❗️Семизлик болаларда жиддий эндокрин касалликларни келтириб чиқариши мумкин

📊 Болаларда кузатиладиган семизлик — дунё эндокринологларини хавотирга солаётган муаммолардан бири. ЖССТ маълумотларига кўра, айни пайтда сайёрамизда 7 ёшдан 9 ёшгача бўлган ўғил-қизларнинг 29 фоизи ортиқча вазнга эга.

👩🏻‍⚕️ Биз бу мавзуда батафсил маълумот олиш учун Республика ихтисослаштирилган эндокринология илмий-амалий тиббиёт маркази Болалар эндокринологияси бўлими мудири, тиббиёт фанлари номзоди Мухлиса Шарихсиевага мурожаат қилдик.

💬 — Агар ота-оналар фарзандлари ривожланишида бўй ўсишининг секинлашиши, ортиқча вазн ёки аксинча, вазн етишмаслиги, ҳорғинлик, заифлик каби ҳолатларни сезсалар, дарҳол болалар эндокринологига мурожаат қилишлари керак, — дейди мутахассис.

🍔 Бу, асосан носоғлом овқатланиш, яъни фастфудлар, тез тайёрланувчи маҳсулотлар, ширинликлар, шоколад ва газланган ичимликларни ҳаддан зиёд кўп истеъмол қилиш билан боғлиқ.

🧒🏻 Болаларда семириш беш ёшдан кузатила бошлайди. Бунга кўпинча мактабга чиқишдан олдин ўғил-қизлар турмуш тарзининг кескин ўзгариши, овқатланиш тартибининг бузилиши сабаб бўлади.

🥗 Семизликдан сақланишнинг асосий йўли мувозанатли таомланишдир. Айниқса, нонушта қилишни канда қилмаслик керак. Чунки бола кун давомида қувват берадиган калория ва углеводларнинг асосий миқдорини эрталабки танаввул пайтида олади. Нонушта бўтқа, тухум, творог ва мевалардан иборат бўлиши мумкин.

🍛 Тушлик ва кечки овқат ҳам вақтида қилиниши керак. Шунингдек, кун давомида зарур миқдорда суюқлик ичишни ҳам унутмаслик зарур.

🍝 Боланинг рационида ортиқча углеводлар бўлмаслиги муҳим. Уларни истеъмол қилиш турмуш тарзига боғлиқ. Чунки бундай моддалар танадаги энергия манбаи ҳисобланади. Шунинг учун, агар бола кўп ҳаракатланса ва спорт билан шуғулланса, кўпроқ углеводларга муҳтож ва аксинча, ҳаракати кам бўлса, углеводни камайтирган афзал.

✅ Бундан ташқари, истеъмол қилинадиган овқат ҳажмига ҳам эътиборли бўлиш лозим. Болага катталар ейдиган порцияни бермаслик керак.

📌 Ўғил-қизлардаги семизликнинг асосий хавфи кейинчалик уларда 2-тоифа қандли диабет ривожланиши мумкин. Ушбу касалликнинг дастлабки белгилари тез-тез пешоб қилиш, ташналик ва сабабсиз вазн йўқотишдир. Фарзандингизда бундай белгиларни сезсангиз, дарҳол эндокринологга мурожаат қилишинг.

Соғлиқни сақлаш вазирлиги
Матбуот хизмати.

📱 @ssvuz  |📱 @ssvmatbuotkotibi | 📱 Facebook |📱 Instagram

📌 Саратон касаллигини барвақт аниқлаш ва олдини олиш – бола ҳаётини сақлаб қолишда муҳим қадам!

🎗 Саратон (онкология) касалликлари фақат катталарда эмас, балки болаларда ҳам учрайдиган жиддий муаммолардан бири ҳисобланади. Аммо бу касалликни барвақт аниқлаш ва олдини олиш орқали фарзандларимизни соғлом сақлаш мумкин.

🛡 Нималарга эътибор қаратиш керак?
🔍 Барвақт аниқлаш учун:

🔹Қон таҳлилларини мунтазам қилиб туринг (гемоглобин, лейкоцитлар, тромбоцитлар)

🔹Узоқ давом этувчи иситма, чарчоқ, лимфа безларининг катталашиши, терида доғлар бўлса – шифокорга мурожаат қилинг

🔹Скрининг текширувларини ўтказинг

🥦 Олдини олишда табиий ёрдамчилар:

🔹Кўк чой, брокколи, сабзи, саримсоқ, мевалар (антиоксидантларга бой)

🔹Кам қайта ишланган ва қовурилган озуқа истеъмоли

🔹Иммунитетни ошириш – соғлом турмуш тарзи, уйқу, фаол ҳаракат

👨‍👩‍👧 Ота-оналарга тавсиялар:

🔹Боладаги ўзгаришларга эътиборли бўлинг

🔹Шифокор кўриги ва маслаҳатларини инкор қилманг

Батафсил...

bmtm.uz | telegram | instagram | facebook | youtube | x

📍 Болаларга беринг дунёни!
Саломатлик акцияси Қорақалпоғистонда
••••
🔘 Болалар миллий тиббиёт маркази директори Бахтиёржон Умаров бошчилигидаги етакчи шифокорлар жамоаси Қорақалпоғистон Республикасига хизмат сафари билан етиб борди.
-

🩺 «Болаларга беринг дунёни!» саломатлик акцияси доирасида марказнинг қуйидаги мутахассислари иштирокида тиббий тадбирлар ўтказилиши режалаштирилган:

-
• кардиолог
• кардиожарроҳ
• ЛОР мутахассис
• педиатр
• болалар хирурги
• уролог
• пластик хирург
• гастроэнтеролог
• невролог

📌 Акция доирасида Қорақалпоғистон Республикаси болалар кўп тармоқли тиббиёт маркази ҳамда Қорақалпоғистон Республикаси тиббиёт институти клиникасида тиббий кўриклар, жарроҳлик амалиётлари ва мастер-класслар ўтказилиши белгиланган.

👥 Ушбу ташриф аҳолига малакали тиббий ёрдам кўрсатиш, ҳудудий тиббиёт муассасалари мутахассислари билан тажриба алмашиш ва болалар соғлиғини янада мустаҳкамлашга қаратилган.

bmtm.uz | telegram | instagram | facebook | youtube | x

🎉 75 йил – шонли ҳаёт ва фаолият йўли!
••••
☑️ Бугун юртимиз тиббиётининг етук вакилларидан бири, буюк устоз, салоҳиятли жарроҳ ва меҳнатсиевар олим – академик Назирoв Феруз Ғафуровичнинг 75 йиллик юбилейи кенг нишонланмоқда.
-

Феруз Ғафурович бутун меҳнат фаолиятини инсон саломатлигига бағишлаган, юксак билим ва маҳоратни эъзозлаган, минглаб беморларни соғайтира олган юракли шифокордир. Бундан ташқари, юзлаб шифокор мутахассисларни тарбиялаб, уларнинг профессионал шаклланишига улкан ҳисса қўшган.

-
🔘 Феруз Ғафурович замонавий жарроҳлик усулларини жорий этиш, халқаро илмий доиралар билан ҳамкорликни кучайтириш ва илм-фан салоҳиятини ошириш йўлида тинимсиз меҳнат қилган.

🔹 Болалар миллий тиббиёт маркази жамоаси номидан Феруз Гафуровичнинг шу қутлуғ сана билан табриклаймиз!
Сизга мустаҳкам соғлик, тинч ва файзли ҳаёт, яқинларингиз бағрида бахт ва келгусидаги саъй-ҳаракатларингизда янада юқори муваффақиятлар тилаймиз!

bmtm.uz | telegram | instagram | facebook | youtube | x

🔴 🟦🟦🟦🟦

☀️ Ҳадемай юртимизда ёз мавсуми бошланади. Шунга қарамай, ҳозирдан ҳарорат юқорилаб боряпти. Албатта, жазиримада саломатликни асраш, айниқса, офтоб уришидан сақланиш муҳим.

❓Хўш, Соғлиқни сақлаш вазирлигининг бу борадаги тавсиялари қандай?

📹 Юқоридаги видеороликда шу ҳақда сўз юритилади.

Соғлиқни сақлаш вазирлиги
Матбуот хизмати.

📱 @ssvuz  |📱 @ssvmatbuotkotibi | 📱 Facebook |📱 Instagram

📍 “Болаларга беринг дунёни!” акцияси Мўйноқда давом этмоқда
••••
🗓 2-кун
-

Болалар миллий тиббиёт маркази директори бошчилигидаги шифокорлар жамоаси хизмат сафари доирасида Қорақалпоғистон Республикасининг Мўйноқ туманига етиб келди.

-
🔹 Сафарнинг бу босқичида “Болаларга беринг дунёни!” саломатлик акцияси доирасида болаларни тиббий кўрикдан ўтказиш, зарур ҳолларда жарроҳлик амалиётларини ўтказиш ҳамда ҳудудий тиббиёт муассасалари мутахассислари учун амалий машғулотлар — мастер-класслар ташкил этиш режалаштирилган.

📌 Ушбу акция Президентимиз Шавкат Мирзиёевнинг чекка ҳудудларда истиқомат қилувчи болалар учун сифатли тиббий хизматни таъминлаш, мутахассислар малакасини ошириш ва бу орқали ноёб турдаги жарроҳлик амалиётларини ҳудуднинг ўзида амалга ошириш бўйича аниқ топшириқ ва ташаббуслари доирасида амалга оширилмоқда.

bmtm.uz | telegram | instagram | facebook | youtube | x | tiktok

#ОАВ | Хаста бўлманг!
-
☑️ Болалар миллий тиббиёт маркази директори Бахтиёржон Умаров ҳамда марказ шифокорлари «Ўзбекистон» телеканалининг «Ҳаста бўлманг!» кўрсатувида жонли эфирда иштирок этдилар.

🎞 Батафсил лавҳада

bmtm.uz | telegram | instagram | facebook | youtube | x | tiktok

31 май — Бутунжаҳон тамакисиз кун

❗️Тамаки саноатида қўлланилаётган ҳид ва таъм берувчи қўшимчалар туфайли дунёда ёшлар орасида чекиш оммалашмоқда

✔️ Тамаки маҳсулотларини истеъмол қилиш инсон саломатлигига нечоғлик зарарли экани хусусида кўп ва хўп гапирилган. Бироқ шунга қарамай, дунё миқёсида бу иллат ёшлар орасида кенг тарқалаётгани ташвишлидир.

🚬 Шу боис жорий йил Бутунжаҳон тамакисиз кун тадбирларининг асосий мақсади соҳа саноати томонидан қўлланилаётган зарарли усуллар ҳақида жамоатчиликни хабардор қилиш ва бу борадаги саъй-ҳаракатларни бирлаштиришга қаратилган.

👫 Маълумотларга кўра, дунё бўйлаб 13–15 ёшдаги 37 миллион нафар ўғил-қизлар тамакини у ёки бу шаклда истеъмол қилмоқда. Жаҳон соғлиқни сақлаш ташкилотининг Европа минтақасида эса 13–15 ёшдаги 11,5 фоиз ўғил болалар ва 10,1 фоиз қизлар тамаки чекади.

🟢Унинг таркибидаги никотин алкоголь ҳамда бошқа психоактив моддалар каби одамда кучли қарамликни келтириб чиқаради. Қолаверса, ўпка, бронх ва нафас йўллари саратонидан ўлим ҳолатларининг 85 фоизи, юрак ишемик касалликлари билан боғлиқ ўлим ҳолатларининг 16 фоизи, сил касаллигидан ўлимнинг 26 фоизи ва қуйи нафас йўллари инфекцияларидан ўлимнинг 24 фоизи тамаки истеъмол қилиш билан боғлиқ.

➡️ Сўнгги вақтларда тамаки саноати ўзининг услубларини айни шароитларга мослаштиришга уриниб, янги истеъмолчиларни жалб этиш ва уларни сақлаб қолишга астойдил интиляпти. Айниқса, ҳид ва таъм берувчи қўшимчалар, мақсадли маркетинг ва алдамчи дизайнлардан кенг фойдаланилмоқда.

🔥 Оқибатда электрон сигареталар, қиздириладиган тамаки маҳсулотлари ва никотинли снюслар ўғил-қизлар орасида оммалашмоқда. Шу боис бундай хавотирли вазият зудлик билан қатъий чоралар кўришни талаб этади.

🗣️ — Юртимизда ёшларни тамаки маҳсулотларининг зараридан ҳимоя қилиш мақсадида қатор комплекс чора-тадбирлар кўрилмоқда, — дейди ССВнинг тамакига қарши курашиш бўйича бош консультанти Ш. Шукуров. — Хусусан, жорий йилда Олий Мажлис Қонунчилик палатаси томонидан электрон сигареталар муомаласини тақиқлаш бўйича қонун қабул қилиниб, Сенат томонидан маъқулланди.

🌍 Интернет ва ижтимоий тармоқларда ҳамда савдо объектларида тамаки маҳсулотларини реклама қилишга ва сотувини рағбатлантиришга йўл қўймаслик бўйича белгиланган талабларни амалиётда ижро этилиши ўрганилди. Шунингдек, бугун дунёнинг 11 та давлатида, жумладан, Ўзбекистонда ҳам электрон сигареталар рекламаси, сотувини рағбатлантириш ва ҳомийлик қилишнинг ҳар қандай шакллари қонун билан тақиқланган.

👨‍⚕️ Ҳозир барча ваколатли органлар билан биргаликда тамаки маҳсулотларининг ноқонуний айланмасига қарши кескин чоралар кўрилиб, уларнинг зарари тўғрисида аҳолининг хабардорлиги ошириб борилмоқда.

‼️ Шу ўринда Соғлиқни сақлаш вазирлиги ҳар қандай тамаки маҳсулотларини чекиш соғлиқ учун хавфли экани ҳақида яна бир бор огоҳлантириб, бу зарарли одатдан йироқ бўлишга чақиради.

Соғлиқни сақлаш вазирлиги
Матбуот хизмати.

📱 @ssvuz  |📱 @ssvmatbuotkotibi | 📱 Facebook |📱 Instagram

🧍‍♂️ ФАРЗАНДИНГИЗНИНГ УМУРТҚАСИ ТО‘ҒРИ ЎСЯПТИМИ?

Сколиоз — болаларда тез-тез учрайдиган ва барвақт чора кўрилмаса, жиддий асоратларга олиб келувчи умуртқа поғонаси қийшайиши ҳисобланади.

Талъат Алиев
* Болалар миллий тиббиёт маркази ортопед шифокори

⚠️ СКОЛИОЗНИНГ АСОСИЙ БЕЛГИЛАРИ:
🔹 Бола турганда ёки юрганда елкалари симметрик эмас

🔹 Бир елка иккинчисидан пастда ёки баланд

🔹 Бел соҳасида бир томонда букилиш

🔹 Ётганда бир томонга оғиш ҳолати кўринади

🔹 Бола тез чарчайди, бел ва бўйинда оғриқ бўлади

🧬 НЕГА СКОЛИОЗ РИВОЖЛАНАДИ?
🔸 Нотўғри ўтириш (мактабда, уйда)

🔸 Мушакларнинг нотенг ривожланиши

🔸 Генетик омиллар

🔸 Травмалар ва туғма умуртқа нуқсонлари

👨‍⚕️ ДАВОЛАШ УСУЛЛАРИ:
✅ Физиотерапия ва махсус жисмоний машқлар

✅ Массаж ва ортопедик ёндошув

✅ Қўллаб-қувватловчи корсетлар

✅ Аутофизиотерапия (ўзини ўзи тиклашга ёрдам берадиган усуллар)

✅ Хирургик даволаш (оғир ҳолатларда)

Батафсил...

bmtm.uz | telegram | instagram | facebook | youtube | x

🔴 1 июнь — Халқаро болаларни ҳимоя қилиш куни

❗️Ватанимиз истиқболини соғлом фарзандларимиз тимсолида кўрамиз

✅ Халқимизнинг болажонлиги қўшимча исбот талаб қилмайдиган ҳақиқат. Бу бугунги кунга келиб, давлат сиёсати даражасига кўтарилганлиги, айниқса, диққатга сазавор. Яъни ҳар бир бола халқимиз ва давлатимиз ғамхўрлигини ҳис этиб яшамоқда. Хусусан, уларнинг соғлиғи доимий эътибор марказида.

📌 Аввало, мамлакатимизда болалар туғилмасидан олдин уларга ғамхўрлик бошланишини айтиш жоиз. Буни 8 минг 500 та доялик штати ташкил этилиб, ҳомиладор аёллар аҳволи мунтазам назорат қилиб борилаётгани ҳам яққол тасдиқлайди.

🏥 Республика ихтисослаштирилган она ва бола саломатлиги илмий-амалий тиббиёт маркази томонидан тегишли тиббиёт муассасалари ягона тизимга бирлаштирилганини ҳам муҳим қадам сифатида келтириш мумкин.

🔎 Мазкур маскан она ва бола саломатлигини муҳофазалаш бўйича қанчалик аҳамиятга эга бўлса, Болалар миллий тиббиёт маркази ва Республика ихтисослаштирилган педиатрия илмий амалий тиббиёт марказларининг фарзандларимиз соғлиғини мустаҳкамлаш йўналишидаги ўрни ундан кам эмас.

📊 Бундан ташқари, республика бўйича 4247 ўринли 13 та ҳудудий болалар кўп тармоқли тиббиёт марказлари самарали фаолият кўрсатиб келмоқда.

📈 Ҳудудлардаги 18,7 мингта ўринга мўлжалланган 234 та болалар даволаш-профилактика муассасаси болажонлар хизматида. Қолаверса, 824 та оилавий шифокорлик пункти, 984 та оилавий поликлиника ҳамда 207 та кўп тармоқли марказий поликлиникада фарзандларимиз саломатлигини тиклаш учун барча шарт-шароит яратилган.

🩺 Педиатрия хизматини янада юксалтириш учун соҳани рақамлаштириш чоралари кўрилаётганлигини ҳам айтиб ўтиш зарур. Шу жумладан, 2022 — 2024 йиллар давомида электрон амбулатор карталар, телетиббиёт маслаҳати, ота-оналар учун мобиль иловалар жорий қилинди.

➡️ Бу эзгу саъй-ҳаракатлар туғруқдан олдин, туғруқ ва туғруқдан кейинги даврда кўрсатиладиган хизматларни сезиларли даражада яхшилашга олиб келди. Натижалар ҳам буни тасдиқлайди. Агар 1990 йил билан қиёслаганда, 5 ёшгача бўлган болалар ва чақалоқлар ўлими 5, неонатал ўлими 4 баробарга қисқаришига эришилди.

Эшитиш заифлиги ва карлик мавжуд болаларни эрта аниқлаш мақсадида 209 туғруқ муассасасида чақалоқлар аудиоскрининги йўлга қўйилган бўлиб, ўтган йилда 500 минг нафарга яқин ўғил-қизлар шу усулда текширилди. Бу янги туғилган чақалоқларнинг 50 фоизи деганидир. Жорий йил охиригача бу кўрсаткични 95 фоизга етказиш кўзда тутилган.

🔬 Туғма юрак нуқсони бор, юқори технологик операцияга эҳтиёжи бўлган болалар ҳар йили 8 та тиббиёт муассасасида кардиохирургик амалиётлардан ўтказиб келиняпти. Яъни ҳар йили бюджет маблағи ҳисобидан шу тоифадаги 4 минг нафарга яқин бола операция қилинмоқда.

⬇️ Мана бу кўрсаткичларга ҳам эътибор беринг:

➡️ Биринчи марта болаларда аллоген суяк илиги трансплантацияси йўлга қўйилди.

➡️ Муддатидан олдин туғилган чақалоқларда туғма қизилўнгач ва 12 бармоқли ичак атрезиясида торокоскопик ва лапароскопик юқори технологик операциялар ўзлаштирилди.

➡️ Миллий профилактик эмлашлар доирасида болалар 13 турдаги юқумли касалликларга қарши эмланади.

‼️ Умуман, мамлакатимизда болалар саломатлигини мустаҳкамлаш билан боғлиқ эзгу саъй-ҳаракатлар тобора кенг қулоч ёзмоқда. Шунинг ўзиёқ Янги Ўзбекистон сиёсатида Ватан истиқболини соғлом фарзандларимиз тимсолида кўриш устуворлигини англатади.

Соғлиқни сақлаш вазирлиги
Матбуот хизмати.

📱 @ssvuz  |📱 @ssvmatbuotkotibi | 📱 Facebook |📱 Instagram

Ҳурматли юртдошлар, азиз болажонлар!
••••
Бугун — 1-июн, “Халқаро болаларни ҳимоя қилиш куни” муносабати билан сизларни чин қалбимдан муборакбод этаман!

Ҳар бир фарзанд — оиланинг қувончи, халқнинг эртанги куни, миллатнинг бебаҳо бойлигидир. Уларнинг соғлом улғайиши, бахтли ва мазмунли ҳаёт кечириши — барчамиз учун энг масъулиятли вазифадир.

Болалар миллий тиббиёт маркази жамоаси сифатида биз ҳар куни кичкинтойларимизнинг соғлиғи, ҳаётий шодлиги ва бахти йўлида хизмат қилишдан фахрланамиз.
-

Шу улуғ айёмда барча фарзандларимизга мустаҳкам соғлиқ, қувончли болалик ва ёрқин келажак тилайман. Ота-оналарга эса меҳр ва қувноқ болажонларининг кулгуси ила тўлиб-тошган бахтли ҳаёт насиб этсин!

-
Байрам муборак бўлсин, азиз болажонлар!

Ҳурмат билан,
Бахтиёржон Умаров
* Болалар миллий тиббиёт маркази директори

bmtm.uz | telegram | instagram | facebook | youtube | x | tiktok