CS2 o'ynaydiganlar uchun keys ochib skin olish mumkin bo'lgan bot ekan.

(Steam profili yangi bo'lsa, kamida 2 haftadan keyin skinlarni o'tkazib olish mumkin ekan. Eski bo'lsa, kerakli ssilkani topib, o'tkazib olsa bo'ladi)

https://t.me/RFL_BLAST_bot/join?startapp=ref355072690

2013-yilda jurnalistlar insonlar halolligini sinab ko'rish uchun 16 ta yirik shaharda o'ziga xos sinov o'tkazishgan — ular 192 ta hamyonni 12 tadan qismga bo'lib, har bir shahar ko'chalariga tashlab chiqishgan.

Tadqiqot natijasida Xelsinki va eng halol shaharlar reytingida 1-o'rinni egallagan — bu yerda 12 ta hamyonning 11 tasi qaytarilgan. Lissabon esa aksincha, reytingning eng tubidan joy olgan — 12 tadan atigi 1 ta qayratilgan hamyon bilan.

Agar tajriba O'zbekistonda o'tkazilganida...

Эсингдами 
мени соғинмаган дамларинг,
ҳеч қачон учрашмаганимиз эсингдами?

Эсингдами
биз кезмаган соҳиллар,
сайр этмаганимиз боғлар эсингдами?

Эсингдами 
бизсиз ҳувуллаган кўчалар,
бирга яшамаган уйимиз эсингдами?

Эсингдами
мени тополмай йиғлаганинг,
эшитмаганинг исмим эсингдами?

Эсингдами
ёлғиз-ёлғиз юрганимиз,
бахтли бўлмаганимиз эсингдами?

Эсингдами
сенга ёзмаган хатларим,
хатларимнинг ҳар бир сўзи эсингдами?

Мен эса
сени эслаганим-эслаган —

бирга кечирмаган
       умримизнинг
            ҳар бир лаҳзаси
ёдимдадир.

Усмон Азим

Бугун шоири Азимнинг таваллуд куни – 75 ёшни қаршиладилар. Усмон Азимни шоир деб таниймиз, Халқ шоири унвонига ҳақли мушарраф, ҳақиқиқий халқ шоири, баҳссиз. Бироқ Усмон Азимнинг ажойиб драматургияси, насри ҳам бор. Масалан, мана бу ҳикоясини ўқиб кўринглар.

Адибимизга узоқ умр, саломатлик ва муваффақиятларни яна кўп-кўп тилаймиз!

@shahnozxon

Hindistonning mashhur aktyori Amitabh Bachchan shunday hikoya qiladi:

— Faoliyatim cho‘qqisiga chiqqan, mamlakatda ham, xorijda ham taniqli bo‘lgan vaqtlarim edi. Bir safar manzilimga samolyotda borishimga to‘g‘ri keldi.

Yon tomonimdagi o‘rindiqda odmigina kiyingan, ko‘rinishidan o‘qimishli, sodda va samimiy tasavvur qoldiradigan bir kishi joylashdi. Tabiiyki, bortdagi boshqa yo‘lovchilar meni tanib, men bilan muloqotga kirishishga harakat qilishar, ammo bu kishi bo‘lsa pinagini ham buzmasdan, borligimdan bexabarday xotirjam qo‘lidagi kitobni mutolaa qilib ketar, ba’zan ilyuminatordan tashqariga qarab qo‘yar edi.

Bort xizmatchilari choy tarqatgan vaqtdan foydalanib, uni gapga solganday jilmayib qarab qo‘ydim. Kutilganday u ham javoban muloyim jilmayib salom berdi va suhbatlashishga sharoit paydo bo‘ldi.

Suhbatimizni filmlar tarafga burdim-da, undan qanaqa kinolar ko‘rishga qiziqishini so‘radim.

— Kinomi, juda kamdan-kam hollarda ko‘raman, oxirgi bor ko‘rganimga bir necha yillar bo‘lib qoldi, – deb javob berdi janob.

Shunda unga o‘zimni tanitmoqchi bo‘lib, kino sanoatida ishlashimni aytdim. Sherigim esa:
— Shundaymi, juda yaxshi, kino sanoatida nima ish bilan shug‘ullanasiz, - deb so‘radi. Tanisa tanib qolar, deb aktyor ekanligimni ko‘plab kinolarda rol o‘ynaganimni aytdim. Gapimga shunchaki, «shundaymi, ha, yaxshi» deb bosh irg‘adi-da, yana qo‘lidagi kitobni mutolaa qilishga tushib ketdi.

Manzilimizga yetib, samolyot qo‘nganida u bilan xayrlashish oldidan «Aytgancha, mening ismim Amitabh Bachchan» deb qo‘l uzatdim. U kishi tabbasum bilan qo‘limni siqib, “Rahmat, siz bilan tanishganimdan xursandman, men kichik Tata bo‘laman (Tata firmasining raisi) deb javob berdi. (izoh: “Tata Group” Hindistonda mashinasozlik, aviasozlik, metallurgiya, maishiy texnika va boshqa sohalarda yirik ishlab chiqaruvchi hisoblanadi. Bugungi kunda 8 ta sektorda 114 ta kompaniyani birlashtirib turadigan 935 ming ishchisi mavjud gigant kompaniya).

Hayot qanday hamrohlarni yo‘liqtirishini bilmaysiz ekan. O‘sha kuni tushundimki, o‘zingizni qanchalik baland sanamang, har doim sizdan yuqoriroq, kattaroq odam baribir chiqadi ekan. Kishi kamtar bo‘lsa hech narsa yutqazmaydi, hurmati ham, himmati ham kamayib qolmaydi.

(Gulniso Saidova sahifasidan olindi.)

Nota bene!📜

Aytgancha.

91 lik.

Dunyoning ishidan qalbimdir mahzun,
Kimlar kelib, kimlar dilni etdi lol.
Eslasang qo'ng'iroq qilarsan bir kun,
Olti yuz yetmish bir, yetmish ikki, nol nol.

Nota bene!📜

УШШОҚ

Шамоллар уйғонди. Барг – ҳаяжонда...
Ҳатто ер тагида қўзғолди илон.
Дунё тирилаётган шу тоза тонгда
Ўлгим келмаяпти, онажон.

Ўнгирларда кезар муздай ҳаволар,
Ишқалаб қобоғин кўтарар осмон.
Дунё кўзларини очаётганда
Мен кўз юмайинми, онажон?!

Қайдадир силкинар томчидил ўтлар,
Баргида чумоли кезади ҳайрон.
Ҳали мен кўрмаган боғлар бор экан,
Ўлгим келмаяпти, онажон.

Қизларнинг овози жаранглар мунис,
Ишқ десам – дафтарга сачраб кетди қон.
Севмаса севмабди мени битта қиз,
Дунёда қиз камми, онажон?!

Қаёққа қочади бу иссиқ қоним,
Қўлларни соғиниб сочларим ғужгон.
Кимга керак бўлди менинг ёш жоним,
Ўлгим келмаяпти, онажон.

Бегуноҳ биттадир – у ҳам осмонда,
Қўлга чивин қўнди, қувмоққа йўқ жон.
Чивинлар, чумчуқлар юрган жаҳонда
Менга жой йўқмикан, онажон?!

Қуёшга термулдим – кўзим қамашди,
Киприкдан шабнамдай ёш оқди маржон.
Нурларни соғиниб қақшар қовурғам,
Ўлгим келмаяпти, онажон!

Гарчанд мен қайғули шеърлар тўқидим,
Гарчанд азоб кўрдим мудом бепоён –
Мен ҳали дунёга тўйган йўқ эдим,
Дунё тўйдимикин мендан, онажон...

Карим Баҳриев.

@platformauzb

* * *
Menga toʻrt fasl ham farqsizdir butkul,
Menga begonadir qonun va mezon.
Xohlasam kuz chogʻi yozib qoʻyib gul,
Xohlasam bahorda boʻlaman xazon...
Men shunday devona, telba bir nasim,
Sogʻinish, sevishdan yot tashvishim yoʻq.
Oʻzganing men bilan ishi boʻlmasin,
Oʻzgalar bilan-da mening ishim yoʻq...
Men uchun dunyoni suv bossa ne gʻam,
Barchasi bir boʻlib yoʻq boʻlmaydimi...
Ming asr ichinda toʻlmagan bir kam,
Koʻz yosh bilan boʻlsin, bir toʻlmaydimi!
Hurlarning labida tutgan bolidan,
Lazzat topolmagan inson – haykaldir.
Kimlarning ayshi-yu gul visolidan,
Kimningdir hijroni menga afzaldir.
Bor-u yoʻqligini unutgan tushkun
Darveshlar tengiman, ulardan-da xor.
Baribir bu hayot oddiy bir tush-ku,
Xudojon, kel meni uygʻotib yubor!

Nurmuhammad Abduzoir

https://t.me/nurmuhammad_zoir

,, Kecha tushimga kiribsan ikkinchi bor yana".
Bir kun to'satdan uyg'onasiz, qanchadir yillar oldin tushiyizga kirgan inson, kutilmaganda yana bor tushiyizga mehmon bo'ladi.
Bir lahzada tushunarsiz yoqimli hislar qurshab oladi, tongdagi derazadan kirib kelgan yoqimli havo bilan birga.
Bir qo'shiq yaralish tarixi.

Manba: https://t.me/shjabborovblog/3998

* * *

Мен йўқман. Ёлғонлар мени йўқотди.
Чин гаплар севгимга қилмади карам.
Нега чорраҳада тош каби қотдинг,—
Энди сайр қилгин изғирин билан.

Қўнғироқ чалмагин. Очмайди ҳеч ким,
Эшик на жилмаяр, на у сўз билсин.
Азизлик тахтидан тушган, азизим,
Палтонгни сукунат қозиққа илсин.

Ўт жонидан ўтар — бўзлайди чойнак,
Дераза йиғлайди — ташқари туман.
Телеэкранининг оғзини пойлаб,
Энди қаҳва ичгин ёлғизлик билан.

Соат бонг уради. Тун ярим... Ярим...
Дил ярим — ғуссадан тўлмас ҳеч қачон...
Зулматгоҳ хонанинг ичида, ёрим,
Энди сезавергин ўзингни тобон.

Ухлайсан. Не учун титрайди нафас?
Яна "кел" дейсанми?... Чорлама. Мен йўқ.
Мен йўқ. Энди менинг кўксимга эмас.
Ёстиқнинг юзига ёшларингни тўк.

Йўқ, йўқ, ишонмагин! Бу шеърдан тондим,
Бу менинг ўзимга отганим — ўқдир.
Ахир, бу дунёда мен сенсиз қолдим,
Ҳатто дардлашмоққа ёлғизлик йўқдир

Усмон Азим

Https://t.me/UsmonAzimijodi