🔴 🟦🟦🟦

🗣 Ўзбекистон Соғлиқни сақлаш вазирининг аҳоли ва соҳа ходимларига МУРОЖААТИ

❗️ Ҳурматли ҳамкасблар! Азиз юртдошлар!

✅ Коррупция — давлат ва жамият учун жиддий хавф. Шу боис юртимизда барча соҳалар қатори соғлиқни сақлаш тизимида ҳам бу иллатга қарши кескин ва муросасиз курашиш, турли бюрократик ҳамда инсон омили билан боғлиқ ҳолатларга барҳам беришга қаратилган кенг кўламли чора-тадбирлар амалга ошириляпти.

📌 Албатта, жамоатчиликнинг фаол иштироки ва юртдошларимиз кўмагисиз ушбу мақсад ва марраларга эришиш, тиббиётни коррупциядан холи, тўлақонли халқчил тизимга айлантириш мушкул. Шу сабабли бу йўналишдаги саъй-ҳаракатларимизни бирлаштириш ва ўзаро ҳамкорликда ўз ечимини кутаётган оғриқли муаммоларимизни елкама-елка туриб, самарали ҳал этиш юзасидан Сизларга мурожаат қилмоқдаман!

💬 Президентимиз Шавкат Мирзиёев таъкидлаганларидек, “Коррупцияга қарши курашиш умуммиллий вазифа, ҳар бир ватанпарвар юртдошимизнинг виждон иши. Коррупцияга “жамият танасидаги саратон” сифатида қараш керак”.

➡️ Шу маънода, бугун соҳадаги ютуқни – ютуқ, камчиликни – камчилик, деб айтиб, тизимдаги “касалликлар”га тўғри ташхис қўйиб, уларнинг давосини топишга биргаликда ҳаракат қилишимиз зарур.

🔎 Аммо, афсуски, ҳали ҳам соғлиқни сақлаш муассасаларида коррупция, бюрократия, таъмагирлик, манфаатлар тўқнашуви каби айрим салбий ҳолатлар сақланиб қоляпти. Бу эса, тизимдаги ислоҳотлар самарадорлигига путур етказиб, халқимизнинг тиббиётга, фидойи мутахассисларимиз меҳнатига бўлган ишончини заифлаштирмоқда.

➡️ Ана шу ҳолатлардан келиб чиқиб, тизимда коррупцияга қарши курашишнинг замонавий механизмларини кенг жорий этишга алоҳида эътибор қаратяпмиз. Соҳа фаолиятида очиқликни таъминлаш, жамоатчилик олдида ҳисобдорликни ошириш бўйича зарур чоралар кўрилмоқда.

🖥 Хусусан, қисқа вақт ичида қатор электрон модулларни ўзида жамлаган Ягона тиббиёт ахборот тизими (DMED) яратилиб, амалиётга татбиқ этилмоқда. Шунингдек, “Ситуацион марказ” ташкил қилиниши соҳада бюджет маблағларининг мақсадсиз сарфланиши ҳамда коррупция рискларини барвақт аниқлаш ва олдини олишга хизмат қилаётгани билан аҳамиятлидир.

🔎 Бинобарин, тиббиёт ходимларини ишга қабул қилишда рақамлаштирилган янги механизм ишга туширилгани ва Бухоро вилоятида тажриба-синов лойиҳаси сифатида жорий этилгани муҳим янгиликлар сирасидан.

🧑🏻‍🏫 Ўз навбатида, соҳа раҳбар-кадрлари бугунги кун талабларидан келиб чиқиб, замонавий менежмент асослари бўйича ўқитилмоқда. Тиббиёт муассасалари ҳисобчиларининг молиявий билим ва кўникмаларини ошириш бўйича ўқув курслари ташкил қилиняпти.

✅ Албатта, бу ҳали етарли эмас. Олдинда ўз ечимини кутаётган муаммолар, давлатимиз раҳбари олдимизга қўйган талаб ва вазифалар кўп. Буни тўлақонли уддалаш учун бутун юртдошларимиз бирлашиб курашиши зарур. Шундан келиб чиқиб, биз коррупцияга қарши курашишда кучли жамоатчилик назоратини ўрнатишни муҳим мезон, деб биламиз.

❗️ Ҳурматли фуқаролар!

📲 Вазирлик марказий аппарати, ҳудудий бошқармалари, тизим ташкилотлари ва муассасалари ходимларининг коррупциявий хатти-ҳаракатларига гувоҳ бўлсангиз ёки қонунчиликка зид бошқа ҳуқуқбузарлик ҳолатларига алоқадорлиги юзасидан маълумотга эга бўлсангиз, вазирликнинг “1203” қисқа рақамли “Ишонч телефони” ҳамда https://t.me/ssvantikor_bot расмий телеграм боти ёхуд info@ssv.uz электрон почта манзили орқали ўз мурожаатингизни йўллашингиз мумкин.

‼️ Шу ўринда, нафақат коррупцион ҳолатларни баратараф этиш, балки соҳани янада такомиллаштиришда Сизнинг фикр ва мулоҳазаларингиз биз учун жуда муҳим эканлигини яна бир бор эслатиб ўтмоқчиман. Ҳар бир мурожаат Соғлиқни сақлаш вазирлиги томонидан қисқа муддатларда кўриб чиқилиб, зарур амалий чоралар кўрилишини маълум қиламан.

Асилбек ХУДАЯРОВ,
Ўзбекистон Республикаси
Соғлиқни сақлаш вазири.

📱 @ssvuz  |📱 @ssvmatbuotkotibi | 📱 Facebook |📱 Instagram

✅ “Болаларга беринг дунёни!” саломатлик акцияси
••••
📍Сурхондарё
—
📅24-25-июль

bmtm.uz | telegram | instagram | facebook | youtube | x | tiktok

☑️ Якунланган ҳафтада каналимизда эълон қилинган материаллар дайжести.
••••
• Ўзбекистон – Хитой: Қўл ва реконструктив микрохирургия соҳасида ҳамкорлик
—
• ССВ: Клиник ординатура (резидентура) ва интернатурага ҳужжат топшириш ҳамда танлов ўтказиш тизими тўлиқ ўзгарди
—
• Болани эрта ётишга одатлантиришнинг 3 фойдали усули
—
• Гипоспадия нима?
—
• Болаларга беринг дунёни! Саломатлик акцияси Сурхондарё вилоятида
—
• ССВ: Болалар миллий тиббиёт маркази томонидан эришилаётган натижалар
—
• Болангиз соғлом ўсмоқдами?
—
• Болаларда юрак нуқсонларини эрта аниқлаш ва профилактика қилиш бўйича 5 муҳим маслаҳат
—
• Ўзбекистон Соғлиқни сақлаш вазирининг аҳоли ва соҳа ходимларига МУРОЖААТИ
—
• “Болаларга беринг дунёни!” саломатлик акцияси Сурхондарё вилоятида якунланди

bmtm.uz | telegram | instagram | facebook | youtube | x | tiktok

⁉️ Чақалоқ териси парвариши: тошмалар ва аллергияларнинг олдини олиш
••••

Янги туғилган чақалоқнинг териси жуда нозик ва сезувчан бўлади. Тўғри парвариш қилинмаса, терида қизариш, тошма ёки аллергик реакциялар пайдо бўлиши мумкин. Шу сабабли, ота-оналар чақалоқ териси ҳолатини мунтазам кузатиб боришлари ва тўғри ёндашувни билишлари жуда муҳим. Қуйида эътибор қаратилиши лозим бўлган 3 асосий жиҳатни тақдим этамиз:

—
1️⃣ Тозалик ва гигиена — ҳар куни эҳтиёткорлик билан
Ҳар куни чақалоқ терисини илиқ сувда, хушбўйликсиз ва табиий болалар совуни билан ювинг. Ҳар бир таглик алмаштирилганда терини ҳаволатиш ва юмшоқ паҳта сўрғич билан қуритиш — тошмалар пайдо бўлишининг олдини олади.
—
2️⃣ Гипоаллерген воситалар ва кийимлардан фойдаланинг
Синтетик матолар ва кучли ювиш воситалари чақалоқ терида аллергия чақириши мумкин. Фақат 100% паҳтадан тикилган кийимлар ва гипоаллерген кремлардан фойдаланинг.

Батафсил...

bmtm.uz | telegram | instagram | facebook | youtube | x | tiktok

⁉️ 0–5 ёшдаги болалар ривожланиш кўрсаткичлари: нимага эътибор бериш керак?
••••

Бола ҳаётининг дастлабки 5 йили — унинг жисмоний, ақлий ва эмоционал ривожланиши учун энг муҳим босқич ҳисобланади. Ҳар бир ёш даврида боланинг муайян кўникмаларга эга бўлиши кутилса-да, ҳар бир бола ўзига хос ривожланади. Шунинг учун умумий кўрсаткичлар ота-оналарга фақат йўналиш сифатида хизмат қилади. Қуйида 3 ёш даври бўйича асосий ривожланиш жиҳатлари билан танишинг:

—
👶 1. Янги туғилган чақалоқ (0–12 ой)
• Бошини тика ушлаб туриши (3–4 ойга бориб)
• Қулоққа овозга йўналиш бериши
• Кулиши ва одамларга жавоб қайтариши
• Қўллари билан ўйинчоқ ушлаши
• Эмаклаб юришни бошлаши (6–9 ой)
• “Мама”, “дада” каби сўзларни айта бошлаши (9–12 ой)

Батафсил…

bmtm.uz | telegram | instagram | facebook | youtube | x | tiktok