyuk allomasi Beruniy va Ibn Sino hayoti va fojiali taqdirlari, jahon ilm-fani taraqqiyotiga qo‘shgan buyuk hissalari haqida hikoya qiladi. Yozuvchi “Diyonat”, “Oqqushlar, oppoq qushlar”, “Adolat manzili” kabi yirik asarlarida adolatning nohaqlik, tubanlik ustidan g‘olib kelishini, turg‘unlik davri illatlarini, milliy mustaqillik yo‘lidagi kurash va adolatning g‘olib va qutlug‘ yo‘lini tasvirlaydi. Yozuvchi “Ulug‘bek xazinasi” romanida ulug‘ astronom Ulug‘bek va uning o‘g‘li Abdullatif o‘rtasidagi ziddiyatlarni, progressiv va reaksion kuchlar o‘rtasidagi kurashni tasvirlagan.
📝 Odil Yoqubov nafaqat yozuvchi, balki mohir tarjimon, munaqqid, publitsist, dramaturg sifatida ham barakali ijod qilgan. U respublikamiz teatrlarida sahnalashtirilgan “Aytsam tilim kuyadi, aytmasam dilim”, “Yurak yonmog‘i kerak”, “Chin muhabbat”, “Olma gullaganda” va boshqa pesalarning muallifidir.
📚 Odil Yoqubovning “Ikki muhabbat”, “Bir feleton”, “Muqaddas” , “Qanot juft bo‘ladi”, “Billur qandillar”, “Er boshiga ish tushsa”, “Izlayman” asarlari ham keng kitobxonlar ommasiga havola etilgan.
📚 Ushbu ko‘rgazmaga tashrif buyurgan kutubxona foydalanuvchilari o‘zbek adabiyotida o‘zining bebaho xissasini qo‘shgan Odil Yoqubovning hayoti va ijodiga dahldor O‘zbekiston Milliy kutubxonasi kitob fondidan joy olgan adabiyotlar bilan tanishdilar.

#Kutubxona_OAV_nigohida "Adib va kutubxona" seminar-treningi "O‘zbekiston 24" telekanalining "Axborot 24" dasturida yoritildi.

Rasmiy sahifalarimizga obuna bo‘ling
Telegram l Instagram  YouTube l Facebook l Twitter l Website

✅ Yusuf Xos Hojibning«Qutadg‘u bilig» asari yoki o‘n asr avval yozilgan asar

📚 Turkiy xalqlarning bobokalon shoiri va mutafakkiri Yusuf Xos Hojibning “Qutadg‘u bilig”  asarining faksimilesi O‘zbekiston Milliy kutubxonasi fondida saqlanayotgan nodir asarlardan biridir.

📝 "Qutadg‘u bilig" badiiy jihatdan boy asar hisoblanadi. Unda hayotiy voqelik va shoir hayoli o‘zaro uyg‘unlashgan. Shoirning tasvirlari yorqin, tili shirali, mazmunga boy. Asardagi ko‘p baytlar hikmatli so‘z (aforizm) darajasiga ko‘tarilgan. Har bir bayt tugal tasvir (yaxlit obraz) ga ega.

📝 Kitobning kirish qismida rus va nemis tillarida asar haqida qisqa ma'lumot berilgan.

📝 "Qutadg‘u bilig" XI asr so‘z san'atining nodir namunasi bo‘lib, unda o‘z davrining ilg‘or ijtimoiy-siyosiy, ma'naviy-axloqiy masalalari badiiy talqin qilingan, turkiy xalqlar tarixi, madaniyati, ilm-fani, urf-odat va an'analari, turmush tarzi, qadriyatlari xususida batafsil ma'lumot berilgan. "Qutadg‘u bilig"ning "Til odobi" ("Til ardami") deb nomlangan 7-bobida muallif tilning jamiyat va madaniy hayotdagi o‘rni, dunyoni, uning sir-sinoatlarini bilish va o‘rganishdagi ahamiyati, til ilmi, nutq odobi va notiqlik san'ati kabi masalalar haqida fikr yuritadi.