Яна бир провакация емай қолди.

Сергей Безруков ўзбекларни ҳақоратлади деб бу гапни кўтариб югурмаган фаол қолмади, дод-вой қилиб иштонини йиртишгача боришди ва бу ҳам мана пропаганда бўлиб чиқди.

Сергей Безруков ўзбекларни масхара қилмаганини айтди

"Бригада" сериалидаги "Саша Белий" образи билан танилган Сергей Безруков матбуот анжуманидаги интервьюсида Ўзбекистонга келгани ҳақида гапирар экан, ўзбекистонликларнинг нутқини тақлид қилиб кўрсатгани кенг муҳокамаларга сабаб бўлди. Унинг бу тақлиди кўпчилик томонидан, хусусан журналист Шерзодхон Қудратхўжа тарафидан ҳам масхара сифатида қабул қилиниб, ҳурматсизлик деб баҳоланганди. Шундан кейин Безруков ўз Инстаграм саҳифасида бу иддаоларни рад этди. У буларнинг барчасини провокация деб атаб, Ўзбекистон маданияти ва меҳмондўстлигига чуқур ҳурмат билан қарашини таъкидлади.

"Мени Ўзбекистонда яхши кўришларини биламан ва мен ҳам уларни шундай яхши кўраман", - деди актёр.

Сезяпсизларми Ўзбекистонда русофобия кучайиб кетди, ҳатто катта курсида ўтирган баъзи валломатлардан тортиб жамоатчилик фаоллари ҳам Россия-Ўзбекистон муносабатларини бузиш, икки давлат орасига совуқчилик солиш ҳаракатига тушгандек назаримда.

Миллатни ҳақорат қилдириб, жим юринглар демайман, лекин Украиналик бир ифлос бутун ўзбекларни молга тенглаганда уни ҳам рус деб дод-вой қилгандинглар, кейин у украиналик бўлиб чиқди лекин миқ этиб гапиролмадинглар.

Буйруқни ғарбдаги қайси кураторингиз бераётганини билмайман аммо ўша куратор тез-тез "ФАСС" деб суяк отиб баъзиларингизни пропаганда овозида вовуллатиб югуртираётгани сезилиб қоляпти.
Мақсад икки давлат орасига совуқчилик солишми?

Биз босқинчи давлатни қўллаб-қувватламаймиз деган баҳона кетмайди, масалан АҚШ ҳам босқинчи. Лекин Ўзбекистоннинг сиёсий даражадаги ўрни давлатларни уруш-уруш ўйинига қараб баҳолаш эмас, иқтисодий фойда келтирадиган давлатлар билан алоқаларни максимум ушлаб туриш.

Ўзбекистон бу йўлда яхши кетмоқда, биз сиёсий майдонда Украина-Россия, Фаластин-Исроил, АҚШ-Хитой ва қолган барча қарама-қарши давлат билан илиқ муносабатлардамиз. Шундай экан, фақат русларникидан кир қидириш яхши эмас, агар ҳамма бизни гапираётган давлатларга бир хил стандартда ёндашганларингда ҳам буни холислик деса бўларди, лекин баъзиларинг фақат русларни айбини излаётганларинга қараганда буюртмага ишлаётганларинг сезилиб қоляпти...

Ҳамкорлик ва дўстона алоқаларга шикаст етмасин, биз ҳеч ким билан совуқчилик кайфиятидаги сиёсатни юргизмаймиз.

🇺🇿@Otabek