Navoiy davlat va konchilik texnologiyalar universiteti akademik litseyi o'quvchi-yoshlari o'rtasida  muzey to‘plamlaridagi boy tarixiy va madaniy merosimizni keng targ‘ib qilish, shonli tariximiz, boy merosimizga oid noyob eksponatlar bilan kengroq tanishtirish maqsadida “O’quvchilarning muzeylarga tashrifi” loyihasi doirasida 18-may – Xalqaro muzeylar kuni munosabati bilan Navoiy viloyat tarixi va madaniyati davlat muzeyiga tashrifi amalga oshirilib, “Muzeylar – jonli tariximiz ko‘zgusi” mavzusida davra suhbati tashkil etildi. Tashrif chog‘ida o’quvchilarda milliy qadriyatlarimiz, tariximiz va madaniyatimizga hurmat va muhabbat hissi ortdi.

2025-yil 19-may kuni  Navoiy davlat va konchilik texnologiyalar universiteti akademik litseyi o'quvchi-yoshlari o'rtasida O‘quvchilarda  sog’lom dunyoqarashni shakllantirish hamda mutolaa va kitobxonlik madaniyati orttirish maqsadida “Kitobxon o‘quvchi” loyihasi doirasida Said Ahmadning “Ufq” asari muhokama qilinib, xulosa chiqarildi, bahs-munozara yuqori saviyada tashkil etildi. Tadbirda litseyning “Yosh kitobxon” to‘garagi o‘quvchilari ishtirok etishdi.

O‘rta maxsus va kasbiy ta’lim muassasalari oquvchi-yoshlari o‘rtasida joriy yilning        18- may kuni o‘tkazilgan “Zakovat” intellektual o‘yinining respublika  bosqichida  Navoiy davlat konchilik va texnologiyalar universiteti akademik litseyi jamoasi faol ishtirok etdi.