🇺🇿🇰🇷 Ўзбекистон-Корея

🏥 Болалар Миллий Тиббиёт Маркази яна бир тарихий воқеага гувоҳ бўлди! Марказга Жанубий Кореянинг машҳур Samsung Kangbuk клиникаси ва KOFIH фонди вакиллари ташриф буюрдилар.

✅ Ушбу ташрифнинг асосий мақсади – халқаро ҳамкорликни мустаҳкамлаш, замонавий тиббиётдаги илғор тажрибалар билан ўртоқлашиш ва сифат назорати (QPS) тизими доирасида ҳамкорликни йўлга қўйишдан иборатдир.

🔹 Меҳмонлар марказнинг кенг қамровли тиббий ва илмий салоҳияти билан танишиб, операцион блок, реанимация, поликлиника ҳамда ядровий тиббиёт бўлимларининг фаолиятини бевосита кузатдилар.

❕Бу каби юксак нуфузга эга халқаро ҳамкорлик лойиҳалари юртимиз тиббиётининг жаҳон стандартлари даражасига кўтарилишига, тиббий хизмат сифатининг янада юксалишига ҳамда шифокорларимиз малакасини оширишга беқиёс ҳисса қўшади!

bmtm.uz | telegram | instagram | facebook | youtube | x

🇺🇿🇰🇷 Ўзбекистон – Корея: Нейрохирургия соҳасида ҳамкорлик

🔸 Учрашув давомида Болалар миллий тиббиёт маркази ҳамда Samsung Kangbuk клиникаси ўртасида халқаро ҳамкорликни бошқа жиҳатларига ҳам алоҳида эътибор қаратилди!

🤝 Samsung Kangbuk клиникаси президенти Шин Хюль Чун нейрохирург бўлганлиги сабабли, ташриф давомида нейрохирургия соҳасидаги ўзаро ҳамкорликни янги босқичга олиб чиқиш бўйича мухим келишувларга эришилди. Томонлар соҳада жарроҳлик амалиётлари бўйича тажриба алмашиш, малакали мутахассислар тайёрлаш ва замонавий тиббий технологияларни жорий этиш юзасидан ҳамкорлик меморандумини имзолаш ҳамда қўшма лойиҳаларни амалга ошириш ҳақида келишиб олдилар.

☑️ Келишув доирасида, юртимизда шу вақтга қадар амалга оширилмаган мураккаб жарроҳлик амалиётларини профессор Шин Хюль Чун томонидан ўтказилиши ҳамда марказ шифокорлари учун махсус мастер-класслар ташкил этилиши белгиланди.

bmtm.uz | telegram | instagram | facebook | youtube | x