📍 Navoiy davlat universiteti Tarix fakultetida yoshlar o‘rtasida sog‘lom turmush tarzini targ‘ib qilish, giyohvandlikning ayanchli oqibatlari haqida tushuncha berish, zararli illatlarga qarshi murosasiz munosabatni shakllantirish maqsadida “Giyohvandlik — umr zavoli” mavzusida davra suhbati tashkil etildi!

📍 Tadbirda Navoiy viloyati Ichki ishlar boshqarmasi mutaxassis xodimlari U. Haydarov va A. Isaqulov ishtirok etib, giyohvandlikning inson salomatligi, kelajagi va jamiyat hayotiga salbiy ta’siri haqida muhim ma’lumotlar berdilar.

📍 Davra suhbati davomida 100 nafardan ortiq talaba-yoshlar qamrab olinib, giyohvandlik va uning salbiy oqibatlariga qarshi kurashish, huquqbuzarliklarning oldini olish hamda yoshlar xavfsizligini ta’minlashga oid masalalar muhokama qilindi. Shuningdek, O‘zbekiston Respublikasi Prezidentining 207-sonli qarori mazmun-mohiyati yana bir bor tushuntirilib, unda belgilangan vazifalar va tegishli chora-tadbirlarning ahamiyati haqida ma’lumot berildi.