កាលពីថ្ងៃអង្គា ១១កើត ខែកត្តិក ឆ្នាំជូត ទោស័ក ព.ស. ២៥៦៤ ត្រូវនឹងថ្ងៃទី២៧ ខែតុលា ឆ្នាំ ២០២០ លោកប្រធាន ប៊ុន យូឌី បានធ្វើបឋកថាស្តីអំពីទិដ្ឋភាពទូទៅរបស់ មជ្ឈត្តការ និង មជ្ឈណ្ឌលជាតិនៃមជ្ឈត្តការផ្នែកពាណិជ្ជកម្ម ដល់សមាជិក សមាគមសហគ្រិនវ័យក្មេងកម្ពុជា។ លោកប្រធានក៏បានបង្ហាញអំពីវឌ្ឍនភាពរបស់មជ្ឈមណ្ឌល និងរបាយការណ៍សំណុំរឿងផងដែរ ដើម្បីជាព័ត៌មានដល់សមាគមធុរៈកិច្ច។

----------

On 27 October 2020, Mr. Bun Youdy, President of NCAC delivered a presentation on Overview of Arbitration and NCAC to members of Young Entrepreneurs Association of Cambodia (YEAC). Mr. Bun also shared the recent development and case statistical report to the business community for their information.

នៅព្រឹកថ្ងៃអង្គារ ០២កើត ខែមិគសិរ ឆ្នាំជូត ទោស័ក ព.ស. ២៥៦៤ ត្រូវនឹងថ្ងៃទី ១៧ ខែវិច្ឆិកា ឆ្នាំ ២០២០ នៅទីស្នាក់ការគណៈមេធាវី លោកប្រធាន ប៊ុន យូឌី បានដឹកនាំគណៈប្រតិភូ មជ្ឈមណ្ឌលជាតិនៃមជ្ឈត្តការផ្នែកពាណិជ្ជកម្ម ដើម្បីចូលជួសម្តែងការគួសម អបអរសាទរការចូលកាន់តំណែងរបស់ ឯកឧត្តម លី ច័ន្ទតុលា ប្រធានគណៈមេធាវី និងពិភាក្សាការងារទាក់ទងនឹងតួនាទីរបស់គណៈមេធាវី ក្នុងវិស័យមជ្ឈត្តការផ្នែកពាណិជ្ជកម្ម។

ជាលទ្ធផល អង្គប្រជុំបានឯកភាពសហការលើ ៣ ចំណុច មានដូចជា៖
១) ការអប់រំ និងបណ្តុះបណ្តាល
២) ជម្រុញការប្រើប្រាស់យន្តការមជ្ឈត្តការ និងរៀបចំកម្មវិធីប្រកួតថ្នាក់ជាតិអំពីមជ្ឈត្តការប្រតិដ្ឋផ្នែកពាណិជ្ជកម្ម ដល់និស្សិតកម្ពុជា
និង
៣) កសាងយន្តការដើម្បីនិរន្តភាពនៃកិច្ចសហការរវាងស្ថាប័នទាំងពីរ

តាងនាមឲ្យមជ្ឈមណ្ឌលជាតិនៃមជ្ឈត្តការផ្នែកពាណិជ្ជកម្ម លោកប្រធាន ប៊ុន យូឌី បានថ្លែងអំណរគុណយ៉ាងជ្រាលជ្រៅចំពោះ ឯកឧត្តម លី ច័ន្ទតុលា និងសហការីនៃគណៈមេធាវី ចំពោះការស្វាគមន៍ដ៏កក់ក្តៅ។ លោកប្រធាន ក៏សម្តែងភាពរីករាយ ដែលសំណើរបស់ ម.ជ.ម. ក៏ស្របទៅនឹងគោលនយោបាយរបស់ឯកឧត្តមប្រធានគណៈមេធាវីនៃព្រះរាជាណាចក្រកម្ពុជា។

ម.ជ.ម. មានកិត្តិយសសូមជម្រាបជូនដំណឹងដល់សាធារណៈជនឲ្យបានជ្រាបថា៖ ម.ជ.ម ចាប់ផ្តើមជ្រើសរើសបេក្ខជនដែលមានសមត្ថភាព និងឆន្ទៈខ្ពស់ ដើម្បីបំពេញតួនាទីជា មន្ត្រីផ្នែកច្បាប់ មន្ត្រីផ្នែកទំនាក់ទំនង និងមន្ត្រីផ្នែកគណនេយ្យ ដើម្បីបំរើការងារនៅអគ្គលេខាធិការដ្ឋាន ម.ជ.ម. ។

The NCAC is pleased to announce the recruitment of highly qualified and motivated candidates to fulfill positions of Legal Officer, Communication Officer and Accounting Officer in the General Secretariat of NCAC.

សេចក្តីប្រកាសព័ត៌មាន / PRESS RELEASE

ម.ជ.ម. មានកិត្តិយស សូមជូនដំណឹងដល់សាធារណជនឱ្យបានជ្រាបថា៖ សវនាការផ្ទាល់មាត់តាមប្រព័ន្ធអនឡាញ លើកដំបូងបំផុតរបស់ ម.ជ.ម. ត្រូវបានរៀបចំឡើងដោយជោគជ័យកាលពីថ្ងៃទី៣ និងទី៤ ខែធ្នូ ឆ្នាំ២០២០ នាពេលកន្លងមក
សម្រាប់ព័ត៌លម្អិត សូមអានសេចក្តីប្រកាសព័ត៌មានខាងក្រោម។
------------
NCAC is pleased to inform the public that our very first remote online oral hearing was successfully conducted on the 3rd and 4th of December 2020.
For details information, please refer to blow Press Release.

កាលពីថ្ងៃសៅរ៍ ១១ រោច ខែបុស្ស ឆ្នាំជូត ទោស័ក ពុទ្ធសករាជ២៥៦៤ ត្រូវនឹងថ្ងៃទី៩ ខែមករា ឆ្នាំ២០២១ នៅសណ្ឋាគារ កាំបូឌីយ៉ាណា មជ្ឈមណ្ឌលជាតិនៃមជ្ឈត្តការផ្នែកពាណិជ្ជកម្ម (ម.ជ.ម.) បានរៀបចំពិធីបើកវគ្គបណ្តុះបណ្តាលជំនាញមជ្ឈត្តការ ជំនាន់៣ និងពិធីប្រគលវិញ្ញាបនបត្រដល់បេក្ខជនដែលបានប្រលងជាប់ជាស្ថាពរទទួលបានលក្ខណៈសម្បត្តិដូចមានចែងក្នុង មាត្រា ១២.១(ឃ) នៃបទបញ្ជាផ្ទៃក្នុងរបស់ ម.ជ.ម. ក្រោមអធិបតីភាពរបស់ លោកមជ្ឈត្តករ ប៊ុន យូឌី ប្រធាន ម.ជ.ម. ។ ឆ្លៀតក្នុងឳកាសនោះ លោកប្រធានក៏បានចែករំលែកអំពីវឌ្ឍនភាពរបស់មជ្ឈមណ្ឌល ដូចជាស្ថិតិសំណុំរឿង សមាជិក និងផែនការសកម្មភាពសម្រាប់ឆ្នាំ២០២១ ជូនដល់ សមាជិក និងសិក្ខាកាម ដែលមានវត្តមាននៅអង្គពីធី។

ម.ជ.ម. ក៏សូមថ្លែងអំណរគុណយ៉ាងជ្រាល ជ្រៅដល់ការិយាល័យមេធាវីចំនួន៤ ដែលបានចូលរួមឧបត្ថម្ភពិធីនេះមានដូចជា Tilleke & Gibbins PYT&Associates SokSiphanna&Associates និង Bun&Associates ។

https://www.facebook.com/media/set/?vanity=ncackh&set=a.2749043115347747