❗️Bitiruv ishi mavzulari endi ERI orqali tasdiqlanadi!

HEMIS tizimida bitiruv ishlari mavzularini shakllantirish jarayoni o‘zgartirildi. Endilikda barcha mavzular rasmiy buyruq asosida, elektron raqamli imzo (ERI) bilan tasdiqlangan holda tizimga kiritiladi.

Mavzularni biriktirishning yangi tartibi:

1️⃣ “Ta’lim buyruqlari” bo‘limida “Bitiruv ishlari mavzusini tasdiqlash” turidagi buyruq shakllantiriladi. Unga tegishli asoslovchi hujjatlar va imzollovchi mas’ullar biriktiriladi.

2️⃣ “Talaba qo‘shish” tugmasi orqali bitiruvchi talabalar va ularga mas’ul bo‘lgan kafedralar buyruq ro‘yxatiga kiritiladi.

3️⃣ Mavzularni kiritish (2 xil usulda):

🔹 Individual: Har bir talaba ustiga bosib, mavzuning original va inglizcha nomlarini qo‘lda kiritish;
🔹 Guruhli (Excel): Talabalar ro‘yxatini Excel faylga yuklab olib, mavzularni to‘ldirish va tizimga qayta yuklash.

4️⃣ Buyruq barcha mas’ullar tomonidan imzolangach, mavzular avtomatik ravishda “Akademik arxiv/bitiruv ishlari” menyusida aks eta boshlaydi.

❓Nega bu muhim?

Mavzularning ERI bilan imzolanishi ularning rasmiyligini ta’minlaydi va keyinchalik diplom ilovasida xatoliklar kelib chiqishining oldini oladi.

@NUU_students

❗️Ingliz tili imtihonidan ozod qilish uchun B1 sertifikati o‘tadimi (IELTS 4.0-4.5-5.0)?

✅ JAVOB: Ha, endilikda fanlar majmuasida chet tili fani mavjud bo‘lgan barcha ta’lim yo‘nalishlariga qabulda B1 darajadagi (IELTS 4.0-5.0) milliy yoki xalqaro sertifikatlar ham imtiyoz beradi.

Yangi tartibga ko‘ra:

➖ B1 darajadagi sertifikatga ega abituriyentlarga chet tili fanidan belgilangan maksimal ballning 75 foizi miqdorida ball beriladi;
➖ B2 va undan yuqori darajadagi sertifikatga ega abituriyentlarga ushbu fandan belgilangan maksimal ball (100 foiz) beriladi.

Bunda fanlar majmuasida chet tili fani nechanchi o‘rinda bo‘lishidan qat’i nazar (birinchi yoki ikkinchi fan), B1 sertifikati uchun 75 foiz ball hisoblanadi. Ilgari faqat B2 va undan yuqori daraja uchun imtiyoz berilar edi.

@NUU_students

❗️Bazaviy va tabaqalashtirilgan kontrakt mablagʻlarini toʻlash muddati 10-iyunga qadar uzaytirildi

📌Abituriyentlar, ularning ota-onalari va oliy ta’lim tashkilotlarining murojaatlari inobatga olinib, Oliy ta’lim, fan va innovatsiyalar vazirligining tegishli bayoni bilan quyidagi toifadagi fuqarolar uchun to‘lov-kontrakt muddatlari uzaytirildi:

— bakalavriat va magistraturada bugungi kunga qadar darslarda qatnashib, yakuniy imtihonlarni muvaffaqiyatli topshirgan abituriyentlar;
— o‘qishi ko‘chirilgan (ko‘chirib tiklangan) va qayta tiklangan talabalar.

Ular uchun bazaviy va tabaqalashtirilgan to‘lov-kontraktning bir yillik o‘qitish qiymatining 100 foizini to‘lash hamda talabalar safiga qabul qilishni rasmiylashtirishning so‘nggi muddati 2026-yil 10-iyunga qadar (shu kuni ham) uzaytirildi.

📑Eslatma: amaldagi tartibga koʻra, ikkinchi va undan yuqori bosqich talabalar kontraktini toʻlash muddati oliy ta’lim tashkilotlari rahbari tomonidan uzaytirilishi mumkin.

@NUU_students

❗️Abituriyent 206ming so‘m testga kirish uchun toʻlaydi

O‘rta ta’limni avvalgi yillarda tugatgan abituriyentlar kirish imtihonlarida qatnashish uchun bazaviy hisoblash miqdorining yarim baravari miqdorida to‘lov qilishlari kerak.

Ayni paytda bir BHM – 412 ming so‘m, yarim baravari esa 206 ming so‘m.

Lekin hamma abituriyentlar ham to‘lov qilmaydi.

To‘lovdan ozod abituriyent toifalari:
➖o‘qishni test o‘tkazilayotgan yili tugatgan bitiruvchilar;
➖ nogironligi bo‘lgan shaxslar;
➖ mehribonlik uylari bolalari;
➖ bolalar shaharchasining bitiruvchilari;
➖“Ijtimoiy himoya yagona reyestri” axborot tizimida ro‘yxatga olingan shaxslar va ularning farzandlari;
➖“Yoshlar daftari”da ro‘yxatda turuvchi yoshlar kirish imtihonlarida qatnashish uchun to‘lov qilmaydi.

@NUU_students

❗️ Test savollarini ishlash uchun qancha vaqt beriladi?

3 ta majburiy fanlar uchun (jami 30 ta savol) — 60 daqiqa (1 soat);

2 ta mutaxassislik fanlari uchun (jami 60 ta savol) — 120 daqiqa (2 soat).

Jami: 180 daqiqa (3 soat).

➖ Agar kimdadir chet tili yoki boshqa fanlardan imtiyozli sertifikati bo‘lsa va o‘sha mutaxassislik fani uchun test sinovidan ozod qilingan bo‘lsa, unda 60 daqiqa (1 soat) ayirib tashlanadi. Agar ikkita mutaxassislik fanidan ham imtiyozi bo‘lsa, unda 120 daqiqa ayirib tashlanadi hamda faqat majburiy fanlar uchun 1 soat vaqt beriladi;

➖ Agar abituriyentda ona tili va adabiyot, tarix hamda matematika fanlaridan sertifikati bo'lsa, unda u majburiy fanlardan ham testdan ozod qilinadi. Bunda har bir ozod bo'lgan fani uchun 20 daqiqa chegirib tashlanadi. Masalan, 2 ta majburiy fandan test topshirsa, unda 40 daqiqa beriladi;

➖ Kasbiy (ijodiy) imtihonlari bor yo‘nalishlarga topshirgan abituriyentlar uchun faqat 3 ta majburiy fanga 1 soat vaqt beriladi.

Ushbu vaqt ichiga javoblarni belgilash ham kiritilgan. Yaʼni bo‘yash uchun alohida qo‘shimcha vaqt berilmaydi.

@NUU_students

❗️Tayanch doktorantura va doktoranturaga kirish tartibi o‘zgaradi?

2027-yildan boshlab ayrim ustuvor ilmiy ixtisosliklar bo‘yicha doktoranturaga qabul qilishda kirish imtihoni o‘rniga ilmiy tadqiqot ishi taqdimoti baholanadi.

Bu oddiy tilda nimani anglatadi? Avvallari izlanuvchi test yoki imtihon topshirib doktoranturaga kirishga harakat qilgan bo‘lsa, endilikda ayrim yo‘nalishlarda u o‘zining ilmiy g‘oyasi, tadqiqot mavzusi, muammoni qanday hal qilishi va kutilayotgan natijalarini maxsus taqdimot orqali himoya qilishi kerak bo‘ladi.

Ya'ni, komissiya sizning yodlagan bilimlaringizdan ko‘ra, qanday ilmiy muammoni ko‘rayotganingizni, uni qanday tadqiq qilmoqchi ekanligingizni, mavzuning dolzarbligini, ilmiy salohiyatingiz va fikrlash darajangizni baholaydi.

Muhim jihati shundaki, taqdimotga qo‘yiladigan talablar har bir oliy ta'lim yoki ilmiy tashkilot tomonidan mustaqil belgilanadi. Shu sababli turli tashkilotlarda talablar bir-biridan farq qilishi mumkin.

Endi doktoranturaga kirishni rejalashtirayotganlar faqat imtihonga emas, balki o‘z ilmiy g‘oyasi va tadqiqot loyihasini puxta ishlab chiqishga ham jiddiy e'tibor qaratishi kerak bo‘ladi.

@NUU_students

🎓 CFA Level 1 kurslariga qabul boshlandi!
Moliyaviy tahlil, investitsiya boshqaruvi va xalqaro moliya sohasida kuchli bilimga ega bo‘lishni istaysizmi? Unda CFA Level 1 — 2026-yil noyabr imtihon sikli uchun tayyorgarlik kursimiz aynan siz uchun.
✅ Darslar online formatda o‘tkaziladi
✅ Haftasiga 2 marta jonli darslar
✅ Instruktorlarimiz CFA imtihonlarining Level 1, Level 2 va Level 3 bosqichlaridan muvaffaqiyatli o‘tgan
✅ Amaliy misollar, testlar va imtihon strategiyalari
✅ Muntazam progress monitoring va savol-javob sessiyalari
✅ Dars yozuvlari va qo‘shimcha materiallardan foydalanish imkoniyati
✅ CFA curriculum bo‘yicha tizimli va bosqichma-bosqich tayyorgarlik

🔥 Maxsus imkoniyat:
Imtihonni 90+ percentile natija bilan topshirgan o‘quvchilarga exam fee reimbursement taqdim etiladi.

📌 Start: June 07th
📍 Format: online
🎯 Target exam cycle: November 2026

Ro‘yxatdan o‘tish va batafsil ma’lumot uchun bizga yozing!
📞 94 847 72 73
💬 @SIYFAdmin

❗️Abituriyentlar diqqatiga!
 
"Davlat oliy va kasbiy ta'lim tashkilotlariga o'qishga kirish uchun onlayn ro'yxatdan o'tish bo'yicha videoqo'llanma" tayyorlandi.
 
Mazkur videoqo‘llanmada:
 
✅ onlayn ro‘yxatdan o‘tish tartibi;
✅ hujjatlarni onlayn to‘g‘ri rasmiylashtirish;
✅ tizimdan foydalanish bo‘yicha muhim tavsiyalar batafsil tushuntirilgan.
 
Oliy va kasbiy ta’lim muassasalariga hujjat topshirishni rejalashtirayotgan barcha abituriyentlarga videoqo‘llanma bilan tanishib chiqish tavsiya etiladi.

Youtube orqali ko‘rish (HD formatda)

@NUU_students

❗️Ikkinchi mutaxassislik uchun qabul 10-iyuldan boshlanadi

2026/2027-oʻquv yilida ikkinchi va undan keyingi taʼlim uchun talabgorlarni onlayn roʻyxatdan oʻtkazish 10-iyul sanasidan boshlab my.edu.uz orqali joriy yilning 10-avgust kuniga qadar onlayn shaklda amalga oshiriladi.

Bunda nomzodlar platformada:

➖ oʻzining pasport va JShShIR maʼlumotlarini kiritadi;
➖ diplom va uning ilovasi (vkladish) elektron nusxasini yuklaydi;
➖ oʻqish istagini bildirgan oliy taʼlim muassasasi va taʼlim yoʻnalishini tanlaydi.

💰 Ikkinchi va undan keyingi oliy maʼlumot boʻyicha oʻqitish toʻliq toʻlov-kontrakt asosida amalga oshiriladi.

Ma’lumot uchun, ikkinchi mutaxassislik bo‘yicha qabul kvotalari (parametrlari) OTMning ilmiy-pedagogik salohiyati va moddiy-texnik bazasidan kelib chiqib, oliy ta’lim muassasasining o‘z Kengashi tomonidan mustaqil belgilanadi.

@NUU_students

❗️Ta’lim granti tanlovi uchun kitobxonlik madaniyati bo‘yicha test sinovi muddati e’lon qilindi

Ta’lim grantiga talabgorlar (1-2-kurs bakalavr va 1-kurs magistrantlar) “Ijtimoiy faollik indeksi”ning birinchi mezoni — “Kitobxonlik madaniyati” bo‘yicha (avval e’lon qilingan kitoblardan tuzilgan) 20 ta testni bajarishi kerak bo‘ladi.

Talabgorlar joriy yilning 5-6-iyun kunlari soat 9.00 dan boshlab ushbu test sinovida shaxsini tasdiqlovchi hujjat (pasport yoki ID-karta) bilan belgilangan auditoriyalarda oflayn ishtirok etadi.

@NUU_students

❗️Rasman: ertadan qabul boshlanadi!

— Bakalavriat ta’lim yo‘nalishlariga qabul (5-iyundan 25-iyunga qadar)
👉 my.uzbmb.uz

— Magistratura mutaxassisliklariga qabul (1-yuldan 30-iyulga qadar)
👉 magistr.edu.uz

— Ikkinchi mutaxassislikka qabul (10-iyuldan 10-avgustga qadar)
👉 my.edu.uz

— O‘qishni ko‘chirish (15-iyuldan 5-avgustga qadar)
👉 transfer.edu.uz — davlat OTMning biridan boshqasiga;
👉 my.uzbmb.uz — xorijiy mamlakatlarda yoki respublikada faoliyat yuritayotgan xorijiy va nodavlat OTMdan davlat OTMlariga.

@NUU_students

❗️2026-2027-o‘quv yili uchun abituriyentlarni ro‘yxatga olish 5-iyundan boshlandi

2024-yildan boshlab, davlat oliy va professional ta’lim muassasalariga (kasb-hunar maktabi bundan mustasno) qabul qilish bo‘yicha imtihonlar “avval test, so‘ng tanlov” tamoyiliga muvofiq bir vaqtda o‘tkazilishi belgilangan.

Bunda abituriyentlar o‘z tanloviga ko‘ra test sinovi natijasida to‘plagan balidan kelib chiqib, dastlab oliy ta’limning bakalavriat ta’lim yo‘nalishlariga, so‘ng professional ta’lim muassasalariga o‘qishga kirish uchun tanlovda ishtirok etadi.

Oliy va professional ta’lim muassasalariga o‘qishga qabul qilish bo‘yicha kirish imtihonlari iyul-avgust oylarida o‘tkaziladi.

@NUU_students

❗️ESLATMA 5 KUN QOLDI!

Prezident va nomli stipendiyalar tanlovida ishtirok eting!

🎓 2026/2027-o’quv yili uchun O‘zbekiston Respublikasi Prezidenti va nomli davlat stipendiyalariga ichki tanlovlar boshlandi❗️

Tanlovda ishtirok etish uchun 10-iyunga qadar (o’sha kuni ham) talaba tahsil olayotgan fakultet dekanatiga murojaat qilishi mumkin.

Tanlovda faqatgina bakalavriat 3-4-bosqich va 2-bosqich magistratura talabalari ishtirok etishlari mumkin.

Qo'shimcha ma’lumot: 📞+998902881808

@NUU_students

❗️O'qishni ko'chirish jarayonlari boshlanishiga 40 kun qoldi.

Ariza topshirish uchun quyidagi saytlar orqali onlayn ro'yxatdan o'tiladi:

➡️ transfer.edu.uz — davlat oliygohining biridan boshqasiga;
➡️ my.uzbmb.uz — xorijiy mamlakatlarda yoki respublikada faoliyat yuritayotgan xorijiy va nodavlat oliy ta'lim muassasalaridan davlat oliygohlariga.

Arizalar qachon beriladi?

● O‘qishni ko‘chirish bo‘yicha arizalar har yili 15-iyuldan 5-avgustgacha beriladi.
● Arizalar har yili 5-avgustdan 30-avgustga ko‘rib chiqiladi.

O‘zbekistondagi bir OTMdan boshqasiga ko‘chirish uchun esa faqat 2 ta toifa talabalarga ruxsat bor:

■ Talaba turmushga chiqsa, turmush o‘rtog‘ining yashash joyidagi OTMga;

■ Davlat xizmatchisining ish joyi o‘zgarganda farzandi yoki turmush o‘rtog‘i tegishli rahbar tavsiyanomasi bilan o‘qishini ko‘chirishi mumkin.

O‘qishini ko‘chirish uchun quyidagi hujjatlar taqdim qilinadi:

● ko‘chirishni istagan ta’lim yo‘nalishi, o‘quv tili va shakli ko‘rsatilgan holdagi ariza;
● reyting daftarchasi yoki akademik ma’lumotnoma nusxalari;
● ichki perevod bo'lsa asoslantiruvchi hujjat;
● pasport yoki ID nusxasi.

Quyidagi holatlarda o‘qishni ko‘chirish arizalari rad etilishi mumkin:

✅akkreditasiyaga ega bo‘lmagan xorijiy OTMda yoki ularning filiallarida o‘qiganlar;
✅mavjud ta’lim shaklidan boshqa ta’lim shaklida o‘qiganlarga;
✅OTMning markazlari, bo‘limlari, o‘quv-maslahat punktlari va boshqalarda o‘qiganlarga;
✅1-kurs 1-semestrni tugatmasdan o‘qishni ko‘chirmoqchi bo‘lganlar;
✅OTMda mos ta’lim yo‘nalishi yoki shakli bo‘lmaganida, fanlar bo‘yicha farqlar 4 tadan oshganda;
✅kontrakt asosida o‘qiyotganlar to‘lovni o‘z muddatida to‘lamaganda;
✅talabaning shaxsiy yig‘ma jildi o‘z muddatida berilmaganida;
✅grant bilan ko‘chirish uchun bo‘sh o‘rinlar bo‘lmaganida;
✅OTM moddiy-texnika bazasi imkoniyati cheklanganda;
✅maqsadli qabul qilinganlar boshqa ta’lim yo‘nalishiga, boshqa oliy ta’lim muassasasiga ko‘chirmoqchi bo‘lganda;
✅kechki ta’limdan sirtqi ta’limga hamda kechki ta’limning bir ta’lim sohasidan ikkinchi ta’lim sohasiga;
✅ talaba O‘zbekiston va xorijiy oliy ta’lim muassasalarining o‘zaro kelishuvi asosida qabul qilinib qo‘shma ta’lim dasturlari asosida tahsil olgan yoki tahsil olayotgan bo‘lsa.

➡️Grant asosida o‘qishni ko‘chirish uchun faqat grantda o‘qiyotgan talabalar ariza berishi mumkin hamda ariza berilgan OTMning joriy yildagi qabul kvotasida grant o‘rinlar mavjud bo‘lishi kerak.

➡️Ko‘zi ojizlar hamda nogironligi bo‘lgan shaxslarga ajratilgan kvotada grant asosida o‘qiyotganlar o‘qishi granti asosida ko‘chiriladi.

➡️Xorijiy OTMdan o‘qishni O‘zbekiston OTMlariga ko‘chirmoqchi bo‘lganlar maxsus sinov (test yoki yozma ish yoki kasbiy (ijodiy) imtihon shaklida) topshiradi.

@NUU_students

❗️Xotin-qizlar uchun tavsiyanomalar nega my.uzbmb.uz saytida ko‘rinmayapti?

Ko‘plab abituriyentlarda xotin-qizlar uchun ajratilgan qo‘shimcha davlat granti bo‘yicha tavsiyanomalar my.uzbmb.uz platformasida aks etmayotgani kuzatilmoqda.

Ma’lum bo‘lishicha, Oila va xotin-qizlar qo‘mitasi tomonidan tavsiyanoma olgan talabgorlarning yakuniy ro‘yxati hali tegishli reyestrga to‘liq kiritilmagan. Shu sababli ayrim abituriyentlarning tavsiyanomalari platformada ko‘rinmayapti.

Vazirlar Mahkamasining 402-son qaroriga muvofiq, tavsiyanoma olgan talabgorlarning yakuniy ro‘yxati 14-iyunga qadar Bilim va malakalarni baholash agentligiga taqdim etilishi belgilangan.

Tavsiyanoma chiqmasa, o‘zim qo‘lda kiritsam bo‘ladimi?

Xotin-qizlar uchun berilgan tavsiyanomalar abituriyentlar tomonidan qo‘lda kiritilmaydi. Mazkur imtiyozlar tizimda avtomatik ravishda aks ettiriladi. Faqat xalqaro sertifikatlar ma’lumotlarini abituriyentlar mustaqil ravishda tizimga kiritishlari mumkin.

Shuningdek, my.gov.uz platformasi orqali tavsiyanoma olgan bo‘lsa-da, uning ma’lumotlari hozircha my.uzbmb.uz saytida ko‘rinmayotgan abituriyentlarning tavsiyanomalari qabul jarayoni yakuniga qadar agentlik bazasiga kiritilishi kutilmoqda.

Tavsiyanoma ma’lumotlari hali aks etmagan taqdirda ham abituriyentlar fanlar majmuasini tanlash va ro‘yxatdan o‘tish jarayonini davom ettirishlari mumkin. Imtiyozlar keyinchalik tizimga avtomatik ravishda qo‘shiladi. Xavotirlanishga asos yoʻq.

@NUU_students

❗️Ta'lim shaklini o'zgartirish tartibi haqida

🗄Oliygoh ichida faqat ta'lim shaklini o'zini o'zgartirish – OTM komissiyasi hal qiladi;
🗄Bir davlat oliygohidan boshqasiga ta'lim shaklini o'zgartirib ko'chirish – vazirlik xulosasiga ko'ra amalga oshadi (bir davlat OTMdan boshqasiga perevod uchun uzrli sabab kerak);
🗄Xorijiy, nodavlat oliygohlaridan davlat oliygohlariga ta'lim shaklini o'zgatirib ko'chirishda – testdan yetarli ball to'plab o'qishi ko'chirilsa, ta'lim shakli bo'yicha xulosani ko'chirayotgan OTM moddiy texnik bazaga qarab o'zgartirishi mumkin;
🗄Nodavlat oliygohlardan boshqasi – ko'chirayotgan OTM hal qiladi
🗄Nodavlat oliygohning o'zida ta'lim shaklini o'zgartirish – OTM komissiyasi xulosasiga asosan amalga oshiriladi.

@NUU_students

❗️Bazaviy va tabaqalashtirilgan kontrakt mablagʻlarini toʻlash muddati 10-iyunga qadar uzaytirildi

Abituriyentlar, ularning ota-onalari va oliy ta’lim tashkilotlarining murojaatlari inobatga olinib, Oliy ta’lim, fan va innovatsiyalar vazirligining tegishli bayoni bilan quyidagi toifadagi fuqarolar uchun to‘lov-kontrakt muddatlari uzaytirildi:

— bakalavriat va magistraturada bugungi kunga qadar darslarda qatnashib, yakuniy imtihonlarni muvaffaqiyatli topshirgan abituriyentlar;
— o‘qishi ko‘chirilgan (ko‘chirib tiklangan) va qayta tiklangan talabalar.

Ular uchun bazaviy va tabaqalashtirilgan to‘lov-kontraktning bir yillik o‘qitish qiymatining 100 foizini to‘lash hamda talabalar safiga qabul qilishni rasmiylashtirishning so‘nggi muddati 2026-yil 10-iyunga qadar (shu kuni ham) uzaytirildi.

@NUU_students