Бир Ёшгача Болаларда Аксириш: Норма ёки Касаллик? 😊👶

Аксириш – бу болаларнинг табиий ва оддий рефлекси, аммо ота-оналар кўпинча аксиришнинг сабабини ва унинг нормага тўғри келишини билишга қизиқишади. Болаларда аксириш, айниқса, бир ёшгача бўлган даврда, кўплаб ҳолларда норма сифатида қабул қилинади.

-
👨‍⚕️ Муҳаммадхусан Исмоилов
* Педиатр

❓Болалар нима учун аксирадилар?

Нафас йўлларидаги ҳаво ўзгаришлари: Совуқ ёки иссиқ ҳаво, чанг ёки аллергенлар болаларда аксиришни келтириб чиқариши мумкин. ❄️🌞

Балғам: Болалар ҳали нафас йўллари тўлиқ ривожланмаганлиги сабабли, балғам ёки мўкус тўпланиши аксиришни қўзғатиши мумкин. 💧

Сезгирлик: Янги туғилган болаларда нафас олиш тизими жуда сезгир, шунинг учун улар ҳаво ўзгаришларига ёки хатто кичик қичишишларга аксириши мумкин. 😌💨

Батафсил...

bmtm.uz | telegram | instagram | facebook | youtube | x | tiktok

🧒 Энурез — болаларда тунги сийдик тута олмаслик: сабаблари ва тавсиялар

Энурез — бу бола кечаси ухлаётганда сийдикни ушлаб туролмаслик ҳолати бўлиб, кўпинча 5 ёшгача бўлган болаларда учрайди. Аммо баъзида бу муаммо каттароқ ёшдаги болаларда ҳам кузатилади ва ота-оналарда хавотир уйғотади.

-
Қобилжон Эргашев
* Уролог

🩺 Асосий сабаблари:

Асаб тизимининг тўлиқ етилишмаганлиги

Ирсия (ота-онада бўлса, болада ҳам кузатилиши мумкин)

Стресс ёки психологик босим (масалан, оиладаги ўзгаришлар, боғча ёки мактабдаги муаммолар)

Пешоб йўлларининг яллиғланиши ёки инфекциялар

Гормонал мувозанатсизлик (антидиуретик гормон етишмаслиги)

Уйқунинг жуда чуқур бўлиши

👩‍⚕️ Даволаш ва тавсиялар:

Аввало, болани айбламанг! Бу ҳолат учун болани қўйиш ёки жазолаш тўғри эмас.

Кундалик режимга риоя қилинг: ухлашдан олдин суюқлик истеъмолини чекланг.

Бола билан психологик суҳбатлар олиб боринг, ўзингизни қўллаб-қувватловчи тутинг.

Кечаси болани ҳожатхонага чиқаришга одатлантиринг.

bmtm.uz | telegram | instagram | facebook

📢 Болалар миллий тиббиёт марказининг "Энг яхши шифокори"га овоз беринг! 🏆
•••••
🏥 Болалар миллий тиббиёт маркази томонидан ташкил этилган сўровномада иштирок этиб, ўзингиз муносиб деб билган номзодга овоз беринг! ✅
***
📅 Овозлар 2025 йилнинг 30-апрель кунига қадар қабул қилинади.

Овоз бериш учун устига босинг

bmtm.uz | telegram | instagram | facebook | youtube | x | tiktok

🧩 Болаларда аутизм: белгилари ва эрта аниқлаш бўйича мутахассис тавсиялари

Аутизм спектри бузилиши (АСБ) бу — боланинг ижтимоий алоқаларда, мулоқотда ва хулқ-атворида муайян қийналишларни келтириб чиқарадиган ривожланиш ўзгариши. Бу ҳолат ҳар бир болада ҳар хил даражада намоён бўлади: баъзи болалар енгил аломатларга эга бўлса, баъзилари кўпроқ қўллаб-қувватлашга муҳтож бўлади.

-
👩🏻‍⚕️ Мафтуна Аюпова
* Невролог

📌 Аутизмнинг эътиборга олиши лозим бўлган белгилари:

1. Ижтимоий алоқада муаммолар
- Кўзга тикилиб қарамаслик ёки кўз контактдан қочиш.
- Исмига жавоб бермаслик.
- Ўйинларда бошқалар билан ўйнамаслик, ёлғизликни афзал кўриш.
- Эмоцияларни (хурсандчилик, ғамгинлик) ифода этмаслик ёки кам ифода этиш.

Батафсил...

bmtm.uz | telegram | instagram | facebook | youtube | x | tiktok

🇪🇬 Дунёга машҳур Мисрлик жарроҳ Тамер Ашраф Вафа Болалар миллий тиббиёт марказининг 5 йиллигига бағишланган "Болалар тиббиётидаги инновацион технологиялар форуми"да иштирок этиш учун Тошкентга келиши кутилмоқда

Доктор Ашраф Вафа болалар тиббиёти ва илғор жарроҳлик соҳасидаги тажрибаси билан танилган мутахассисдир. Форумда у замонавий тиббиётдаги инновацион технологиялар, болалар жарроҳлигини ривожлантириш ва тиббий хизмат кўрсатишдаги янги тенденциялар ҳақида ўз тажрибаси ва кўникмалари билан ўртоқлашади.

☑️ Форум болалар соғлигини муҳофаза қилишда янги имкониятлар яратиш, илғор технологияларни жорий этиш ва халқаро ҳамкорликни мустаҳкамлашга хизмат қилади.

bmtm.uz | telegram | instagram | facebook | youtube | x

☑️ Якунланган ҳафтада каналимизда эълон қилинган материаллар дайжести

•••••

🔸 Hotel Inspira-S Tashkent меҳмонҳонасида “I-турдаги нейрофиброматоз ва плексиформ нейрофибромалар” мавзусида халқаро давра суҳбати бўлиб ўтди.

🔸 Болаларда ғилайлик: сабаблари ва даволаш

🔸 Болалар миллий тиббиёт маркази директори Бахтиёржон Умаров Халқаро Қизил Ярим Ой жамияти ҳуқуқий маслаҳатчиси жаноб Фахад Аҳмедни қабул қилди.

🔸 Бир Ёшгача Болаларда Аксириш: Норма ёки Касаллик?

🔸 Энурез — болаларда тунги сийдик тута олмаслик: сабаблари ва тавсиялар

🔸 Болалар миллий тиббиёт марказининг "Энг яхши шифокори" сўровномаси

🔸 Болаларда аутизм: белгилари ва эрта аниқлаш бўйича мутахассис тавсиялари

🔸 Тамер Ашраф Вафа Тошкентга келиши кутилмоқда

🔸 Россиянинг Академик Н.Н. Бурденко номидаги Миллий нейрохирургия тиббий тадқиқот маркази ўртасида ҳамкорлик меморандуми имзоланди!

bmtm.uz | telegram | instagram | facebook | youtube | x

🩺 Болалар учун мунтазам текширувлар: қайси ёшда нималарга эътибор қаратиш керак?

Фарзандингиз соғлом ва бахтли ўсиши учун мунтазам тиббий кўриклар жуда муҳим. Ҳар бир ёш даврида алоҳида диққат қаратилиши лозим бўлган ҳолатлар мавжуд.

-
👩‍⚕️Мухтасар Анварова
* Педиатр

👶 0–1 ёш:
Энг муҳим текширувлар: неонатолог, педиатр, невролог, офтальмолог.
Эътибор қилинадиган ҳолатлар: вазн ва бўй ўсиши, бош айланаси ўлчами, тўғри эмизиш, кўриш ва эшитиш қобилияти, тана ҳаракатлари.

🧒 1–3 ёш:
Педиатр, стоматолог, офтальмолог, лор мутахассиси кўриги.
Суяк ва мушак тизими ривожланиши, нутқнинг шаклланиши, тишлар соғломлиги ва иммунитет ҳолатига эътибор бериш зарур.

🧑‍🦱 4–6 ёш:
Мактабга тайёргарлик текширувлари: кўриш, эшитиш, психологик ҳолат.
Психомотор ривожланиш ва диққат қобилияти текширилади.

🧑‍🎓 7–12 ёш:
Ортопед, офтальмолог, стоматолог кўригидан мунтазам ўтиш.
Сколиоз, тиш қаторининг нотўғри шаклланиши, кўриш муаммолари ва аллергияларга эътибор.

Батафсил...

bmtm.uz | telegram | instagram | facebook | youtube

🧬 Генетик касалликларни барвақт аниқлаш: болаларда ДНК таҳлилининг аҳамияти

🧒 Болаларда баъзи касалликлар туғма ёки ирсий бўлиши мумкин. Уларни эрта босқичда аниқлаш ва даволаш учун генетик таҳлиллар жуда муҳимдир.

-
Эрхан Ачар
* Генетик лабoратория бўлими мудири

🧪 Генетик лаборатория орқали аниқланадиган ҳолатлар:

🔹Туғма синдромлар (масалан, Даун синдроми)

🔹Мускул ва суяклар билан боғлиқ ирсий муаммолар

🔹Эндокрин касалликлар (масалан, модда алмашинуви бузилишлари)

🔹Иммун тизими камчиликлари

📌 Қачон генетик таҳлил зарур?

🔹Агар оилада ирсий касалликлар кузатилган бўлса

🔹Болада ривожланиш кечикиши ёки ноодатий аломатлар бўлса

🔹Яқин қариндошлар орасида бир хил касаллик қайд этилган бўлса

🧑‍⚕️ БМТМдаги Генетик лаборатория замонавий технологиялар билан жиҳозланган бўлиб, болаларда ирсий касалликларни аниқлаш ва уларни даволаш стратегиясини белгилашда катта ёрдам беради.

Батафсил...

bmtm.uz | telegram | instagram | facebook | youtube

"Болалар тиббиётидаги инновацион технологиялар" халқаро форуми
-
📅 2-3 май, 2025 йил
📍 Tashkent City Hilton меҳмонхонаси

Ўзбекистон Республикаси Соғлиқни сақлаш вазирлиги ҳамкорлигида Болалар Миллий Тиббиёт Марказининг 5 йиллиги муносабати билан ташкил этилаётган ушбу нуфузли халқаро форум болалар тиббиёти соҳасидаги энг долзарб муаммолар, илғор инновациялар ва замонавий даволаш усулларини муҳокама қилиш учун йирик мутахассислар ва соҳа экспертларини бир майдонга жамлайди.

Форум доирасида:
✅ Болалар тиббиётидаги замонавий технологик ютуқлар
✅ Болалар касалликларини эрта аниқлаш ва даволашдаги инновацион ёндашувлар
✅ Тиббий хизматларнинг сифатини ошириш ва халқаро тажриба алмашиш

Ташриф буюрувчилар:
🔹 Болалар тиббиёти бўйича халқаро ва маҳаллий мутахассислар
🔹 Жаҳоннинг етакчи клиникалари ва тиббиёт марказлари вакиллари
🔹 Илмий тадқиқотчилар ва соҳа экспертлари

📃 Батафсил маълумот учун: Устига босинг

📌 Форумга рўйхатдан ўтиш учун QR-кодни сканер қилинг

bmtm.uz | telegram | instagram | facebook | youtube

🍽 БОЛАЛАРНИ ОВҚАТЛАНТИРИШДА ЙЎЛ ҚЎЙИЛАДИГАН 5 ТА ХАТО

Ота-оналар фарзандининг соғлом ўсишини истайди. Лекин баъзан яхши ният билан қилинган хатолар бола организмига салбий таъсир кўрсатиши мумкин. Қуйида энг кўп учрайдиган хатоларни келтирамиз:

-
👩🏻‍⚕️ Нилуфар Шарипова
* Педиатр

❌ 1. Режасиз ва аниқ вақтсиз овқатлантириш
Болани ҳар куни муайян вақтда овқатлантирмаслик, унинг ҳазм қилиш тизими ва иштаҳасига салбий таъсир кўрсатади.

🟢 Тавсия: Болада кундалик овқатланиш режасини шакллантиринг

❌ 2. Фақат боланинг хоҳишини инобатга олиш
"Фақат макарон, фақат ширинлик" — болалар баъзан фақат севимли овқатини истайди. Лекин бу овқатланиш мувозанатини бузади.

🟢 Тавсия: Рационни витамин, оқсил, углевод ва ёғлар билан мувозанатлаштиринг.

❌ 3. Тез тайёрланадиган ва қайта ишланган маҳсулотлар
Чипси, колбаса, газли ичимликлар каби маҳсулотлар боланинг ўсишига, асаб тизимига ва ички органларига зарар етказади.

Батафсил...

bmtm.uz | telegram | instagram | facebook | youtube

🔴 🟦🟦🟦

❗️Болалар миллий тиббиёт маркази: Уч ойда 820 дан зиёд мураккаб операциялар ўтказилди

✅ Соғлиқни сақлаш соҳасига қаратилаётган юксак эътибор боис юртимиз тиббиёти жадал ривожланмоқда. Буни яқингача фақат хориж клиникаларида ўтказилган қатор мураккаб жарроҳлик амалиётлари ўзимизда йўлга қўйилиб, салмоқли натижалар қўлга киритилаётгани ҳам яққол тасдиқлаб турибди.

🏥 Хусусан, Болалар миллий тиббиёт марказида шу йилнинг ўтган уч ойи мобайнида 1130 та жарроҳлик амалиёти муваффақиятли ўтказилди. Шундан 823 таси ўзининг мураккаблиги билан ажралиб туради. Улар орасида илк бор амалга оширилганлари ҳам талайгина.

💬 — Ҳеч бир натижа ўз-ўзидан қўлга киритилмайди, — дейди шу муассаса директори Бахтиёржон Умаров. — Бунинг замирида юртимизда соҳага қаратиб келинаётган катта эътибор ётибди.

🔬 Марказимизга замонавий асбоб-ускуналар олиб келиб ўрнатилгани ва мутахассисларимиз чет давлатларда малака ошириб келаётгани ўз самарасини беряпти. Натижада бир пайтлар фақат орзу қилиш мумкин бўлган мураккаб операцияларни ўзимизда бажаряпмиз.

📌 Биргина жорий йилнинг ўтган уч ойида мутахассисларимиз томонидан 46 турдаги мураккаб жарроҳлик амалиёти ўзлаштирилди.

➡️ Мисол сифатида эса реконструктив иридопластика, пастки жағ анкилозни бартараф этиш ва имплант ёрдамида реконструкциялаш, алвеоляр ўсиғ ёриғини суяк кўчириб ўтказиш ёрдамида бартараф этиш, куйгандан кейинги чандиқли тортувчи контрактурасини қон томирли тери кўчириб ўтказиш ёрдамида ҳал этиш, юқори жағ нуқсонини лахтакли кичик болдир суяги билан тиклаш, жигар кўчириб ўтказиш, жигарнинг атипик резекцияси ҳамда лапароскопик усулда буйрак трансплантациясини кўрсатиш мумкин.

🔎 Шу ўринда Ўзбекистонда илк бор ўтказилган ноёб юрак жарроҳлик амалиётларидан бирини алоҳида келтирмоқчимиз.

👶 Бир ойлик чақалоқда юракнинг чап қоринча чиқиш йўли торайиши аорта орқали бартараф этилди.

➡️ Бундай юқори хавфли ва жуда нозик жарроҳлик амалиёти дунёдаги энг илғор тиббиёт марказларида бажарилади, холос.

➡️ Кичик тана вазнига эга чақалоқда биринчи марта ўтказилган операция мамлакатимиз тиббиётида янги саҳифа очди.

➡️ Болалар кардиохирургияси соҳасидаги ушбу инновацион қадам юрак нуқсонлари билан туғилган чақалоқлар учун янги имкониятлар яратади.

🤝 Ноёб жарроҳлик амалиётлари хусусида сўз борганда, бу борада халқаро ҳамкорликнинг ўрни салмоқли бўлаётганлигини алоҳида таъкидлаш зарур.

🟣 Жорий йилнинг уч ойи мобайнида хорижликлар билан биргаликда қатор операциялар амалга оширилди. Германия ва Италия жарроҳлари кўмагида 2 нафар бета-талассемия беморларида аллоген суяк илиги трансплантацияси ўтказилди.

❗️Германиялик Жан Соэренсоннинг маслаҳати асосида жувенил миеломоноситик лейкозда азацитидин билан даволаш усули қўлланилди. Швейцария ва германиялик мутахассислар иштирокида юрак эхинококкоз жарроҳлик амалиёти муваффақиятли бажарилди.

📍 Америкалик тажрибали жарроҳ Луис де ла Торре марказимизга ташриф буюриб, мутахассисларимиз билан тажриба алмашди. Ташриф доирасида у тўғри ичак ва аноректал касалликларнинг замонавий даволаш усуллари, шу жумладан, гиршпрунг касаллиги, аноректал мальформация ва функционал ичак бузилиши бўйича маҳорат дарслари ўтди. Айни чоғда у кам инвазив жарроҳлик усулларини жорий этиш бўйича маслаҳатлар берди ва қатор ноёб операцияларда иштирок этди.

📈 Шу каби саъй-ҳаракатлар туфайли нафақат юртдошларимиз, айни чоғда хорижликларнинг ҳам бизга бўлган ишончи ортиб бораётир. Натижада бизга мурожаат қилаётган чет элликлар сони сезиларли даражада ошмоқда.

📊 Уч ой давомида 516 нафар норезедентга амбулатор ҳамда 57 нафарига стационар шароитда сифатли тиббий хизматлар кўрсатилди. Улар орасида Қозоғистон, Қирғизистон, Тожикистон, Туркманистон, Россия, Туркия ҳамда Хитой фуқаролари кўпчиликни ташкил этади.

‼️ Умуман олганда, муассасамиз фаолияти ҳам янги операция ва даволаш усулларини ўзлаштириш маъносида, ҳам тиббий хизматлар сифатини халқаро даражага олиб чиқиш нуқтаи назаридан кенгайиб бормоқда.

Соғлиқни сақлаш вазирлиги
Матбуот хизмати.

🌐@ssvuz  | 🌐@ssvmatbuotkotibi |🌐 Facebook | 🌐Instagram