❗️Muddat uzaytirildi! Magistr xotin-qizlar kotrakt to‘lovini davlat budjetidan qoplab berish boʻyicha 30-sentyabrgacha ariza berishlari mumkin

Davlat komissiyasi bayoni bilan magistratura mutaxassisliklariga qabul natijalari tasdiqlandi. Unga ko‘ra, 2025/2026-oʻquv yili davalat oliy ta’lim tashkilotlari magistratura mutaxassisliklariga umumiy qabul parametrlari doirasida:

➖ kunduzgi taʼlim shakliga – 16 286 nafar;
➖ kechki taʼlim shakliga – 657 nafar;
➖ masofaviy taʼlim shakliga – 335 nafar abituriyent talabalikka tavsiya etildi.

Qoʻshimcha imtiyoz bilan:

➖ kunduzgi taʼlim shakliga – 987 nafar;
➖ kechki taʼlim shakliga – 7 nafar;
➖ masofaviy taʼlim shakliga – 4 nafar abituriyent talabalikka tavsiya etildi.

Tanlov natijasi qaydnomalari uch kun muddatda respublika oliy taʼlim tashkilotlariga belgilangan tartibda yetkaziladi.

Shuningdek, magistraturasiga tasdiqlangan qabul parametrlari doirasida bazaviy toʻlov-kontrakt asosida talabalikka tavsiya etilgan va tahsil olayotgan xotin-qizlarning 2025/2026-oʻquv yili uchun kontrakt toʻlovini Oʻzbekiston Respublikasi Davlat budjetidan qoplab berish boʻyicha ariza berishning soʻnggi muddatini 2025-yil 30-sentyabrga qadar uzaytirishga ruxsat berildi.

@NUU_students

🎯 Ingliz tilida erkin gaplashishni xohlaysizmi?
📚 Endi bu orzuingizni onlayn tarzda amalga oshirishingiz mumkin!
📌 Bu kurs orqali siz:
— Chet elliklar bilan ishonch bilan gaplasha olasiz 🗣️
— IELTS yoki Multilevel imtihoniga puxta tayyorlanasiz 🎓
— Ish, ta’lim va sayohat uchun zarur bo‘lgan tilni egallaysiz 🌍

✨ ONLINE INGLIZ TILI KURSLARI ✨

🎯 Kurs afzalliklari:
🔹 Haftasiga 3 kun – samarali va tizimli darslar
🔹 Guruh (250 ming) yoki individual (350 ming) imkoniyat
🔹 Har bir dars – prezentatsiyalar bilan
🔹 Har bir topshiriq – o‘qituvchi tomonidan shaxsan tekshiriladi
🔹 Barcha darajalar uchun mos: Beginner → Advanced

👩‍🏫 O‘qituvchi: Musayeva Shahina
📖 2 yillik tajriba
🎓 IELTS 7.0 (C1) sertifikat egasi
🔥 Sizning natijangiz – bizning ustuvor maqsadimiz!

💡 Sizni nima kutmoqda?
✔️ Interaktiv va kreativ darslar
✔️ Grammar + Speaking + Listening + Writing + Reading uyg‘unlikda
✔️ Sizga mos jadval asosida dars vaqti

📲 Hozir ro‘yxatdan o‘ting – ingliz tili siz uchun yangi imkoniyatlar ochadi!

*O'zMUda xorijiy filologiya fakultetida davlat granti asosida 4-kursda o'qiyman.

Murojaat uchun : @Striving_to_succeed

❗️Davlat OTMlarida super kontrakt narxlari e’lon qilish boshlandi

Ma’lum bo‘lishicha, 2025/2026-o‘quv yili qabuli uchun 56.7 va undan yuqori ball to‘lgan, lekin qabul chizig‘iga 4,05 balldan ko‘p yetmagan abituriyentlarga super-kontraktning miqdorlari belgilangan.

Eng kami bazaviy kontraktning 3.5 baravari bo‘lsa, eng ko‘pi 6 baravari etib tasdiqlangan.

IZOH: qabul chegaralariga 4,05 ballgacha yetmagan abituriyentlar uchun super-kontrakt miqdori Vazirlar Mahkamasining 578-son qarori (13.09.2025) bilan tasdiqlangan Nizom asosida belgilangan.

@NUU_students

❗️2025/2026-o‘quv yili uchun bakalavr va magistratura uchun ta'lim granti natijalari e’lon qilindi

Mirzo Ulug’bek nomidagi O’zbekiston Milliy universitetida 2025/2026-o’quv yili uchun universitetning www.grant.nuu.uz platformasi hamda Oliy ta’lim, fan va innovatsiyalar vazirligining www.sai.edu.uz axborot platformasiga kelib tushgan bakalavr yo'nalishi hamda magistratura mutaxassisliklari uchun to’liq va to’liq bo’lmagan ta’lim grantlari natijalari e’lon qilindi.

Bunda akademik baholash (GPA ballari) HEMIS axborot tizimiga integratsiya qilingan va natijalar mazkur tizimdan yuklangan;
Kambag‘allik reyestriga kirganlar (faqat “qizil” va “sariq” toifaga kiruvchilar) Ijtimoiy himoya agentligi ma’lumotlar bazasiga integratsiya qilingan va natijalar mazkur tizimdan yuklangan.

@NUU_students

❗️O'zbekiston Milliy universiteti tomonidan super kontrakt miqdorlari e’lon qilinmoqda

➖ Qabul chegarasiga 4,05 balldan ortiq ball yetmagan abituriyentlar uchun tabaqalashtirilgan to'lov-kontrakt miqdorlari OTMlar rektorlari (direktorlari) tomonidan bazaviy toʻlov-kontraktning 3,0 barobaridan kam bo'lmagan miqdorda belgilanadi.

Tanishing ➡️Super kontrakt miqdori

➖ 2025/2026-oʻquv yili qabulida tabaqalashtirilgan toʻlov-kontrakt asosida tahsil olish istagini bildirgan abituriyentlarga bir yillik oʻqitish qiymatining 50 foizini 2025-yilning 31-oktyabrga qadar (shu kuni ham) toʻlashga ruxsat beriladi.

@NUU_students

"Najot Ta'lim" markazi Dars kontent mutaxassislarini ishga taklif etadi

Grafik: 09:00 - 18:00, 6/1
Oylik: 7 000 000 - 10 000 000 so'm

Talablar:
– Pedagogika  yo‘nalishda bakalavr/magistr darajasi afzal ko'riladi;
– PowerPoint, Canva, Google Docs, LMS, AI vositalari bilan ishlash ko‘nikmasi;
– IELTS 6.0 yoki undan yuqori (akademik modul);
– Tizimli fikrlash, kreativ va detallarga e’tiborli bo‘lish;
– Soddalik bilan murakkab mavzuni tushuntira olish salohiyati;
– Jamoada ishlash, tez o‘rganish va o‘z fikrini aniq ifodalash.

Takliflar:
– 350 dan ortiq mutaxassislar bilan netvorking;
– Til o‘rganish va kitob sotib olish uchun chegirmalar;
– Shaxsiy va kasbiy rivojlanish uchun imkoniyatlar;
– Qiziqarli loyihalarda ishtirok etish;
– Malaka oshirish uchun trening va resurslar;
– Ahil va kuchli jamoa!

Ariza qoldirish uchun: havola

❗️3-4 kurs talabalariga pedagogik faoliyat olib borishlariga ruxsat berildi

Oʻzbekiston Respublikasi Oliy ta’lim, fan va innovatsiyalar vaziriligining 2025-yil 22-sentyabr kungi 02/10-4/1-8393-sonli xati

Oʻzbekiston Respublikasi Oliy ta’lim, fan va innovatsiyalar vazirining 2024-yil 20-maydagi 168-sonli buyrug‘i bilan Oliy ta’limning davlat ta’lim standarti, oliy ta’lim yo‘nalishlari va mutaxassisliklari Klassifikatoriga o‘zgartirish va qo‘shimchalar kiritilgan.

➖ 60540100-Matematika,
➖ 60540200-Amaliy matematika,
➖ 60530500-Fizika,
➖ 60530100-Kimyo,
➖ 60510100-Biologiya,
➖ 60530200-Geografiya,
➖ 60220300-Tarix bakalavriat ta’lim yo‘nalishlari 3-4-bosqichida tahsil olayotgan talabalar va ushbu ta’lim yo‘nalishlarini tamomlagan bitiruvchilar Oliy ta’lim, fan va innovatsiyalar vazirligi tomonidan tasdiqlangan amaldagi Malaka talablariga asosan umumiy o‘rta, o‘rta maxsus va kasbiy ta’lim muassasalarida pedagogik faoliyat olib borishlari mumkinligi to‘g‘risida.

@NUU_students

❗️Talabalar ijara to‘lovlarini bir qismini qoplab berish bo‘yicha har oyning 7-sanasiga qadar onlayn ariza berishlari kerak

Ariza berish quyidagicha amalga oshiriladi:

1️⃣ kontrakt.edu.uz axborot tizimidan ro‘yxatdan o‘tiladi va shaxsiy kabinetga kiriladi;
2️⃣ shaxsiy kabinetdan “Ijara to‘lovlari” bo‘limi tanlanadi;
3️⃣ “Ariza yuborish” tugmasi bosiladi va ariza yuboriladi.

Bunda 1-bosqich talabalaridan joriy o‘quv yilining sentyabr va oktyabr oylari uchun ijara shartnomasi talab etilmaydi.

Ikkinchi va undan yuqori kurs talabalari uchun ijara shartnomasi bo‘lishi talab etiladi.

Ijara shartnomalarini hisobga qo‘yish xizmati: http://ijara.soliq.uz

ASOS: Vazirlar Mahkamasining 2021-yil 24-sentyabrdagi 605-son qarori.

@NUU_students

❗️Talabalarga ijara to‘lovining bir qismini my.gov.uz orqali qaytarish imkoni beriladi

2025-yil 1-noyabrdan davlat oliy ta’lim muassasalari talabalariga oylik ijara to‘lovining bir qismini qaytarish bo‘yicha Yagona portal orqali murojaat qilish imkoniyati yaratiladi.

@NUU_students

❗️Talabalarga kontrakt puli 50%gacha qoplab beriladi

Vazirlar Mahkamasining 2021-yil 11-martdagi 132-sonli qaroriga muvofiq, professional va oliy ta’lim muassasalarida tahsil olayotgan muayyan toifadagi talabalarga kontrakt to‘lovining 50 foizigacha (lekin eng ko‘pi bilan BHMning 50 baravarigacha) miqdori davlat tomonidan qoplab beriladi.

Kimlar ushbu imtiyozdan foydalana oladi?
“Temir daftar”ga kiritilgan oilalarning farzandlari
“Yoshlar daftari”ga kiritilgan yoshlar

Bu yordam quyidagi ta’lim muassasalarida o‘qiyotgan talabalar uchun amal qiladi
Davlat oliy ta’lim muassasalari
Xususiy oliy ta’lim muassasalari
Xorijiy oliy ta’lim muassasalari

Moliyaviy chegara qancha?

2025-yil 1-avgustdan boshlab, BHM (bazaviy hisoblash miqdori) 412 000 so‘mni tashkil etadi. Shunga ko‘ra, yordam miqdorining yuqori chegarasi 50 × 412 000 = 20 600 000 so‘m

Ya’ni, talaba kontrakti bundan kam bo‘lsa, 50%gacha to‘lanadi. Agar kontrakt miqdori yuqori bo‘lsa ham, maksimal 20,6 million so‘migacha yordam ko‘rsatiladi.

@NUU_students

❗️O'zbekiston Milliy universitetida "Men donorman" qon topshirish xayriya aksiyasi tashkil etilmoqda.

Aksiya 10-oktabr kuni soat 9:00 da universitet bosh binosi hovlisida o'tkaziladi. Xayriya aksiyasida ishtirok etmoqchi bo'lganlar fakultet yoshlar bilan ishlash bo'yicha dekan oʻrinbosariga murojaat qilishlari mumkin.

@NUU_students

❗️Talabalarga stipendiya to‘lovlari joriy hafta yakuniga qadar amalga oshiriladi

Ijtimoiy tarmoqlarda ayrim oliy ta’lim muassasalari talabalariga stipendiyalar o‘z vaqtida to‘lanmayotgani haqida tarqalgan xabarlarga Oliy ta’lim, fan va innovatsiyalar vazirligi izoh berdi.

Vazirlik ma’lumotiga ko‘ra, barcha oliygohlarda yuqori kurs talabalariga stipendiyalar to‘lab berilgan. Ammo ayrim oliy ta’lim muassasalarida 1-bosqich talabalariga stipendiya tayinlash bo‘yicha buyruqlarni rasmiylashtirish va bank kartalarini ochish jarayoni biroz kechikkan. Shu sababli ayrim talabalar hali to‘lovni olmagan.

Ayni paytda barcha hujjatlar rasmiylashtirilmoqda va joriy hafta yakuniga qadar barcha talabalar stipendiyalarini olishadi.

@NUU_students