2026-yil 10-oktyabr sanasida NDKTU akademik litseyida 11-oktyabr-“Xalqaro qizlar kuni”ga bag‘ishlab “Zukko qizlar” intellektual zakovat tadbiri o‘tkazildi. Tadbirda o‘quvchi-qizlar mantiqiy savollar, tezkor topshiriqlar, maqollar va ijodiy chiqishlar orqali o‘z bilimlari, zukkoligi hamda iste’dodlarini namoyish etdilar.
Tadbir yakunida 1-o‘rinni Aniq fanlar (iqtisod) yo‘nalishi 1-F-26, 2-o‘rinni Aniq fanlar (iqtisod) yo‘nalishi 1-M-26, 3-o‘rinni esa Aniq fanlar (iqtisod) yo‘nalishi 1-A-26 guruhi qizlari egallab, diplom va sovg‘alar bilan taqdirlandilar. Tadbir qizlarning bilimini, ijodkorligini va jamoada ishlash ko‘nikmalarini rivojlantirishga xizmat qildi.