🇬🇧 in english
🇷🇺 на русском

AI Incubator 2026 dasturiga qabul ochildi!
Agar siz anchadan beri o‘z mahsulotingizni ishga tushirishni xohlayotgan bo‘lsangiz, aynan o‘sha vaqt keldi!
AI Incubator da biz ko‘p asoschilarning muammosi - kuchli dasturchilar va bozorni tushunadigan va mahsulotni foydalanuvchilarga yetkazib bera oladigan mutaxassislarni birlashtiramiz.

💡 Sizni nimalar kutmoqda?
◾️Texnik yoki biznes-hamkor bilan jamoada ishlash;
◾️ Real vazifalar uchun yechimlar yaratish;
◾️ G‘oyadan MVP va ilk foydalanuvchilargacha bo‘lgan yo‘lni o’tish;
◾️ Kuchli xalqaro va mahalliy trekerlar va mentorlar qo‘llab-quvvatlashi;
◾️ Hech qanday tartibsizliklarsiz, bozorga nima kerakligini aniq anglagan holda ishlash.

📍 Dastur formati
2026-yil may — AI Mentorship (1 oy)
Sun’iy intellekt asosida zamonaviy IT-mahsulotlar yaratishni o‘rganing va tajribangizni oshiring.

2026-yil yozi — AI Incubator (10 hafta)
Eng kuchli ishtirokchilar uchun to‘laqonli startapni ishga tushirish bosqichi.

👥 Kimlar uchun mos keladi?
Dasturchilar va AI mutaxassislari;
G‘oyasi bor va bozorni tushunadigan asoschilar;
Biznes mutaxassislari - texnik mahsulotlarni ishga tushirisga tayyor bo’lish talab qilinadi.

🎯 Natija Dastur yakuniga ko‘ra sizda quyidagilar bo‘ladi:
— O‘z MVPingiz;
— Real foydalanuvchilar bilan tekshirilgan g‘oya yoki ishga tushirilgan mahsulot;
— Dastlabki daromad sari tashlangan ilk qadamlar.

Ariza yuborish — http://ai-incubator.org
Aloqada qoling — https://t.me/ai_incubator_org

Dasturchilar uchun AI inkubator ingliz tilida olib boriladi.

Ushbu AI Inkubator dasturi AQSh Davlat departamentining Alumni Engagement Innovation Fund granti orqali amalga oshirilmoqda.

⚡️Bugun Prezidentimiz tomonidan yoshlarni qo‘llab-quvvatlash yuzasidan qabul qilingan yangi Farmon va Qarordagi eng muhim tashabbuslar bilan tanishing:

1. 20 ming nafar yosh tadbirkor xorijning Garvard, Stenford, London biznes maktabi kabi nufuzli ta’lim muassasalari dasturlari asosida o‘qitiladi;

2. 1 000 nafar tadbirkorga 500 million so‘mgacha imtiyozli ssuda ajratiladi (6 oylik imtiyozli davr bilan);

3. Xorijiy tildan C1 darajadagi sertifikati bor yoshlar uchun tadbirkorlikni tashkil etishdagi davlat xizmatlari to‘lovlari 50 foizga arzonlashadi;

4. Xorijiy tildan kamida B2 sertifikati bor yoshlar uchun chet elga chiqish pasportini olish boji 50 foizga kamaytiriladi;

5. Har yili kamida 10 mingta yosh oila imtiyozli ipoteka asosida uy-joy bilan ta’minlanadi;

6. Oyiga 10 mingdan ortiq kitob sotadigan tadbirkorlarga 1 milliard so‘mgacha imtiyozli ssuda ajratiladi;

7. Chekka hududlarda til markazi ochgan va uni kengaytirmoqchi bo‘lgan yoshlarga 300 million so‘mgacha (730 BHM) foizsiz ssuda beriladi;

8. “Yilning eng faol yosh xodimi” tanlovi g‘oliblari bo‘lgan 100 nafar yosh xodim har yili alohida mukofotlanadi;

9. Yoshlarning volontyorlik loyihalarini moliyalashtirish uchun 100 million so‘mgacha grantlar ajratiladi;

10. “TOP-100 kitobxon” tanlovi o‘tkazilib, g‘oliblar 10 million so‘m (25 BHM) miqdorida rag‘batlantiriladi;

11. Nodavlat ta’lim markazlarining eng yaxshi o‘qituvchilari xorijiy ilg‘or ta’lim markazlariga stajirovkaga yuboriladi;

12. “Yoshlar bilan bir kun” aksiyasi orqali har yili 10 ming nafar yosh davlat rahbarlari va mutasaddilari bilan bevosita tajriba almashadi;

13. Olis hududlardagi xususiy ta’lim markazlari uchun ijtimoiy soliq va daromad solig‘i stavkalari 1 foiz etib belgilanadi (2031-yilgacha);

14. Har yili sentabr oyida “Yoshlik – hayotning baxtli va oltin davri” shiori ostida umummilliy yoshlar festivali o‘tkaziladi;

15. Xususiy ta’lim markazlariga o‘zlari ishlab chiqqan dasturlar asosida ta’lim berishga ruxsat etiladi;

16. Ijtimoiy faol yoshlar uchun davlat tashkilotlarida haq to‘lanadigan stajirovka tizimi yo‘lga qo‘yiladi;

17. Har bir hududda kamida bittadan turizm, gastronomik va kitobxonlikka ixtisoslashgan “Yoshlar sayilgohi” ko‘chalari tashkil etiladi;

18. Davlat organlarida 3 yillik stajga ega yosh mutaxassislarning lavozimda ko‘tarilish ulushi 30 foizga oshiriladi;

19. Eng yaxshi yosh yozuvchi va shoirlar uchun “Ilg‘or ijodkor” Prezident mukofoti beriladi;

20. Mahalla va tuman darajasida yoshlar infratuzilmasi (kutubxona, sport obyekti, kinoteatr) bo‘yicha majburiy minimal standartlar joriy etiladi;

21. Tibbiy, ekologik, ta’lim va sport kabi yo‘nalishlarda kasbiy volontyorlik ixtisosliklari joriy etiladi;

22. Yosh tadbirkorlar uchun tijorat banklari orqali bepul biznes-rejalar tayyorlab beriladi;

23. Yosh oilalar uchun oilaviy qadriyatlarni mustahkamlashga qaratilgan maxsus hududiy forumlar tashkil etiladi;

24. Zamonaviy kasblarni o‘qib sertifikat olgan yoshlarning o‘qish xarajatlari davlat tomonidan qoplab beriladi;

25. Xalqaro va xorijda tan olinadigan kasbiy imtihon (sertifikat) tizimlarini joriy etish qo‘llab-quvvatlanadi;

26. Xususiy o‘quv markazlari bilan hamkorlikda 100 ming nafar yosh kelajak va zamonaviy kasblarga o‘qitiladi;

27. Mahallalarda yoshlar tashabbusi bilan amalga oshiriladigan ijtimoiy loyihalar soni 2 mingtaga yetkaziladi;

28. Milliy kibersport musobaqalari o‘tkazilib, unga 50 ming nafar yosh qamrab olinadi;

29. Yoshlarning ruhiy salomatligini himoya qilish uchun respublika bo‘ylab 24/7 ishlovchi bepul koll-markazlar tashkil etiladi;

30. Maktablarda eng quyi sinflardan boshlab kasbga yo‘naltiruvchi maxsus “Kasblar olami” dasturlari joriy etiladi;

31. Har ikki yilda 12-avgust – Xalqaro yoshlar kunida “Avlodlar muloqoti” xalqaro yoshlar kongressi o‘tkaziladi;

32. Elektron platformalar orqali har yili 600 ming nafar yoshning bandligini ta’minlash choralari ko‘riladi.

@alisher_sadullaev