Odiljon Tojiyev
✔
1.99K subscribers
473 photos
148 videos
383 links
Oliy Majlis Qonunchilik palatasi deputati, O’zbekiston Milliy media assotsiatsiyasi Boshqaruv raisi Odiljon Tojievning rasmiy kanali

https://taplink.cc/odiljon.tojiyev
Download Telegram
Tilning kelajagi bugun ko‘p jihatdan raqamli makonda hal bo‘lyapti

Odamlar endi so‘zning ma’nosini kitobdan emas, telefondan qidiradi. Internetda o‘zbek tilida ishonchli va qulay manba bo‘lmasa, bu bo‘shliqni boshqa tillar egallaydi.

Buni chaqiriqlar bilan o‘zgartirib bo‘lmaydi. Faqat sifatli mahsulot bilan o‘zgartirish mumkin.

Shu ma’noda kecha o‘zim taqdimotida qatnashgan “Til.uz” portalini juda to‘g‘ri qadam deb bilaman. Portalda lug‘atlar, folklor va shevalar birinchi marta bitta zamonaviy platformada jamlandi.

O‘zbekiston Milliy media assotsiatsiyasi ham bu loyihani qo‘llab-quvvatlaganlar qatorida bo‘ldi. Loyiha tashabbuskori HAYOT Foundation jamoasiga, Gross kompaniyasi va Centrum Air'ga, texnologik hamkorlar Tilmoch.ai va Tahrirchi.uz’ga minnatdorchilik bildiraman. Loyihaning bir qismi bo‘lganimizdan xursandmiz.

Endigi vazifa shu imkoniyatni tahririyatlarimizning kundalik ishiga olib kirish. Assotsiatsiya bu borada a’zolarimiz bilan birga ishlashga tayyor.

Odiljon Tojiyev
🔥26👍20❤4👏1
Qonun tilini bilasizmi?

“Deputatlar nima deydi?” Telegram kanali bayram munosabati bilan qisqa test tayyorlabdi.

Testdagi so‘zlarning bir qismi parlament va qonunchilik atamalari, bir qismi esa kundalik hayotda ishlatiladigan, o‘zbekcha muqobili bor so‘zlar.

Javobdan keyin so‘zning ma’nosi va qaysi tildan kelib chiqqani ko‘rsatiladi. Test oxirida esa natijangizga qarab unvon ham olar ekansiz.

Bilimingizni tekshirib ko‘rishni tavsiya qilaman👇
Testni boshlash


Odiljon Tojiyev
👍12🔥9👏5❤2
Bugun - 21-oktyabr, O‘zbek tili bayrami kuni. 1989-yilning shu kunida o‘zbek tiliga davlat tili maqomi berilgan edi.

Bu qaror o‘z davrida katta jasorat talab qilgan, uning ortida fidoyi ziyolilarimizning yillar davomidagi kurashlari turibdi.

Har bir xalq dunyoni o‘z tili orqali ko‘radi va anglaydi.

“Ko‘ngil”, “uyat”, “bag‘rikenglik” kabi so‘zlarimizni boshqa tilga to‘liq tarjima qilish qiyin. Chunki ularda xalqimizning ming yillik hayot tajribasi, qadriyatlari va fe’l-atvori bor.

Tilni yo‘qotgan xalq o‘z xotirasidan ham mahrum bo‘ladi. Ajdodlarimiz asrlar osha asrab kelgan bu merosni bekam-u ko‘st kelajak avlodga yetkazish bugun bizning zimmamizda.

Barchangizni O‘zbek tili bayrami bilan chin qalbdan tabriklayman!

Odiljon Tojiyev
❤10👍7👏7🤩2🔥1
Raqamlar va g’oyalar

Pekin safari yakunlandi. Endi navbat bo‘lib o‘tgan ishlarni tahlil qilishga.

Har qanday islohotni ikki narsa orqali baholash mumkin: natijasi va uni harakatga keltirgan g‘oya. Raqamlar taraqqiyot natijalarini ko‘rsatadi, g‘oyalar esa uning yo‘nalishini belgilaydi.

Pekinda Prezidentimizning “O‘zbekiston: barqaror taraqqiyot va farovonlik yo‘lida” kitobining xitoy tilidagi nashri taqdimotida xitoylik hamkasblarimiz oldida aynan shu fikrni ilgari surdim.

Davlatimizning natijalarini hamma biladi. O’tgan yili iqtisodiyot 7,7 foiz o’sdi, yalpi ichki mahsulot 147 milliard dollardan oshdi. Kambag’allik 8,9 foizdan 5,8 foizga tushdi, birgina 2025-yilda 1 435 ta mahalla kambag’allikdan xoli bo’ldi.

Lekin chetdan kuzatayotgan odamga raqamning o’zi ko’p narsa aytmaydi. U o’sish qayerga yo’naltirilganini va qarorlar qanday mantiq bilan qabul qilinganini bilmoqchi bo’ladi. Statistikada bu savolga javob yo'q.

Bu mantiq kitobdagi “inson - jamiyat - davlat” tamoyilida aniq ko’rinadi. Bu tartib 2023-yilgi Konstitutsiyaga asos qilib olingan. “Tashabbusli byudjet” esa shu tamoyilning amaldagi ko’rinishi: byudjetdan qaysi yo’l yoki maktab ta’mirlanishini odamlarning o’zi ovoz berib hal qiladi.

Mamlakatni raqamlar orqali bilish mumkin, uni tushunish uchun esa g’oyalarini o’qish kerak. Xitoylik o’quvchi endi bu imkonga ega.

Odiljon Tojiyev
🔥19👍13👏12❤8🤔1
Media uchun eng katta kapital bu auditoriya ishonchi

Milliy mass-mediani qo‘llab-quvvatlash va rivojlantirish jamoat fondi, Yevropa Ittifoqining O‘zbekistondagi Delegatsiyasi hamda Prezident Administratsiyasi huzuridagi Ommaviy axborot vositalari uchun kontent tayyorlash markazi tashabbusi bilan “O‘zbekistonda media iste’moli bo‘yicha milliy tadqiqot” o‘tkazildi.

So‘rovni “Ijtimoiy fikr” jamoatchilik fikrini o‘rganish respublika markazi 8–19 sentabr kunlari barcha 14 hududda 1 411 kishi ishtirokida o‘tkazdi. Juda muhim mavzu.

Natijalarga ko‘ra, yangilik olishda Telegram yetakchilik qilmoqda. Ko‘pchilik bir nechta manbadan foydalanadi: respondentlarning 51,6 foizi yangilikni Telegramdan, 44,6 foizi televideniyedan, 41,6 foizi ijtimoiy tarmoqlardan oladi.

Ammo raqamlar tahlilida ahamiyatli jihat bor. Televideniyega respondentlarning 44,3 foizi ishonadi, Telegram-kanallarga esa 11,3 foizi. Ya’ni raqamli platformalar rivojlanayotganiga qaramay, televideniyega ishonch yuqori.

Auditoriya afzal ko‘radigan telekanallar qatorida Milliy TV va O‘zbekiston 24 bilan birga assotsiatsiyamiz a’zolari Zo‘r TV va Sevimli TV ham bor. Demak, xususiy media ham katta auditoriya uchun raqobatlasha oladi.

Ko‘p o‘qilish hali ishonch degani emas. Bu farq har bir tahririyat uchun o‘ylab ko‘rishga arziydigan savol.

Odiljon Tojiyev
👍21🔥14👏9❤2😁1
Odiljon Tojiyev
Media uchun eng katta kapital bu auditoriya ishonchi Milliy mass-mediani qo‘llab-quvvatlash va rivojlantirish jamoat fondi, Yevropa Ittifoqining O‘zbekistondagi Delegatsiyasi hamda Prezident Administratsiyasi huzuridagi Ommaviy axborot vositalari uchun kontent…
Auditoriya nimani kutyapti?

Media iste’moli bo‘yicha milliy tadqiqot odamlar mediadan nimani kutayotganini ham ko‘rsatdi.

Respondentlarning 46,6 foizi soxta axborot tarqalishini dolzarb muammo deb biladi, 27,6 foizi chuqurroq tahlil kutadi, 40,6 foizi kundalik muammolar haqida axborot yetishmasligini aytadi.

Odamlar ko‘proq xabar emas, tekshirilgan va o‘ziga kerakli ma’lumot kutyapti. Shuning uchun xolis axborotning manbadan o‘chirilishiga, muallifga bosim o‘tkazilishiga qat’iy qarshi turishimiz kerak.

Tadqiqot 14 hududni qamrab olgani yana bir narsani ko‘rsatadi: media iste’molini faqat Toshkent mezonlari bilan baholab bo‘lmaydi. Hududlardagi auditoriyaning o‘z talabi va o‘z savollari bor.

Milliy media assotsiatsiyasining vazifasi ham shundan kelib chiqadi: media makondagi barcha ishtirokchilarning huquqlarini himoya qilish, a’zolarimizning raqamli transformatsiyasini qo‘llab-quvvatlash, hududiy medianing salohiyatini oshirish, tahliliy jurnalistikani rivojlantirish.

Shov-shuvli sarlavha auditoriyani bir marta jalb qilishi mumkin, uni ushlab qolish uchun esa ishonch kerak. Media kelajagini ana shu ishonch belgilaydi.

Odiljon Tojiyev
👍10🔥6👏4😁2
Ekologiya faqat mutaxassislarning mavzusi emas

Bolaligimizda kattalar ariqdagi suvni bekorga oqizmaslikni, hovliga daraxt ekishni o‘rgatishardi. Ular buni “ekologiya” demasdan, shunchaki odob, madaniyat, hayot qoidasi deb bilishardi.

Bugun bu mavzu murakkab atamalar bilan aytiladi: iqlim o‘zgarishi, suv resurslarini boshqarish. Mohiyati esa o‘sha-o‘sha: farzandlarimizga qanday tabiat qoldiramiz?

Shu haqda bugun BMT Taraqqiyot dasturi(UNDP)ning O‘zbekistondagi doimiy vakili Akiko Fujii xonim bilan suhbatlashdik. UNDP bilan imzolagan memorandumimizni qanday qilib aniq ishga aylantirish mumkinligini gaplashdik.

Fikrlarimiz uchta g‘oya atrofida jamlandi: “Yashil loyihalar” uchun media paketi, iqlim, suv va ekologiyaga bag‘ishlangan hujjatli filmlar va reportajlar, ekologik jurnalistika tanlovi.

Nega aynan media? Mutaxassis o‘z sohasini o‘rganadi, muammo bor bo‘lsa uni aniqlaydi, jurnalist esa shu narsani odamlarga tushuntiradi. Hisobotdagi raqamni oddiy oilaning hayotiga bog‘lab beradigan kishi ham jurnalist.

G‘oyalarni aniq loyihalarga aylantirishga kelishib oldik.

Odiljon Tojiyev
❤8👍8👏5🔥1
🇺🇿
Uzoq yillar davomida Davlat bayroğini asosan rasmiy binolarda körardik.

2023-yilda qonunga kiritilgan özgartirişlar bilan har bir fuqaro bayroqni uyiga osib qöyişi va undan kundalik hayotda hurmat bilan foydalanişi mumkin böldi.

Davlat öz ramzini fuqarosiga işonib topşirdi. Bayroqni öz uyiga osgan odam unga çetdan qaramaydi, özinikidek asraydi. Vatanparvarlik ana şunday kiçik odatlardan boşlanadi.

Bugun Davlat bayroğimiz qabul qilinganiga 35 yil töldi. Barçamizga bu kun muborak bölsin!

Odiljon Tojiyev
🔥16❤13👏11👍10🤔1
Dunyo bizni qaysi tilda o‘qiydi?

Bugun Toshkentdagi Webster universitetida bo‘ldik va hamkorlik memorandumini imzoladik.

Mamlakatimizda o‘zgarishlar tez kechyapti, islohotlar jadallashyapti. Ularni dunyoga birinchi qo‘ldan, sifatli va ishonarli yetkaza oladigan yosh jurnalistlar kerak. Dunyo esa bizni ko‘pincha ingliz tilida o‘qiydi.

Webster universiteti bilan aynan shu yo‘nalishda ishlashga kelishdik: yosh jurnalistlar uchun qo‘shma loyihalar, qisqa muddatli o‘quv kurslari va dasturlar.

Maqsad ularga zamonaviy jurnalistika yo‘nalishlarini, ayniqsa ingliz tilidagi jurnalistikani o‘rgatish. Chunki kadr tayyorlashda ta’lim va amaliyot bir-biriga yaqinlashganda natija yaxshi chiqadi.

O‘zbekiston haqidagi xabarni dunyoga xolis va birinchi qo‘ldan yetkazish o‘zimizga bog‘liq. Buning uchun bu ishni puxta biladigan jurnalistlar safini kengaytirishimiz kerak.

Odiljon Tojiyev
👍15🔥12❤8👏6🤔1
👍 ÖZMMA - GTA 6 TALQINIDA!

Instagram | Facebook | Linkedin | You tube | X
Please open Telegram to view this post
VIEW IN TELEGRAM
🔥16😁12🤩5❤2👍2👏2