🔴 Is gazi — ko‘rinmas xavf: o‘zingizni va yaqinlaringizni himoya qiling!

Is gazi (uglerod oksidi – CO) — rangsiz, hidsiz va ta’msiz zaharli gaz. Uni inson sezgi organlari orqali aniqlay olmaydi. Shu bois gazdan zaharlanish xavfi ko‘pincha kech payqaladi. Is gazi yoqilg‘ining to‘liq yonmasligi natijasida hosil bo‘ladi. Nosoz gaz jihozlari, isitish pechlari, dudburon va mo‘rilarning noto‘g‘ri ishlashi, shuningdek, avtomobil dvigateli yoki ko‘chma generatorni yopiq joyda ishlatish zaharlanishga sabab bo‘lishi mumkin.

❗️Zaharlanishning dastlabki alomatlariga befarq bo‘lmang!

Bosh og‘rig‘i, bosh aylanishi, holsizlik, ko‘ngil aynishi, qusish, nafas qisishi va ko‘krak sohasidagi og‘riq is gazidan zaharlanish belgisi bo‘lishi mumkin. Og‘ir holatlarda hushdan ketish, ongning chalkashishi va tirishish kuzatiladi. Bunday alomatlar paydo bo‘lsa, ularni oddiy charchoq yoki shamollash bilan adashtirmang.

📌Zaharlanishning oldini olish uchun:

🔷Isitish mavsumi boshlanishidan avval gaz jihozlari, isitish uskunalari, suv isitkichlar, mo‘ri va dudburonlarni mutaxassislarga tekshirtiring.
🔷Xonadagi havo almashinuvi va shamollatish tizimining sozligini ta’minlang. Mo‘ri va ventilyatsiya yo‘llarini berkitib qo‘ymang.
🔷 Ko‘chma generator, barbekyu va ko‘mir yoqiladigan moslamalardan uy, garaj yoki boshqa yopiq joylarda foydalanmang. Avtomobil dvigatelini yopiq garajda ishlab turgan holda qoldirmang.
🔷Gaz plitasi yoki duxovkadan xonani isitish maqsadida foydalanmang.
🔷 Imkon qadar uyga, ayniqsa, yotoqxonalar yaqiniga is gazini aniqlovchi maxsus signalizatorlar o‘rnating va ularning sozligini muntazam tekshirib turing.

❓Is gazidan zaharlanish gumon qilinsa, nima qilish kerak?

✔️Darhol barcha odamlarni, jumladan, bolalar va keksalarni xavfli hududdan tashqariga — toza havoga olib chiqing.

✔️Zudlik bilan 103 yoki 112 raqamiga qo‘ng‘iroq qilib, tez tibbiy yordam chaqiring.

✔️Jabrlangan shaxsni shifokor ko‘rigidan o‘tkazing. Alomatlar yengillashgan taqdirda ham tibbiy yordamni kechiktirmang.

✔️Mutaxassislar bino xavfsizligini tasdiqlamaguncha ichkariga qaytmang.

❗️Unutmang: is gazining hidi yo‘q, ammo xavfi juda katta. Ehtiyot choralariga rioya qilish — o‘zingiz va yaqinlaringiz hayotini asrashning muhim sharti!

✅@nur_press

✅«Innoweek-2026»: Samarqand viloyati innovatsiyalar markazida!

Toshkent shahrida 27–29-oktabr kunlari bo‘lib o‘tayotgan nufuzli innovatsion oylar haftaligi doirasida Samarqand viloyati o‘zining salmoqli ilmiy va ishlab chiqarish salohiyati bilan faol ishtirok etmoqda.

Ko‘rgazmada viloyatning ikki yetakchi innovatsion hududi — Urgut hamda Nurobod tumanlari tadbirkorlari tomonidan ishlab chiqarilgan raqobatbardosh mahsulotlar keng jamoatchilik e’tiboriga havola etilmoqda:

🔺Urgut innovatsion tumani: 8 ta loyiha va mahsulot;
🔺Nurobod innovatsion tumani: 6 ta turdagi mahsulot.

Ahamiyatlisi, ko‘rgazma pavilonida Samarqand viloyatidagi oliy ta’lim muassasalari olimlari hamda professor-o‘qituvchilarining ilg‘or ilmiy ishlanmalari ham alohida o‘rin egallagan.

Hududning yetakchi oliy ta’lim muassasalari, ilmiy-tadqiqot institutlari hamda yosh ixtirochilari tomonidan yaratilgan 28 ta innovatsion ishlanma ko‘rgazma maydonida alohida ekspozitsiya sifatida taqdim etilmoqda.

Tadbir doirasida ilm-fan va ishlab chiqarish integratsiyasini amalda ta’minlash maqsadida tadbirkorlik subyektlari hamda olimlar o‘rtasida o‘zaro manfaatli hamkorlik shartnomalari imzolanishi rejalashtirilgan.

🔸Ilm va amaliyot tutashgan Samarqand stendiga marhamat!

✅@nur_press