❗️Ertaga magistratura mutaxassisliklariga hujjatlar qabuli boshlanadi

Magistratura mutaxassisliklariga qabul har yili 1-iyuldan 30-iyulgacha (shu kuni ham) davom etadi. Talabgorlar my.edu.uz platformasi orqali onlayn ro‘yxatdan o‘tib, hujjat topshirishlari mumkin.
 
📌Amaldagi tartibga ko‘ra, magistratura bosqichiga hujjat topshirishda quyidagi hujjatlar talab etiladi:

➖oliy ma’lumot to‘g‘risidagi hujjat (diplom) yoki diplomdan ko‘chirma hamda uning ilovasi;
➖xorijiy tilni bilish darajasini tasdiqlovchi milliy yoki xalqaro sertifikat.
 
🔹Magistratura qabulida xorijiy til sertifikati darajasi yo‘nalishga qarab B1, B2 yoki C1 etib belgilangan hamda ayrim toifadagi abituriyentlarga imtiyozlar qo‘llaniladi.

🔹College Board tashkiloti tomonidan o‘tkaziladigan SAT xalqaro imtihonida eng yuqori ballning 75 foizi — 1200 ball va undan yuqori natija qayd etgan hamda tamomlagan bakalavriat ta’lim yo‘nalishiga mos va turdosh magistratura mutaxassisliklariga hujjat topshirayotgan talabgorlar qo‘shimcha davlat granti asosida o‘qishga qabul qilinadi.

Shu bilan birga, ko‘rish, eshitish va nutqida nuqsoni bo‘yicha I va II guruh nogironligi bo‘lgan shaxslar magistraturaga qabul qilinishda xorijiy til sertifikatini taqdim etishi shart emas.

@NUU_students

❗️Magistraturaga qabul boshlandi

2026/2027-o‘quv yili uchun davlat OTTlarining magistratura mutaxassisliklariga o‘qishga kirish uchun hujjatlarni topshirish jarayoni vazirlikning rasmiy my.edu.uz platformasi orqali 1–30-iyul kunlari davom etadi.

Magistratura mutaxassisliklariga tanlovlarda til bilishning tegishli darajasini belgilovchi milliy yoki xalqaro sertifikatga ega shaxslar ishtirok etishi mumkin.

📝 Onlayn ariza topshirish uchun talab etiladigan hujjatlar:

▪️Bakalavr diplomi;
▪️Chet tilini bilish sertifikati.

📋 Magistraturaga kirish uchun talab etiladigan chet tili sertifikatlarining mutaxassisliklar kesimida ro‘yxati.

@NUU_students

❗️Magistraturaga topshirilgan hujjatlar qanday tekshiriladi?

📝 Magistratura ariza ma’lumotlari va yuklangan hujjatlar, shuningdek imtiyozlar hamda ta’lim yo‘nalishining mosligi OTM tomonidan tekshiriladi.

🎓 Diplom ma'lumotlarini tasdiqlash

📄 Talabgorning diplom ma’lumotlari u tamomlagan oliy ta’lim muassasasi tomonidan belgilangan tartibda ko‘rib chiqiladi hamda tasdiqlanadi.

✅ Hujjatlar verifikatsiyasi

📂 Talabgor tomonidan yuklangan hujjatlar, jumladan chet tilini bilish sertifikatlari, imtiyoz beruvchi yutuqlar hamda nogironlikni tasdiqlovchi hujjatlar tegishli axborot tizimlari va ma’lumotlar bazalari orqali verifikatsiyadan o‘tkaziladi.

Hujjatlar qabuli 1-iyuldan 30-iyulgacha davom etadi.

@NUU_students

❗️Savol: O‘qishni ko‘chirish uchun qanday hujjatlar tayyorlashim kerak?

➡️O‘qishni ko‘chirish turiga qarab quyidagi hujjatlar ilova qilinishi kerak bo‘ladi.

Agar transfer.edu.uz sayti orqali ariza topshirayotgan bo‘lsangiz, transkript reyting daftarchasi yoki akademik ma’lumotnoma (JPG yoki PDF shakli) va ikkita uzrli sababdan birini asoslovchi hujjat.

my.uzbmb.uz sayti orqali murojaat qilinganda, transkript reyting daftarchasi yoki akademik ma’lumotnoma (JPG yoki PDF shakli) taqdim etiladi.

Alohida ta’kidlash lozimki, so‘nggi yillarda oliy ta’limdagi raqamlashtirish natijasida onlayn hujjat topshirish platformalarida shaxsni tasdiqlovchi hujjat talab etilmaydi. Barcha ma’lumotlar OneID tizimi orqali avtomatlashgan holda shakllanadi.

@NUU_students

❗️Magistratura ta’lim mutaxassisliklari uchun davlat granti

Magistratura ta’lim mutaxassisliklariga 2026/2027-o‘quv yili uchun 10 ming 191 ta davlat granti kvotasi o‘tgan yili tasdiqlangan Prezident hujjati bilan belgilab qo‘yilgan.

4 yillik davrda oliy ta’lim tashkilotlariga magistraturaning KUNDUZgi ta’lim shakli bo‘yicha o‘qishga qabul qilishning davlat buyurtmasi (granti) parametrlari:

▪️2025/2026-o‘quv yili uchun – 9 ming 922 ta;
▪️2026/2027-o‘quv yili uchun – 10 ming 191 ta;
▪️2027/2028-o‘quv yili uchun – 10 ming 477 ta;
▪️2028/2029-o‘quv yili uchun – 10 ming 784 ta.

@NUU_students

❗️Ikkinchi mutaxassislik uchun onlayn arizalar topshirish boshlandi

Bugun, 10-iyuldan boshlab oliy ma’lumotga ega bo‘lgan shaxslar uchun bakalavriat ta’lim yo‘nalishlariga ikkinchi va undan keyingi oliy ma’lumotni olish uchun arizalar qabul qilish boshlandi.

Arizalar 10-avgust kuniga qadar (shu kuni ham) my.edu.uz platformasi orqali onlayn shaklda qabul qilinadi.

📝 Onlayn ariza topshirish uchun talab etiladigan hujjatlar:

▪️Fuqarolik pasporti yoki ID-karta ma’lumotlari;
▪️Bakalavr diplomi va uning ilovasining elektron nusxasi;
▪️O‘qish istagini bildirgan oliy ta’lim tashkiloti hamda ta’lim yo‘nalishi tanlovi.

Xorijiy davlatlar ta’lim tashkilotlarining 1992-yil 1-yanvardan keyin berilgan diplomlari belgilangan tartibda nostrifikatsiyadan o‘tkazilgan bo‘lishi lozim.

@NUU_students

❗️O'zbekiston Milliy universiteti talabalari diqqatiga!

HEMIS axborot tizimida “Ijtimoiy faollik indeksi” moduli orqali hujjatlarni yuklash jarayoni boshlanganligini ma’lum qilamiz.

📌 Talabalar my.hemis.uz platformasi yoki HEMIS mobil ilovasi orqali tizimga kirib, “Ijtimoiy faollik” bo‘limidan o‘z faoliyatlarini tasdiqlovchi hujjatlarni yuklashlari mumkin.

Eslatma: Ijtimoiy faollik ko‘rsatkichi baholash me'zoniga asosan 100 ballik mezon asosida 11 ta yo‘nalish bo‘yicha (kitobxonlik, volontyorlik, olimpiadalar, sport, tadbirlar va boshqalar) hisoblangan natijani "5" soniga bo‘lish orqali aniqlanadi. Maksimal 20 ballgacha beriladi.

⏳ Hujjatlarni yuklashning oxirgi muddati: 2026- yil 20-iyul.

2026-yil 20-iyuldan keyin yuborilgan hujjatlar qabul qilinmaydi.

Mazkur platformadan ro'yxatdan o'tmagan va baholanmagan talabalar grantga ariza topshirolmasligi mumkinligi ma'lum qilinadi. Shundan so'ng platformaning tegishli qismidan ariza yuborish bandini tanlab grantga ariza yaratish lozim bo'ladi.

@NUU_students

❗️2026/2027-o‘quv yili uchun talabalar o‘qishini ko‘chirish (ko‘chirib tiklash) bo‘yicha turdosh bakalavriat yo‘nalishlari ro‘yxati tasdiqlandi

Yo‘nalishlar jami 34 ta turdosh guruhlarga ajratildi.

Ma’lumot uchun, ko‘chirish yoki qayta tiklashga ariza topshirganlarning ilgari ta’lim olgan yo‘nalishlari (mutaxassisliklari) amaldagi klassifikatorga muvofiqlashtirgan holda inobatga olinadi.

@NUU_students

❗️2026/2027-o‘quv yili uchun OTMlarga qabul kvotalari umumiy soni 234 mingdan ortiq!

Oliy ta’lim, fan va innovatsiyalar vaziri Qo’ng’irotboy Sharipovning ma’lum qilishicha, yangi o’quv yilida davlat granti kvotasi 36 ming 23 ta, bakalavriatning kunduzgi ta’lim shakli bo‘yicha umumiy qabul esa 234 mingdan ortiq etib belgilangan.

Ustuvor yo‘nalishlar sifatida muhandislik, IT, pedagogika va agrar sohalar tanlangan.

@NUU_students

❗️Bugundan o'qishni ko'chirish jarayonlari boshlandi

O‘qishni ko‘chirish uchun arizalar qabuli 15-iyuldan 5-avgustgacha davom etadi.

👉 Davlat OTMning biridan boshqasiga — transfer.edu.uz

👉 Xorijiy mamlakatlarda yoki respublikada faoliyat yuritayotgan xorijiy va nodavlat OTMdan davlat OTMlariga — my.uzbmb.uz

@NUU_students

❗️O'qishni ko'chirish uchun arizaga qanday sabab yozish kerak?

◼️Xorijdan o'qishni ko'chirishda:

📃 Sabab qismiga xorijdan o'qishni ko'chirish sababi yoziladi, masalan "xorijda o'qish qiyinchilik tug'dirayotgani, ta'lim sifati qoniqtirmayotgani, diplomi keyinchalik nostrifikatsiya qilish muammolari bo'lishi, O'zbekistonda o'qish istagim mavjudligi"ni keltirish mumkin.
➖➖➖➖➖➖➖➖➖➖➖➖➖➖➖➖

◼️Nodavlat oliygohdan turdosh yoʻnalishga o'qishni ko'chirishda:

📃 "Davlat oliygohida o'qish istagim paydo bo'lganligi, ota-onam (turmush o'rtog'i) ham uning davlat oliygohida o'qishimni davom ettirishini xoxlayotgani, o'zim tahsil olayotgan OTMning ta'lim sifati yoki boshqa holatlari meni qoniqtirmaganligi"ni yozish mumkin.
➖➖➖➖➖➖➖➖➖➖➖➖➖➖➖➖

◾️Nodavlat oliygohdan noturdosh yoʻnalishga o'qishni ko'chirishda:

📃 "Oʻz xoxshimga koʻra, Oʻzbekiston Respublikasi Vazirlar Mahkamasining 13.09.2025 yildagi 578-sonli qaroriga muvofiq, noturdosh ta'lim yoʻnalishiga oshirilgan (super) kontrakt asosida oʻqishimni koʻchirishimda amaliy yordam berishingizni soʻrayman.

➖➖➖➖➖➖➖➖➖➖➖➖➖➖➖➖

◼️OTM ichida ta'lim yo'nalishini o'zgartirishda:

📃 "Ayni vaqtda ta'lim olayotgan yo'nalishim ma'qul emasligi, kelajakda o'zimni bu sohada ko'rmayotganim, ta'lim sifatining pastligi hamda o'qishini ko'chirmoqchi bo'lgan yo'nalish bo'yicha kelajakda yaxshi kadr bo'lishni maqsad qilganligim va men ko'chirmoqchi bo'lgan yo'nalishga nisbatan yashash hududimda ham talabning yuqoriligi"ni misol keltirish mumkin.
➖➖➖➖➖➖➖➖➖➖➖➖➖➖➖➖

◼️OTM ichida ta'lim shaklini o'zgartirishda:

📃 "Ayni vaqtda men tahsil olayotgan ta'lim shakli bo'yicha tahsil olish noqulayliklar keltirmoqda" deb o'zgatirayotgan ta'lim shakliga qarab sabab keltiradi. Masalan kechkidan kunduzgiga o'tkazishni xoxlasa kechki ta'limda uyidan qatnashga qiynalishi, transport muammosi va hokazolarni misol keltirish mumkin. Qolgan ta'lim shakllarida ham moslab sabablar keltiriladi.
➖➖➖➖➖➖➖➖➖➖➖➖➖➖➖➖

◼️Uzrli sabab bilan o'qishni ko'chirishda:

📃 Davlat xizmatchisining farzandi yoki ayoli: "Turmush o'rtogim (otam-onam) falonchiyev falonchi falonchiyevich O'zbekiston Respublikasi Mudofaa Vazirligiga qarashli Chirchiq tumanidagi .......-sonli harbiy qismda faoliyat olib boradi. Ayni vaqtda doimiy ish joyi Jizzax viloyatidagi .....-harbiy qismga ko'chirilgani sababli ushbu hududdagi Jizzax davlat pedagogika institutining Boshlang'ich ta'lim yo'nalishiga o'qishimni ko'chirishimda amaliy yordam berishingizni so'rayman. Tegishli hujjatlarni ilova qilaman".

📃 Turmushga qurish munosabati bilan: "Men 10.07.2025-yil kuni Toshkent shahri, Yunusobod tumani, ....mavze, .....-ko'cha, .....-uyda doimiy ro'yxatda turib yashovchi fuqaro Falonchiyev falonchi falonchiyevich bilan turmush qurganligim uchun doimiy yashash joyim o'zgarganligi sababli meni Toshkent shahridagi O'zMU Maktabgacha ta'lim yo'nalishiga o'qishimni ko'chirishda amaliy yordam berishingizni so'rayman. Tegishli hujjatlarni ilova qilaman"

@NUU_students

❗️Bakalavriat kunduzgi ta’lim shakli uchun qabul parametrlarining ta’lim yo‘nalishlari va o‘qitish tillari kesimidagi taqsimoti

2026/2027-o‘quv yilida oliy ta’lim tashkilotlari bakalavriatining KUNDUZGI ta’lim shakliga umumiy qabul parametrlarining ta’lim yo‘nalishlari va o‘qitish tillari bo‘yicha taqsimlanishi.

✅ Jami: 155 852 ta.

Shundan:

➖ o‘zbek tili – 130 843 ta;
➖ rus tili – 19 341 ta;
➖ qoraqalpoq tili – 4 888 ta;
➖ qozoq tili – 335 ta;
➖ tojik tili – 315 ta;
➖ qirg‘iz tili – 75 ta;
➖ turkman tili – 55 ta.

@NUU_students

❗️Bakalavriat kechki ta’lim shakli uchun qabul parametrlarining ta’lim yo‘nalishlari va o‘qitish tillari kesimidagi taqsimoti

2026/2027-o‘quv yilida oliy ta’lim tashkilotlari bakalavriatining KECHKI ta’lim shakliga umumiy qabul parametrlarining ta’lim yo‘nalishlari va o‘qitish tillari bo‘yicha taqsimlanishi.

✅ Jami: 28 942 ta.

Shundan:

➖ o‘zbek tili – 26 010 ta;
➖ rus tili – 2 277 ta;
➖ qoraqalpoq tili – 655 ta.

@NUU_students

❗️Bakalavriat masofaviy ta’lim shakli uchun qabul parametrlarining ta’lim yo‘nalishlari va o‘qitish tillari kesimidagi taqsimoti

2026/2027-o‘quv yilida oliy ta’lim tashkilotlari bakalavriatining MASOFAVIY ta’lim shakliga umumiy qabul parametrlarining ta’lim yo‘nalishlari va o‘qitish tillari bo‘yicha taqsimlanishi.

✅ Jami: 20 810 ta.

Shundan:

➖o‘zbek tili – 18 543 ta;
➖rus tili – 1 800 ta;
➖qoraqalpoq tili – 467 ta.

@NUU_students

❗️Grant va kontraktga o'tish ballari qachon e'lon qilinadi?

◼️ Kvotalar chiqdi. Imtihonlar davom etyapti. Hozircha grant va kontraktga o'tish ballari e'lon qilinmadi.

Bu o'tish ballari bir necha yildan beri o'zgarmay kelyapti. 68,0 ball grantga, 56,7 esa kontraktga o'tish balli hisoblanadi. Bu ballar nimaga kerak?

Sababi hatto ajratilgan kvota o'rinlariga balli yetsa ham, 56,7 dan kam ball to'plagan abituriyent talaba bo'lolmaydi.

✔️ Avvalgi yillarda davlat granti bo‘yicha minimal o‘tish bali – 68,0 ball (maksimal 189 ballning 36 %);

To‘lov-kontrakt bo‘yicha minimal o‘tish bali – 56,7 ball (maksimal 189 ballning 30 %) etib belgilangan.

Demak, 56,7 balldan kam to'plaganlarda fatatgina super-kontrak orqali talaba bo'lish imkoni bor.

@NUU_students

❗️56,7 ball to‘plagan kontraktga kira oladimi?

✅ JAVOB: Ha, agar kvota doirasida abituriyentning to‘plagan natijasi shunga to‘g‘ri kelsa.

Lekin 56,7 balldan past natija to‘plagan abituriyentlar, hatto kvotada bo‘sh o‘rinlar qolgan taqdirda ham talabalikka qabul qilinmaydi. Chunki 56,7 ball — kontrakt asosida talabalikka qabul qilish uchun belgilangan eng minimal o‘tish balli hisoblanadi.

@NUU_students

❗️Kontraktga kirganlar yaxshi o'qisa 2-kursdan grantga o'tishi mumkinmi?

✅ JAVOB: Ha, mumkin!

Grantga kirgan talabalarga grant maqomi faqatgina 1 o'quv yili uchun qo'llaniladi. Yil davomidagi o'zlashtirishiga qarab o'z maqomini saqlab qolishi yoki yo'qotishi (kontraktga tushishi) mumkin. Grant taqsimlashda eng avvalo o‘zlashtirishga qaraladi va buning uchun eng ko‘p ball beriladi.

Quyidagilarga bu tartib aloqador emas:

❌ Imtiyoz asosida grantga kirganlarga;
❌ Maqsadli qabul asosida grantga kirganlarga.

@NUU_students

📢OLMALIQ shahrida ishlashga tayyormisiz? Siz uchun SUPER ish taklifimiz bor....

🏢Kutib oling... Registon o'quv markazi Toshkent viloyati Olmaliq shahrida o'zining navbatdagi filialini ochmoqda!

💼Mavjud ish o'rni:

— 🦠Kimyo-Biologiya ustozi🧪
— 📚Ona tili va Adabiyot ustozi📝

Biz taklif qilamiz:
— Yuqori oylik maosh va barqaror ish o'rni
— Yosh, do‘stona, va qo'llab-quvvatlovchi jamoa
— O'quv kurslarimiz uchun maxsus chegirmalar
— Shaxsiy va professional o‘sish imkoniyati
— Bonuslar va mukofotlar

Grafik: 08:00 dan 14:00 gacha / 14:00 dan 20:00 gacha

Talablarimiz
— Soha bo'yicha sertifikat A/A+
— O'zbek-Rus tillarida dars o'ta olish darajasi
— Kamida 1-3 yil oralig'ida tajriba (O'quv Markazlarida)
— Natijakor va Samarador ish ko'rsatkichlari

🎯Agar Registan LC Olmaliq filialida uzoq muddatli karyera qurishni istasangiz, hoziroq ish o'rinlarimizga anketa to'ldiring!

👉Anketa to'ldirish uchun bosing 👈

📌Bu yangilikni Olmaliqlik tanishlaringizga yuborib qo'ying!

❗️Bugun tanlovning 2-bosqishi boshlandi

📆 Davlat oliy va kasbiy ta’lim muassasalariga o‘qishga kirish test sinovlarida ishtirok etgan abituriyentlar 2026-yil 25-iyuldan 8-avgustga qadar 15 kun davomida oliy ta’lim muassasalari va ta’lim yo‘nalishlarini tanlashlari lozim.

🖥 Buning uchun my.uzbmb.uz platformasining “Oliy va kasbiy ta’lim muassasalariga qabul” bo‘limiga kirib, “Xizmatdan foydalanish” tugmasi bosiladi va “OTM tanlash” bo‘limiga o‘tiladi.

🧑‍💻 Dastlab abituriyent “Tanlov ustuvorligi” va “Maqsadli qabul” bo‘yicha o‘z tanlovini amalga oshiradi.

💼 Shundan so‘ng abituriyent test topshirgan fanlar majmuasi va ta’lim tiliga mos bo‘lgan beshtagacha oliy ta’lim muassasasi va ta’lim yo‘nalishini ta’lim shakli bilan birga tanlaydi.

🏛 Bunda ta’lim yo‘nalishlarini bir oliy ta’lim muassasasi yoki turli oliy ta’lim muassasalari doirasida tanlash mumkin.

🎤 Ta’lim yo‘nalishlarini tanlab, “Saqlash” tugmasi bosiladi, so‘ng ma’lumotlarni tasdiqlash uchun abituriyentning telefon raqamiga SMS xabar yuboriladi. SMS xabardagi kodni dasturga kiritish orqali ma’lumotlar tasdiqlanadi.

👨‍💻 Ma’lumotlar tasdiqlanganidan keyin, “Abituriyent qayd varaqasi” shakllanadi. Qayd varaqada abituriyent tanlagan tanlov ustuvorligi, ta’lim shakllari, oliy ta’lim muassasalari va ta’lim yo‘nalishlari aks etgan bo‘ladi. Yuklab olish tugmasi orqali abituriyent qayd varaqasini yuklab olishi mumkin.

📎 Eslatma: Abituriyentlar ta’lim yo‘nalishlarini tanlash muddati yakunlangunga qadar o‘z ma’lumotlarini o‘zgartirishlari va qayd varaqasini qayta yuklab olishlari mumkin.

📝 Abituriyentlarning talabalikka tavsiya etilgan yoki etilmagani to‘g‘risidagi yakuniy tanlov natijalari ta’lim yo‘nalishlarini tanlash bosqichi to‘liq yakunlangandan so‘ng bir hafta muddatda e’lon qilinadi.

@NUU_students