នារសៀលថ្ងៃទី១១ ខែឧសភា ឆ្នាំ២០២៣ មជ្ឈមណ្ឌលជាតិនៃមជ្ឈត្តការផ្នែកពាណិជ្ជកម្ម (ម.ជ.ម.) នៃព្រះរាជាណាចក្រកម្ពុជា បានសហការជាមួយ និងគណៈមេធាវីនៃព្រះរាជាណាចក្រកម្ពុជារៀបចំនូវសិក្ខាសាលាមួយ ក្រោមប្រធានបទស្តីពី “ដំណាក់កាលសំខាន់ៗក្នុងដំណើរការមជ្ឈត្តការ” ដែលមានវត្តមានលោកមជ្ឈត្តករ សាន គីរី ប្រធាន ម.ជ.ម. និងលោកមជ្ឈត្តករ គឹម សាន អនុប្រធាន ម.ជ.ម. បានអញ្ជើញចូលរួមជាវាគ្មិនកិត្តិយស ព្រមទាំងមានវត្តមានឯកឧត្តម លី ច័ន្ទតុលា ប្រធានគណៈមេធាវីនៃព្រះរាជាណាចក្រកម្ពុជា បានអញ្ជើញធ្វើសេចក្ដីថ្លែងសុន្ទរកថាបើកសិក្ខាសាលា នៅទីស្នាក់ការគណៈមេធាវីនៃព្រះរាជាណាចក្រកម្ពុជា។ សិក្ខាសាលាបានដំណើរការទៅដោយរលូន នឹងត្រូវបានបញ្ចប់ដោយសន្ទរកថាបិទកម្មវិធីដោយ លោកមេធាវី លី ទិត្យបូនាមី សមាជិកក្រុមប្រឹក្សាគណៈមេធាវីផងដែរ។
__
Join our social media channels:
LinkedIn: https://www.linkedin.com/company/ncac-kh
Facebook: facebook.com/ncackh
Telegram: https://t.me/ncackh

[English below]

មជ្ឈមណ្ឌលជាតិនៃមជ្ឈត្តការផ្នែកពាណិជ្ជកម្ម (ម.ជ.ម.) មានកិត្តិយសជូនដំណឹងដល់សាធារណជនទាំងអស់ឱ្យបានជ្រាបថា៖ ម.ជ.ម. សហការជាមួយ កម្មវិធីសិក្សាថ្នាក់អនុបណ្ឌិតនីតិសាស្រ្តជាភាសាអង់គ្លេស ថ្នាក់សិក្សាស្រាវជ្រាវផ្នែក “Decolonizing Arbitration” នៃសាកលវិទ្យាល័យណាហ្គូយ៉ា និងសមាគមមជ្ឈត្តការពាណិជ្ជកម្មជប៉ុន (JCAA) នឹងរៀបចំសិក្ខាសិលាមួយក្រោមប្រធានបទស្តីពី “ការជ្រើសតាំង តួនាទី និងកាតព្វកិច្ចនៃវេទិកាមជ្ឈត្តកម្មនៅក្នុងប្រទេសកម្ពុជា និងប្រទេសជប៉ុន” ដែលនឹងប្រព្រឹត្តិទៅនៅថ្ងៃទី២៧ ខែឧសភា ឆ្នាំ២០២៣ ។ សិក្ខាសាលានេះនឹងមានវត្តមានលោកមជ្ឍត្តករ សាន គិរី ប្រធាន ម.ជ.ម. ព្រមទាំងសមាជិកជាមជ្ឈត្តករ ម.ជ.ម. ចូលរួមជាវាគ្មិនកិត្តិយសក្នុងកិច្ចពិភាក្សា អំពីបញ្ហានីតិវិធីសំខាន់ៗដែលអាចកើតឡើងក្នុងដំណើរការមជ្ឈត្តកម្ម។
សិក្ខាសាលានេះនឹងអនុញ្ញាតឱ្យអ្នកចូលរួមស្វែងយល់កាន់តែស៊ីជម្រៅអំពីគោលការណ៍គ្រិះជាមូលដ្ឋាននៃមជ្ឈត្តកម្ម បន្ថែមពីលើតួនាទីរបស់មជ្ឈត្តករក្នុងដំណើរការមជ្ឈត្តកម្មនៅក្នុងប្រទេសកម្ពុជា និងប្រទេសជប៉ុន។
_______________
The National Commercial Arbitration Centre (NCAC) is pleased to inform the public that, NCAC in Cooperates with the English Language Based Master of Law (ELBML), the research unit on “Decolonizing Arbitration” at Nagoya University, and Japan Commercial Arbitration Association (JCAA) are organizing a hybrid Seminar on “Arbitral Tribunal Selection, Roles and Duties in Cambodia and Japan” that will take place on 27th May 2023. Mr. San Kiri, President of NCAC and arbitrator members of the NCAC will join as speakers to bring a discussion concerning the significant procedural issue that arise during the arbitration proceeding.
This Seminar will allow the participants to get in-depth knowledge on the Fundamental Principles of Arbitration, in addition to the specific duties of the Arbitral Tribunal in the arbitration proceedings in Cambodia and Japan.