Bojxona institutida zamonaviy ta’limga bag‘ishlangan binar mashg‘ulot tashkil etildi

Bojxona instituti hamda Oriental universiteti oʻrtasida imzolangan oʻzaro hamkorlik memorandumi doirasida ilmiy-amaliy hamkorlik izchil davom etmoqda.

Joriy yilning 20-may kuni Bojxona institutida yosh oʻqituvchilar uchun Oriental universiteti professorlari K.Nasirov va F.Egamberdieva tomonidan “Zamonaviy taʼlimdagi kompetensiya, transformatsiya va integratsiya masalalarining mazmun-mohiyati” mavzusida binar dars mashgʻuloti oʻtkazildi.

Mashgʻulot davomida zamonaviy taʼlim tizimida kompetensiyaviy yondashuvning oʻrni, taʼlim jarayonlaridagi transformatsion oʻzgarishlar hamda integratsion mexanizmlarning dolzarb jihatlari yuzasidan atroflicha fikr almashildi. Ishtirokchilarga mavzu doirasida nazariy va amaliy tavsiyalar berildi.

Mazkur binar mashgʻulot ikki oliy taʼlim muassasasi oʻrtasidagi ilmiy-pedagogik hamkorlikni yanada mustahkamlash, yosh pedagoglarning kasbiy salohiyatini oshirish hamda zamonaviy taʼlim yondashuvlarini amaliyotga samarali joriy etishga xizmat qilmoqda.

Bojxona instituti axborot xizmati