“Ijtimoiy ish” yo‘nalishi talabalari uchun taqdimot o‘tkazildi

🇺🇿 Mirzo Ulug‘bek nomidagi O‘zbekiston Milliy universitetida Hamjamiyatlarni mustahkamlash va ijtimoiy farovonlikni rivojlantirish markazi mutaxassislari tomonidan “Ijtimoiy ish” yo‘nalishida tahsil olayotgan bakalavriat va magistratura talabalari uchun taqdimot tashkil etildi.

📝 Taqdimotda Markaz faoliyatining asosiy yo‘nalishlari, ijtimoiy himoya tizimida qo‘llanilayotgan ilmiy asoslangan yondashuvlar hamda ularning amaliy ahamiyati haqida ma’lumot berildi.

📰 Shuningdek, ijtimoiy ish sohasida nazariy bilimlarni amaliyot bilan uyg‘unlashtirish, dalillarga asoslangan yondashuvlardan foydalanish va bo‘lajak mutaxassislarning kasbiy kompetensiyalarini rivojlantirish masalalari muhokama qilindi.

#IjtimoiyIsh #Oliytalim #Hamkorlik #OTM

📱Facebook 📱Instagram 📺YouTube 🌐 Linkedin 🕊Telegram

O‘zMU vakillari Italiyada kiberxavfsizlik ta’limini rivojlantirishga qaratilgan xalqaro tadbirda ishtirok etmoqda

🇮🇹 Joriy yilning 26–30-oktabr kunlari Italiyaning Pisa shahridagi Sant’Anna oliy tadqiqotlar maktabida Erasmus+ dasturi doirasida amalga oshirilayotgan loyiha doirasida xalqaro ilmiy-amaliy tadbir bo‘lib o‘tmoqda. Unda Mirzo Ulug‘bek nomidagi O‘zbekiston Milliy universiteti jamoasi ham ishtirok etmoqda.

🇺🇿 Tadbirda Yevropa va Markaziy Osiyodagi hamkor oliy ta’lim muassasalari, tegishli vazirliklar vakillari hamda sanoat ekspertlari ishtirokida kiberxavfsizlik sohasida mutaxassislar tayyorlash, ta’lim dasturlarini takomillashtirish va zamonaviy laboratoriyalar tashkil etish masalalari ko‘rib chiqilmoqda.

Madrid politexnika universiteti (Universidad Politécnica de Madrid — UPM), Antverpen universiteti (University of Antwerp — UAntwerp), Sant’Anna oliy tadqiqotlar maktabi (Scuola Superiore Sant’Anna — SSSA) va Buxarest milliy fan va texnologiya universiteti (National University of Science and Technology POLITEHNICA Bucharest — UNSTPB) mutaxassislari kiberxavfsizlik yo‘nalishida GLP talablari asosida ta’lim berish hamda laboratoriyalar faoliyatini tashkil etish bo‘yicha tajribalari bilan o‘rtoqlashmoqda. Shuningdek, ishlab chiqarish kompaniyalari ishtirokida kiberxavfsizlik tizimlariga oid amaliy mashg‘ulotlar o‘tkazilmoqda.

Batafsil 👉 nuu.uz

👉 На русском
👉 In English

📱Facebook 📱Instagram 📺YouTube 🌐 Linkedin 🕊Telegram

O‘zMUda “Ma’rifat ulashib” loyihasi doirasida ijodiy uchrashuv bo‘lib o‘tdi

🇺🇿 Bugun, 28-oktabr kuni Mirzo Ulug‘bek nomidagi O‘zbekiston Milliy universitetida “Ma’rifat ulashib” loyihasi doirasida taniqli shoir, adib va jurnalistlar ishtirokida ijodiy uchrashuv tashkil etildi. Tadbirni Yoshlar masalalari va ma’naviy-ma’rifiy ishlar bo’yicha birinchi prorektor Tunis Hojiyev ochib berdi.

⏺Unda O‘zbekiston Yozuvchilar uyushmasi raisi, O‘zbekiston xalq shoiri, senator Sirojiddin Sayyid, O‘zbekistonda xizmat ko‘rsatgan san’at arbobi, jurnalist Dadaxon Yoqubov, shoirlar Yahyoxon Fayoz va Shodi Otamurod, shuningdek, Jurnalistika va o‘zbek filologiyasi fakulteti dotsenti To‘lqin Eshbek ishtirok etdi.

⏺Uchrashuv davomida mehmonlar zamonaviy adabiy jarayonlar, badiiy tafakkur, milliy adabiyotning ma’naviy hayotdagi o‘rni hamda yoshlar orasida kitobxonlik madaniyatini yuksaltirish masalalari yuzasidan fikr-mulohazalarini bildirdilar.

Batafsil 👉 nuu.uz

👉 На русском
👉 In English

📱Facebook 📱Instagram 📺YouTube 🌐 Linkedin 🕊Telegram