កាលពីថ្ងៃព្រហស្បតិ៍ ៧រោច ខែមិគសិរ ឆ្នាំខាល ចត្វាស័ក ព.ស. ២៥៦៦ ត្រូវនឹងថ្ងៃទី១៥ ខែធ្នូ ឆ្នាំ២០២២ មជ្ឈមណ្ឌលជាតិនៃមជ្ឈត្តការផ្នែកពាណិជ្ជកម្ម (ម.ជ.ម.) បានរៀបចំការប្រកួតវគ្គពាក់កណ្ដាលផ្ដាច់ព្រ័ត្រ នៃកម្មវិធីប្រកួតមជ្ឈត្តការប្រតិដ្ឋផ្នែកពាណិជ្ជកម្មប្រចាំឆ្នាំលើកទី២ ឆ្នាំ២០២២ ។

សូមជម្រាបជូនថា កម្មវិធីប្រកួតមជ្ឈត្តការប្រតិដ្ឋផ្នែកពាណិជ្ជកម្ម របស់ ម.ជ.ម. គឺជាកម្មវិធីមួយ ដែលអនុញ្ញាតឱ្យសាធារណៈជន ដែលមានចំណាប់អារម្មណ៍ក្នុងវិស័យមជ្ឈត្តការពាណិជ្ជកម្មទទួលបាននូវឱកាសក្នុងការដើរតួជាអ្នកតំណាងឱ្យគូភាគីក្នុងដំណើរការមជ្ឈត្តការប្រតិដ្ឋមួយនេះ។ កម្មវិធីប្រកួតនេះផងដែរ ក៏មានគោលបំណងក្នុងការជំរុញឱ្យមានការសិក្សាយល់ដឹង និងការប្រើប្រាស់ឱ្យកាន់តែប្រសើរឡើងនូវយន្តការមជ្ឈត្តការ ក្នុងការដោះស្រាយវិវាទពាណិជ្ជកម្ម។

សម្រាប់ព័ត៌មានបន្ថែម សូមទំនាក់ទំនង៖
លេខទូរស័ព្ទ +៨៥៥ ៩៦ ៨១០ ៥៨៨៨ | អ៊ីម៉ែល moot@ncac.org.kh

_
Join our social media channels:
LinkedIn: https://www.linkedin.com/company/ncac-kh
Facebook: National Commercial Arbitration Centre - NCAC
Telegram: https://t.me/ncackh

កាលពីថ្ងៃសៅរ៍ ៩រោច ខែមិគសិរ ឆ្នាំខាល ចត្វាស័ក ព.ស. ២៥៦៦ ត្រូវនឹងថ្ងៃទី១៧ ខែធ្នូ ឆ្នាំ២០២២ មជ្ឈមណ្ឌលជាតិនៃមជ្ឈត្តការផ្នែកពាណិជ្ជកម្ម (ម.ជ.ម.) បានរៀបចំការប្រកួតវគ្គផ្ដាច់ព្រ័ត្រ នៃកម្មវិធីប្រកួតមជ្ឈត្តការប្រតិដ្ឋផ្នែកពាណិជ្ជកម្មប្រចាំឆ្នាំលើកទី២ ឆ្នាំ២០២២ នៅឯសាកលវិទ្យាល័យជាតិគ្រប់គ្រង ក្រោមអធិបតីភាពរបស់ លោកមជ្ឈត្តករ សាន គីរី ប្រធាន ម.ជ.ម. និង លោកបណ្ឌិត សេង ប៊ុនធឿន សាកលវិទ្យាធិការរង តំណាងដ៏ខ្ពង់ខ្ពស់របស់ ឯកឧត្តមបណ្ឌិត ហោ ប៉េង សាកលវិទ្យាធិការ សាកលវិទ្យាល័យជាតិគ្រប់គ្រង។

ក្នុងការប្រកួតវគ្គផ្ដាច់ព័្រត្រនេះផងដែរ ត្រូវបានផ្តល់កិត្តិយសចូលរួមជាគណៈកម្មការដាក់ពិន្ទុ (វេទិកាមជ្ឈត្តកម្មនៃមជ្ឈត្តករបីរូប) ដោយ៖
លោកជំទាវ ខៀវ សុខា អនុប្រធានសាលាឧទ្ធរណ៍រាជធានីភ្នំពេញ
លោកមជ្ឈត្តករ ប៊ុន យូឌី អតីតប្រធាន ម.ជ.ម.​ និង
ឯកឧត្តមបណ្ឌិត គង់ ផល្លៈ រដ្ឋលេខាធិការ ក្រសួងប្រេសណីយ៍ និងទូរគមនាគម​ន៍ និងជាអាជ្ញាកណ្ដាលការងារ​។

នាល្ងាចថ្ងៃសៅរ៍ ៩រោច ខែមិគសិរ ឆ្នាំខាល ចត្វាស័ក ព.ស. ២៥៦៦ ត្រូវនឹងថ្ងៃទី១៧ ខែធ្នូ ឆ្នាំ២០២២ មជ្ឈមណ្ឌលជាតិនៃមជ្ឈត្តការផ្នែកពាណិជ្ជកម្ម (ម.ជ.ម.) បានរៀបចំពិធីចែកវិញ្ញាបនបត្រ និងពិសាភោជនីយអាហារ ជាមួយស្ថាប័នចូលរួមឧបត្ថម្ភ ស្ថាប័នចូលរួមគាំទ្រ គ្រូដឹកនាំ គណៈកម្មការវាយតម្លៃ មជ្ឈត្តករស្ម័គ្រចិត្ត គណៈកម្មការកំណែស្ម័គ្រចិត្ត ក្រុមការងារទាំងអស់ និង ក្រុមប្រកួតនៃកម្មវិធីប្រកួតមជ្ឈត្តការប្រតិដ្ឋផ្នែកពាណិជ្ជកម្មប្រចាំឆ្នាំលើកទី២ ឆ្នាំ២០២២ នៅឯសណ្ឋាគាររ៉េស៊ីដង់ សុខាភ្នំពេញ។

សូមជម្រាបជូនថា កម្មវិធីប្រកួតមជ្ឈត្តការប្រតិដ្ឋផ្នែកពាណិជ្ជកម្ម របស់ ម.ជ.ម. គឺជាកម្មវិធីមួយ ដែលអនុញ្ញាតឱ្យសាធារណៈជន ដែលមានចំណាប់អារម្មណ៍ក្នុងវិស័យមជ្ឈត្តការពាណិជ្ជកម្មទទួលបាននូវឱកាសក្នុងការដើរតួជាអ្នកតំណាងឱ្យគូភាគីក្នុងដំណើរការមជ្ឈត្តការប្រតិដ្ឋមួយនេះ។ កម្មវិធីប្រកួតនេះផងដែរ ក៏មានគោលបំណងក្នុងការជំរុញឱ្យមានការសិក្សាយល់ដឹង និងការប្រើប្រាស់ឱ្យកាន់តែប្រសើរឡើងនូវយន្តការមជ្ឈត្តការ ក្នុងការដោះស្រាយវិវាទពាណិជ្ជកម្ម។

មជ្ឈមណ្ឌលជាតិនៃមជ្ឈត្តការពាណិជ្ជកម្ម (ម.ជ.ម.) មានកិត្តិយសប្រកាស និងចូលរួមអបអសាទរដល់ក្រុមដែលទទួលបានជ័យលាភីក្នុងកម្មវិធីប្រកួត មជ្ឈត្តការប្រតិដ្ឋផ្នែកពាណិជ្ជកម្មប្រចាំឆ្នាំលើកទី២ ឆ្នាំ២០២២ របស់ ម.ជ.ម.។
"ក្រុមជ័យលាភីលើការតាក់តែងសេចក្តីថ្លែងទាមទារ” បានទៅលើក្រុមភាគីប្ដឹងទាមទារទី២ ដែលមានសមាសភាព៖
១. កញ្ញា រតនា ផល្លិកា
២. លោក ជួប តុលា
៣. លោក ប្រាក់ ចាន់ដែន
ដោយមាន លោក ឌិន ស៊ីដែន ជាគ្រូដឹកនាំ ដែលទទួលបានទឹកប្រាក់អាហាររូបករណ៍សរុបចំនួន ៨,០០០,០០០.០០ ៛ (ប្រាំបីលានរៀល)
-
Join our social media channels:
LinkedIn: https://www.linkedin.com/company/ncac-kh
Facebook: National Commercial Arbitration Centre - NCAC
Telegram: https://t.me/ncackh