❗️O'qishni ko'chirishda kerakli hujjatlar

Xorijiy va nodavlat oliygohlardan o'qishni ko'chirish uchun:

➖ Pasport
➖ Transkript yoki zachotka (pdf yoki rasm holatda sifatli)
➖ Ayrim hollarda akkreditatsiya yoki litsenziya

Davlat OTMlari ichida o'qishini ko'chirish uchun:

➖ Pasport
➖ Transkript yoki zachotka (pdf yoki rasm holatda sifatli)
Uzrli sababga ko'ra

,
1) Nikoh guvohnomasi, turmush o'rtog'ingiz pasporti
2) Ota-onangiz ish joyidan maʼlumotnoma

Ariza topshirish uchun quyidagi saytlar orqali onlayn ro'yxatdan o'tiladi:

👉 transfer.edu.uz — davlat oliygohining biridan boshqasiga;
👉 my.uzbmb.uz — xorijiy mamlakatlarda yoki respublikada faoliyat yuritayotgan xorijiy va nodavlat oliy ta'lim muassasalaridan davlat oliygohlariga.

❗️B1 darajadagi sertifikatlar chet tili ikkinchi fan bo'lsa ham imtiyoz beradi

Chet tilidan B1 sertifikatiga ham bo‘lganlarga ham imtiyoz berilishi bo‘yicha yangilikdan keyin ko‘pchilik abituriyentlar Telegram botimiz (@uztdibot)ga yozib "B1 sertifikati faqat chet tili birinchi bo‘lsa ham amal qilar ekanku?" deb so'rashmoqda. Shuningdek, lex.uz dagi 578-son qarorda hali o‘zgarish ko‘rinmayotganini yozishmoqda.

Yuqorida qarordan o‘sha joyini belgilab ko‘rsatilgan.

Hukumatning 2026-yil 28-yanvardagi 32-sonli qarori bilan 2025-yil 13-sentyabrdagi Vazirlar Mahkamasining 578-sonli qarori bilan nizomga o‘zgartirish kirildi.

Qarorning to‘liq matni bilan quyida tanishish mumkin: 👉 https://t.me/uztdi/10621

@NUU_students

📢YANGIYO’L shahrida ishlashga tayyormisiz? Siz uchun SUPER ish taklifimiz bor....

🏢Kutib oling... Registon o'quv markazi Toshkent viloyati Yangiyoʻl shahrida o'zining navbatdagi filialini ochmoqda!

💼Mavjud ish o'rinlar:
— Ingliz tili ustoz;
— Matematika ustoz;


🤝Biz taklif qilamiz:
— Yuqori oylik maosh va barqaror ish o'rni;
— Moslashuvchan ish grafigi;
— Yosh, do‘stona, va qo'llab-quvvatlovchi jamoa;
— O'quv kurslarimiz uchun maxsus chegirmalar;
— Shaxsiy va professional o‘sish imkoniyati;
— Bonuslar va mukofotlar;

🎯Agar Registan LC Yangiyoʻl filialida uzoq muddatli karyera qurishni istasangiz, hoziroq bot orqali kirib, boʻsh ish o'rinlariga anketa toʻldiring

👉🏻Anketa toʻldirish uchun bosing

Murojat uchun: @registan_lc_hr

📌Bu yangilikni Yangiyoʻllik tanishlaringizga ham yuborib qo'ying!

❗️Talabalarga ijara to‘lovlarining bir qismini qoplab berish tizimi haqida batafsil ma’lumot

1️⃣ Kimlarga qoplab beriladi?

➖ yotoqxona bilan qamrab olinmagan bo‘lishi kerak. Agar yotoqxonada joy bo‘lsa-yu, lekin talaba yotoqxonada turmasdan, ijaraga chiqib ketgan bo‘lsa, unda kompensatsiya berilmaydi;
➖ o‘ziga yoki ota-onasi (qonuniy vakillari)ga tegishli bo‘lmagan uyda ijarada turgan bo‘lishi kerak;
➖ davlat oliygohi talabasi bo‘lishi kerak, xususiy oliygoh talabalariga qoplab berilmaydi;
➖ O‘zbekiston fuqarosi yoki respublikada doimiy yashayotgan fuqaroligi bo‘lmagan shaxs bo‘lishi kerak, xorijiy davlat fuqarosiga qoplab berilmaydi;
➖ faqat kunduzgi ta’lim shaklida o‘qiyotgan bo‘lishi kerak. Kechki, masofaviy, sirtqi, shuningdek, qo‘shma ta’lim dasturlarida o‘qiyotgan talabalarga qoplab berilmaydi;
➖ ro‘yxatga olingan doimiy yashash joyidan boshqa joyda (tuman, shahar miqyosida) yashayotgan bo‘lishi kerak. Masalan, Samarqand shahrida ro‘yxatda turgan talaba Samarqand shahridagi oliygohda o‘qisa, unga ijara to‘lovida kompensatsiya berilmaydi, lekin Kattaqo‘rg‘on tumanida ro‘yxatda turuvchi talabaga to‘lab berilishi mumkin;
➖ davlat granti yoki to‘lov-kontrakt asosida o‘qiyotganining farqi yo‘q, ikkalasiga ham qoplab beriladi.

2️⃣ Qancha kompensatsiya beriladi?

Har oy uchun:

➖ Toshkent shahrida — bazaviy hisoblash miqdorining bir baravari (412 ming so‘m);
➖ Boshqa hududlarda — yarim baravar (206 ming so‘m).

3️⃣ Ijara shartnomasi bo‘lishi shart

Kompensatsiya olish uchun ijara.soliq.uz saytida hisobga qo‘yilgan ko‘chmas mulk ijara shartnomasi bo‘lishi kerak, yo‘qsa kompensatsiya berilmaydi.

Yagona istisno: 1-kurslarga dastlabki sentyabr va oktyabr oylari uchun ijara shartnomasi so‘ralmasdan to‘lab beriladi. Noyabr oyidan esa 1-kurslarga ham ijara shartnomasi bo‘lishi kerak.

Bitta turar joyda ikki va undan ortiq talaba ijara huquqi asosida yashagan holatlarda, ularning barchasi ijara shartnomasida qayd etilgan bo‘lishlari shart.

❕BU MUHIM: uyiga talabalarni ijaraga qo‘ygan fuqarolar ijarasi uchun daromad solig‘idan ozod qilinadi (Soliq kodeksi, 378-modda, 19-1-bandi). Shuning uchun talabalarni ijaraga qo‘yganlar, shartnomani rasmiylashtirishdan xavotir olmasa ham bo‘ladi, ular buning uchun soliq to‘lamaydi.

4️⃣ Kimlarga birinchi navbatda beriladi?

— Ijtimoiy yordamga muhtoj bo‘lganlar;
— o‘rnak ko‘rsatgan va faol talabalar birinchi navbatda moliyalashtiriladi.

❕Ma’lumot uchun: qoidaga ko‘ra, ijara huquqi asosida yashaydigan davlat OTM talabalarining 60 foiziga kompensatsiya beriladi. Ya’ni bu degani, agar limit to‘lib qolsa, hammaga byudjetdan to‘lab berilmasligi ham mumkin. Ammo yetmay qolgan talabalarga universitetning budjetdan tashqari mablag‘lari orqali qo‘shimcha moliyalashtirish ham mumkin.

5️⃣ Ariza qanday beriladi?

Arizalar har oyning 7-sanasiga qadar onlayn topshirilishi kerak. Buning uchun:

➖ kontrakt.edu.uz axborot tizimidan ro‘yxatdan o‘tiladi va shaxsiy kabinetga kiriladi;
➖ shaxsiy kabinetdan “Ijara to‘lovlari” bo‘limi tanlanadi;
➖ “Ariza yuborish” tugmasi bosiladi va ariza yuboriladi.

6️⃣ Rad etish asoslari

Agar soxta hujjat topshirilgan bo‘lsa, manzil mos kelmasa yoki ariza muddatida berilmagan bo‘lsa — rad etiladi.

Komissiya tomonidan doimiy ravishda ijara shartnomasini qalbakilashtirgan va noto‘g‘ri ma’lumotlar taqdim etgan talabalar ro‘yxati shakllantirilib boriladi. Ushbu talabalar ro‘yxatiga tushgan talabalarga oylik ijara to‘lovining bir qismini qoplab berish to‘xtatilishi mumkin.

Rad etilgan taqdirda kamchilikni tuzatib, yana murojaat qilish mumkin.

7️⃣ Tugatilishi shartlari

Agar talaba akademik ta’tilga chiqqan, kursda qoldirilgan yoki safdan chetlashtirilsa — to‘lov to‘xtatiladi.

Ijara shartnomasi bekor qilinsa yoki manzil o‘zgarsa 3 ish kuni ichida xabar qilish kerak.

ASOS: Vazirlar Mahkamasining 2021-yil 24-sentyabrdagi 605-son qarori.

@NUU_students

❗️Davlat oliygohlarida tahsil olayotgan pedagog farzandi boʻlgan talabalarga 30%lik kontrakt chegirmasi beriladi

Tegishli loyihaga koʻra, 2026/2027-o‘quv yilidan boshlab har yili davlat oliy ta’lim tashkilotlariga o‘qishga kirgan hamda tahsil olayotgan pedagoglarning farzandlari to‘lov-kontrakt summasi uchun 30 foiz miqdorida chegirma joriy etilishi koʻzda tutilmoqda.

🖊 Asosiy ma'lumotlar:

◾️Chegirga hozirda oʻqiyotgan hamda yangi oʻquv yilidan qabul qilingan talabalarga beriladi.
◾️Chegirma miqdori: oddiy kontrakt summasining 30% ini tashkil etadi
◾️Chegirma faqat bir oʻquv yili uchun beriladi (har yili amal qilmaydi).
◾️Chegirma faqat kunduzgi ta'lim talabalari uchun amal qiladi.
❌ Super-kontraktda tahsil olayotgan talabalar uchun chegirma berilmaydi.
❌ Qoʻshma ta'lim dasturi talabalari uchun ham amal qilmaydi.

@NUU_students

❗️Yoshlarga 15-maydan boshlab "Work and travel" dasturida qatnashish uchun ssuda (qarz) ajratiladi

Bu bo‘yicha Vazirlar Mahkamasining qarori qabul qilingan

❓Ssuda kimlarga beriladi?

🔹 16 yoshga to‘lgan va 30 yoshdan oshmagan;
🔹 O‘zbekistondagi oliy ta’lim tashkilotining kunduzgi, kechki (smenali) yoki sirtqi (maxsus sirtqi) ta’lim shakli bo‘yicha tahsil olayotgan (bitiruvchi kurs talabalari bundan mustasno) O‘zbekiston fuqarolari;
🔹 O‘zbekistonda doimiy yashovchi fuqaroligi bo‘lmagan jismoniy shaxslar.

❓Necha kishiga va qancha miqdorda ssuda ajratiladi?

Har yili 2 ming nafargacha talaba yoshlarga bazaviy hisoblash miqdorining 40 baravari (15 mln so‘m) miqdorida ssuda ajratiladi.

Mablag‘lar talabalar tomonidan dasturda ishtirok etish uchun borish va kelish aviachiptasi sotib olishga ishlatiladi.

❓Ssuda olish uchun ariza qanday yuboriladi?

Ssuda ajratish haqidagi arizalar Davlat xizmatlari markazi yoki Yagona interaktiv davlat xizmatlari portali (my.gov.uz) orqali qabul qilinadi.

❓Ssuda qancha muddatda qaytariladi?

Talaba yoshlar ajratilgan ssudani ishlash va sayohat qilish huquqini tasdiqlovchi vizada qayd etilgan xorijiy davlatda bo‘lishning so‘nggi sanasidan boshlab 1 oy muddatda Yoshlar ishlari agentligiga to‘liq qaytarish majburiyatini oladi.

@NUU_students

🔔 Xususiy maktabga quyidagi fan o'qituvchilari kerak:

• Matematika
• Ingliz tili (bolalar/kattalar)
• Biologiya va tabiiy fan
• Kimyo
• IT (Dasturlash va robototexnika)
• Ona tili
• Tarix + tarbiya
• Boshlang‘ich sinf ( o'zbek va rus sinflari uchun)
• Rus tili
• Arab tili
• Fizika
• Tasviriy san’at va chizmachilik
• shaxmat, gimnastika, Taekvando

📌 Talablar:
• O'z sohasida kamida 2 yillik ish tajriba;
• Natijaga ega ustozlar bo'lishi va o'quvchilari ham natija qilgan bo'lishi;
• Bolalarga mehribon va xushmuomala;
• Ishga mas'uliyatli va intizomli.

🏛 Tashkilot: Xususiy maktab
📍Manzil: Toshkent shahar Chilonzor  filiali Do'mbirobod dahasi
💵 Maosh: kelishiladi
⏱️ Bandlik: 08:00 dan 17:00 gacha
🍲 Bepul tushlik

📲 Telegram: @Hr_Farabi
Resume yuboring

❗️Rasman: O‘zbekistonda 27 may (chorshanba) – Qurbon hayiti bayrami sifatida nishonlanadi

Prezident farmoniga ko‘ra, o‘zbekistonliklar hayitda 5 kun dam oladi:

- 27 may, 28 may, 29 may, 30 may va 31 may;
- 1 iyun, dushanba — ish kuni.

@NUU_students

❗️Ehtiyojmand oilalardagi xotin-qizlar uchun tavsiyanoma olishga arizalar qabul qilish boshlandi

Ehtiyojmand oilalardagi 4 ming nafar xotin-qizlarga qoʻshimcha qabul koʻrsatkichlari doirasida ajratiladigan tavsiyanomalar berish uchun arizalar qabuli boshlandi.

📝 Arizalar Yagona portal (my.gov.uz) orqali elektron shaklda qabul qilinadi.

🗓 Talabgorlarning arizalari 8-iyunga qadar qabul qilinadi.

Talabgorlarga quyidagi mezon asosida tavsiyanoma beriladi:

— Ijtimoiy reyestrga kiritilgan oilalarning xotin-qizlari;

— tо‘liqsiz oilada tarbiyalanayotgan, ya’ni otasi yoki onasi yoxud ularning ikkalasi ham vafot etgan ijtimoiy himoyaga muhtoj qizlar;

— turmush о‘rtog‘i vafot etgan, voyaga yetmagan farzandini yolg‘iz tarbiyalayotgan ijtimoiy himoyaga muhtoj ayollar;

— nogironligi bо‘lgan farzandi bor ehtiyojmand oilalardagi xotin-qizlar;

— ikki va undan ortiq farzandlarini tarbiyalayotgan, boshqa qarindoshlaridan alohida (ijarada) yashayotgan ijtimoiy himoyaga muhtoj yolg‘iz ayollarning qiz farzandlari;

— ota-onalaridan biri yoki har ikkisi ham birinchi yoki ikkinchi guruh nogironi bо‘lgan ehtiyojmand oilalardagi xotin-qizlar.

❗️Bitiruv ishi mavzulari endi ERI orqali tasdiqlanadi!

HEMIS tizimida bitiruv ishlari mavzularini shakllantirish jarayoni o‘zgartirildi. Endilikda barcha mavzular rasmiy buyruq asosida, elektron raqamli imzo (ERI) bilan tasdiqlangan holda tizimga kiritiladi.

Mavzularni biriktirishning yangi tartibi:

1️⃣ “Ta’lim buyruqlari” bo‘limida “Bitiruv ishlari mavzusini tasdiqlash” turidagi buyruq shakllantiriladi. Unga tegishli asoslovchi hujjatlar va imzollovchi mas’ullar biriktiriladi.

2️⃣ “Talaba qo‘shish” tugmasi orqali bitiruvchi talabalar va ularga mas’ul bo‘lgan kafedralar buyruq ro‘yxatiga kiritiladi.

3️⃣ Mavzularni kiritish (2 xil usulda):

🔹 Individual: Har bir talaba ustiga bosib, mavzuning original va inglizcha nomlarini qo‘lda kiritish;
🔹 Guruhli (Excel): Talabalar ro‘yxatini Excel faylga yuklab olib, mavzularni to‘ldirish va tizimga qayta yuklash.

4️⃣ Buyruq barcha mas’ullar tomonidan imzolangach, mavzular avtomatik ravishda “Akademik arxiv/bitiruv ishlari” menyusida aks eta boshlaydi.

❓Nega bu muhim?

Mavzularning ERI bilan imzolanishi ularning rasmiyligini ta’minlaydi va keyinchalik diplom ilovasida xatoliklar kelib chiqishining oldini oladi.

@NUU_students

❗️Ingliz tili imtihonidan ozod qilish uchun B1 sertifikati o‘tadimi (IELTS 4.0-4.5-5.0)?

✅ JAVOB: Ha, endilikda fanlar majmuasida chet tili fani mavjud bo‘lgan barcha ta’lim yo‘nalishlariga qabulda B1 darajadagi (IELTS 4.0-5.0) milliy yoki xalqaro sertifikatlar ham imtiyoz beradi.

Yangi tartibga ko‘ra:

➖ B1 darajadagi sertifikatga ega abituriyentlarga chet tili fanidan belgilangan maksimal ballning 75 foizi miqdorida ball beriladi;
➖ B2 va undan yuqori darajadagi sertifikatga ega abituriyentlarga ushbu fandan belgilangan maksimal ball (100 foiz) beriladi.

Bunda fanlar majmuasida chet tili fani nechanchi o‘rinda bo‘lishidan qat’i nazar (birinchi yoki ikkinchi fan), B1 sertifikati uchun 75 foiz ball hisoblanadi. Ilgari faqat B2 va undan yuqori daraja uchun imtiyoz berilar edi.

@NUU_students

❗️Bazaviy va tabaqalashtirilgan kontrakt mablagʻlarini toʻlash muddati 10-iyunga qadar uzaytirildi

📌Abituriyentlar, ularning ota-onalari va oliy ta’lim tashkilotlarining murojaatlari inobatga olinib, Oliy ta’lim, fan va innovatsiyalar vazirligining tegishli bayoni bilan quyidagi toifadagi fuqarolar uchun to‘lov-kontrakt muddatlari uzaytirildi:

— bakalavriat va magistraturada bugungi kunga qadar darslarda qatnashib, yakuniy imtihonlarni muvaffaqiyatli topshirgan abituriyentlar;
— o‘qishi ko‘chirilgan (ko‘chirib tiklangan) va qayta tiklangan talabalar.

Ular uchun bazaviy va tabaqalashtirilgan to‘lov-kontraktning bir yillik o‘qitish qiymatining 100 foizini to‘lash hamda talabalar safiga qabul qilishni rasmiylashtirishning so‘nggi muddati 2026-yil 10-iyunga qadar (shu kuni ham) uzaytirildi.

📑Eslatma: amaldagi tartibga koʻra, ikkinchi va undan yuqori bosqich talabalar kontraktini toʻlash muddati oliy ta’lim tashkilotlari rahbari tomonidan uzaytirilishi mumkin.

@NUU_students

❗️Abituriyent 206ming so‘m testga kirish uchun toʻlaydi

O‘rta ta’limni avvalgi yillarda tugatgan abituriyentlar kirish imtihonlarida qatnashish uchun bazaviy hisoblash miqdorining yarim baravari miqdorida to‘lov qilishlari kerak.

Ayni paytda bir BHM – 412 ming so‘m, yarim baravari esa 206 ming so‘m.

Lekin hamma abituriyentlar ham to‘lov qilmaydi.

To‘lovdan ozod abituriyent toifalari:
➖o‘qishni test o‘tkazilayotgan yili tugatgan bitiruvchilar;
➖ nogironligi bo‘lgan shaxslar;
➖ mehribonlik uylari bolalari;
➖ bolalar shaharchasining bitiruvchilari;
➖“Ijtimoiy himoya yagona reyestri” axborot tizimida ro‘yxatga olingan shaxslar va ularning farzandlari;
➖“Yoshlar daftari”da ro‘yxatda turuvchi yoshlar kirish imtihonlarida qatnashish uchun to‘lov qilmaydi.

@NUU_students