តើអ្នកបានស្គាល់អាសយដ្ឋាន ទីស្នាក់ការថ្មីរបស់មជ្ឈមណ្ឌលជាតិនៃមជ្ឈត្តការផ្នែកពាណិជ្ជកម្ម ហើយឬនៅ?

កាលពីខែកញ្ញា ឆ្នាំ២០១៩ កន្លងទៅ ក្រុមប្រឹក្សាប្រតិបត្តិ បានសម្រេចធ្វើការប្តូរទីស្នាក់ការរបស់ ម.ជ.ម. មក អគារ ដាយមិនធ្វីនថៅវ័រ ជាន់ទី ២៦ នៅតំបន់កោះពេជ្យ។ នៅទីស្នាក់ការថ្មីនេះ មានសាលសវនាការ និងបន្ទប់ប្រជុំពិភាក្សារបស់គូភាគី ធំទូលាយ ព្រមទាំងការិយាល័យរបស់អគ្គលេខាធិការដ្ឋាន ដែលចូលរួមបង្កើនប្រសិទ្ធិភាពក្នុងការដោះស្រាយវិវាទតាមរយៈមជ្ឈត្តកម្ម។

អគ្គលេខាធិការដ្ឋាន រីករាយ ស្វាគមន៍ សាធារណៈជន ដែលមានបំណងចង់ស្វែងយល់បន្ថែមអំពី ម.ជ.ម. និង ទីស្នាក់ថ្មីនេះ។

សម្រាប់ព័ត៌មានផ្សេងៗ សូមផ្ញើរសារមកកាន់ info@ncac.org.kh។

កាលពីចុងសប្តាហ៍មុន យើងបានរៀបចំវគ្គបណ្តុះបណ្តាលមជ្ឈត្តការផ្នែកពាណិជ្ជកម្ម កម្រិតឧត្តម ជំនាន់២ ដែលបានបញ្ចប់ទៅដោយភាពស្និតស្នាល រីករាយ និងចែករំលែកបទពិសោធន៍ល្អៗ ពីមជ្ឈត្តករដែលមានបទពិសោធន៍ ដល់អនាគតមជ្ឈត្តកររបស់យើង។ យើងសូមអបអរសាទរដល់សិក្ខាកាមទាំងអស់ដែលបានបញ្ចប់វគ្គនេះដោយជោគជ័យ ហើយសង្ឃឹមថាយើងនឹងមានចំនួនមជ្ឈត្តករកាន់តែច្រើនថែមទៀតនៅក្នុងពេលដ៏ខ្លីមុខ។ យើងក៏សូមថ្លែងអំណរគុណដល់ លោកប្រធាន សមាជិកក្រុមប្រឹក្សាប្រតិបត្តិ សមាជិក ម.ជ.ម. ព្រមទាំងបងប្អូនក្រុមគ្រួសារ ម.ជ.ម. ទាំងអស់ដែលបានចូលរួមជួយរៀបចំវគ្គបណ្តុះបណ្តាលឲ្យដំណើរការទៅបានដោយជោគជ័យ។