[English Below]
ម.ជ.ម. បានចុះអនុស្សារណៈនៃការយោគយល់គ្នាជាមួយមជ្ឈមណ្ឌលនៃមជ្ឈត្តការអន្តរជាតិសិង្ហបុរីដើម្បីជំរុញការប្រើប្រាស់មជ្ឈត្តការអន្តរជាតិ

នៅថ្ងៃទី២៤ ខែមីនា ឆ្នាំ២០២២ មជ្ឈមណ្ឌលជាតិនៃមជ្ឈត្តការផ្នែកពាណិជ្ជកម្ម (“ម.ជ.ម.”) បានចុះអនុស្សារណៈនៃការយោគយល់គ្នាជាមួយមជ្ឈមណ្ឌលនៃមជ្ឈត្តការអន្តរជាតិសិង្ហបុរី (Singapore International Arbitration Centre) ក្នុងគោលបំណងធ្វើការជំរុញការប្រើប្រាស់មជ្ឈត្តការអន្តរជាតិឱ្យទៅជាយន្តការដែលពេញនិយមសម្រាប់ការដោះស្រាយវិវាទពាណិជ្ជកម្ម។ សម្រាប់ព័ត៌មានបន្ថែមសូមចូលទៅកាន់សេចក្តីប្រកាសព័ត៌មានពេញ។
____________

NCAC Entered into MOU with SIAC to Promote International Arbitration

On 24 March 2022, National Commercial Arbitration Centre (NCAC) has entered into a Memorandum of Understanding (MOU) with the Singapore International Arbitration Centre (SIAC) to promote international arbitration as a preferred method for resolving commercial disputes. Please refer to the full press release for more information.

នារសៀលថ្ងៃទី២៥ ខែមីនា ឆ្នាំ២០២២ លោកមជ្ឈត្តករ ប៊ុន យូឌី ប្រធាន ម.ជ.ម. បានដឹកនាំក្រុមប្រឹក្សាប្រតិបត្តិ និងក្រុមការងារអគ្គលេខាធិការដ្ឋាន ចូលជួបសម្ដែងការគួរសម និងពិភាក្សាកិច្ចការមួយចំនួនទាក់ទងនឹងតួនាទីរបស់ក្រសួងយុត្តិធម៌ក្នុងនីតិវិធីមជ្ឈត្តការផ្នែកពាណិជ្ជកម្ម ជាមួយ ឯកឧត្តម កើត រិទ្ធិ រដ្ឋមន្រ្តីក្រសួងយុត្តិធម៌ នៅឯទីស្នាក់ការក្រសួងយុត្តិធម៌។ លោកប្រធាន ប៊ុន យូឌី បានជម្រាបជូនអំពីវឌ្ឍនភាពរបស់ ម.ជ.ម. ជាពិសេសកំណើននៃចំនួនសំណុំរឿងវិវាទ។ លោកប្រធាន ក៏បានស្នើសុំកិច្ចសហប្រតិបត្តិការបន្ថែមពីសំណាក់ក្រសួងយុត្តិធ៌លើសកម្មភាពមួយចំនួន ក្នុងន័យជំរុញការដោះស្រាយវិវាទពាណិជ្ជកម្ម តាមរយៈយន្តការមជ្ឈត្តការ ក៏ដូចជាយន្តការដោះស្រាយវិវាទក្រៅប្រព័ន្ធតុលាការផ្សេងៗទៀតរបស់ ម.ជ.ម. ។ ឯកឧត្តមរដ្ឋមន្រ្តី បានអបអរសាទរដល់សមិទ្ធផលទាំងអស់ដែល ម.ជ.ម. បានសម្រេច ព្រមទាំងមានមោទនភាព យ៉ាងខ្លាំងដែល ម.ជ.ម. មានសមត្ថភាពទទួលបានការជឿទុកចិត្តពីសំណាក់អ្នកប្រើប្រាស់ ។ ឯកឧត្តមរដ្ឋមន្រ្តី បានមានប្រសាសន៍ថា៖ ក្រសួងយុត្តិធម៌ និង ម.ជ.ម. និងធ្វើការជាមួយគ្នាដើម្បីបុព្វហេតុរួមមួយ គឺដើម្បីបម្រើដល់វិស័យយុត្តិធម៌ ព្រមទាំងទាក់ទាញវិនិយោគិន ដើម្បីជំរុញកំណើនសេដ្ឋកិច្ចនៅកម្ពុជា។