❗️Magistraturaga oid ayrim savollarga javoblar:

➖ o’tgan yili magistraturada kechki va masofaviy ta’lim shakli ham ochilgan edi. Bunda kechki yoki masofaviyga kirgan qizlarga ham davlat byudjetidan kontraktlari qoplab beriladi;

➖ magistraturada joriy yilda ham qo‘shimcha qabul ochilishi kutilmoqda. Qo‘shimcha qabul degani, bu xuddi bakalavrdagi super-kontrakt degani, ya’ni kira olmaganlar uchun qo‘shimcha kvota ajratiladi. Lekin asosiy farqi — magistraturada qo‘shimcha qabul kontrakti ancha arzon bo‘ladi. Bunda qo‘shimcha qabulga kirganlar 1 nafar talabani o‘qitishning haqiqiy xarajat summasini to‘lasa kifoya.

❓Bu nima degani?

Masalan, mutaxassislikka qarab, 1 nafar talabani o‘qitish xarajati taxminan 15-25 mln so‘m atrofida bo‘ladi. Lekin davlat talabalarga yengillik bo‘lsin deb, kontrakt summasini haqiqiy xarajatdan arzonroq qilib belgilaydi, qolgan zararni qoplash uchun oliygohlarga byudjetdan subsidiya beradi.

Xullas, masalan, oddiy kontraktga kirganlar 10 mln so‘m to‘lasa, qo‘shimcha kvotaga kirganlar 15 mln so‘m to‘laydi. Magistraturada bakalavrdagi super-kontraktga o‘xshab, 7 baravar yoki 15 baravar to‘lash degan narsa yo‘q;

➖ Qo‘shimcha qabulga kirgan xotin-qizlarning kontrakt puli byudjetdan qoplab berilmaydi. Birinchi kursda ham, ikkinchi kursda ham. Ular ikki yil haqiqiy xarajatni to‘laydi, ikkinchi kursga o‘tganda oddiy kontrakt to‘layman, deb o‘ylashmasin. Lekin qo‘shimcha qabulga kirganlar grant taqsimotida ishtirok etishi mumkin, agar natijasi yaxshi bo‘lsa, 2-kursda grantga o‘ta oladi;

➖ joriy yilda magistratura uchun qishki qabul rejalashtirilmagan.

@NUU_students

❗️50 foizlik grantda o‘qiydiganlar stipendiya oladimi?

50% li grant asosida o‘qiydigan talabalarga stipendiya to‘lanmaydi. Bunday grantda talaba kontrakt summasining faqat 50 foizini to‘laydi.

Agar shartnomangizni stipendiyali shaklga o‘tkazmoqchi bo‘lsangiz, kontraktning to‘lanadigan qismiga 1 yillik stipendiya miqdorini qo‘shib to‘lashingiz kerak bo‘ladi.

2026-yil sentabrdan bazaviy stipendiya — 609 548 so‘m.

12 oylik stipendiya:
609 548 × 12 = 7 314 576 so‘m

Masalan, 50% li grant bo‘yicha to‘lanadigan kontrakt summasi 3 700 000 so‘m bo‘lsa:

3 700 000 + 7 314 576 = 11 014 576 so‘m

Ya’ni stipendiyali shartnoma tanlansa, jami 11 014 576 so‘m to‘lanadi.

Muhim: 50% li grantning o‘zi stipendiya berilishini anglatmaydi. Stipendiya olish uchun shartnomaning stipendiyali shakli tanlanadi.

@NUU_students

❗️Kontraktni qachongacha to'lash kerak?

Talabalar yillik to'lov-kontrakt summasini teng ulushlarga bo'lib to'lash huquqiga ega. Unga ko‘ra:

Kamida 25% — talabalikka tavsiya etilgan abituriyentlar uchun
15-sentabrgacha.

Ikkinchi va undan yuqori bosqich talabalari uchun
1-oktabrgacha (yoki rektor/direktor uzaytirgan muddatgacha);
🔹 Kamida 50% — 1-yanvargacha;
🔹 75% — 1-martgacha;
🔹 100% — 1-maygacha (yoki rektor/direktor uzaytirgan muddatgacha).

Davlat komissiyasi tomonidan ushbu to'lov muddatlari uzaytirilishi mumkin.

Super-kontrakt (tabaqalashtirilgan to'lov): qo'shimcha yoki tabaqalashtirilgan to'lov-kontrakt asosida o'qish istagini bildirgan abituriyent belgilangan muddatlarda birinchi o'quv yili shartlarining kamida 50 foizini bajargandan so'ng, rektor (direktor) buyrug'i bilan talabalikka qabul qilinadi.

Moliyaviy mustaqillik berilgan OTMlar to'lov jadvalini mustaqil belgilashi mumkin.

@NUU_students

❗️Ertaga O’zbekiston Milliy universiteti birinchi kursga qabul qilingan talabalarni tantanali kutib oladi

O‘zbekiston Milliy universitetida 1-kursga qabul qilingan bakalavriat va magistratura (barcha ta’lim shakli) yo’nalishi talabalarini 7-sentyabr, soat 8.00da universitet hovlisida o’tkaziladigan tantanali bayram tadbiriga taklif etamiz.

Ushbu tadbirda universitet rahbariyati talabalarga tanishtiriladi. Rektor va boshqa mehmonlarning qutlov so’zlari tinglanadi. Qisqa konsert dasturi namoyish etiladi.

@NUU_students

❗️Talabalar to'lov-kontrakt olish maqsadida kontrakt.edu.uz sayti orqali onlayn ariza berayotganda "Shartnoma turini tanlash" degan band bor. Bunda yoki 2 tomonlama, yoki 3 tomonlama shartnomani tanlash so‘ralmoqda. Shu bo‘yicha izoh so‘rab, abituriyentlardan ko‘plab savollar kelib tushdi.

Bu juda oddiy.

2️⃣ Ikki tomonlama shartnoma — bu OTM va abituriyent o‘rtasida tuziladi. Boshqacha aytganda agar kontrakt yoki super-kontrakt pulini abituriyentning o‘zi yonidan to‘lamoqchi bo‘lsa, shu bandni tanlash kerak.

3️⃣ Uch tomonlama shartnoma — bu OTM, abituriyent va yana biror homiy tashkilot o‘rtasida tuziladi. Agar mabodo kontrakt yoki super-kontrakt pulini abituriyentning o‘zi emas, balki biror homiy tashkilot to‘lamoqchi bo‘lsa (balki keyinchalik o‘sha tashkilotga ishlab berish sharti bo‘lishi ham mumkin), unda uch tomonlama shartnoma degan bandni tanlash kerak. Uch tomonlama tanlanganda o‘sha homiy korxonaning (o'qiyotgan universitetning emas) STIR raqamlarini ham kiritish kerak bo‘ladi.

@NUU_students

❗️Talabalikka qabul qilingan abituriyentlar universitetga qanday hujjatlarni topshirishi kerak?

O‘zbekiston Milliy universiteti talabalari safiga qabul qilingan (o‘qishini ko‘chirib kelgan, qayta tiklaganlardan tashqari) 1-kurs (bakalavriat va magistratura) talabalari fakultet dekanatlariga quyidagi shaxsiy yig‘ma jild hujjatlarini topshirishi kerak:

Bakalavriat:
⏺️Rektor nomiga ariza
⏺️Pasport yoki ID-karta nusxasi
⏺️Diplom yoki attestat (ilovasi bilan birga) asl nusxasi
⏺️Imtiyoz asosida talabalikka tavsiya etilganlar imtiyoz beruvchi hujjatning tasdiqlangan (nogironlik to‘g‘risida ma’lumotnoma, to‘liq davlat ta’minotidagi yetim bolalar, yetim bolalar, ota-ona qaramog‘idan mahrum bo‘lgan bolalar va ko‘zi ojizlar toifasiga kiruvchi shaxslar ushbu holatni tasdiqlovchi hujjatlarni, tegishli vakolatli organlar tomonidan taqdim etilgan tavsiyanomalar va boshqa imtiyozga egaligini tasdiqlovchi hujjatlar) nusxasi
⏺️3,5x4,5 foto
⏺️Konvert A5 formatida
⏺️Akademik mobillik bo‘yicha hujjatlar (agar mavjud bo‘lsa)
⏺️Javoblar varaqasi (DTM)
⏺️Talaba shaxsiy varaqasi

Magistratura:
⏺️Rektor nomiga ariza
⏺️Pasport yoki ID-karta nusxasi
⏺️Diplom yoki attestat (ilovasi bilan birga) asl nusxasi
⏺️Imtiyoz asosida talabalikka tavsiya etilganlar imtiyoz beruvchi hujjatning tasdiqlangan nusxasi
⏺️Til bilish darajasini tasdiqlovchi sertifikat asli
⏺️3,5x4,5 foto
⏺️Konvert A5 formatida
⏺️Sinov ishlari nusxasi (agar mavjud bo‘lsa)
⏺️Javoblar varaqasi (DTM)
⏺️Talaba shaxsiy varaqasi

@NUU_students

❗️To'lov-kontrakt asosida tahsil olayotgan xotin-qizlar diqqatiga!

Vazirlar Mahkamasining 2021-yil 17-sentabrdagi 585-son qarori bilan Ijtimoiy ehtiyojmand oila vakillari, yetim yoki ota-onasining qaramog‘idan mahrum bo‘lgan talaba xotin-qizlarning oliy ta’lim olishini moddiy jihatdan qo‘llab-quvvatlash maqsadida to'lov kontraktlari mahalliy hokimliklar tomonidan qoplanishi mumkin.

📰 Ushbu masala yuzasidan quyidagi toifalarga tushuvchi xotin-qizlar 14-sentabr kuni, 16.00ga qadar fakultet tyutorlariga murojaat qilishlari lozim!

⏺Ijtimoiy reyestrga kiritilgan oilalardagi xotin-qizlar;

⏺Ijtimoiy ehtiyojmand oila vakillari, yaʼni yetim yoki ota-onasining qaramogʻidan mahrum boʻlgan talaba xotin-qizlar;

⏺Ijtimoiy ehtiyojmand oila vakillari, yaʼni boquvchisini yoʻqotgan (turmush oʻrtogʻi vafot etgan), voyaga yetmagan farzandlarni yolgʻiz tarbiyalayotgan ehtiyojmand ayollar.

@NUU_students

❗️Barcha talabalar diqqatiga (1-kurslar ham)

To‘lov shartnomasini olish uchun onlayn ariza yuborish

Buning uchun kontrakt.edu.uz tizimidan ro‘yxatdan o‘tib, ortiqcha ovoragarchiliklarsiz onlayn ariza yuboring!

Arizalar oliy ta’lim muassasasi qabul komissiyasi tomonidan tasdiqlanib, QR-kodli to‘lov-shartnomasi shakllantiriladi.

Tasdiqlangan shartnomani yuklab olib, belgilangan to‘lovlarni o‘z vaqtida amalga oshirishingiz so‘raladi.

Ma’lumot uchun, shartnoma uchun arizalarni “KONTRAKT EDU” mobil ilovasi orqali ham yuborish mumkin.

@NUU_students

❗️To‘lov-kontrakt mablag‘larini qachon to'lash kerak?

Mirzo Ulug‘bek nomidagi O‘zbekiston Milliy universitetida tahsil olayotgan hamda yangi o‘quv yilida (super-kontrakt asosida) tahsil olishni rejalashtirayotgan talabalarga to‘lov-kontrakt mablag‘larini qismlarga bo‘lib to‘lash imkoniyati mavjud.

🎓 1-bosqich talabalari uchun:
✅ 25% — 2026-yil 15-sentabrgacha
✅ 50% — 2026-yil 31-dekabrgacha
✅ 75% — 2027-yil 1-martgacha
✅ 100% — 2027-yil 1-maygacha

🎓 Yuqori bosqich talabalari uchun:
✅ 25% — 2026-yil 1-oktabrgacha
✅ 50% — 2026-yil 31-dekabrgacha
✅ 75% — 2027-yil 1-martgacha
✅ 100% — 2027-yil 1-maygacha

📌 Tabaqalashtirilgan to‘lov-kontrakt asosida tahsil olmoqchi bo‘lgan talabalar uchun:
✅ 50% — 2026-yil 1-oktabrgacha
✅ 75% — 2027-yil 1-martgacha
✅ 100% — 2027-yil 1-maygacha

@NUU_students

❗️Maqsadli qabul bo‘yicha muhim huquqiy eslatma!

Amaldagi amaliyot hamda normativ-huquqiy hujjatlarga muvofiq, maqsadli qabul (maqsadli kvota) asosida davlat granti bo‘yicha talabalikka tavsiya etilgan abituriyentlar o‘z ixtiyori bilan ushbu grantdan voz kechib, boshqa ta’lim yo‘nalishlariga tabaqalashtirilgan to‘lov-kontrakt ("super-kontrakt") rasmiylashtirishlariga yo‘l qo‘yilmaydi.

Ma’lumot uchun: Yangi 2026/2027-o‘quv yili uchun tabaqalashtirilgan to‘lov-kontrakt tartibi va doirasi Hukumat tomonidan hali rasman e’lon qilinmadi.

@NUU_students

❗️Talabalar ijara puli toʻlab beriladi

📄 Ijara huquqi asosida yashaydigan davlat oliy ta’lim muassasalarining kunduzgi ta'lim shaklida tahsil olayotgan talabalariga oylik ijara to‘lovining bir qismi O‘zbekiston Respublikasi Davlat budjeti hisobidan qoplab berilishi belgilab qo‘yilgan.

❓ Ariza berish uchun nima qilish kerak?

➡ kontrakt.edu.uz axborot tizimidan ro‘yxatdan o‘tiladi va shaxsiy kabinetga kiriladi.

➡ “Ariza yuborish” tugmasi bosiladi va ariza yuboriladi.

✍ Bunda birinchi bosqich talabalari uchun joriy o‘quv yilining sentyabr va oktyabr oylari uchun ijara shartnomasi talab etilmaydi.

✍ Ikkinchi va undan yuqori kurs talabalari uchun ijara shartnomasi (ijara.soliq.uz) bo‘lishi talab etiladi.

@NUU_students

❗️Oʻqishni koʻchirish mavzusida keyingi yil kutilayotgan oʻzgarishlar

Keyingi yildan ta'lim sohasida jumladan oʻqishni koʻchirish mavzusida bir qator oʻzgarishlar kutilmoqda. Shu sababli "Keyingi yilga oʻqishimni koʻchirib olaveraman" deb bu yil qandaydir reja qilayotgan talabalar quyidagi kutilayotgan oʻzgarishlarni inobatga olishlari tavsiya etiladi.

— Davlat oliygohlariga oʻqishni koʻchirishda oʻtish ballari koʻtarilishi;
— Chet tili va umum ta'lim fanlaridan berilgan sertifikatlarning avvalgidek maksimal ball bermasligi (abituriyentlar uchun ham);
— Tbbiyot yoʻnalishida oʻtish balining keskin koʻtarilishi;
— Tibbiyot yoʻnalishida super-kontraktga ariza berish uchun kamida 132 ball toʻplash lozimligi (abituriyentlar uchun ham)
— Xorijdan nodavlat oliygohlarga oʻqishni koʻchirish faqatgina davlat test sinovlarida asosida amalga oshirilishi;
— Nodavlat oliygohdan nodavlat oliygohga koʻchirish uzrli sabab bilan amalga oshirilishi;
— Davlat va nodavlat oliygohlar bilan bogʻliq oʻqishni koʻchirish va qayta tiklash masalalari toʻliq davlat nazoratiga oʻtkazilishi.

@NUU_students

❗️Talabalar ijara to‘lovlarini bir qismini qoplab berish bo‘yicha onlayn ariza namunasi

Ariza berish quyidagicha amalga oshiriladi:

1️⃣ kontrakt.edu.uz axborot tizimidan ro‘yxatdan o‘tiladi va shaxsiy kabinetga kiriladi;
2️⃣ shaxsiy kabinetdan “Ijara to‘lovlari” bo‘limi tanlanadi;
3️⃣ “Ariza yuborish” tugmasi bosiladi va ariza yuboriladi.

Bunda 1-bosqich talabalaridan joriy o‘quv yilining sentyabr va oktyabr oylari uchun ijara shartnomasi talab etilmaydi.

Ikkinchi va undan yuqori kurs talabalari uchun ijara shartnomasi bo‘lishi talab etiladi.

Ijara shartnomalarini hisobga qo‘yish xizmati: http://ijara.soliq.uz

@NUU_students

❗️Toshkentda ijarada turadigan talabalarga 440 ming, viloyatlardagilarga esa 220 ming so‘m to'lab beriladi!

Qonunchilikka ko‘ra, yotoqxona bilan qamrab olinmagan va o‘ziga yoki ota-onasi (qonuniy vakillari)ga tegishli bo‘lmagan uyda ijara huquqi asosida yashaydigan davlat OTMlari talabalarining oylik ijara to‘lovi bir qismini qoplab berish belgilangan.

▶️ Bunda talabgorlarga oylik ijara to‘lovining bir qismi ijara shartnomasining summasidan qat’iy nazar, quyidagi miqdorda to‘lanadi.

🔹Toshkent shahrida — BHMning bir baravari (440 ming so‘m);
🔹qolgan hududlarda — BHMning yarim baravari (220 ming so‘m).

Bitta turar joyda ikki va undan ortiq talaba ijara huquqi asosida yashagan holatlarda, ularning barchasi ijara shartnomasida qayd etilgan bo‘lishlari shart.

Talaba my.gov.uz portali orqali ushbu xizmatdan foydalanib, ariza yuborishi mumkin.

@NUU_students

❗️Tibbiyot va farmatsevtika xodimlari farzandlari uchun kontrakt toʻlovining bir qismi qoplab beriladi
 
Vazirlar Mahkamasining 2026-yil 12-iyundagi 310-son qarori bilan davlat tibbiyot muassasalarida kamida 15 yil ish stajiga ega boʻlgan tibbiyot va farmatsevtika xodimlari uchun muhim imkoniyat yaratildi.

@NUU_students

❗️Ta’lim kreditini ONLAYN rasmiylashtirish mumkin

Kontrakt asosida kunduzgi ta’lim shaklida tahsil olayotgan talabalar Xalq bankining imtiyozli Ta’lim kreditiga "xazna" ilovasi orqali onlayn ariza topshirishlari mumkin.

Kredit shartlari:

🔵 talaba xotin-qizlar uchun — 0%;
🔵 talaba yigitlar uchun — 14%;
🔵 imtiyozli davr — o‘qish davri + 6 oy;
🔵 asosiy qarz o‘qish muddati tugaganidan keyin 7-oydan boshlab 7 yil davomida qaytariladi.

Ta’lim krediti davlat, xususiy va xorijiy oliy hamda professional ta’lim tashkilotlarida, shu jumladan, qo‘shma ta’lim dasturlari bo‘yicha kunduzgi ta’lim shaklida kontrakt asosida tahsil olayotgan bakalavriat va magistratura talabalariga ajratiladi.

@NUU_students

❗️Ikkinchi va undan keyingi oliy ta’limga talabalikka tavsiya etilmagan abituriyentlar diqqatiga!
 
🇺🇿 Mirzo Ulug‘bek nomidagi O‘zbekiston Milliy universitetiga 2026/2027-o‘quv yili uchun ikkinchi va undan keyingi oliy ta’lim olish maqsadida hujjat topshirgan, biroq talabalikka tavsiya etilmagan abituriyentlarga tabaqalashtirilgan to‘lov-kontrakt (super-kontrakt) asosida tahsil olish imkoniyati berildi.
 
🎓 Talabgorlar kontrakt.edu.uz elektron platformasi orqali ariza topshirib, to‘lov-kontrakt shartnomasini rasmiylashtirishlari mumkin.
 
📰 Ikkinchi va undan keyingi oliy ta’lim uchun tabaqalashtirilgan to‘lov-kontrakt miqdori birinchi oliy ta’lim uchun belgilangan miqdorlar asosida amal qiladi.

📣 Ma'lumot uchun, “60420100-Yurisprudensiya” ta’lim yo‘nalishiga hujjat topshirgan abituriyentlar uchun super-kontrakt miqdori bazaviy to'lov-kontrakt miqdoriga nisbatan 8 barobar etib belgilangan.

@NUU_students

❗️Super-kontrakt boʻyicha tanlov qanday qilinadi?

Oʻqishga qabul qilinganlar uchun:

Agarda siz tanlagan 5 ta yoʻnalishingizdan biriga oʻqishga qabul qilingan boʻlsangiz, oʻz xoxshingizga koʻra faqatgina 1-yoʻnalishda super-kontrakt asosida oʻqishingiz mumkin.

Bunda hozirda oʻqishga tavsiya etilgan grant yoki kontraktingiz kuyadi va faqatgina 1-yoʻnalishda super-kontrakt asosida oʻqishingiz mumkin. Muhim jihati shu-ki, 1-yoʻnalishda super kontrakt asosida oʻqishingiz uchun u yoʻnalishga balingiz yetmagan boʻlishi lozim. Super kontrakt miqdori balingizdan qat'iy nazar 4 balldan koʻproq yetmay qolganlar singari hisoblanadi.

✅Oʻqishga kirolmaganlar uchun:

Agar sizda 5 ta yoʻnalishdan birortasiga ham oʻqishga kirolmagan boʻlsangiz, unda shu 5 ta yoʻnalishdan istalganiga super-kontrakt asosida oʻqishga kirish imkoningiz bor. Bunda super-kontakt miqdori yetmay qolgan balga nisbatan hisoblanadi, 4 ballik shkala amal qiladi.

Oʻqishga kirgan, lekin boshqa yoʻnalishni tanlamoqchi boʻlganlar uchun:

Siz masalan 3-yoʻnalishga oʻqishga kirdingiz, lekin balingiz 4 va 5 yoʻnalishga ham yetar ekan. Bunda siz balingiz yetgan qolgan yoʻnalishni tanlay olmaysiz. Tavsiya etilgan uchinchi yoʻnalishda oʻqishga majbursiz, na 1, 2 yoʻnalishlar, na 4,5 yoʻnalishlarda oʻqiy olasiz. Yagona imkoningiz grant yoki kontraktga kirgan boʻlsangiz faqatgina 1-yoʻnalishda super-kontrakt asosida oʻqish mumkin.

Oʻtgan yilgi tartibga koʻra, 2, 3, 4, 5-yoʻnalishlarda super-kontrakt asosida oʻqishga ruxsat berilmaydi. Bu yilgi tartib hozircha e'lon qilingani yoʻq.

@NUU_students