Avvalo, siz azizlarni ulug‘ bayramimiz — O‘qituvchi va murabbiylar kuni bilan chin qalbimdan muborakbod etaman!

Ustoz — insonga bilim berib, uning hayot yo‘lini belgilashga, kelajakka ishonch bilan qarashiga ko‘maklashadigan ulug‘ siymodir. Sizlarning mehnatingiz, ibratli faoliyatingiz va tinimsiz izlanishlaringiz yosh avlodning bilimli, teran fikrlaydigan, o‘z kasbiga sadoqatli insonlar bo‘lib kamol topishida muhim asos bo‘lib xizmat qilmoqda. Bugungi jadal rivojlanayotgan davrda yuqori bilim va zamonaviy amaliy ko‘nikmalarga ega mutaxassislarni tayyorlash alohida ahamiyat kasb etadi.

Prezidentimiz ta’kidlaganlaridek, dunyo hamjamiyatida munosib o‘rin egallashimiz uchun bilimli, kelajak kasblarini puxta egallagan, mustaqil fikrga ega bo‘lgan yangi avlod mutaxassislari kerak. Shu bois ta’limga sifat va mazmun olib kirish, muallimning obro‘-e’tiborini yuksaltirish muhim vazifalardan biridir.

Bu mas’uliyatli vazifani amalga oshirishda, ayniqsa, texnika va muhandislik sohalarida ta’lim berayotgan professor-o‘qituvchilarning mehnati nihoyatda muhim. Sizlarning chuqur bilimingiz, boy tajribangiz va kasbingizga bo‘lgan sadoqatingiz universitetimizda tahsil olayotgan yoshlarning kelajagini belgilashda katta ahamiyatga ega.

Prezidentimiz ustoz va murabbiylar bilan uchrashuvda o‘qituvchilik kasbining naqadar ulug‘ va sharafli ekanini ta’kidlab, “O‘qituvchi – mehr daryosi, o‘qituvchi – ezgulik bulog‘i, o‘qituvchi – ma’rifat quyoshi!” deya yuksak baho berdilar. Darhaqiqat, ustozlar bugun yoshlar qalbiga qadab kelayotgan ma’rifat va ezgulik urug‘ining hosilidan ertaga butun jamiyat bahramand bo‘ladi. Hech bir texnologiya bolaning qalbiga ustozdek yo‘l topib, unga Vatanga muhabbat va mas’uliyat tuyg‘usini singdira olmaydi. Shu ma’noda, sizlarning yosh avlod ta’lim-tarbiyasiga qo‘shayotgan hissangiz nafaqat bugungi kun, balki yurtimizning ertangi taraqqiyoti uchun ham beqiyos ahamiyatga ega.

Universitetimizda ta’lim sifatini oshirish, ilmiy izlanishlarni rivojlantirish hamda zamonaviy talablarga javob beradigan, yuqori malakali mutaxassislarni tayyorlash yo‘lida olib borayotgan fidokorona mehnatingiz uchun sizlarga chuqur minnatdorlik bildiraman.

Qadrli ustozlar!

Ushbu bayram kuni sizlarga mustahkam sog‘liq, xonadonlaringizga tinchlik, omonlik va farovonlik, mas’uliyatli faoliyatingizda yangi yutuqlar tilayman. Shogirdlaringizning yutuqlari hamisha mehnatingiz samarasi, siz uchun quvonch va faxr olib kelsin!

O‘qituvchi va murabbiylar kuni muborak bo‘lsin!

💻SPACE HACKATHON
📆2026-jıl 5–6-oktyabr
📍 Nókis mámleketlik texnika universiteti

Hackathon dawamında qatnasıwshılar kosmoslıq maǵlıwmatlar, Jer monitoringi, jasalma intellekt hám zamanagóy sanlı texnologiyalardan paydalanıp, real máselelerge innovaciyalıq sheshimler islep shıǵadı.

🎁 Jeńimpazlar hám belsendi qatnasıwshılar arnawlı sıylıqlar menen sıylanadı hám "Ózbekkosmos" agentliginde ámeliyatta bolıw imkaniyatına iye boladı!

💻 SPACE HACKATHON
📆5–6-oktabr, 2026-yil
📍 Nukus davlat texnika universiteti

Hackathon davomida ishtirokchilar kosmik ma’lumotlar, Yer monitoringi, sun’iy intellekt va zamonaviy raqamli texnologiyalardan foydalangan holda real muammolarga innovatsion yechimlar ishlab chiqadilar.

🎁 G‘oliblar va faol ishtirokchilar maxsus sovg‘alar bilan taqdirlanadi hamda “O‘zbekkosmos” agentligida amaliyot o‘tash imkoniyatiga ega bo‘ladi!

🔭 Viktorinada sizdi:
🔹astronomiya hám kosmos sırları haqqında qızıqlı sorawlar;
🔹planetalar hám juldızlar haqqında bilimler bellesiwi;
🔹komandalıq pikirlew hám tez juwaplar;
🔹jańa bilimler hám qızıqlı tásirler kúpekte.

🎁 Jeńimpazlar hám belsendi qatnasıwshılar arnawlı sıylıqlar menen sıylanadı hám "Ózbekkosmos" agentliginde ámeliyatta bolıw imkaniyatına iye boladı!

🔭 Viktorinada sizni:
🔹astronomiya va kosmosga oid qiziqarli savollar;
🔹sayyoralar va yulduzlar haqidagi bilimlar bellashuvi;
🔹jamoaviy fikrlash va tezkor javoblar;
🔹yangi bilim va qiziqarli taassurotlar kutmoqda.

🎁 G‘oliblar va faol ishtirokchilar maxsus sovg‘alar bilan taqdirlanadi hamda “O‘zbekkosmos” agentligida amaliyot o‘tash imkoniyatiga ega bo‘ladi!

Qonun bilan 14 yoshga to‘lmagan shaxsning nomusiga tekkanlik hamda unga nisbatan jinsiy ehtiyojni zo‘rlik ishlatib g‘ayritabiiy usulda qondirganlik uchun uzoq muddatli 25 yilgacha yoki umrbod ozodlikdan mahrum qilish jazosi joriy etilmoqda.

Shuningdek, bolalarning jinsiy daxlsizligiga qarshi sodir etilgan o‘ta og‘ir jinoyatlar bo‘yicha javobgarlikka tortish va hukmni ijro etish muddatlarining o‘tib ketganligi qo‘llanilmaydi.

Bolaning o‘limiga sabab bo‘lgan qasddan sodir etilgan jinoyatlar uchun shartli hukm qilish va jazodan muddatidan ilgari shartli ozod qilish butunlay taqiqlanmoqda.

Jinsiy zo‘ravonlikdan jabrlangan yoki unga guvoh bo‘lgan bolalarga protsessual harakatlarga jalb etilgan ilk daqiqalardan e’tiboran davlat hisobidan bepul malakali yuridik yordam ko‘rsatish tizimi joriy etilmoqda.

Zo‘ravonlikdan jabr ko‘rgan voyaga yetmaganlarni so‘roq qilish jarayonini videoyozuv orqali qayd etish, jinsiy erkinlikka qarshi jinoyat qurboni bo‘lgan bola va gumon qilinuvchi, ayblanuvchi yoki sudlanuvchi o‘rtasidagi yuzlashtirishni maxsus tartib bo‘yicha o‘tkazish, jabrlanuvchi bola va ayblanuvchi o‘rtasidagi yuzlashtirishni faqat tergovchi, prokuror qarori yoki sud ajrimi asosida o‘tkazish belgilanmoqda.

Agar zo‘ravonlik oila a’zolari yoki yaqin qarindoshlar tomonidan sodir etilgan bo‘lsa, protsessual jarayonlarda vasiylik va homiylik organi vakilining ishtiroki majburiy qilib qo‘yilmoqda.

Mehnat kodeksiga kiritilayotgan qo‘shimchaga ko‘ra, ta’lim va tarbiya muassasalarida bolani tarbiyalash va unga ta’lim berish borasidagi majburiyatlar o‘z zimmasiga yuklatilgan ta’lim tashkiloti xodimining bolaga nisbatan zo‘ravonlik sodir etganlik uchun javobgarlikka tortilganligi munosabati bilan uning mehnat shartnomasi ish beruvchining tashabbusi bilan bekor qilishga asos bo‘ladi. Bunday shaxslarning kelgusida bolalar bilan ishlashiga cheklov qo‘yiladi.

Shu bilan birga, ota-onalarning bolalarga g‘amxo‘rlik ko‘rsatmasligi, ularning asosiy ehtiyojlarini qasddan qanoatlantirmasligi, nikoh yoshi to‘g‘risidagi qonunchilikni buzishi, shuningdek, bolalarni sog‘lig‘iga zarar yetkazuvchi axborotdan himoya qilmaganlik uchun ma’muriy javobgarlik choralari kuchaytirilmoqda.

Tazyiq va zo‘ravonlikka uchragan xotin-qizlar va bolalar qayta zo‘ravonlikka uchrashdan qo‘rqib murojaat qilishga ikkilanmasligi uchun, ularning so‘roviga asosan yashash manziliga yozma yoki elektron javob xati yubormaslik tartibi joriy etilmoqda.

“Bu oilaviy nizolarning yanada avj olishi va qayta zo‘ravonlik sodir etilishining oldini olishga xizmat qiladi”, — dedi senator.