#live
-
📺 Болалар миллий тиббиёт маркази директори Бахтиёржон Умаров бошчилигидаги марказ кардиошифокорлари «Ўзбекистон» телеканалининг «Ҳаста бўлманг!» кўрсатувида жонли эфирда иштирок этмоқдалар.

bmtm.uz | telegram | instagram | facebook | youtube | x

🔴 🟦🟦🟦

❗️Болалар миллий тиббиёт маркази лабораторияси 4 йўналиш бўйича халқаро сертификатни қўлга киритди

✅ Ўзбекистон тиббиётида амалга оширилаётган трансформация жараёни халқаро миқёсда ҳам тез-тез эътироф этиб келинмоқда. Яқинда Болалар миллий тиббиёт маркази лабораторияси шундай юксак эътирофга сазовор бўлди.

➡️ Аниқ айтадиган бўлсак, лаборатория жамоаси Британиянинг етакчи халқаро RIQAS (Randox International Quality Assessment Scheme) дастурида иштирок этиб, 4 йўналиш бўйича “Certificate of Participation” сертификатини қўлга киритди.

⬇️ Улар қуйидагилардан иборат:

🟣 Ойлик клиник кимё дастури (Monthly Clinical Chemistry Programme) — биокимёвий таҳлилларда аниқлик ва ишончлиликни таъминлаш;

🟣 Ойлик гематология дастури (Monthly Haematology Programme) — қон таҳлилларида юқори сифат ва самарадорликни кафолатлаш;

🟣 Коагуляция дастури (Coagulation Programme) — қон ивиш жараёнларини баҳолашда халқаро андозаларга риоя этиш;

🟣 Ойлик иммунтаҳлил дастури (Monthly Immunoassay Programme) — иммунологик таҳлилларда ишончли натижаларни таъминлаш.

📊 Маълумки, RIQAS дастури дунёдаги энг йирик ташқи сифатни баҳолаш (EQA) тизими бўлиб, 140 га яқин мамлакатдаги 76 мингдан зиёд лаборатория иштирокида ташкил этилади. Мазкур дастур тиббий таҳлилларнинг халқаро стандартларга мослигини баҳолашда етакчилиги билан ажралиб туради.

📌 Айтиш жоизки, Ўзбекистондан юборилган намуналар юқори аниқлик билан таҳлил қилинди ва марказ лабораторияси халқаро талабларга жавоб бериши қайд этилди.

📋 Қувонарлиси шундаки, дунё бўйича кам сонли лабораторияларга ана шу турдаги сертификатлар насиб этган.

🔎 Шунинг ўзиёқ Болалар миллий тиббиёт маркази лабораторияси нафақат мамлакатимиз, балки халқаро миқёсда ҳам ишончли таҳлил масканларидан бири эканлигини кўрсатиб турибди.

♻️ Бу муваффақиятдан руҳланган марказ жамоаси сифат ва самарадорлик кўрсаткичларини янада яхшилаш мақсадида меҳнат қилмоқда.

‼️ Соғлиқни сақлаш вазирлиги Матбуот хизмати томонидан тайёрланган шу ҳақдаги видеолавҳа билан яқин вақтларда танишишингиз мумкин.

Соғлиқни сақлаш вазирлиги
Матбуот хизмати.

🌐@ssvuz  | 🌐@ssvmatbuotkotibi |🌐 Facebook | 🌐Instagram

‼️ Швейцариялик машҳур жарроҳ Пауль Роберт Фогт Ўзбекистонда! 🇺🇿

🫀 2-3-4 март кунлари Болалар миллий тиббиёт марказига дунёга машҳур шветсариялик профессор, юрак жарроҳлиги бўйича мутахассис Пауль Роберт Фогт ташриф буюриши кутилмоқда!

👨‍⚕️ Профессор Фогт – юрак-қон томир тизими жарроҳлиги бўйича халқаро даражада эътироф этилган мутахассис бўлиб, ўзининг кўп йиллик тажрибаси ва инновацион усуллари билан танилган.

📅 Ташриф доирасида:

✅ Ўта ноёб ва мураккаб турдаги юрак жарроҳлик амалиётлари 🫀
✅ Болалар Миллий Тиббиёт Маркази шифокорлари учун мастер-класслар 👩‍⚕️👨‍⚕️
✅ Халқаро тажриба алмашиш ва юрак жарроҳлиги соҳасидаги илғор усулларни ўрганиш кўзда тутилмоқда 🌍💡

💎 Пауль Роберт Фогтнинг ташрифи нафақат болалар соғлиғини муҳофаза қилишга, балки Ўзбекистондаги юрак жарроҳлигини халқаро стандартларга мувофиқ ривожлантиришга ҳам хизмат қилади.

bmtm.uz | telegram | instagram | facebook | youtube | x | tiktok

💪 ЗАМОНАМИЗ ҚАҲРАМОНИ

❗️Йўқ, бу гал бу таъриф фақат шифокорлар учун ишлатилмади.

✅ Сулаймон 2011-йилдан бери буйрак касаллиги билан курашиб келди. 2020-йилда унинг ўнг буйраги олиб ташланган, аммо ягона қолган чап буйраги ҳам ўз вазифасини бажара олмай қўйди.Буйрак трансплантацияси – унинг ҳаётини сақлаб қолиш учун ягона йўл эди.

📊 15 февраль, 2025 йил – Болалар миллий тиббиёт марказида яна бир мураккаб буйрак кўчириб ўтказиш амалиёти муваффақиятли бажарилдиғ.

🌞 Она ўз буйрагини беришга қарор қилди ва барча текширувлардан муваффақиятли ўтиб, амалиётга тайёрланди. Бироқ шифокорлар олдида жиддий муаммо пайдо бўлди: беморнинг чап буйраги ишдан чиққан, шу билан бирга инфекция ва тошларни сақлаётган эди.

⚕️ Операция қандай ўтказилди?
🔹 Донор буйраги лапароскопик усулда (кам жароҳатли усул) олинди.
🔹 Беморнинг чап буйраги инфекция сабабли олиб ташланди.
🔹 Онасининг соғлом буйраги беморнинг чап томонига кўчириб ўтказилди.

bmtm.uz | telegram | instagram | facebook | youtube | x | tiktok

🔎 Яқинда Болалар миллий тиббиёт маркази лабораторияси Буюк Британиянинг халқаро RIQAS (Randox International Quality Assessment Scheme) дастури доирасида 4 йўналиш бўйича “Certificate of Participation” сертификатини қўлга киритгани ҳақида хабар бергандик.

➡️ Мазкур тиббиёт муассасасида бўлиб ўтган сертификатларни топшириш маросимида Соғлиқни сақлаш вазирлиги масъуллари ҳамда марказ жамоаси қатнашди.

📹 Соғлиқни сақлаш вазирлиги Матбуот хизмати томонидан шу ҳақда тайёрланган махсус видеолавҳа яқин вақтларда эълон қилинади.

Соғлиқни сақлаш вазирлиги
Матбуот хизмати.

🌐@ssvuz  | 🌐@ssvmatbuotkotibi |🌐 Facebook | 🌐Instagram

🤝 Болалар миллий тиббиёт маркази ва KOFIH жамғармаси ҳамкорлиги

👨‍⚕️ Болалар миллий тиббиёт маркази директори Бахтиёржон Умаров Кореянинг KOFIH фонди вакили жаноб Жинпё Хонг ҳамда марказнинг "Сифат назорати ва беморлар хавфсизлиги" (QPS) бўлими жамоасини қабул қилди.

✅ Учрашувда марказнинг JCI (Joint Commission International) халқаро аккредитациясидан муваффақиятли ўтгани ва ҳозирда унинг қайта ҳимоясига тайёргарлик кўрилаётгани таъкидланди.

🌍 JCI аккредитациясини сақлаб қолиш — Болалар Миллий Тиббиёт Марказининг беморлар хавфсизлиги ва тиббий хизмат сифатига бўлган юқори эътиборини намоён этади. Бу глобал миқёсда марказнинг нуфузини оширишга хизмат қилиб, халқаро ҳамкорлик алоқаларини янада мустаҳкамлайди.

💡 Марказда QPS бўлими фаолиятини такомиллаштириш орқали эса янги тажрибалар, инновацион технологиялар ва илғор билимларни татбиқ этиш имконияти яратилади.

bmtm.uz | telegram | instagram | facebook | youtube | x | tiktok

🌞 Витамин D — инсон организми учун аҳамияти ва фойдалари 🦴💪

Витамин D инсон организми учун жуда муҳим бўлиб, унинг бир нечта асосий вазифалари мавжуд:

1️⃣ • Витамин D кальций ва фосфорнинг сўрилишини яхшилайди, бу суякларнинг мустаҳкамлигини таъминлайди.

2️⃣ • Витамин D иммун тизимининг тўғри ишлашини таъминлайди ва инфекцияларга қарши курашишда ёрдам беради.

3️⃣ • Витамин D мушакларнинг кучли ва самарали ишлашини таъминлайди.

4️⃣ • Ҳужайраларнинг ўсиши, ривожланиши ва табиий йўқолиш жараёнларини тартибга солишда иштирок этади.

5️⃣ • Витамин D ёллиғланиш жараёнларини назорат қилади.

☀️ Витамин D манбалари:
✅ Қуёш нури (керакли миқдорда)
✅ Ёғли балиқлар 🐟
✅ Тухум сариғи 🥚
✅ Бойитилган озиқ-овқатлар 🥛
✅ Зарур ҳолларда витамин D қўшимчалари 💊

-
👨‍⚕️ Элбек Маматқулов
* Болалар миллий тиббиёт маркази эндокринолог шифокори

bmtm.uz | telegram | instagram | facebook | youtube | x | tiktok

❓Болаларни боғчага қабул қилишда қандай тиббий маълумотномалар талаб қилинади?

✅ Боғчадаги қувноқ муҳит жажжи ўғил-қизларнинг шахс сифатида шаклланишида муҳим роль ўйнайди. Айниқса, уларнинг жамиятга тез мослашиши, жисмоний, ақлий ва маънавий камолоти бевосита ана шу маскан билан боғлиқ.

📝 Маълумки, Вазирлар Маҳкамасининг 2019 йил 13 майдаги тегишли қарорига мувофиқ мамлакатимизда умумий турдаги давлат боғчаларига 3 ёшдан 7 ёшгача бўлган болалар қабул қилинади. Хусусий мактабгача таълим муассасасига қабул қилиш ёши ва тартиби эса ушбу маскан томонидан мустақил белгиланади.

❓ Хўш, бу жараёнда ота-оналардан қандай тиббий маълумотномалар талаб этилади?

👩‍⚕️ Мазкур саволга Тошкент шаҳар соғлиқни сақлаш бошқармаси бош педиатри Дилобар Ҳидоятова батафсил жавоб берди.

🩺 — Боғча ёши болаликнинг энг муҳим даври, — дейди мутахассис. — Шу боис юртимизда жажжи ўғил-қизлар саломатлигини асраш, улар ўртасида касалликларнинг олдини олишга алоҳида эътибор қаратилмоқда.

👶 Хусусан, бугунги кунда болаларни МТМга қабул қилишда ота-оналардан бир нечта тиббий маълумотномалар талаб қилинади.

💻 Амалдаги тартибга кўра, айни пайтда туғуруқ комплексларида чақалоқ дунёга келгач, тўғридан тўғри ота-онанинг яшаш манзили бўйича рўйхатга олинади ва автоматик тарзда Давлат хизматлари маркази орқали мактабгача таълим муассасасига навбатга қўйилади.

📲 Бола 3 ёшга тўлгач, ДХМ томонидан ота-онанинг мобил телефонига фарзандини боғчага жойлаштириш учун навбати келгани ҳақида SMS-хабарнома юборилади.

🟣 Шундан сўнг Соғлиқни сақлаш вазирлигининг 2022 йил 27 июлдаги тегишли буйруғига биноан 026-шаклдаги тиббий маълумотнома олиш учун бола ҳудудий оилавий поликлиникада йўлланма асосида стоматолог, эндокринолог, ортопед, офтальмолог, оила шифокори томонидан тиббий кўрикдан ўтказилади.

🌡 Умумий қон ва пешоб ҳамда 3 марта гижжага қарши лаборатор таҳлиллар олинади.

💉Қолаверса, бола Миллий профилактик эмлаш календарига мувофиқ вирусли гепатит В, сил, полиомиелит, ротавирус инфекция, бўғма, қоқшол, кўкйўтал, Хиб инфекция, қизамиқ, эпидпаротит, пневмококк инфекция каби хасталикларга қарши вакцина олганлиги ҳақида 063-шаклдаги тиббий маълумотнома талаб қилинади. Шу билан бирга, ота-оналардан фарзандини гепатит А га қарши эмлаш тавсия этилади.

🔬 Вакцина олишга қарши кўрсатмалар (перинатал ҳолатлар, жароҳатлар, инфекцион ёки сурункали касалликлар, аввалги эмлаш препаратларига реакциялар ёки асоратлар, дори воситаларига ва озиқ-овқатларга аллергик реакциялар) бўлса, реабилитация ва соғломлаштириш жараёнларидан сўнг эмлаш тадбирлари ўтказилади.

‼️ Агар болада церебрал фалаж, талваса ва эпилепсия синдроми ҳамда руҳий хасталиклар аниқланса, ихтисослаштирилган мактабгача таълим муассасасига жойлаштириш тавсия қилинади.

Соғлиқни сақлаш вазирлиги
Матбуот хизмати.

🌐@ssvuz  | 🌐@ssvmatbuotkotibi |🌐 Facebook | 🌐Instagram

💉 Сколиоз касалиги - жарроҳлик амалиётида анестезиолог шифокорнинг роли
-
👨‍⚕️ Элдор Куралов
* Болалар миллий тиббиёт маркази анестезиолог шифокори

bmtm.uz | telegram | instagram | facebook | youtube | x | tiktok

⁉️ Бола безовталанганда она сутини текширтириш керакми?

-
Камола Каххарова
* Педиатр

bmtm.uz | telegram | instagram | facebook | youtube | x | tiktok

#no_comment
-
☑️ Ҳиндистоннинг "Neo Institute of Medical Sciences and Technology" университети вакиллари билан учрашув

bmtm.uz | telegram | instagram | facebook | youtube | x