❗️SAT 1200 dan yuqori natija qayd etgan abituriyentlar talaba bo‘ladi. Bu tizim qanday ishlaydi? (yo‘riqnoma)

Vazirlar Mahkamasining 2025-yil 13-sentabrdagi 578-son qarori bilan tasdiqlangan bakalavriatga qabul qilish tartibiga muvofiq, SAT xalqaro imtihoni natijalari oliy ta’lim muassasalariga kirishda inobatga olinadi.

Nizomga ko‘ra, “College Board” tashkiloti tomonidan o‘tkaziladigan Scholastic Aptitude Test (SAT) imtihonida maksimal ballning kamida 75 foizi — 1200 ball va undan yuqori natija qayd etgan abituriyentlar sertifikat berilgan fanlar (matematika va ingliz tili fanlari) kirish imtihonlari tarkibiga mos keladigan bakalavriat ta’lim yo‘nalishlari bo‘yicha oliy ta’lim tashkilotlariga qo‘shimcha davlat granti asosida o‘qishga qabul qilinadi.

SAT natijalari faqat sertifikatda baholangan fanlar tanlangan ta’lim yo‘nalishining kirish imtihonlari fanlariga mos kelgan taqdirda hisobga olinadi. Sertifikat Agentlikka elektron tarzda College Board tizimi orqali DI kod yordamida yuborilishi lozim. Abituriyentlarni talabalikka tavsiya etish Davlat komissiyasi qarori asosida amalga oshiriladi.

@NUU_students

❗️Talabalarga ijara to‘lovlarining bir qismini qoplab berish tizimi haqida batafsil ma’lumot

1️⃣ Kimlarga qoplab beriladi?

➖ yotoqxona bilan qamrab olinmagan bo‘lishi kerak. Agar yotoqxonada joy bo‘lsa-yu, lekin talaba yotoqxonada turmasdan, ijaraga chiqib ketgan bo‘lsa, unda kompensatsiya berilmaydi;
➖ o‘ziga yoki ota-onasi (qonuniy vakillari)ga tegishli bo‘lmagan uyda ijarada turgan bo‘lishi kerak;
➖ davlat oliygohi talabasi bo‘lishi kerak, xususiy oliygoh talabalariga qoplab berilmaydi;
➖ O‘zbekiston fuqarosi yoki respublikada doimiy yashayotgan fuqaroligi bo‘lmagan shaxs bo‘lishi kerak, xorijiy davlat fuqarosiga qoplab berilmaydi;
➖ faqat kunduzgi ta’lim shaklida o‘qiyotgan bo‘lishi kerak. Kechki, masofaviy, sirtqi, shuningdek, qo‘shma ta’lim dasturlarida o‘qiyotgan talabalarga qoplab berilmaydi;
➖ ro‘yxatga olingan doimiy yashash joyidan boshqa joyda (tuman, shahar miqyosida) yashayotgan bo‘lishi kerak. Masalan, Samarqand shahrida ro‘yxatda turgan talaba Samarqand shahridagi oliygohda o‘qisa, unga ijara to‘lovida kompensatsiya berilmaydi, lekin Kattaqo‘rg‘on tumanida ro‘yxatda turuvchi talabaga to‘lab berilishi mumkin;
➖ davlat granti yoki to‘lov-kontrakt asosida o‘qiyotganining farqi yo‘q, ikkalasiga ham qoplab beriladi.

2️⃣ Qancha kompensatsiya beriladi?

Har oy uchun:

➖ Toshkent shahrida — bazaviy hisoblash miqdorining bir baravari (412 ming so‘m);
➖ Boshqa hududlarda — yarim baravar (206 ming so‘m).

3️⃣ Ijara shartnomasi bo‘lishi shart

Kompensatsiya olish uchun ijara.soliq.uz saytida hisobga qo‘yilgan ko‘chmas mulk ijara shartnomasi bo‘lishi kerak, yo‘qsa kompensatsiya berilmaydi.

Yagona istisno: 1-kurslarga dastlabki sentyabr va oktyabr oylari uchun ijara shartnomasi so‘ralmasdan to‘lab beriladi. Noyabr oyidan esa 1-kurslarga ham ijara shartnomasi bo‘lishi kerak.

Bitta turar joyda ikki va undan ortiq talaba ijara huquqi asosida yashagan holatlarda, ularning barchasi ijara shartnomasida qayd etilgan bo‘lishlari shart.

❕BU MUHIM: uyiga talabalarni ijaraga qo‘ygan fuqarolar ijarasi uchun daromad solig‘idan ozod qilinadi (Soliq kodeksi, 378-modda, 19-1-bandi). Shuning uchun talabalarni ijaraga qo‘yganlar, shartnomani rasmiylashtirishdan xavotir olmasa ham bo‘ladi, ular buning uchun soliq to‘lamaydi.

4️⃣ Kimlarga birinchi navbatda beriladi?

— Ijtimoiy yordamga muhtoj bo‘lganlar;
— o‘rnak ko‘rsatgan va faol talabalar birinchi navbatda moliyalashtiriladi.

❕Ma’lumot uchun: qoidaga ko‘ra, ijara huquqi asosida yashaydigan davlat OTM talabalarining 60 foiziga kompensatsiya beriladi. Ya’ni bu degani, agar limit to‘lib qolsa, hammaga byudjetdan to‘lab berilmasligi ham mumkin. Ammo yetmay qolgan talabalarga universitetning budjetdan tashqari mablag‘lari orqali qo‘shimcha moliyalashtirish ham mumkin.

5️⃣ Ariza qanday beriladi?

Arizalar har oyning 7-sanasiga qadar onlayn topshirilishi kerak. Buning uchun:

➖ kontrakt.edu.uz axborot tizimidan ro‘yxatdan o‘tiladi va shaxsiy kabinetga kiriladi;
➖ shaxsiy kabinetdan “Ijara to‘lovlari” bo‘limi tanlanadi;
➖ “Ariza yuborish” tugmasi bosiladi va ariza yuboriladi.

6️⃣ Rad etish asoslari

Agar soxta hujjat topshirilgan bo‘lsa, manzil mos kelmasa yoki ariza muddatida berilmagan bo‘lsa — rad etiladi.

Komissiya tomonidan doimiy ravishda ijara shartnomasini qalbakilashtirgan va noto‘g‘ri ma’lumotlar taqdim etgan talabalar ro‘yxati shakllantirilib boriladi. Ushbu talabalar ro‘yxatiga tushgan talabalarga oylik ijara to‘lovining bir qismini qoplab berish to‘xtatilishi mumkin.

Rad etilgan taqdirda kamchilikni tuzatib, yana murojaat qilish mumkin.

7️⃣ Tugatilishi shartlari

Agar talaba akademik ta’tilga chiqqan, kursda qoldirilgan yoki safdan chetlashtirilsa — to‘lov to‘xtatiladi.

Ijara shartnomasi bekor qilinsa yoki manzil o‘zgarsa 3 ish kuni ichida xabar qilish kerak.

ASOS: Vazirlar Mahkamasining 2021-yil 24-sentyabrdagi 605-son qarori.

@NUU_students

❗️Xotin-qizlar kuni bayrami arafasida dam olish kunlari qanday boʻladi?

Bu yil 8-mart — Xotin-qizlar kuni bayrami haftaning yakshanba kuniga toʻgʻri keladi.

Mehnat kodeksiga koʻra, dam olish kuni ishlanmaydigan bayram kuniga toʻgʻri kelgan taqdirda, dam olish kuni bayramdan keyingi ish kuniga koʻchiriladi.

Shunga koʻra, bayram arafasida dam olish kunlari quyidagicha boʻladi:

🔹Haftada 5 kun ishlaydiganlar 3 kun dam oladi:

➖ 7-mart — shanba dam olish kuni;
➖ 8-mart, yakshanba– bayram kuni, dam olish kuni;
➖ 9-mart, dushanba – qoʻshimcha dam olish kuni.

🔸 Haftada 6 kun ishlaydiganlar 2 kun dam oladi:

➖ 8-mart, yakshanba– bayram kuni, dam olish kuni;
➖ 9-mart, dushanba – qoʻshimcha dam olish kuni.

@NUU_students

❗️Talabalar va barcha uchun
Rasmiy, Onlayn va offlayn, xususiy, va yarim kunlik va Kunlik ishlar 200 mingdan -500 mingacha Davlat ishlari 6 mlndan-10 mlnggacha, Ish izlab charchadingizmi,unda sizga eng ishonchli va Rasmiy Telegram kanal tavsiya qilaman joylari soni cheklangan kiring va ishli boʻling https://t.me/+21lNjcdg1YxiY2Zi

❗️Hemisga Face-ID tizimi qo‘shildi.

Test imtihonlarini topshirishda biometrik identifikatsiya qanday amalga oshiriladi?

HEMIS tizimining test imtihonlarini topshirish funksionaliga tinglovchini yuz tasviri (FaceID) asosida identifikatsiya qilish imkoniyati qo‘shildi.

Mazkur funksiyadan foydalanish ixtiyoriy bo‘lib, u test sozlamalaridagi FaceID parametri orqali boshqariladi.

Jarayon quyidagicha:

1. Funksiyani ishga tushirish uchun imtihon sozlamalarida FaceID parametrini faollashtirish zarur;

2. Shunda talaba kabinetida testni boshlash tugmasi bosilganda, yuz orqali identifikatsiya sahifasi ochiladi;

3. Talaba yuz tekshiruvdan muvaffaqiyatli o‘tgach, unga test imtihoni ochiladi.

Muhim! Talabaning yuzi uning anketasiga yuklangan rasm asosida tekshiriladi. Agar imtihon sozlamalarida FaceID parametri o‘chirilgan bo‘lsa, test topshirish odatdagidek amalga oshiriladi.

@NUU_students

❗️Kontraktni 4 qismga bo‘lib to‘lash imkoni bormi?

✅ JAVOB: Ha, 4 ga bo‘lib to‘lash mumkin.

OTM talabalariga o‘qish uchun yillik to‘lovning to‘liq miqdorini teng ulushlarda to‘rt qismga bo‘lish yo‘li bilan o‘tkazishga ruxsat berilgan.

Bunda muddatlar quyidagicha:

25% qismini — 1-kursga tavsiya etilganlar 15-sentyabrgacha, ikkinchi va undan keyingi bosqich talabalari uchun 1-oktyabrgacha;

50% qismini — 2025-yil 1-yanvargacha;

75% qismini — 2025-yil 1-martgacha;

100% qismini — 2025-yil 1-maygacha.

To’lov muddatlarini uzaytirish ham mumkin. Bunda 1-kursga kirganlarning dastlabki muddatini uzaytirish vakolati Davlat qabul komissiyasiga berilgan, qolgan hollarda OTM rektori muddat uzaytirishni o’zi hal qiladi.

kontrakt.edu.uz sayti orqali yuborgan arizangiz tasdiqlansa, 4 ga bo‘lib to‘lash imkoni va muddatlari haqida maʼlumot chiqadi. Mana shu yerdan ham ko‘rib olsangiz bo‘ladi.

Bunda, mazkur tartib moliyaviy mustaqillik berilgan davlat oliy taʼlim muassasalari uchun tavsiyaviy xarakterga ega.

@NUU_students

❗️Davlat OTMlarida qabul qachondan boshlanadi?

— Bakalavr uchun qabul (5-iyundan – 25-iyunga qadar)
👉 my.uzbmb.uz

— Magistratura mutaxassisliklariga qabul (1-iyuldan 30-iyulga qadar)
👉 magistr.edu.uz

— Ikkinchi mutaxassislikka qabul (10-iyuldan 10-avgustga qadar)
👉 my.edu.uz

— O‘qishni ko‘chirish (15-iyuldan 5-avgustga qadar)
👉 transfer.edu.uz  — davlat OTMning biridan boshqasiga;
👉 my.uzbmb.uz  — xorijiy mamlakatlarda yoki respublikada faoliyat yuritayotgan xorijiy va nodavlat OTMdan davlat OTMlariga.

Amaldagi qonunchilikka ko'ra, nodavlat oliy ta'lim tashkilotlariga qabul jarayonlari har yili iyun-sentabr oylarida bo'lib o'tishi belgilangan.

@NUU_students

❗️Prezident farmoniga ko’ra:

Homilador talaba-qizlarga yoki 3 yoshgacha bo‘lgan farzand tarbiyasi bilan shug‘ullanuvchi talabalarga oliy ta’lim olish uchun “ikkinchi imkoniyat” yaratish maqsadida 2026/2027-o‘quv yilidan boshlab:

➖ kursdan kursga qolgan yoxud talabalar safidan chiqarilgan shaxslarga, istisno tariqasida, fanlar farqini qayta o‘zlashtirish sharti bilan ta’limni davom ettirish imkoni yaratiladi;

➖ talabalar fanlar farqini mustaqil o‘zlashtirishi uchun qo‘shimcha muddat berilsin va boshqa zarur shart-sharoitlar tashkil etiladi.

***

Oliy ta’lim, fan va innovatsiyalar vazirligi uch oy muddatda quyidagilar yuzasidan takliflarni Vazirlar Mahkamasiga kiritadi:

• homilador talaba-qizlar yoki 3 yoshgacha bo‘lgan farzand tarbiyasi bilan shug‘ullanuvchi talabalarga akademik ta’til davrida, ularning xohishiga ko‘ra, masofaviy ta’lim shaklida o‘qishni davom ettirish imkoniyatini yaratish;

• masofaviy ta’lim shaklida kadrlar tayyorlash bo‘yicha ta’lim yo‘nalishlari va qabul ko‘rsatkichlarini oshirish orqali homilador talaba-qizlar yoki 3 yoshgacha bo‘lgan farzand tarbiyasi bilan shug‘ullanuvchi talabalarga ta’limni davom ettirish uchun qo‘shimcha shart-sharoitlar yaratish;

• akademik ta’tilga chiqqan, kursdan kursga qolgan va talabalar safidan chiqarilgan homilador talaba-qizlar yoki 3 yoshgacha bo‘lgan farzand tarbiyasi bilan shug‘ullanuvchi talabalar yuzasidan alohida statistik ma’lumotlarni yuritish.

@NUU_students

❗️ “Yoshlar daftari” ga kirgan talabalarga kontrakt to‘lovlari qoplab beriladi

“Yoshlar daftari”ga kiritilgan yoshlarning 20,6 mln so‘mgacha bo‘lgan kontrakt to‘lovlari to‘lab beriladi.

Oliygohlarning kunduzgi ta’lim shaklida tahsil olayotgan, “Yoshlar daftari”ga kiritilgan yoshlarning kontrakt to‘lovining 50 foizigacha, biroq BHMning 50 baravaridan oshmagan qismi qoplab beriladi.

Yangi tartibga ko‘ra, kontrakt to‘lovlari birdaniga emas, balki bosqichma-bosqich to‘lab beriladi, ya’ni to‘lov 6 oy davomida o‘tkaziladi. Bunda talabaning yordam ajratilgan semestrdagi o‘rtacha bahosi 4 dan kam bo‘lmasligi, shuningdek, yordam ajratish boshlangan vaqtdan boshlab 6 oy vaqt ichida xorijiy tillardan biridan kamida B1 darajadagi sertifikat olishi hamda “Mutolaa” loyihasi doirasida kamida 6 ta kitob o‘qishi talab etiladi. Aks holda, to‘lovlarni amalga oshirish to‘xtatiladi.

@NUU_students

❗️Grantda o‘qiydigan talaba kredit (qarzdorlik) fanlarga tushib qolsa, keyingi oylar stipendiya berilmaydimi?

✅JAVOB: Amaldagi Nizomga ko‘ra, agar talabaning fanlardan o‘zlashtirish ko‘rsatkichlarining 30 foizi yoki undan ortig‘i “qoniqarli” baho (71 balldan kam, ya’ni 3 baho va undan past) bo‘lsa, keyingi o‘quv semestri davomida stipendiya tayinlanmaydi.

Misol uchun, agar bir semestrda 7 ta fan o‘qigan bo‘lsangiz va shundan 3 ta yoki undan ko‘p fandan 3 baho olsangiz, sizga keyingi semestr davomida stipendiya to‘lanmaydi.

❗️Biroq quyidagi talabalarga fanlardan oʻzlashtirish koʻrsatkichlaridan qatʼi nazar belgilangan tartibdagi stipendiya saqlab qolinadi:

🔹 to‘liq davlat ta’minotidagi yetim bolalar;
🔹 ota-ona qaramog‘idan mahrum bo‘lgan talabalar;
🔹 1- va 2-guruh nogironligi bo‘lgan talabalar.

@NUU_students

❗️Davlat oliy ta’lim muassasalari talabalariga to‘lov-kontrakt shartnomasini olish jarayonini yanada qulaylashtirish maqsadida my.gov.uz portalida yangi xizmat ishga tushirildi.

Endilikda talabalar to‘lov-kontrakt shartnomasini olish uchun onlayn ariza yuborishlari mumkin.

Xizmatdan foydalanish uchun:

1️⃣ my.gov.uz da ro‘yxatdan va/yoki avtorizatsiyadan o‘tiladi;
2️⃣ "Davlat oliy ta’lim muassasalari talabalari uchun to‘lov-kontrakt shartnomalarini olish" xizmati tanlanadi;
3️⃣ kerakli maydonlar so‘ralgan ma’lumotlar bilan to‘ldirilib, ariza elektron tarzda yuboriladi.

Yuborilgan arizalar oliy ta’lim muassasalari tomonidan 5 ish kuni ichida ko‘rib chiqiladi va shartnoma shakllantiriladi.

Shakllantirilgan to‘lov-kontrakt shartnomalarini my.gov.uz portali orqali onlayn yuklab olish imkoniyati mavjud.

Shuningdek, to‘lov-kontrakt shartnomasini olish uchun kontrakt.edu.uz platformasi orqali ham ariza yuborish mumkin.

@NUU_students

❗️Endilikda chet tili 1-fan boʻlgan yoʻnalishlarga B1 daraja ham imtiyoz beradi

Qaror bilan ayrim Hukumat qarorlariga oʻzgartirish va qoʻshimchalar kiritildi.

✅ Unga koʻra, fanlar majmuasida chet tili 1-fan sifatida belgilangan taʼlim yoʻnalishlariga qabul xorijiy tilni bilish boʻyicha kamida B1 darajadagi milliy yoki xalqaro tan olingan sertifikat asosida amalga oshiriladi.

Fanlar majmuasida chet tili fani mavjud boʻlgan taʼlim yoʻnalishlariga qabulda:

🔹 B1 darajadagi milliy yoki xalqaro tan olingan sertifikatga ega abituriyentlarga ushbu fandan belgilangan maksimal ballning 75 foizi miqdorida ball beriladi;

🔹 B2 va undan yuqori darajadagi milliy yoki xalqaro tan olingan sertifikatga ega abituriyentlarga ushbu fandan belgilangan maksimal ball beriladi.

Ilgari mazkur yoʻnalishlarga qabul kamida B2 darajasidagi milliy yoki xalqaro sertifikat asosida amalga oshirilgan.

@NUU_students

📢Ingliz tilidan yuqori bilimga egamisiz? Unda bu imkoniyat aynan siz uchun!

📚Registan LC Qoʻyliq filiali Ingliz tili yordamchi ustozlarni (yevro guruhlar uchun) izlamoqda!

Talablar:
— IELTS 7.0+
— O‘quvchilar bilan ishlash ko‘nikmasi
— Rus va o'zbek tillarini bilish
— Mas'uliyatli va intizomli
— Jamoada ishlash qobiliyati

Ish vaqti:
— 14:00 – 20:00, 6/1

Taklif qilamiz:
— Doimiy rivojlanish imkoniyati
— Shinam ofis va qulay joylashuv
— Ahil va do'stona jamoa
— Tajribali mentorlar bilan ishlash
— Bonus, imtiyoz va sovg'alar

🎯Karyerangizni ustozlikda davom ettirmoqchimisiz unda bizning jamoamizga qoʻshiling!

👉🏻 Anketa to'ldirish uchun bosing

Murojaat uchun:
+998 91 015 27 00

📌Agar bu ish taklifi sizga qiziq bo'lsa, hoziroq bot orqali anketa to'ldiring va jamoamizga qo'shiling!

📢 Matematika fanidan yuqori bilimga egamisiz? Unda siz uchun ajoyib imkoniyat!

🏢Registan LC Qoʻyliq filiali📚Matematika yordamchi ustozlarini ishga taklif qiladi

📍Toshkent shahri, Fargʻona Yoʻli koʻchasi (Compass Mall yaqinida)


Talablar:
— Matematika fanidan A+ sertifikat;
— Ustozlikda 1+ yil ish tajribasi;
— Yuqori pedagogik qobiliyat va o'quvchilar bilan ishlash ko'nikmasi;

Ish vaqti:
— 08:00 -14:00, 6/1
— 14:00 - 20:00, 6/1

Takliflar:
— Moslashuvchan ish grafigi;
— Yuqori oylik maosh (suhbatda kelishiladi);
— Yosh, do‘stona va professional jamoa;
— Kasbiy va shaxsiy rivojlanish imkoniyati;

🎯Karyerangizni ustozlikda davom ettirmoqchimisiz unda bizning jamoamizga qoʻshiling!

👉🏻 Anketa to'ldirish uchun bosing

Murojaat uchun:
+998 91 015 27 00


*Yaqinlaringizga ham ulashib qo‘yishni unutmang!

❗️Talabalarning yashash xarajatlarini qoplab berish haqida batafsil ma’lumot

Ma’lumot o‘rnida, agar davlat yotoqxonasi bo‘lmasa, talabalar davlat-xususiy sheriklik asosida qurilgan turar joylarga joylashtirilishi mumkin. Hukumatning yangi qaroriga asosan, bunday hollarda ham unga kompensatsiya to‘lab beriladi. To‘lovlar har oyning 15-sanasiga qadar talabaning bank plastik kartasiga o‘tkazib beriladi.

Ijara to‘lovlariga kompensatsiya olish bilan bog‘liq har qanday arizalar oyning 7-sanasiga qadar qabul qilinadi. Uni my.gov.uz yoki kontrakt.edu.uz orqali onlayn tarzda yuborishingiz mumkin.

@NUU_students

❗️Ayrim toifadagi talabalarning yotoqxona xarajatlari Davlat byudjetidan qoplab beriladi

O‘zbekiston Respublikasi Vazirlar Mahkamasining qarori (28.01.2026 y. 32-son) bilan ayrim toifadagi talabalarning davlat oliy ta’lim tashkilotlari talabalar turar joylaridagi (TTJ) yashash xarajatlarini Davlat byudjeti hisobidan qoplab berish tartibi tasdiqlandi.

Ushbu imtiyozdan "Ijtimoiy reestr"ga kiritilgan oilalarning kunduzgi ta’lim shaklida tahsil olayotgan farzandlari foydalanishi mumkin. To‘lovlar talaba grant yoki kontrakt asosida o‘qishidan qat’i nazar amalga oshiriladi.

Qarorga ko‘ra, talabalar TTJga ustuvorlik asosida, navbatsiz qabul qilinadi. Agar davlat yotoqxonasi bo‘lmasa, talabalar davlat-xususiy sheriklik asosida qurilgan turar joylarga joylashtirilishi mumkin. To‘lovlar har oyning 15-sanasiga qadar talabaning bank plastik kartasiga o‘tkazib beriladi.

@NUU_students

❗️Tyutor vazifalari funksionali joriy etildi

HEMIS tizimiga yangi Tyutor vazifalari funksionali qo‘shildi. Ushbu imkoniyat orqali har bir tyutor o‘zining ish rejasini shakllantirishi, bajarilgan ishlar natijasini kiritishi hamda hisobotlarni yuklab borishi mumkin.

❓Funksional qanday ishlaydi?

1️⃣ Yangi vazifa bo‘limida vazifaning nomi, qisqacha izohi va bajarish muddati kiritiladi. Shundan so‘ng vazifa Topshiriqlar ro‘yxatida aks etadi.
2️⃣ Ro‘yxatdagi vazifa nomi ustiga bosish orqali uni tahrirlash yoki natijalarni qayd etish bo‘limiga o‘tish mumkin.
3️⃣ Vazifa bajarilgach, sahifaning “Natija ma’lumotlari” qismida:

➖ vazifaning bajarilish izohi yoziladi;
➖ hisobot fayli yuklanadi;
➖ vazifa statusi “Tugallangan” holatiga o‘tkaziladi.

Muhim: Har bir tyutor o‘z shaxsiy ish rejasini mustaqil shakllantiradi va ularning ma’lumotlari boshqa tyutorlarga ko‘rinmaydi.

@NUU_students

❗️Magistraturaga oid ayrim savollarga javoblar:

➖ joriy yilda ham kontraktga kirgan qizlarga davlat byudjetidan to‘lov-kontrakt summasi qoplab beriladi. Buning uchun 30-sentyabrgacha ariza berish kerak;

➖ joriy yilda ilk marta magistraturada kechki va masofaviy ta’lim shakli ham ochildi. Bunda kechki yoki masofaviyga kirgan qizlarga ham davlat byudjetidan kontraktlari qoplab beriladi;

➖ magistraturada joriy yilda ham qo‘shimcha qabul ochilgan, buning uchun hujjat topshirilgan oliygohga murojaat qilish kerak. Qo‘shimcha qabul degani, bu xuddi bakalavrdagi super-kontrakt degani, ya’ni kira olmaganlar uchun qo‘shimcha kvota ajratiladi. Lekin asosiy farqi — magistraturada qo‘shimcha qabul kontrakti ancha arzon bo‘ladi. Bunda qo‘shimcha qabulga kirganlar 1 nafar talabani o‘qitishning real xarajat summasini to‘lasa kifoya.

❓Bu nima degani?

Masalan, mutaxassislikka qarab, 1 nafar talabani o‘qitish xarajati taxminan 15-25 mln so‘m atrofida bo‘ladi. Lekin davlat talabalarga yengillik bo‘lsin deb, kontrakt summasini haqiqiy xarajatdan arzonroq qilib belgilaydi, qolgan zararni qoplash uchun oliygohlarga byudjetdan subsidiya beradi.

Xullas, masalan, oddiy kontraktga kirganlar 10 mln so‘m to‘lasa, qo‘shimcha kontraktga kirganlar 15 mln so‘m to‘laydi. Magistraturada bakalavrdagi super-kontraktga o‘xshab, 5 baravar yoki 15 baravar to‘lash degan narsa yo‘q;

➖ Qo‘shimcha qabulga kirganlar real xarajat miqdoridagi kontraktni 2 yil davomida to‘laydi. Xuddi bakalavrga o‘xshab, faqat bir yil super-kontrakt to‘lab, ikkinchi kursdan oddiy kontraktga o‘tish degan narsa yo‘q;

➖ Lekin qo‘shimcha qabulga kirganlar grant taqsimotida ishtirok etishi mumkin, agar natijasi yaxshi bo‘lsa, 2-kursda grantga o‘ta oladi;

➖ Qo‘shimcha qabulga kirgan xotin-qizlarning kontrakt puli byudjetdan qoplab berilmaydi. Birinchi kursda ham, ikkinchi kursda ham. Lekin xotin-qizlar grant taqsimotida qatnashib, grantga o‘tsa, unda davlat grant ajratadi, tekinga o‘qishadi. Ammo grantga o‘ta olmasdan, real xarajat miqdoridagi kontraktda qolishsa, unda davlat byudjetidan qoplab berilmaydi. Magistraturaga oddiy kontraktga kirgan xotin-qizlarga esa, kontrakt puli byudjetdan qoplanishi haqida yuqorida aytdik;

➖ Qo‘shimcha qabulga kirish uchun ham talab darajasidagi sertifikati bo‘lishi shart. Qo‘shimcha qabul - bu keyinchalik sertifikat olish sharti bilan hozir sertifikatsiz talabalarni o‘qishga qabul qilish degani emas;

➖ joriy yilda magistratura uchun qishki qabul rejalashtirilmagan.

@NUU_students

❗️Homilador va yosh bolali talabalar uchun yangi imtiyozlar belgilandi

2026/2027-o‘quv yilidan boshlab homilador talaba-qizlar hamda 3 yoshgacha farzandi bor talabalarga ta’limda quyidagi yengilliklar beriladi:

🔹 o‘qishni qayta tiklash: Kursdan kursga qolgan yoki talabalar safidan chiqarilgan bo‘lsa, istisno tariqasida, fanlar farqini topshirish sharti bilan o‘qishga qaytish imkoni beriladi;
🔹 qo‘shimcha muddat: Fanlar farqini mustaqil o‘zlashtirish uchun qo‘shimcha vaqt va sharoitlar yaratiladi.

❓Yaqin 3 oy ichida yana qanday o‘zgarishlar kutilmoqda?

➖ Akademik ta’tilga chiqqan talaba-onalarga o‘z xohishiga ko‘ra onlayn (masofaviy) shaklda o‘qishni davom ettirish imkoniyati yaratiladi.
➖ Masofaviy ta’lim yo‘nalishlari va qabul ko‘rsatkichlari aynan ushbu toifadagi talabalar uchun ko‘paytiriladi.
➖ Akademik ta’tilga chiqqan yoki o‘qishdan ketgan talaba-onalar bo‘yicha alohida statistika yuritiladi.

@NUU_students

❗️Talabalar Ramazon hayitida necha kun dam olishadi?

Talabalar Ramazon hayitida necha kun dam olishi siz o‘qiyotgan oliy ta’lim tashkilotidagi o‘qish tizimiga bog‘liq. Ya’ni, agar sizda 5 kunlik o‘qish bo‘lsa — 4 kun, 6 kunlik o‘qish bo‘lsa — 3 kun dam olish mumkin.

Dam olish kunlari quyidagicha bo‘ladi:

🔹 5 kunlik o‘qish tizimidagi talabalar uchun:

✅ 20-mart (juma) — Ramazon hayiti;
✅ 21-mart (shanba) — Navro‘z bayrami;
✅ 22-mart (yakshanba) — odatiy dam olish kuni;
✅ 23-mart (dushanba) — Navro‘z bayrami uchun ko‘chirilgan dam olish kuni.
📚 24-mart (seshanba) — odatdagi darslar boshlanadi.

🔹 6 kunlik o‘qish tizimidagi talabalar uchun:

✅ 20-mart (juma) — Ramazon hayiti;
✅ 21-mart (shanba) — Navro‘z bayrami;
✅ 22-mart (yakshanba) — odatiy dam olish kuni.
📚 23-mart (dushanba) — darslar davom etadi.

❗️Eslatma: 19-mart (payshanba) kuni bayram arafasi bo‘lgani sababli ko‘plab OTTlarda darslar odatda qisqartirilgan bo‘lishi mumkin.

@NUU_students