❗️Ertaga 1-kurs talabalari uchun kontraktni 25 foiz qismini to‘lash muddati tugaydi

Davlat komissiyasi bayoniga muvofiq, 2025/2026-oʻquv yilida Respublika davlat oliy taʼlim tashkilotlariga toʻlov-kontrakt asosida talabalikka tavsiya etilgan abituriyentlar uchun belgilangan toʻlov miqdorining kamida 25 foizini toʻlash muddati 2025-yil 30-oktyabrgacha uzaytirilgan.

OTM talabalariga o‘qish uchun yillik to‘lovning to‘liq miqdorini teng ulushlarda 4 qismga bo‘lib to’lash yo‘li bilan o‘tkazishga ruxsat berilgan. Bunda muddatlar quyidagicha:

➖ 25% qismini — 1-kursga tavsiya etilganlar 30-oktyabrgacha, ikkinchi va undan keyingi bosqich talabalari uchun 1-oktyabrgacha;
➖ 50% qismini — 2025-yil 1-yanvargacha;
➖ 75% qismini — 2025-yil 1-martgacha;
➖ 100% qismini — 2025-yil 1-maygacha.

Ma’lumot uchun, to’lov muddatlarini uzaytirish ham mumkin. Bunda 1-kursga kirganlarning dastlabki muddatini uzaytirish vakolati Davlat qabul komissiyasiga berilgan, qolgan hollarda OTM rektori muddat uzaytirishni o’zi hal qiladi.

@NUU_students

❗️Kredit-modul tizimida talabalarni o‘qishdan chetlashtirish, qayta tiklash, kursdan-kursga o‘tkazish mexanizmlari qanday!?

Talabalar OTMlardan quyidagi hollarda chetlashtiriladi:

Bir o'quv semestrida 74 soatdan oshiq dars qoldirgan talabalar yuqoridagi Nizom asosida universitet rektori buyrug'i bilan o'qishdan chetlatiladi.

👉 o‘z xohishiga binoan;
👉 o‘qishning boshqa oliy ta’lim tashkilotiga ko‘chirilishi munosabati bilan ;
👉 o‘quv intizomini va OTMlar tomonidan o‘rnatilgan ichki tartib-qoidalar hamda odob-axloq qoidalarini buzganligi uchun;
👉 shartnoma asosida o‘qiyotgan ta’lim oluvchilar shartnoma bilan bog‘liq majburiyatlarni bajarmaganligi uchun;
👉 sud tomonidan ozodlikdan mahrum etish jazosi tayinlanganligi sababli;
👉 sud qaroriga ko‘ra kirish imtihonlarida belgilangan tartibni buzganligi aniqlanganda (ushbu holatda talabalar safidan chetlashtirilganlar talabalar safiga qayta tiklanmaydi);
👉 vafot etganligi sababli.

Vazirlar Mahkamasining 2017 yil 20 iyundagi "393-son qarori" dan koʻchirma

@NUU_students

❗️GPA qanday hisoblanadi?

GPA (Grade Point Average) – bu o‘rtacha baho ko‘rsatkichi bo‘lib, u talabalar bilim darajasini baholash uchun ishlatiladi. O‘zbekiston universitetlarida GPA odatda 4 yoki 5 ballik tizim asosida hisoblanadi.

GPA hisoblash formulasi:

GPA = (Baholar × Kredit soati) / Jami kredit soati

Misol:
Agar talaba 3 ta fan o‘qigan bo‘lsa:
• Matematika – Baho: 4.0, Kredit: 3
• Fizika – Baho: 3.0, Kredit: 2
• Ingliz tili – Baho: 3.5, Kredit: 3

➡️GPA = (4.0×3 + 3.0×2 + 3.5×3) ÷ (3+2+3) = 3.56

Muhim:

➡️ Davlat universitetlarida 100 ballik yoki 5 ballik tizim ishlatilishi mumkin, va bu 4 ballik GPA tizimiga aylantiriladi.

➡️ Xususiy universitetlarda esa xalqaro GPA tizimi ishlatilishi mumkin.

@NUU_students

❗️my.gov.uz portalida talabalarga ijara to‘lovining bir qismini qaytarish uchun ariza topshirish imkoniyati yaratildi

Bu imkoniyatdan noyabr oyida foydalanib bo‘lmaydi, biroq keyingi oylar va yillar uchun bu — juda qulay va foydali yangilik.

@NUU_students

🧠 Endi talabalarning aqlli yordamchisi bor!

💻 HEMIS AI — sun’iy intellekt texnologiyalariga asoslangan talabalarning raqamli yordamchisi bo‘lib, o‘quv jarayonini tahlil qiladi, o‘zlashtirish ko‘rsatkichlarini baholaydi va shaxsiy rivojlanish bo‘yicha tavsiyalarni my.hemis.uz platformasi orqali taqdim etadi.

➖GPA tahlili — o‘zlashtirish darajasini tahlil qilib, rivojlanish yo‘nalishini ko‘rsatadi.
➖Davomat tahlili — darslarga qatnashish holatini baholab, kechikish sabablarini aniqlaydi.
➖Dars jadvali tahlili — mashg‘ulotlar samaradorligini tahlil qilib, o‘quv jarayonini optimallashtiradi.
➖Tavsiyaviy kurslar — talabaning qiziqishlari va natijalariga mos Coursera kurslarini taklif etadi.
➖Plagiat tekshiruvi — mustaqil ishlar va ilmiy ishlarning asl nusxada bo‘lishini ta’minlaydi.
➖Moliyaviy holat tahlili — shartnoma, stipendiya va grantlar bo‘yicha aniq tahlilni taqdim etadi.
➖HEMIS Chatbot AI — foydalanuvchi so‘rovlariga tezkor va aniq javob beradi.

@NUU_students

❗️Yangi o‘quv yildan (2026-yil) boshlab Magistraturani tugatganlarga to‘g‘ridan to‘g‘ri 1-malaka toifasi beriladi

Bakalavr bosqichini imtiyozli diplom bilan bitirib, maktabga ishga kirganlarga avtomatik ravishda 2-malaka toifasi, magistrlarga esa 1-malaka toifasi beriladi.

Davlat xizmatlari to‘lovi esa, o‘qituvchilar uchun 2 karra kamaytirilishi aytildi.

@NUU_students

❗️Talabalarga stipendiya tayinlash tartibi qayta ko‘rib chiqiladi

Vazirlar Mahkamasining oliy ta’lim talabaclariga stipendiya to‘lash tartibiga oid 59-son qaroriga o‘zgartishlar kiritilishi rejalashtirilmoqda. Unga ko‘ra, stipendiya olishdagi “alohida holatlar” va qo‘shimcha rag‘batlantirish mezonlari yanada aniq belgilanadi.

✅Amaldagi tartibga ko‘ra:

▪️Fanlarni o‘zlashtirishi yaxshi bo‘lgan, iqtidor egasi, jamoat ishlarida faol, yoshlar siyosati va ijtimoiy himoya loyihalarida qatnashgan talabalarga qo‘shimcha rag‘batlantiruv to‘lovlari ajratilishi mumkin;
▪️Davlat granti va kontrakt asosida o‘qiyotgan barcha talabalar belgilangan stipendiyadan tashqari Xalqaro va respublika miqyosidagi fan va sport musobaqalari g‘oliblari, ilmiy tadkikotlarda faol ishtiroki uchun qo‘shimcha mablag‘ bilan rag‘batlantirilishi mumkin;
▪️Shuningdek, og‘ir ijtimoiy holatga tushib qolgan yoki oilaviy muammolarga duch kelgan talabalar (kasallik, oilaviy azo o‘lishi kabi) uchun ham bir martalik moddiy yordam ajratilishi mumkin.

✅ Yangi tahrirda esa:

▪️Bu kabi rag‘batlantirish va moddiy yordam olish imkonini beruvchi aniq mezonlar belgilab qo‘yiladi;
▪️“Alohida holatlar” tushunchasi aniq chegaralanib, qaysi vaziyatda talabaga qo‘shimcha to‘lov berilishi rasmiylashtiriladi.

@NUU_students

❗️Talaba va o‘quvchilar uchun qishki ta’til 24-dekabrdan boshlanishi kutilmoqda

Joriy yil talaba va o'quvchilar uchun qishki ta'til 24-dekabr sanasidan boshlanishi kutilmoqda.

O'tgan yili Oliy taʼlim, fan va innovatsiyalar vazirligining tegishli buyrugʻi bilan oliy taʼlim tashkilotlari talabalari, texnikum, kollej, kasb-hunar maktabi va akademik litseylar oʻquvchilariga joriy oʻquv yili uchun beriladigan qishki taʼtil 2024-yilning 25-dekabridan 2025-yilning 7-yanvariga qadar (shu kuni ham) etib belgilan edi.

Hozircha qishki ta'til aniq sanasi rasman e'lon qilinmadi!

@NUU_students

❗️Endilikda Magistirlik dissertatsiyasining himoyasi natijalari ustidan shikoyat qilish amaliyoti yo‘lga qo‘yiladi.

2026-aprel oyigacha qonunchilikka o‘zgartirish kiritiladi.

@NUU_students

❗️Talaba va o‘quvchilar uchun qishki ta’til 28-dekabrdan boshlanadi

Oliy taʼlim, fan va innovatsiyalar vazirligining tegishli buyrugʻiga muvofiq, oliy, oʻrta maxsus va kasbiy taʼlim tashkilotlari (davlat, nodavlat hamda xorijiy) va akademik litseylar talaba hamda o‘quvchilarining joriy o‘quv yili uchun qishki taʼtil muddati belgilandi.

Unga ko‘ra, qishki taʼtil 2025-yil 28-dekabrdan boshlanib, 2026-yil 10-yanvariga qadar (shu kuni ham) davom etadi.

Talaba va o‘quvchilarning qishki taʼtil davrida doimiy yashash hududlariga (Qoraqalpogʻiston Respublikasi, viloyatlar va Toshkent shahriga) borib-kelishlarini qulaylashtirish maqsadida Transport vazirligi, “Oʻzbekiston temir yoʻllari” AJ hamda “Uzbekistan Airways” AJ bilan hamkorlikda qo‘shimcha imkoniyatlar yaratiladi.

Shunga muvofiq, 2025-yil 18-dekabrdan 2026-yil 12-yanvariga qadar (shu kuni ham) talabalar va o‘quvchilar uchun 50 foiz chegirma asosida yo‘l chiptalari sotuvi yo‘lga qo‘yiladi.

@NUU_students

❗️Sessiyalar 12-yanvardan boshlanadi!

Oliy ta’lim, fan va innovatsiyalar vaziri Qo‘ng‘irotboy Sharipovning buyrug‘iga ko‘ra, 2025/2026-oʻquv yili kuzgi semestri o‘quv jarayoni va fanlardan oʻtkaziladigan nazoratlar belgilangan grafik asosida 2026-yil 2026-yil 12-yanvardan boshlab tashkil etiladi.

Talabalarga kuzgi semestr yakuni boʻyicha oʻtkaziladigan yakuniy nazorat ishlari bilan bogʻliq barcha maʼlumotlar yetkaziladi. Imtihonlarni talab darajasida tashkil etish va shaffofligini taʼminlash bilan bogʻliq chora-tadbirlar amalga oshiriladi.

Talabalar uchun qishki ta’til sanasi 10-yanvargacha davom etadi.

@NUU_students