⚠️ Mobiuz "partnyor"laridan firibgarlik! ⚠️

So'ngi paytlarda, oylik tarif to'lovlarini muntazam o'z vaqtida tashlasam ham, hisobimdan pul ketib, telefonim blokga tushib qolaverdi. Bugun mana "Mobiuz IP" dan hisobim bo'yicha detalizatsiya olsam, kunda kun-ora yuborilmagan sms lar uchun ham 500, 1300, 1800 so'mdan pul yechilavergan. Sms lar kelib ketayotgan raqamlarni Google dan so'rov bersam, birinchi bo'lib, Mobiuz xizmatlari bo'limi va xizmat haqida ma'lumotlar chiqib keldi. Saytiga kirsam, ko'rinishidan scam saytlarga o'xshab turpti, ikkovi ham O'zbekistonda ro'yihatdan o'tgan MCHJlar ekan. Mobiuz operatori bilan ulansam, bu xizmatlarni bizga aloqasi yo'q, partnyorlarimiz tomondan taqdim e'tilgan xizmatlarga o'zingiz ulangansiz deydi. O'chirish uchun esa *190# USSD so'rovini yuborish kerak deb keyin aytdi, o'chirdim.

Men bularning hech qaysisiga SMS yuborib xizmatga ulanmaganman, xizmat yoqilgandan keyin ham pul yechilgan SMSlarni yubormaganman. Doimiy scamlar deb e'tibor ham bermagan ekanman.

Endi tasavvur qilib ko'raylik, Mobiuz ni millionlab abonentlari bor, bir kishidan kuniga 1800 so'mdan pul yechilsa, kamida 100000 nafar "qarmoqqa ilingan" abonentlardan kuniga bu kompaniyalar 180.000.000 so'mdan sof foyda ko'ryapti. Uncha muncha kompaniya bunday sof foyda olmasa kerak.

Ogoh bo'lamiz, bunday scamlarni doimiy nazoratga oling. Hisobingizdan g'ayritabiiy yo'llar bilan pullar ketayotgan bo'lsa, menga o'xshab tekshiring. Operator bilan bog'lanib barcha xizmatlarni o'chirtiring, chunki xizmatlarni ular yoqishadi, o'chirishni esa o'zimiz qilishimiz kerak ekan. 😡

Tanishlaringiz bilan ulashib, qolganlarni ham ogohlantiring!

@khumoyun_codes